搞鬼打卡必到餐廳 - Mamaday

近月本港多間餐廳宣告結業離場，連網紅打卡必到的餐廳 - 台灣過江龍Mamaday亦發文預告，將營業至今年7月。CK就同朋友襯餐廳結業前去朝一朝聖先

來自台北既MAMADAY（嘛嘛地）玩味Café自從係香港開業後，一直超受歡迎，店裡裝潢抵死、街頭風塗鴉、各式抵死語錄等，成為唔少文青既打卡熱點，店內經常滿客，Walk in隊尾排到落樓下，連電話預約都爆滿！CK今次就係佢收鋪前一個鐘上去，好好彩有最後一張2人台 !
簡單介紹一下我地食左咩啦 : 
1. Egg Tofu Crabmeat Risotto With Sov $142
蟹肉溝係飯入面食，都幾多蟹肉，個汁幾creamy🦀
2. Super Black Luck Black Ink Risotto $135
黑到爆炸白飯魚魷魚墨魚滑墨汁飯好似讀緊急口咁 🦑 個名有D長～呢個飯大玩黑白配，多條酥脆白飯魚蓋面；
墨魚汁飯充滿住咸香味，飯裡可搵到墨魚滑、墨丸，材料十分豐富❤️
3. U.S.A. Flat Iron $178
睇個名都知D牛扒好似鐵咁厚身，整塊肉脂肪分佈均勻但又不像肉眼咁豐富，仲跟埋配菜無咁油膩 ! 
4. Banana Cocoa Milkshake $56
炎炎夏日，大家都鍾意飲凍飲同食雪糕，呢個係比較健康既朱古力奶昔，加入香蕉仲更加Creamy ! 正 ! 
5. Iced Matcha Latte $48
使用優質宇治抹茶同北海道産奶粉製成，帶出濃郁甘甜香氣，真心好飲過星巴克
餐廳設加一收費，晚上9時半就LAST ORDER，記得預留時間係餐廳打卡呀 ! 
Mamaday
地址 : 尖沙咀加連威老道29號信基商業中心2樓
訂座電話 : 2345 6856
營業時間 : 星期一至日 12:00 - 22:00

旺角無限時任食火鍋&流水海蝦專門店 - 泰金鍋

呢日CK同一班朋友仔黎到無限時任食火鍋+流水海蝦專門店 - 「泰金鍋」慶祝生日。

「泰金鍋」全店佔地約7,000呎，設有約200座位，主打坊間罕見既泰式湯底，並供應多款肉類、海鮮、炸物、泰式串燒及特色熱盤等。火鍋套餐低至$288，包括無限量任食澳洲極選肩胛牛小排、特級牛胸爽、極上牛舌、美國肩胛肉眼、澳洲羊飼羊肩、多款榴槤小食、流水蝦放題及享用自助吧內逾80款泰式熟食、火鍋配料、甜品及啤酒汽水。

流水蝦放題每日下午五時至十二時供應，「泰金鍋」與本地養蝦場合作，選用本地養殖既有機白蝦，每日直送到店，隻隻游水生猛 ! 店內擺放總長度達3米既大水缸，並提供夾子及水桶給食客自助夾海蝦，時段期間任夾任食，保證新鮮美味。
除了流水蝦，仲可以任食火鍋添！火鍋套餐分為三個級別，分別可以品嚐到60至90款配料及美食，最具特色當然是一系列以泰國新鮮食材製作的泰式料理，包括青木瓜沙律、人氣沙嗲串燒、秘製海南雞、黃咖喱蝦以及多款泰國直送的特色炸物小食，全部由泰籍主廚團隊炮製，款式隨時令轉換，令你置身香港都能品嚐最地道的泰式滋味。

