金鳳大餐廳 (山林道)

記得小學時候，就已經在太子的金鳳餐廳食牛扒，當年是慶祝或者節日才會去鋸扒。而家成年，就不需要慶祝才會去食牛扒，今日來到山林道，見到金鳳餐廳，即時勾起童年回憶。一入去已經見到當年牛扒叔叔的威水史。餐牌還更新了，註明牛的各部份， 十分細緻。當然少不了有經典的牛柳扒，蘇格蘭扒，肉眼扒 等還有龍蝦牛柳餐 ，特選晚餐等。多了很多不同的小食，價錢也不貴。一直非常喜歡這間餐廳的羅宋湯，口味濃郁，還有很多不同的蔬菜。晚餐A-帶子西冷牛扒（五成熟） $190識食一定要加蒜茸 （+＄2）西冷牛扒很多筋，肉質柔嫩，但牛肉味道很淡。帶子非常大粒，但有鹼水味。招牌牛柳餐（七成熟）$154牛柳很驚喜，肉質嫩滑，牛肉味道濃郁。晚餐：跟餐送了一個雪糕。感覺還是不錯的，雖然價錢和以前相差了很多倍，但牛扒的味道還是記憶中一樣，特別是黑椒汁，黑椒味道非常濃郁。但下次一定會選擇招牌牛柳餐或者蘇格蘭牛扒🥩…查看更多

鋸扒！鋸扒！好耐冇鋸扒啦🥩！今次我地去咗尖沙咀嘅金鳳大餐廳！一開始係路過就俾呢間餐廳嘅懷舊風格吸引，行到入去發現即使唔係lunch時間都非常之熱鬧！另外，佢地店員都非常nice，倒汁嘅時候會好貼心咁拎紙巾比客人擋住！今次食得好滿足呀！一齊睇下我地食咗啲咩啦！🍞餐包+牛油- 餐包松軟，上臺嘅時候係溫熱嘅，再搽埋牛油，香氣瞬間散發出黎！🍲羅宋湯- 酸酸甜甜，清爽可口，用黎開胃就最啱啦！🥣忌廉湯- 濃郁順滑，有微微嘅香草味，非常暖胃！🍛金鳳皇牌焗豬扒飯餐 $118(加一前價錢)- 賣相吸引，豬扒外脆內嫩，肉質鮮嫩多汁！🥩招牌牛柳餐 $152 (加一前價錢)- 牛柳叫做七成熟，口感嫩滑，完全冇牛筋，入口即溶嘅感覺，再配買黑椒汁，簡直無得彈！🍓紅牛(士多啤梨雪糕+利賓納) $18,正價$35 設加一服務費🥭金牛(芒果雪糕+忌廉) $18,正價$35 設加一服務費- 兩款飲料味道清新，唔會有甜膩感，氣泡飲加雪糕非常特別，而且顏色夢幻，一望落就好有食慾！呢間餐廳簡直就係平民扒房，味道絕對唔輸其他餐廳！而且餐廳歷史夠曬悠久，係信心嘅保證!👍鐘意鋸扒嘅朋友快啲黎試下啦！…查看更多

同朋友喺尖沙咀搵食，行過山林道呢間老牌金鳳餐廳，試咗佢哋$188嘅每月精選晚餐，果然冇令人失望！▪️牛油餐包一上枱就知贏晒！焗到外脆內軟，牛油香撲鼻，蘸埋熱辣辣嘅羅宋湯飲，湯底仲有滿滿牛肉粒同蔬菜，傳統風味十足▪️蒜蓉汁帶子西冷牛扒絕對係戲肉！侍應推住餐車即場喺鐵板淋汁，「滋滋聲」伴隨蒜香暴擊，儀式感滿分！西冷叫咗七成熟，切開仲保持粉嫩，配埋煎到金黃嘅帶子，性價比超高大蝦凱撒沙律：朋友話要減肥，揀個大蝦沙律岩哂，比前菜沙律大份好多，用料新鮮，如果蝦嘅份量再多d就好▪️芝士焗蠔，蠔肉飽滿唔腥▪️上菜速度快，落單15分鐘內主菜就到，啱晒趕時間嘅打工仔▪️胡麻沙律菜份量偏細，醬汁可以再濃郁啲▪️朱古力雪糕不過不失總結： $188有找享受鐵板儀式感＋完整套餐，個牛油餐包同淋汁場面絕對值得encore，係尖沙咀難得嘅懷舊高性價比之選！…查看更多

今晚試咗金鳳嘅美式雜扒餐，份量超大，滿足肉控！🥩 招牌牛柳餐 牛柳嫩滑多汁，七成熟煎得恰到好處，配黑椒汁香氣十足，份量大滿足。 🥩 美式雜扒餐包含：一大塊豬扒，細牛扒，雞翼，香腸，火腿，翠玉瓜同薯條。熱辣辣配埋我揀嘅蒜蓉汁，好香又惹味，醬汁完美襯托肉類風味。🍲 配埋招牌羅宋湯同忌廉湯，味道濃郁豐富，暖胃滿足。配餐嘅牛油餐包質地鬆軟香濃，完美為扒餐劃上句號。環境寬敞舒適，服務親切快速，係尖沙咀必試港式扒房之一！…查看更多

今次係下午茶時間過嚟，餐廳有位唔洗等。見到其他人都係食下午茶，但係我哋兩個人都係想鋸扒。我哋見餐牌鐵板餐有特價，唔使諗就叫咗牛柳。牛柳叫咗五成熟，嚟到肉仲係粉嫩嘅顏色。其中一份加咗生蒜，叫埋凍檸茶。牛柳好似細咗少少，有好多瓜墊底。跟餐有麵包羅宋湯，麵包嘅牛油唔小心跌咗上枱面叫佢俾個另外一包都冇問題。羅宋湯好多菜，飲完都已經飽咗一半。開始食主菜啲瓜我就一般般唔係太鍾意食。牛柳都好腍，到最後我都食唔晒因為飲得太多湯。整體嚟講都係大滿足嘅一餐。…查看更多