金鳳大餐廳 (山林道)

營業中

休息中

今次呢一間店係幾特別，懷舊加modern 感覺。 佢有好多焗飯餐同扒餐。 同時又有炒飯炒河。 選擇多而家份餐大大份。 份糧足，好啱反工同大隻仔女食呢。 最重要冰凍飲品又唔加錢。餐廳環境有空間，spacing 足夠，紅色灰色既裝修加上靚靚既燈。 仲有就係員工親切有禮。 招呼效率高同落餐快。價錢合理。食個牛扒，豬扒餐都係二百幾炸貴族牛扒同安格斯都有。炒飯炒粉味濃鍋味夠，真心正呀，讚！去開尖沙咀，不妨去try try. 近松山道。 渣車泊車都可以。

前日放工後, 約左朋友去尖沙咀食飯。我哋去左金鳳鋸扒，餐廳裝修懷舊，好有氣氛, 佢主打港式鐵板餐，每個餐都包牛油餐包，餐湯和飲品。餐包夠熱, 入口鬆軟。羅宋湯, 入面有紅蘿蔔, 洋蔥和椰菜等材料, 味道微辣開胃。我哋揀左鐵板頂級牛扒, 肉質厚實, 完全唔會靱, 配上黑椒汁, 牛肉味濃, 加埋蒜蓉, 十分惹味。招牌牛柳餐, 份量好多, 有兩大塊, 叫左5成熟，入口十分軟淋, 肉質嫩滑多汁, 伴碟還有翠玉瓜, 胡蘿蔔和薯條。下次可以再試其他扒餐。

又係由細食到大，每一次想鋸扒，第一間喺腦海諗到嘅自自然然就係金鳳，所以真係每幾個月都要同朋友嚟食一次。一如以往，今次都係點咗雜扒，加埋蒜蓉同埋大量蒜蓉汁，配佢個茄汁意粉，眨吓真係好抵食，大大份裏面有雞翼有牛扒有豬扒有腸仔，加錢要買蒜蓉令到成個扒更加好食。每次跟餐我一定叫羅宋湯，佢呢度個羅宋湯算係幾濃幾入味，加埋個餐包就已經飽咗三份一。但佢個茄汁意粉，一定都要叫係一個畫龍點睛，背住啲雜扒一路食，一路細細個啲回憶湧晒出嚟⋯但係咁多間金鳳唔知點解都係覺得山林道呢間最好食⋯

🥩**美國牛肩-貴族牛扒（三成熟）（鐵板上）** 牛扒三成熟啱啱好！切開粉嫩多汁，鐵板上枱「滋滋」聲，香氣撲鼻，肉質軟嫩帶焦香，點埋黑椒汁/蒜蓉汁簡直無得輸！ 美國牛肩肉味道濃郁且帶有豐富的牛肉香氣，肉質相對結實，脂肪分布均勻，烹調後口感多汁且帶有嚼勁。由於牛肩部位運動量較多，肉質纖維較粗，因此適合慢煮、燉煮或燒烤等烹調方式，能讓肉質變得軟嫩，同時釋放出濃厚的肉香。牛肩肉帶有適量的油花，烹調時油脂融化，適合喜歡濃郁牛肉味的我。🍝**乾炒牛肉意粉** 鑊氣十足！牛肉嫩滑，意粉炒到乾身唔油膩，仲有啲焦香邊，食落好有口感，份量十足！ 🥣**是日忌廉湯** 濃滑creamy，飲落暖笠笠，仲有啲蔬菜粒增加口感，餐前飲一流！ 🍹**檸檬茶（凍）（少甜少冰）** 茶底濃郁唔澀，檸檬清新，少甜少冰啱啱好，解膩又清爽！ 📍人均$200，牛扒質素高，鐵板體驗正，性價比唔錯！ #貴族牛扒 #鐵板熱辣辣 #乾炒意粉鑊氣足 #港女食評

今晚來到佐敦的金鳳大餐廳，這間屹立超過 50 年的老牌扒房，店內懷舊的裝修風格，讓人瞬間回到童年與家人共度節日的美好時光。  前菜方面，羅宋湯與忌廉湯同樣出色，羅宋湯酸中帶辣，濃郁惹味，令人胃口大開；忌廉湯則香滑濃稠，能有效平衡肉類的油膩感。搭配鬆軟的餐包，無疑是最佳開場。  主菜方面，點了兩客七成熟的招牌牛柳，火候掌控得宜，外層微脆，內裡保持嫩滑且肉汁豐富，牛肉味濃厚且層次分明。配上店家招牌蒜蓉汁，蒜香與牛肉的鮮甜互相交織，提升整體風味，令人回味無窮。  飲品方面，點了兩杯凍檸茶，清新解膩，為整頓豐盛的扒房盛宴劃上完美句號。  整體而言，金鳳大餐廳無論是食物質素、懷舊氛圍，還是價錢，都展現出極高的 CP 值，絕對值得回訪！