湯底方面則有8款選擇，每款都各具特色，包括泰金冬蔭功鍋、檸檬香茅鍋、馬來娘惹叻沙鍋、青檸椰奶雞湯鍋、日式蕃茄濃湯鍋、藥膳豬骨白湯鍋、養生菇菌清湯鍋及泰麻辣鍋。當中首選為招牌泰金冬蔭功鍋及檸檬香茅鍋，前者以主廚按自家食譜熬製，加入多款泰國地道香料，味道濃郁酸香，非常惹味；後者以新鮮香茅打碎加入高湯及檸檬葉製成，湯底色澤清澈，清香甘甜，正好中和肉類既油膩感。
泰金鍋
地址：旺角彌敦道601號創興廣場6樓
訂座電話：8118 2228
營業時間：星期一至日 12:00 – 00:00 

人氣酸菜魚專門店 - 太二酸菜魚

太二酸菜魚由2015年開業，香港店都終於係幾個月前開業啦！仲一次過係沙田、尖沙咀、九龍塘同啟德Airside一次過連開4間店，今次CK同朋友就到尖沙咀既太二酸菜魚實試一下，呢間號稱「酸菜比魚更好食」既人氣酸菜魚專門店，睇下係咪真係物有所值 ! 

酸菜魚係唔可以選辣度，只能選份量大小，酸菜同樣用約需醃製約30天先可以出壇既老壇子酸菜，而魚肉則選用鱸魚。客人可以係櫥窗睇成個製作過程，令客人對店內衛生更有信心。太二既酸菜魚辣度唔係好勁，酸度岩岩好，算係走一個中庸之道。魚肉夠滑，但酸菜就無宣傳講既比魚更好食，不過不失，CK我就無食哂D酸菜既。勝在整體食起黎唔會太油膩，食完亦唔會因為太酸太辣而覺得肚唔舒服。而係過程中最得意既一件事係，侍應上枱前會用京劇腔大叫：「好吃的魚來了！」戲劇性十足。

太二既小食算係較多樣化，愛食川菜既，可以一試脆椒小皮蛋，呢度既小皮蛋其實係鵪鶉蛋，味道較傳統皮蛋輕，食起黎更似辣油鐵蛋。大滿貫小吃拼盤 係相當港式既小食拼盤，分別有印尼蝦片、煎雞翼、炸薯粒同炸酥肉，配辣粉同蜜蜂芥末醬。

整體黎講太二環境舒適，有空間感，枱上有籤筒可以俾客人等菜到既時候打發時間，而係餐枱旁除了紙巾同牙籤提供，仲有充電線，非常貼心 ! CK一定會再幫襯

太二酸菜魚 地址：尖沙咀河內道18 號K11購物藝術館2樓209-211號舖​​
電話：星期一至日12:00nn-10:00pm
電話 : 3622 2239

70-80年代港式懷舊主題之雞煲火鍋店 - 龍鳳呈祥火鍋雞煲

呢日CK放工想同朋友係尖沙嘴慶祝生日，但係因為都已經成10點，無咩餐廳可以選擇，咁岩行到地鐵站附近見到仲有餐廳開就上黎試下啦龍鳳呈祥火鍋雞煲主打70-80年代港式懷舊主題。就咁睇入口既經典霓虹燈牌「龍鳳呈祥」，令人有回到舊日香港既錯覺！店內仲有唔少懷舊打卡位，例如當做餐桌既乒乓球枱、復刻版熱水壺，以及模仿舊日婚宴場景既龍鳳雕像擺設，為用餐體驗加添玩味。店內設有多間私人房間，適合一大班朋友或與家人聚會。
餐廳提供多款惹味雞煲及配料，其中包括招牌無骨鳳翼釀雞煲、秘製鹹蛋黃醬雞煲、牛肉拼盤及五香肉丁餃等，絕對不可錯過。
CK就簡單介紹一下我地叫左咩野食啦 : 
招牌無骨鳳翼釀雞煲 $298，以人手逐隻將雞翼起骨，再係雞翼中間釀入甘筍絲﹑西芹絲及墨魚滑，食落啖啖肉，雞煲味道非常出色，配合紅洋蔥、洋蔥、芫荽，超級惹味 ! 有得揀大細size，2-3人食就叫個細嘅啱啱好。⭐️極度推薦❗
涼拌麻辣魚皮 $48，試完辛辣雞煲，就要試下呢個麻辣魚皮，脆脆地有咬口，唔錯既小食 ! 
竹笙 $73
椒鹽花枝丸 $68，即食熟食，大大粒飽肚又唔油膩 !
香脆厚切午餐肉 $68，非常香口又大件，真係要2人以上先好叫呢個，一個女仔未必食得哂 ! 
唐生菜 $43
炸支竹 $38
BLUE GIRL $88，打邊爐梗係要啤番兩杯🍻，清熱氣啊😌

