金鳳大餐廳 (山林道)

營業中

休息中

突然之間心血來潮好想食呢啲懷舊feel嘅扒房所以就專登喺OpenRice搵咗附近左右嘅一間嚟試吓～原來佢都幾多分店我覺得門口嘅櫈係信心嘅保證🤣🤣如果唔多人食嘅話都唔使專登擺幾張櫈喺度比人排隊用啦～～店舖都唔算太細，枱櫈放得有啲密，但係都好乾淨，好有香港風味睇完一輪Menu之後我最尾就揀咗食羊扒平時啲羊架都係西式煎多但依度係用咖喱，而且仲有一大盆意粉，撈住咖喱一下就食曬🫣🫣🫣羊架佢並唔係煮到熟曬，大約係七成熟左右，食落去好嫩因為咁啱我同朋友都好鍾意食雞翼，所以都專登叫咗盤雞翼，睇相都已經睇得出佢個皮有幾咁脆😚😚朋友揀嘅海鮮焗飯，想來嘅時候仲熱辣辣，海鮮份量都唔少，再加埋半溶嘅芝士，都係比較邪惡嘅一餐。

好記得細個老豆好鍾意同我去波士頓餐廳食🥩扒😚今次食嘅呢間餐廳就正正有呢種香港舊式扒房嘅味道！每一份主食都會配有🥣餐湯、🍞餐包和飲品。🥣餐湯有紅湯/白湯。我和朋友均選擇了🍅羅宋湯。湯底酸酸甜甜帶一點微辣，配有少量雜菜，正宗嘅港式羅宋湯style。🍞每個餐包配有一盒小牛油，餐包微暖而且包質十分鬆軟😳（好怕有啲餐包好死實，嗰啲食完已經飽咗一大半，但呢個唔會👍🏼）牛扒上檯時用餐巾遮住，特別有儀式感🤣帶子牛柳餐 $168選擇了七成熟，牛柳肉質較淋滑，配上蒜蓉汁和薯條。蒜蓉汁不會死鹹，會帶一點甜味，蒜蓉份量也頗多（可以不用再+$2蒜蓉😝）兩粒大帶子也十分嫩滑👍🏼 另外也配有翠玉瓜，感覺有少少菜冇咁膩！✨🥩貴族牛扒（美國牛肩肉） $208 （+2蒜蓉）也選擇了七成熟，🐮牛味比牛柳更濃，另外肉質也更結實。吃得出表面煎香過，帶微微脆口。黑椒汁較惹味，汁嘅份量也很足！下面嘅薯格浸滿了黑椒汁，軟軟淋淋好似薯蓉😝也配有翠玉瓜～餐飲：熱奶茶&熱檸水兩者均是正常水準，奶茶感覺上奶嘅比例會比較多（喜歡多奶🙌🏼）環境：3.8/5港式扒房嘅佈局（有啲似茶餐廳），兩邊均有卡位～服務：4/5一坐低已經斟定兩杯熱水俾我哋。店

今日去到尖沙咀山林道食傳統港式鐵板扒，金鳳大餐廳，我相信大部份香港人都會聽過，或者去過呢間傳統扒房，記得以前中學的時候，就經常去太子金鳳總店食午餐，經過多年後，今日又去尖沙咀山林道分店，回味一下從前的時光及味道。-美國安格斯肉眼扒餐牛扒份量非常大塊，夠厚，比鐵板更加長，鐵板牛扒一到，職員隨即帶上黑椒汁和蒜蓉汁，按個人喜好添加醬汁。見到沸騰的醬汁，及聽到鐵板上的”滋滋”聲，真是令人特別療癒。由於牛扒可以在鐵板上再度加熱，所以肉眼扒選擇了三成熟，免得過熟影響口感，一切開牛扒，見到火候控制得剛剛好，肉嫩多汁，最重要記得加$2加蒜蓉，牛扒配上大量蒜蓉，特別香口惹味。-美式什扒餐什扒餐包括有豬扒、牛扒、雞翼、香腸、火腿。扒類非常豐富，完全覆蓋了整個鐵板，火腿及香腸正常發揮，雞翼醃得非常入味，牛扒係比較薄的類型，煎得香口，豬扒處理得非常出色，夠厚身，肉質鬆軟，亦十分夠入味。一次過可以試到不同種類的肉，扒，令人滿足。-餐湯，餐包餐湯點了羅宋湯及龍蝦湯(加$20)，羅宋湯非常足料，雜菜充足，煮得亦夠入味，酸酸甜甜帶少許辣味，十分開胃。龍蝦湯味道可以，濃度厚度剛剛好，用牛油麵包沾上餐湯味道恰到好處。-評

