金鳳大餐廳 (山林道)

營業中

休息中

諗住有成年冇去過， 襯今日朋友生日去食飯(因為佢嘅扒餐曾經好出名)。坐低叫咗 一客T骨餐，一客牛柳餐。 塊T骨仲薄過薄切牛扒 ; 牛柳竟然有筋，仲要韌過橡根嘅筋，點食?? 黑椒汁太鹹， 把刀可能開張之後都冇磨利過， 切唔開之餘仲壓爛曬啲墊底嘅薯格， 好核突！ 沙律得唔得? 算啦，唔好再提啦。。。全個扒餐最好食就係個麵包。 即係話畀成四百幾蚊走去食啲好味兩餸飯都好過佢嘅 一間茶餐廳~ 我卒之明白 點解隔離枱有個男人喺度媽媽聲鬧個waitress 晦氣。 我唔會再老襯。

突然好掛住港式鐵板扒房就去左呢間餐廳平日夜晚都唔少人招牌牛柳餐跟餐當然唔少得餐包同餐湯~餐包點湯食係最正的牛柳有兩大塊 仲有薯條同翠玉瓜牛柳好淋一啲都唔韌 唯一唔中意就係薯條放係塊扒低下 一上黎就已經太淋

港式牛扒就係有種獨特既感覺, 耐唔耐就會掛住, 食既唔止係味道, 仲係一種回憶!山林道金鳳一入去就係港式扒房既味道, 散發住扒味, 仲會聽到鐵板既滋滋聲~~不能缺少既紅湯加餐包, 餐包係軟熟既, 夾哂成舊牛油先過癮! 紅湯依然係兒時食既香濃惹味, 酸辣香胃!招牌牛柳餐我幾乎次次食都係揀牛柳, 因為佢抵死夾大件, 厚厚肉地, 一定滿足到胃口~~ 肉味一定唔會係高級質素, 但勝在口感軟熟, 5成熟再加鐵板熱力岩岩好, 黑椒汁胸惹味, 好食呀!仲有好多瓜菜係底。 香燒羊架餐朋友中意食羊, 揀左羊架估唔到又幾有份量, 而且食落冇碟臭味, 邊位既羊脂味仲幾香添!飲埋港式凍熱檸茶, 簡單卻又滿足!!

金鳳的鐵板牛扒相信都唔少人食過咖啦，今次竟然系尖沙咀行街都撞到距地有分店，梗系要繼續食肉之旅，鋸個扒啦。店鋪都相當大，熟悉的港式扒房風格，攞號埋位都相當快。Menu都相當多選擇，美式扒餐，港式扒餐，飯餐都有。最愛的依然系美國牛小扒，梗系要繼續order啦，朋友就試下蘇格蘭牛扒。扒連餐包同餐飲（紅/白湯），正常嘢啦。白湯味道OK，正常水準，呢個唔系重頭戲，無所謂。餐包皮脆內軟，裡面仲系暖粒粒，搽埋牛油，都好好食。7成美國牛小扒，餐上黎果時，店員先會問你攞乜汁，我就揀左蒜蓉汁，一落就咋咋聲，配埋薯菜，絕對夠飽。牛扒夠厚身，表面焦香，內裡肉汁豐富，牛味十足啊。搭配蒜蓉汁真系勁好食。蘇格蘭牛扒真系超大份，鐵板都擺唔落甘滯。落噶系黑椒汁，肉質都相當唔錯，但個人更喜歡牛小扒果種牛油的芬芳。總結：一如既往的有水準，出品品質有保證。

記得上次去金鳳已經係好多年前既事，宜家開到週圍都係！因為唔係繁忙時間去，有好多卡位揀餐廳有扒房既氣氛，燈光冇以前太子店咁暗我叫左貴族牛扒（牛肩肉）跟餐要羅宋湯，再加錢要黑牛羅宋湯味道正常，好足料，餐包重熱天氣熱辣辣，飲番杯黑牛零舍爽牛扒鐵板上，加蒜蓉，再5成熟，黑椒汁！擺上枱之後，記得拎起紙巾，waitress會幫你淋汁 （好危險嫁，多年經驗既waitress都被彈到）鐵板夠晒熱，牛肉好有味道，依個部位冇咩肥膏，所以要叫生D我覺得5成熟剛剛好，又唔會太生，又唔會太熟你睇顏色幾靚友人就點左龍蝦湯同個芝士忌廉汁焗西蘭花龍蝦湯比想像中好飲，好鮮甜，重搵到龍蝦肉？個焗西蘭花就好大盤，好似放晒成個西蘭花咁！可惜就味道比較淡左D總括黎講，我地都食得好滿足！