龍鳳呈祥火鍋雞煲 
地址 : 尖沙咀加拿芬道16號金輝大廈2樓
營業時間 : 星期一至日 12:00-01:00
訂座電話 :  28198881

少女心夢幻打卡必去COFFEE SHOP - Phi Coffee & Pancake

主打日式梳乎厘既Phi Coffee & Pancake愈開愈多分店！餐廳主打多款口味既梳乎厘pancake，咖啡，法式多士以及意粉等輕食。對身材管理嚴格既我一直都無去試到，但今日同朋友係屯門市廣場行街經過，佢好想試下，就陪佢係屯門分店試下啦～ 餐廳既梳乎厘蛋味濃郁，而且內裏蓬鬆柔軟，空氣感極強，入口輕盈。更提供多款口味，包括經典原味，70%純黑生朱古力，tiramisu，以及提子無花果，抹茶紅豆等等。
另外都有唔同輕食提供，例如外脆內軟既多款口味法式多士；豐富既全日早餐；炒蛋煙肉牛角包；各式意粉等。推薦熱香餅，會有忌廉，焦糖香蕉和爆谷伴碟，配搭新鮮。
飲品方面必試人氣tiramisu咖啡，直接係咖啡上面加入一層厚厚的tiramisu，更有一塊手指餅，好豐富！另外仲有阿華田咖啡，焦糖脆脆咖啡等特別口味。

簡單介紹一下我地試左咩野食同野飲啦 : 
1. 綿棉獨角獸沙冰 $68 這個初春迎接充滿夢幻及希望的獨角獸🦄以獨角獸概念推出多款産品呈現俾大家～由自家製的芋泥奶蓋配上皇牌梳乎厘😋影完相都唔捨得飲 ! 甜度適中 !  2. 黃金比例香蕉梳乎里 $100 大大舊既梳乎里，入口湧出香蕉香氣，質感輕軟富空氣感，在口中停留時間長，又唔會淡淡無味粉漿口感😋
3.  提拉米蘇咖啡 $48 軟滑綿密口感， 必然係一款老少咸宜既義大利經典飲品
4. 熱泡沫咖啡 $38 融合意式特濃，以黃金比例調製，入口香氣四溢，帶有強烈回甘味道
5.  青漿帶子意大利飯 $93 獨特馥郁香氣既青醬，掃走鬱悶既心情，鮮味十足的帶子，帶來滿滿活力🤩清新可口，口感似係綠意盎然花園般一樣 6.  PHI ALL DAY BREAKFAST $132  PHI係指數學上的黃金分割率 ，以Cafe 以此命名，係著重出品既黃金比例，絕對食得飽一個成年人 ! 
雖然餐廳收加一，但店員服務周到，每個客人都請求店員幫手影相都沒有嫌棄，而已好多客人都不清楚新出口的菜式及飲品，店員都耐心及專業地解釋，仲會建議客人係餐廳邊個位影相最適合，好滿意 ! 會再黎試其他甜品  Phi Coffee & Pancake 屯門店 地址：屯門屯順街1號屯門市廣場1期3樓Kiosk 02號舖
營業時間：星期一至日: 11:30 - 21:00
訂座電話 : 2813 9283