間中想食個好食嘅茶餐廳， 想起很久沒有食嘅金鳳， 佢外賣都OK，可以間中食下！叫左個 外賣 Lunch set , 有齊 餐湯：羅宋湯、餐包 仲係暖暖地咖喱雞扒焗飯，上次食過好似豬扒好食啲咖喱味都幾香濃，不過較為鹹咗少少，但係份量都幾大兜 ，飽左一個下午

以前細個嘅時候好鍾意食鐵板扒餐，但係而家已經好少地方有，難得經過尖沙咀都搵到呢間金鳳大餐廳，可以一試返鐵板扒餐嘅味道雖然個格調會好似茶餐廳，但係座位佈置都舒適，唔同類型嘅扒都有，店員都會細心咁樣介紹俾你聽當中嘅分別餐湯有三款俾你揀，我哋都揀咗羅宋湯，個湯酸酸甜甜，蔬菜嘅份量都多，都夠火喉，蔬菜已經吸晒湯汁嘅味我自己好鍾意食加熱左嘅餐包，好鬆軟，再塗埋牛油喺入邊增添左麵包嘅香氣，可以試吓點少少湯嚟食，鹹甜兩食貴族牛扒餐-七成熟牛扒好大塊，一上碟已經好香牛肉味可以自行選擇醬汁，揀咗黑椒汁，淋上黑椒汁之後再切開牛肉好厚實，而且啖啖肉，食落去係一啲筋都冇，鐵板上嘅扒都可以做到牛肉彈牙，黑椒汁好濃郁，個人推介黑椒汁配牛肉係絕配什扒餐-牛扒、豬扒、火腿、雞翼、腸仔什扒餐都好豐富，揀咗蒜蓉汁，佢嘅蒜蓉汁係稀身少少，但係完全索左入去啲扒入邊，每樣肉都好入味豬扒好厚身，但係肉質鮮嫩，豬扒好容易煎到鞋，但醃製得好好，入口依然好嫩滑薯條做配菜一流，炸得脆口呢間餐廳好多分店，下次再經過都可以再試吓其他扒餐

今日去尖沙咀行街食飯，尖沙咀真係好方便，最緊要係多美食，行咗一陣見到金鳳餐廳，諗都唔諗即刻同朋友入去鋸返個扒先。平時去金鳳食都係去太子總店，我都唔知佢原來尖沙咀係有分店。入到去餐廳地方都好大，而且仲係好整潔好舒適。坐得真係好舒服。晚餐$178 餐湯羅宋湯加餐包，羅宋湯都好足料，而且味道好正宗，好香蕃茄味酸酸甜甜特別開胃，餐包亦都係熱辣辣加少少牛油真係唔錯。牛扒五成熟，鐵板嚟嘅時候店員會幫你加醬汁，見到鐵板治治聲真係好過癮，牛扒味道非常之香，而且份量重要好多，可能係五成熟嘅關係食落去牛肉味道好香濃，而且肉質仲係好嫩滑，加上有少少牛油嘅脂肪，令到牛肉味更加香。美國牛小排，加蒜蓉 185 元，牛小排仲好味，可能加咗蒜蓉，令到味道層次更加豐富，牛小排入口牛肉味香，蒜蓉味道同牛肉味真係好夾，好耐都未食過咁正嘅牛扒。金鳳餐廳真係出名牛扒正，性價比高，原來佢都有幾間分店，唔使特登去太子先有得食，真係正。

唔知你地係咪一樣，有時都會同啲朋友去啲舊式扒房食下鐵板餐？我就好鐘意懷愐下舊風情，好old school好正～今次就同朋友去尖沙咀山林道呢間金鳯大餐廳 呢度嘅扒餐全部都會配埋餐湯、牛油餐包同餐茶。餐湯有兩款白湯嘅粟米忌廉湯，紅湯嘅羅宋湯。前者夠唒Creamy，後者用料十足，味道夠唒濃，口味偏辣。餐包會用微波爐加熱，所以會保持溫暖，包都好軟熟，加埋牛油一齊食就啱啱好。我哋呢次點咗佢哋嘅招牌牛柳同埋美國德洲頂級西冷。佢哋上餐會用鐵板，職員會喺我面前淋上醬汁，醬汁有蒜蓉同黑椒兩款，醬汁淋落熱辣辣嘅鐵板嗰下好有懷舊港式扒房嘅風味。蒜蓉汁本身蒜味都好濃，如果覺得唔夠仲可以加錢額外添加生蒜，令蒜味更濃更香。西冷牛扒好大一塊，生熟度控制得宜，中間仍能呈粉紅色，肉質軟腍。牛柳就有兩大塊，肉質嫩滑。牛味好濃，加埋惹味嘅黑椒，味道好夾。喺牛扒嘅下面仲有粗身嘅薯條同爽脆口感嘅脆肉瓜墊底，索唒啲肉汁同醬汁，勁好味。