突然間今日想尋回舊日鐵板牛排，一想就想到金鳳，就同朋友黎食lunch。依家金鳳有午餐，朋友叫左鴛鴦扒意粉，我就叫左鐵板牛小排加生蒜。朋友個餐擺明係普通茶餐廳嘅貨色，價值$58包湯包野飲，朋友都唔會話期望好高質素，有大家樂嘅level 都OK。黎到後個樣都係預期般，有黑椒汁加持，可惜牛排勁韌，柴咁，連塊豬柳都乾淨淨，又係柴咁。一間主打食扒嘅餐廳with 咁年歷史，實在無估到係咁嘅貨色。朋友當然停曬手啦，淨食包同個湯。跟住我個鐵板黎，價值$177。 牛小排係面，墊底嘅係薯格。淋埋個椒汁後唔夠1分鐘，d 薯格已淋曬。算啦，focus 係塊排到，已牛小排黎講，不是好淋，反而有dd 韌，以呢個價錢我唔係好收貨。結論，我地都好失望，宏觀香港呢類扒房已無左以前嘅味道，亦唔知邊度有好味嘅。

今日去左有返咁上下歷史同名氣嘅金鳳大餐廳，山林道嘅分店，食晚飯，鋸返個扒。餐廳好易搵，大大個金鳳大餐廳嘅招牌，店面都幾大，有卡位中間又有坐到更多人嘅枱。港式扒餐，飯餐，美式扒餐，各種選擇非常多。我就叫左美式扒餐， 貴族牛扒-美國牛肩肉。要左8成熟，碟上。餐連紅或者白湯，餐包，一般凍熱飲。我叫左白湯，味道正常，都係一般港式扒房嘅白湯，餐包暖粒粒，牛油係軟軟地嘅狀態，好易擦落包上面。貴族牛扒碟上，要左蒜蓉汁，牛扒配埋薯格，沙律菜同翠玉瓜。美國牛肩肉牛扒厚身，唔難切，入口唔韌，非常軟嫰，仲有好香嘅牛肉味而冇羶味。蒜蓉汁唔會掩蓋左牛肉本身嘅味，食落更加juicy。薯格炸得好脆，好香口，調味偏鹹，配埋茄汁幾好食。沙律菜絲清新爽脆，可以解下膩，翠玉瓜都係冇太多調味，平衡返同肉扒份量。飲品就叫左涷咖啡走甜少冰。味道都ok，飲落順口，熱天飲凍飲降溫特別舒服。

Beef in western restaurant are usually expensive. However, in Golden Phoenix Restaurant, you can enjoy high quality and delicious beef with much lower price. The traditional Chinese style fusion with western ways to cook beef and lobster. The cheese lobster was extraordinarily delicious! The beef was very tender and juicy. The timing of cooking was perfect. The soup has strong lobster flavour and you can see there were even lobster meat in it. For the platter, fried fish finger and shrimp were v

今日放工約左朋友去佐敦食飯，佢話好耐無去過呢度鋸扒，所以就揀左呢度。分店比總店大，裝修同樣跟總店一樣，舊式冰廳。環境乾淨，職員安排我哋坐梳化位，坐得舒服。餐牌好多嘢揀，除左牛扒之外，仲有豬同羊，我哋就每人叫左個港式扒餐，鐵板上果隻。每次食佢嘅餐包都係暖同好軟熟，呢款餐包唔係間間都有。餐湯紅白兩選，羅宋湯依然多料，酸酸甜甜。忌廉湯鹹鹹地，水準依舊。我叫左個招牌牛柳餐，仲加左生蒜。牛柳厚厚，仲有少少紅紅地，好淋，好瘦，咬落帶肉汁有質感，一D都唔乾，生蒜入口辣辣地，加埋黑椒汁夠惹味。下面仲有爽口嘅翠肉瓜，粗薯條又好食。朋友就叫左個野菌西冷牛扒餐，要十成。同樣係厚牛扒，佢就比牛柳肥少少，油脂分佈都均勻，全熟都唔會覺得韌。淋上面係菇加汁，菇都幾多架，整體豐富，幾好。餐飲凍飲唔駛加錢，朋友叫左杯凍檸茶少冰走甜，佢話呢度茶膽幾好，茶味濃。我就叫左杯凍朱古力，佢又唔算話太甜，凍冰冰都幾好飲。