尖沙嘴新開餐廳探店 - 極上冰室

CK呢日同朋友放工係尖沙嘴聚舊，想睇下附近有無新餐廳未去過想去試下，就俾我地搵到位於尖沙咀漆咸道南既「極上冰室」! 於是就一於去試下啦

極上冰室上年12月新開張，而早前新聞報道呢間冰室推出下午茶試業優惠已經見到門口大排長龍，而且堂食座無虛席，所以都有一定既信心保證餐廳裝修簡約，寬敞闊落，大約可以容納20人左右。

簡單介紹一下我地叫左咩野食啦 : 
芝士焗鮮茄豬扒飯 ($68)，雖然等左20分鐘先食到，都要讚一讚真係用新鮮番茄整既，豬扒夠哂熱同好有肉汁，芝士味重同厚，小店都整到拍得住大集團既風味 ! 
極上通粉配煙肉﹑火腿﹑香草腸﹑午餐肉﹑3.6牛乳黑松露炒蛋﹑牛角包﹑熱朱古力 ($52)，本身個餐係配公仔麵既，但餐廳都好人性化處理，知道客人對健康有要求，都願意無條件轉通粉俾我地，底讚 ! 呢度最值得一提係餐廳無偷工減料，真係用真黑松露整既而唔係用其他野替代，有D驚喜 ! 同埋隻蛋都整得好滑無過火 ! 

係遊客區以非常合理既價錢醫到肚又唔洗等位，我地食完傾左4個鐘都無趕我地走，我推薦大家下次行過都可以去試下
極上冰室
地址： 尖沙咀漆咸道南41-51號
訂座電話 : 97919195
營業時間 : 星期一至日 0800-2300

情人節 「浪漫之約」海景晚餐高質推介 - 豐盛閣
想係一個浪漫寧靜既地方慶祝情人節 ? 挪亞方舟度假酒店Noah's Ark Hotel & Resort既豐盛閣值得推介!坐擁逾180度全海景豐盛閣餐廳外望，馬灣獨有嘅青馬大橋風景致震懾迷人，馬灣沙灘盡收眼底，絕對係夠 Chill，打卡值滿分的組合！ 「浪漫之約」情人節晚餐，以花雕醉大蝦鮑魚及瑪卡牛肝菌燉雞清湯等為前菜，並提供多款佳餚主菜選擇，包括香煎美國肉眼扒配鴨肝及松露燒汁、紅桑子黑醋焗西班牙黑毛豬鞍等，再配以令人回味的精緻甜品，如白朱古力車厘子慕絲餅及馬卡龍等。 除了「浪漫之約」精美晚餐外，更可親製可愛又治癒人心的專屬啤啤熊，推薦飯後手牽手漫步海旁細賞青馬大橋美景，再於迷人的氛圍和璀璨夜景下品味浪漫晚餐，共度溫馨時光。
「浪漫之約」情人節晚餐：
供應期：2024年2月14日
時間：18:00至21:00
查詢及電話預訂：(852) 3411 8836 或 WhatsApp (852) 9664 1021
備註：*進入餐廳無需公園門票
*挪亞方舟門票持有人/馬灣居民可享85折優惠
*價目另設按原價計算之加一服務費
*惠顧以上套餐可免費參加啤啤熊之友製作室或獲贈啤啤熊公仔 (不連衣飾)

挪亞方舟豐盛閣
地址 : 馬灣珀欣路33號 訂座及查詢電話 : (852) 3411 8836 或 WhatsApp (852) 9664 1021
營業時間 : 星期一至日 0800 - 2200