好耐都冇試過鋸扒,今日興起就去咗尖沙咀行街跟住就去咗山林道呢間餐廳食飯呢度嘅裝修比較復古,好有懷舊嘅風味。我哋兩個人食咗一個雜扒餐，呢個雜扒餐真係超級多，有豬扒、牛扒、雞翼、火腿，下低仲有啲雜菜，薯條，大胃王來食就啱晒啦；本身一個餐亦都有包餐湯同埋餐包，同埋飲品我哋另外就嗌咗帶子牛柳，今次牛柳好林好入味，就算我嗌咗七成熟唔會un 如果係想專食牛既，就嗌返牛扒餐，淨係牛嘅牛扒餐，啲牛會比較高級好味啲；但如果係貪心嘅就嗌雜扒🤪嘢飲我仲加錢飲雪糕紅豆冰，勾起晒兒時嘅回憶

餐廳外賣質數參差，堂食正常蒜蓉豬扒，豬扒如煲過湯一樣鞋，我唔介意你用梳打粉醃，無諗到連梳打粉都慳番薯條，我唔介意你薯條唔新鮮，最少重新炸過，我收到時，薯條好炸完放左好多日，外軟內硬

今晚同Honey拍拖拖，有人想食傳統西餐，要有羅宋湯，餐包，黑椒汁牛扒，再加餐後雪糕果種。於是就帶左佢來金鳳大餐廳食大餐。😋古老一族喜歡懷舊，這裡完全滿足了要求。昏黃的燈光，闊落高身的卡位，店員親切地招呼，送上餐牌和熱水，選餐完全沒有難度，因為都是他熟悉的內容。我們點了特選晚餐和荷蘭豬🐷扒。兩個餐都好大份，首先是羅宋湯，番茄🍅味濃加上好多椰菜，好味又健康。餐包鬆軟，可惜牛油融了，凍牛油更好。蟹子雜果沙律非常新鮮，豐潤的沙律醬令雜果蟹子升Le不少。兩個扒餐超大，份量好似時光倒流，回到20年前。質素和味道兩相呼應，新鮮又美味，還配上薯仔蔬菜，黑椒汁不油不膩，提升了胃口，也提升了味道。餐後來個抹茶雪糕，完美了一個懷舊大餐。

呢間老式扒房相信大家都應該食過偶然想食扒通常都係諗起佢而且就係尖沙咀地點夠晒方便本來驚要等位等好耐 但好彩始終唔係周末 都有D吉位一黎到無論叫咩餐 都一定有湯有包食羅宋/ 忌廉2揀1 通常食扒都為免太油膩 都係揀羅宋菜料好多 用黎點餐包食都好唔錯記得要揀5成熟同鐵板上 最好加埋生蒜添(超香口!!!)因為黎到滋滋完一輪之後 5成會變7成如果叫7成隊長B就覺得有點太熟了美國德州頂級西冷扒肉質極嫩滑 肥瘦可見均勻切開果然還有微紅黑椒汁好match 好juicy筋位少量 但同時都擁有著豐厚油脂感既味道美國牛小排餐比西冷多一件 肉質好厚同時肉味亦好濃個人感覺比西冷濃好多中意肉味濃既朋友一定要試值得一讚係2款都有薯角同埋翠玉瓜沙律做配碟再加2杯餐茶食到飽一飽!

今晚去佐敦山林道金鳳～ 記得拍拖時常與老公鋸扒撐檯腳～就讓我們回憶下當年今日拍拖嘅情景 入到店內職員很窩心及禮貌地安排卡位比我地 ～簡單闊落丶 冷氣足夠丶舒舒服服 丶鋸個扒餐真係最好嘅選擇🐮🐮🐮餐牌有好多不同嘅扒餐～我地分別揀左每月特選晚餐及傳統西冷牛扒餐！🐃🐃Dinner Menu $178餐包新鮮熱辣好好味！餐湯大家都揀羅宋湯，貪佢夠惹味～湯內有很多椰菜丶番茄味濃加上少少辣，配埋餐包一起吃是最好不過的！🍞🍵🤩🤩🤩🤩🤩每月特選晚餐～雜果蟹籽沙律～西冷牛扒拼北海道帶子～意大利配方雪糕～餐飲一杯這碟沙律用新鮮蔬果製成，不出水～加上蟹籽是我至愛！兩粒厚身煎熟左嘅帶子加塊6成熟的西冷牛扒～鮮紅粉嫰肉質，食落囗啖啖肉～非常Juicy! 再淋上蒜蓉燒汁鎖定肉汁～完全刺激了囗腔的味蕾，加上翠肉瓜及薯條，正到呢～～～～食到飽飽～抹茶雪糕上場！香濃嘅抹茶味及牛奶味～這個dinner set冇得輸！份量十足如大食的你一定吾會令你失望！最後飲埋杯凍檸茶少冰～今晚晚餐簡直完滿呀～～～