今日咁啱經過山林道，諗住睇吓嗰間奇怪嘅深藍色打卡餐廳，點知就見到呢一間金鳳大餐廳，之前一直好想試，但係荃灣嗰間排隊排成個鐘，都仲未有機會去食，今次即刻入得，梗係入去啦😎一坐低就即刻嗌咗個招牌牛柳餐，就睇吓佢個牛柳有幾淋，點知一咬落去，真係好淋，完全唔痴牙，再加上啲黑椒汁，好好食🤤不過我就嫌價錢偏貴咗少少除咗一個扒餐，我哋仲叫咗個黑松露雞扒飯，黎到個賣相就爭咁啲啦，好似好dry，冇乜食慾咁，但食落去勁好食，越食越多，最尾食晒，佢個松露汁好香嘅松露味，唔似出邊嗰啲得個樣，鹹甜皆宜，味道啱啱好，我勁鍾意，啲配菜都係好食嘅😋仲有一個最鍾意嘅位🥰就係佢嗰種港式風味嘅忌廉白湯，杰撻撻，一pat嘢嘅童年回憶湧晒出嚟😁

金鳳其實都有好幾間分店，而我不嬲鐘意揀總店，老店黎食😁所以次次我都係幫襯太子分店🫠但今日係尖沙咀做完運動，所以就去尖沙咀分店😨原來呢間分店大得黎，坐得舒服，餐牌仲有好多太子分店冇的選擇😍例如有幾款沙律提供，燒牛肉沙律燒豬脾沙律同埋胡麻醬雞肉沙律😍仲有多種小食例如：金鳳懷舊炸曲薯條，炸魷魚圈，吉列炸蝦等等蔬菜方面都有芝士焗西蘭花同馬拉盞通菜，選擇非常多首先湯方面可以加$20選擇龍蝦湯，蝦味濃郁,值得一試餐包熱辣辣上碟，軟熟好食😋牛柳方面我叫五成熟加蒜蓉係金鳳特色☺️

有成兩個月都無鋸扒 , 每當諗起想平平地鋸個靚扒時 , 除左平價連鎖大家樂,大快活,美心果D之外 , 就一定會諗起金鳳先大大話話都幫襯過好多次 , 但就未幫襯過尖咀佐敦果間分店 , 既然今次咁岩出開去又係附近 , 點可唔試?該分店位於山林道 , 佐敦MTR一出行3分鐘就到 , 位置方便門面光猛大字 , 港式扒房風格店舖餐枱20餘張 , 大約容納80-100人 , 環境不算迫狹 , 預期中的整潔樓面阿姐都算幾有禮 , 唔會渣渣淋趕頭趕命敷衍下你可能入場時正值8:30pm左右, 為晚餐時間後段 , 唔駛等位直接入內裡油煙肉味亦唔算太重,  可以接受目測餐牌同其他分店均一式一樣 , 有其他小食,飯意粉等提供同朋友各點了一個扒餐餐包暖暖地又軟熟  , 紅湯味道正常 , 雜菜豐富T骨牛扒餐($168)(6成熟) - 淋汁果一下,渣一聲,食鋸扒梗係要有呢PART啦如圖所見又厚又大塊 , 目測都有250G以上 , 肉味香濃出眾 , 適合一眾怕唔飽既人士帶子牛扒餐($168)(5成熟) - +2蚊 加生蒜並配以蒜蓉汁 , 汁香肉質較多脂肪 , 對比較鍾意食肥D既人士口感更為理想帶子兩大粒 , 沒有腥味