荃灣高質和牛燒肉放題店 - 佐賀燒肉谷

佐賀燒肉谷一向都算出名，好多朋友都推薦既一間餐廳，今次CK就同一班朋友仔黎到荃灣大鴻輝中心試試
店鋪裝潢別具特色，座位闊落開揚，樓底夠高抽風良好，食完燒肉都唔會一陣味！ 佐賀燒肉谷推出的放題套餐分為5款，CK今次揀既係性價比最高既「極上安格斯牛小排海鮮放題」(Lv3)，以$438加一就可以享用極上安格斯牛小排、日本產炭火赤雞燒、及多款海鮮包括大海老、原條魷魚筒等，品嚐100品食品。店內有幾個大雪櫃提供多款飲品，減肥人士都照顧到既無糖綠茶都有架前菜，飯，野菜，甜品，湯品都係任食特別推介佢嘅燒肉谷紫菜飯同埋唔同味道嘅醬汁，真係非常滿足嘅一餐 舒適環境加上優質既服務，非常適合和家人或朋友聚餐。 佐賀燒肉谷 (荃灣大鴻輝中心)
地址：荃灣眾安街55號大鴻輝(荃灣)中心1樓02號舖
電話：2818 2322
營業時間：星期一至日 12:00PM – 11:30PM

沙田寵物友善韓式餐廳介紹 - Cafe Joo


呢日CK同女朋友係沙田睇完聖誕燈飾打完卡肚仔餓，就去左新城市廣場一間韓式餐廳醫肚。

Cafe Joo室內環境以淺色木紋為主，配合柔和燈光，環境舒適簡樸，另外更設置一大片落地窗，採光十足。所有食物飲品都係透過店員提供既二維碼用手機落單，夠哂方便
Cafe Joo係LUBUDS旗下首間韓式餐廳，由本地著名西廚精心策劃新派韓食菜單，利用香口惹味的韓式醬料與食材烹煮意粉及意大利飯等意式佳餚，並呈獻多款韓式料理，例如炸韓式紫菜飯卷、韓國炸雞、濟州島炒八爪魚配墨魚汁意粉、韓式慢烤牛肋肉等，打造與別不同既Cafe形象。飲品有多款咖啡、鮮果特飲、養生茶等，滿足唔同客人既口味。 
餐廳特設寵物的專屬餐牌，讓寵物在舒適的戶外用餐區享用健康和無添加的批類及蛋糕。戶外用餐區連接寬敞的露天寵物公園，客人可與心愛的寵物無憂無慮地吃喝玩樂。
我地呢次食左澳洲和牛漢堡($128)同澳洲和牛焦糖洋蔥煙肉漢堡($148)，牛既肉質彈牙厚身，肉汁豐富，配上酸酸地既醬汁一齊食，非常開胃 ! 加上店員招呼都周到，下次黎沙田會再試埋炒雞

Cafe Joo

地址:新界沙田正街18號新城市廣場1期1樓165號舖
營業時間:星期一至五上午11時半時至晚上10時及星期六、日及公眾假期上午10時至晚上10時
訂座電話:28828323

下午茶極速充電之選 - 利華超級三文治

今次同女朋友去左APM拍拖。到左下午茶時間，大家都肚餓，想搵個地方CHILL下，咁岩附近有間唔錯既選擇，就係利華超級三文治啦!

利華超級三文治係一間歐陸式輕食連鎖餐廳，主要供應「英式鄰家三文治」、焗薯、意粉、沙拉、咖啡等歐洲食品既。餐廳都係以歐式設計裝潢，座位都算足夠多所以下午茶時間都唔洗等位就入得去食啦分店安裝左電子餐牌同自助點餐服務，將營運電子化，方便左我地點餐既
咁簡單介紹一下我地叫左咩野食啦 :
煙三文魚沙律 $56，涼拌沙律，加上三文魚同牛油果，呢兩種超級營養豐富既食物，低卡路里夠飽肚仲有助減肥，真正健康色香味俱全!
煙牛肉芝士烚蛋墨西哥卷配沙律 $66，外形獨特，清新開胃，啖啖牛肉，食肉獸必選 !
我地兩個都係揀COMBO，每個餐加多12蚊要多杯飲品既，如果大家食量有番咁上下，仲可以揀SUPER COMBO，送多個餐湯會飽D !
利華超級三文治
地址 : 觀塘道418號創紀之城五期(apm)2樓L2-13號舖
訂座電話 : 3148 1101
營業時間 : 星期一至日 07:30 - 21:00