今日好餓，又買咗飛趕睇戲，就諗住嚟呢到据扒，實夠飽啦！叫咗一份羊架鐵板 一份肉眼鐵板 再另加一份意粉。一個鐵板基本上要$13X以上，不過嚟到份量就唔算大，而且肉質都普通。 湯無料，而且偏水。意粉無味嘅😅我地自己另加茄汁同黑椒撈下先有味。羊架有4件，不過膏較多，肉較少，實際可以食嘅唔多。墊底嘅薯菜都係每樣一兩件左右。肉眼質素比較好，不過要5成，其實嚟到都已經7成🤷🏻‍♂️職員態度真係好一般，其中有一個仲成日好惡咁回應人，似鬧非鬧咁，總之聽落唔係咁好聽。其他職員就好似唔係好想答你咁，不過我明舊派嘅人可能係咁，專注工作，唔會有咩同客social之類。整體嚟講性價低，呢個價錢可以再有選擇。

尖沙咀山林道出名多嘢食，地點又方便，喺佐敦同尖沙咀中間，今日就嚟到呢間港式嘅扒房好想懷舊一下呢間可以話係港式扒房嘅代表餐廳已經開立左有50年以上真係歷史悠久，入面地方非常闊落仲有好多卡位坐得到非常舒服，咁炎熱嘅天氣最重要係冷氣夠凍呢一點完全做得到呢間舖頭好受歡迎👏🏻所以今日我都提早到步唔需要等位呢度嘅扒餐種類有好多每個餐都包埋餐湯同埋飲品一坐低叫完餐好快就上咗湯揀咗碗紅湯，即係羅宋湯嘅味道，紅湯多菜同埋有超級重嘅蕃茄味，餐包細細個而且仲熱辣辣超大塊嘅牛小排就喺鐵板上面治治聲，牛肉嘅香味伴隨熱力吸引左我嘅視覺聽覺同埋味覺，牛肉鮮香美味，肉質又夠滑，份量仲要超級多好大塊，食半塊已經好飽，牛肉夠晒Juice最重要嘅係要加兩蚊有即磨蒜蓉肉質又唔奀又冇筋牛扒下面仲放油薯塊同埋翠玉瓜半碟，薯菜吸晒啲蒜蓉汁非常入味，食到佢最尾鐵板依然都係熱辣辣的所以每食一啖入口都唔會凍冰冰我朋友都係叫咗塊牛扒伴帶子我見到帶子都好大粒，又夠厚身，份量超級多一睇就知性價比非常高每個晚餐都配有一杯凍飲我揀咗杯凍咖啡奶味非常足夠又夠香滑，咁熱嘅天氣飲一杯凍冰冰嘅飲品令人心曠神怡

金鳳大餐廳真係細細個就聽過，但講真印象中都冇乜點食過，前幾晚去開尖沙咀突然想食懷舊野，就諗起金鳳🍽因為唔太好牛，所以同朋友同樣都係叫左同一款香燒羊扒餐🐏（回想起黎都覺得蠢左，一樣唔好食都起碼有另一款可以頂上）香燒羊扒餐 🐏 $164本身叫左5成熟，食得鐵板都預左上碟會變左7成，但係切起上黎應該差唔多去到8-9成，肉質算係可以接受，唔太硬身，因為塊羊扒超肥😵‍💫肥膏切切下都佔左塊鐵板既一半😑😑食得落口既肉少之又少😑都唔好講塊羊扒淋完汁之後完全食唔出羊味🤦🏻‍♀️奉勸大家千祈唔好叫羊扒食🤦🏻‍♀️百幾蚊食得幾啖肉仔真係好唔抵🤦🏻‍♀️芝士忌廉汁焗西蘭花 🥦 $58由於羊扒都冇乜肉食到，又幾肚餓，所以覺得西蘭花幾好食😂😂芝士忌廉汁幾多，西蘭花唔硬，正常質素金鳳懷舊炸曲薯條 🍟 $48薯條係粗薯條，薯味都有既，杯仔用左紅白格仔紙包住啲薯條，懷舊味出晒黎😂😂除咗羊扒，另外2款食物質素正常，屬茶餐廳水準，唔好話要排隊，唔洗等位我都唔係幾想再食😂😂😂可能叫牛會好啲，可惜我就冇緣欣賞🫣