放假約埋媽子行下尖沙咀,行到攰攰地,去咗山林道嘅金鳳大餐廳撐檯脚鋸下扒!打開餐牌,除咗有多款扒類套餐外,仲有沙律、小食、焗意粉、焗飯同海鮮套餐……等我哋嗌咗🍴加$25升級卡邦尼帶子意粉套餐🍴大蝦牛扒鐵板餐兩個套餐都配有和暖牛油餐包外,我哋揀咗一個羅宋湯,另外加$20轉龍蝦湯。紅湯蔬菜多足料,龍蝦湯creamy澀澀哋,兩個湯都幾有港式味道。平時食開嘅卡邦尼帶子意粉用忌廉汁煮,口感比較漏,呢碟就幹身感覺係炒嘅,仲加入雞蛋代替忌廉汁,意粉有蛋香味,帶子煎到金黃軟嫩。牛扒七成熟啱啱好,侍應細心淋上黑椒汁,熱辣辣嘅鐵板發出"喳喳"聲,好在有用紙巾遮住唧!牛扒肉厚,仲有少少粉紅色,吾會靭!大蝦彈牙有口感。仲有幾多薯條同配菜!如果再多啲黑椒汁就更加好喇😜。餐飲點咗杯檸檬水,另外加$18轉飲金牛。芒果雪糕幾滑,倒入忌廉,雖然食到好飽,都好味呀!下次嚟試下佢哋嘅紅牛、白牛同黑牛先!兩母女坐係舒服嘅餐廳慢慢嘆,都幾爽!又或者外賣都有折扣優惠㗎。

尖沙咀平民價錢据優質扒既餐廳 - 金鳳大餐廳以平民懷舊鐵板餐而聞名既金鳳大餐廳，1969年已經係太子起家，近年分店遍佈各區，最近更進駐屯門開分店，每到午巿晚巿時分，更座無虛席，人人枱上都會見到個熱辣辣既扒餐，黑椒汁淋係燙熱既鐵板上，滋滋咋咋，食慾大增 ! 但屯門新店既客人太多啦，CK就約左朋友去食另一間稍為無咁多客人既尖沙嘴分店。由於今次朋友已經訂左位，所以都未至於要好似門口既客人咁我地食完餐包都未入得黎，十分感恩 ! 餐廳設計懷舊簡約為主，裝修十足西式扒房。由於係即叫即整既，扒都要15分鐘先上到台面，大家真係要耐心D等丫，慢工出細貨丫麻 ! 所有食物都係由早上十一點半供應至晚上十點，選擇十分豐富，多達20款，除美國德州西冷、安格斯肉眼、美國牛小排等美國扒餐外，亦有其他牛柳、羊扒、豬扒、雜扒等選擇，折實後連加一最平係$126，包餐包、餐湯、咖啡或茶 ! 呢次我地試食左同一款牛扒餐，我自己一個食美國德州頂級西冷餐而2個朋友就SHARE。因為係西冷部位，故肉質帶嚼勁，太熟既話有D嚡，建議大家揀五成熟，係朋友怕食生冷野先揀7成熟，我覺得哂左塊扒呀，試唔到肉果種鮮味。至於黑椒汁就十分濃郁，鐵板

🍽金鳳大餐廳細細個成日跟爸爸媽媽去食港式嘅据扒，大個咗反而冇咩點食。突然心血來潮食返呢間老字號，啲感覺即刻返晒嚟.^◡^.♥︎野菌牛柳餐（$155）牛柳叫咗七成熟，雖然係比較熟一啲但係一樣係易入口唔會太靭，食呢啲一定要用鐵板上，然後再喺塊鐵板熱辣辣嘅時候淋啲黑椒汁上去先有feel😚加埋啲蘑菇做點綴感覺十分豐富～～♥︎招牌牛柳餐（$133）呢個餐真係必點！屋企人每次去到都會食返同一個餐，加兩蚊仲會有額外更多嘅蒜蓉，令到口感好有層次，比起無加真係好食好多📍尖沙咀山林道9號A地下💰人均消費：約$160