鐵板界之星🌟金鳯超巨型抵食牛扒🥩▶️西冷牛扒餐 $148 (包湯、牛油餐包、餐飲)+$2 蒜蓉‼️‼️‼️must+$15 黑牛飲品一上枱真係十分巨型！一個女仔食唔晒🥹叫五成熟真係會粉嫩色，鐵板上都唔會過熟🩷今次揀咗蒜蓉汁，加埋Extra嘅蒜蓉真係好香😍重點係塊牛肉一啲都唔韌😭🉐🉐🉐好容易咬開，亦都keep到牛味🥩大概都有兩個手掌咁大😎估計都有 60+ protein😎而且西冷比起肉眼更低脂，不過再低脂啲可以揀牛柳 (also $148)！▶️王牌焗豬扒飯 $82好多芝士🧀炒飯底都炒到粒粒分明🙂‍↕️配埋酸甜嘅蕃茄醬，仲有幾舊菠蘿😍豬扒都好大塊，有1.5手掌大，一啲都唔韌！份量一個女仔都係食唔晒🤣整體酸甜開胃，又有芝士鹹香✨不過係脂肪炸彈注意⚠️📍金鳳大餐廳 尖沙咀山林道9A號地舖(好多分店，記住唔係金鳳茶餐廳！)#金鳳 #尖沙咀 #鐵板扒餐 #鐵板牛排 #焗豬扒飯

晏晝咁啱路經尖沙咀，突然間心掛掛想食個飯，於是行咗去好耐冇去過金鳳坐低，姨姨們有禮貌帶入座，笑容滿面，令到我都頓然心情愉快！以往通常係喺度鋸扒，今日突然間想暖吓個肚，所以最後點咗個金鳳雞扒飯好味嘅係啱啱上嘅熱辣辣羅宋湯+浸餐包食之後就食金牌雞扒飯，份量十足，同埋佢個雞扒醃得好味，飯量比較多，為食嘅我都食唔曬再配合埋少少懷舊嘅環境氣氛，覺得今日呢餐飯嘅Me Time好寫意，～整體嚟講，係一個溫暖嘅午餐

港式鐵板牛可能因為醃製時間過長，導致牛肉本身的風味被掩蓋。再加上醬汁過於濃郁，反而失去了原本的香氣和平衡。黑椒汁牛柳的份量相當大，但肉質過於有咬口，略顯韌性。黑椒汁的味道較為濃郁，讓人一開始感覺不錯，但缺乏真正的牛肉香味，這可能是肉質問題或者醬汁過於強烈所致。相比之下，黑椒汁牛小排的肉質較為嫩滑，更加容易咀嚼。然而，整體的牛肉香味依然不足，缺少那種濃郁的肉香味道。凍奶茶及凍檸茶味道明顯不及茶餐廳沖泡的水準。凍奶茶缺乏應有的茶味，而凍檸檬茶的檸檬味也不夠突出。最欣賞則是羅宋湯，夠濃味及有少許辣味，希望好好保持水準。

今日元宵佳節，老公同我去鋸扒，亳不猶豫就諗到拍拖時經常去既金鳳，因為我最愛倒下醬汁時既咋咋聲，同埋有我哋最鍾意坐既卡位。餐牌有多款鐵板餐提供，每份有齊牛油餐包、餐湯、主菜、飲品。餐湯：羅宋湯加左好多唔同種類既蔬菜，酸中帶辣，惹味開胃；忌廉湯濃稠度適中，配上鬆軟既餐包，最佳配搭。蘇格蘭牛扒餐：牛扒叫左七成熟，煎得恰到好處，牛肉味濃，肉質軟嫩好少筋，黑椒汁香辣惹味。鴛鴦扒餐(豬扒+雞扒)：豬扒厚度適中，軟腍不死實；雞扒煎得香口，肉嫩無比，蒜蓉汁濃郁滋味。每份扒餐都係跟薯菜，我哋加左錢要一碟意粉，因為呢度既意粉煮得口感彈牙，仲掛滿茄汁。總結，金鳳鐵板餐一如既往，份量十足，定價親民，而且服務殷勤，所以係我哋鋸扒既必然首選。

金鳳大餐廳係香港有好多分店，之前食過太子同荔枝角，都是食扒餐，今次lunch 去試下個lunch set。價錢好抵, 60左右有齊湯, 餐包, 凍飲唔加錢已經係香港都好難得。午餐有肉有飯選擇不少, 價錢都是50-80, 排類叫薯菜，有薯條同沙律都好食，餐湯多菜都唔錯食物味道唔錯, 不過可能因為午市客人有啲多, 爆場要排隊同出餐有小小耐, 如果lunch好急趕的可能冇咁啱食。

下班後和朋友相約佐敦，特意來試試金鳳大餐廳，這家1969年創立的老字號港式扒房。聽說這裡的鐵板扒餐是經典之作，而且價格親民，感覺很適合平日小聚✨🔥美國頂級西冷鐵板扒餐牛扒上桌時，鐵板的滋滋聲和香氣立刻抓住了我們的注意力😍西冷牛扒煎得恰到好處，外焦內嫩，配上濃郁的燒汁和酥脆的薯餅，真的是一份扎實滿足的港式鐵板餐。搭配的餐包和羅送湯，雖然是標準配備，但湯底的酸甜口味特別開胃，是港式經典的好味道🌝🍝 卡邦尼帶子意粉這道意粉稍微偏向港式風味，奶油醬的濃度比傳統的卡邦尼略稀，但帶子煎得算鮮嫩。雖然味道不算驚艷，但配餐選項多樣化，能滿足不同口味需求🥰

笫一次吃金鳯，雖然之前想吃，但係都在排隊，所以今天路過山林道，正好不用排隊，就和太太就進去吃金鳳鐵板牛扒了。了結了香港人的老店情懷！果然是老店，裝修也不用多說了，牆上面都充滿着歴史的餸汁，好彩不见到’小強‘。但是洗手間一定不會去。叫了午餐的鐵板牛扒，$128 ，咖哩牛腩意粉，$68，包餐湯，餐包和冷熱飲品。咖哩牛腩分量十足，意粉也很巨大，餐飲也很大杯。CP 值比較高，份量比大家樂大1/3。可惜味道比大家樂差很多。是一個沒有咖哩味的咖哩牛腩。另外一個鐵板牛扒，份量應該是250 grams, 跟一些菜和淋曬的薯條。上菜時服務員老是叫住，用紙巾擋住！味道方面，是傳統的味道，不差也不是很好，填飽個肚的份量。講真沒有加一，兩位午餐，不用$200，仲想點！試了一次，相信下次再幫襯的理由已經沒有了。因為已經完成了港人的心願，事實上市面有很多比金鳳好吃的港式鐵板牛扒餐廳，更何況有很多國際水平的扒房。不要老是care CP 值，人一世，物一世，自己提升一下，食好D的牛扒

聖誕節就係想食大餐嘅心情，而其中一樣就當然係鋸扒。而講起鋸扒首先都會諗起金鳳大餐廳，所以今晚就去鋸扒順便行去海傍睇燈飾。每份扒餐都跟餐湯、包同埋野飲。餐湯有分紅同埋白湯，兩款都揀咗白湯，味道好濃厚，仲有細細粒嘅椰菜花唔止顏色上好夾，仲煮到入晒味好正特別推薦嘅食法係，將餐包嘅牛油加小小落去，會更加濃郁每月精選會有兩款扒餐，都係鐵板上，仲多咗前菜沙津同甜品今日A餐係本來已經想食嘅帶子牛柳，另一個餐就叫咗美式雜扒餐鐵板到嘅時候職員會貼心咁提大家拎定餐紙，如果電話放係枱都會提你拎開先之後就會淋汁，有黑椒同蒜蓉汁鋸扒最正就係望住熱焫焫嘅鐵板上面淋上醬汁果陣滋滋聲，再加埋伴隨著嘅香氣未食已經係一場視覺、聽覺同埋味覺嘅多重盛宴。黑椒汁味道比較濃，淋面嘅時候香味成間餐廳都聞得到牛柳可以揀幾成熟，鐵板係超夠熱所以上枱果陣會將牛柳再整熟啲食落夠嫩滑有牛味帶子都大大粒好厚肉加埋黑椒汁超惹味啊美式雜扒可以一次過滿足晒唔同願望，有豬扒、牛扒、雞翼、香腸、火腿每樣都夠大份仲好好食特別係雞翼預先炸過餐飲都加咗特飲除咗黑牛之外居然仲有金牛同埋紅牛依啲未見過嘅特色飲品當然要試下﹗金牛係芒果雪糕加忌廉，而紅牛係士多啤梨雪

🍴羅宋湯 餐包幾足料，多蔬菜，酸酸哋，ok的！有叮過嘅餐包甜甜哋，係真牛油🧈🍴蘇格蘭牛扒 $148 另收加一 (7.5/10)即係肉眼，有筯，食落算軟腍，冇乜肉味，似用鬆肉粉醃左，下面有薯條翠肉瓜，都算飽肚！🍴凍檸茶正常大杯！推薦指數: 7/10間唔中食下幾唔錯的！不過食完勁多胃氣，唔知關唔關太油事🤣🤣

鐵板大蝦：蝦肉口感唔錯，其中一隻有蝦膏。波浪薯條沾滿曬蒜蓉汁好好味。脆肉瓜好 fresh。鐵板牛柳帶子帶子 口感鮮嫩，牛柳口感軟腍。黑椒汁冇以前咁辣。餐包：依舊味道同口感，正鹹檸七（走冰）：唔錯除左有黑牛、白牛之外，仲有紅牛（利賓納+雪糕），仲有一個唔知乜牛🤔PS：7pm 前都滿座有特價，好似係雜扒 7折。