金蘭花泰國菜館

營業中

休息中

今晚心思思又想食泰國野，於是同朋友出左九龍城覓食，見到呢間餐廳價錢都幾平民，食物款式都多，所以決定入去坐低慢慢睇先，叫左食物之後唔洗十分鐘已經送到我們面前。我地點左份柚子沙律，沙律混合埋調味料攪拌而成，口感豐富又開胃，好岩用黎做前菜，又健康又好吃。然後點左朋友最中意食既泰國菜式，大蝦炒金邊粉，色水均衡，份量好足，食落帶點微辣，旁邊仲有大量肉碎畀我地任意添加，甜甜辣辣咁，但又唔會太辣，旁邊仲有個小青檸，加埋小小青檸汁食既話，感覺會更加清新。

這樣食物的價錢非常便宜，難怪能吸引那麼多人去光顧,今天我也來試試。先來的是柚子沙津,酸酸地令我非常開胃,柚子都好新鮮,完全吃不出平時柚子的苦澀味,然後就是海南雞飯，這裡的海南雞飯還要是無骨的，食店十分貼心，把骨都去了，好讓客人能好好享受雞肉的滋味。雞肉的數量頗多，而且嫩滑非常，真的很好吃。海南雞配的油飯也是一絕，通常油飯真的非常油膩，這裡的有香味之餘又恰到好處就連自己本身並不愛吃泰國菜也愛上了這個飯。

九龍城小泰國係人都知，有好一段時間無來食泰菜。每次到了泰國餐廳，必定會點小食拼盤或炸蝦餅，這次也不例外，因為樣樣都想試下，所以這次就就點了小食拼盤，滿足一下咩都想食的自己, 小食拼盤的份量很多。看到炸蝦餅的時候真忍不住驚嘆了，裡面的蝦肉也爽口彈牙。整體來說都很好吃，串燒沙嗲都很好吃，表面的醬汁其實還不錯，沙嗲味香濃，令整份串燒都很香口，。雞肉外層微微燒脆 裡面肉質仲保留嫩滑多汁無燒乾。然後點了一碟炒菜中和一下小食拼盤的熱氣感,炒菜就冇咩特別,整體食物質素都很好!!

黎到九龍城有好多東南亞風味既餐廳, 可能係以前好多東南亞人係度聚集既地方, 原來真係好多.行行下到左龍崗道, 見到呢間個鋪面係相對地大而且裝修都比較有泰國味, 就入去試一試!入到去真係好有平時睇泰國旅遊節目見到既感覺, 呢度既老闆娘係泰國混血兒, 廚師全部都係泰國人黎, 唔怪得遠遠就感受到佢地既泰國味啦!今日我就決定大戰咖哩蟹同埋炸豬手, 真係估唔到泰國野都有炸豬手!D皮咸咸地, 好脆, 配上果個酸酸甜甜既醬, 有少少食燒肉既感覺.再黎就係個個都推介既咖哩蟹.隻蟹大細同我一樣(請自行腦補)咖哩味道好濃, 但係依然食到蟹既鮮味, 我都好想知道秘訣係邊度.泰國野既特色就係好香同埋好濃, 今日既蟹同豬手一個香, 一個濃, 食下一餐之前真係要飲返幾杯水過一過先!

九龍城好多泰國餐館, 而係龍崗道既金蘭花應該係歷史比較悠久既一間。🥰🥰🥰今日同朋友行街頭經過就走入去試下。以我地所知，呢度既咖喱炒蟹、生蝦刺身係好出名既。今日人都唔算太多，姐姐執好位我地就可以入去坐。我地叫左炒蟹🦀雞翼🐥同埋魚🐠炒蟹同條魚就好多三色椒同埋洋蔥，好香，好濃味。😍😍份量其實都冇我地想像中咁大，隻蟹一人一隻就差唔多。雞翼有少少焦，但我又覺得ＯＫ，因為佢唔係窿曬，佢係窿得黎好香口既。條魚既皮好脆，我中意個魚頭！呢一餐既野食都比較濃味，所以我地叫左個椰青中和返！🥤🥤🥤

呢頭好多泰式餐廳，多到令我眼都花埋，之前同朋友係附近行街既時候見到呢一間既裝修係比較有特色既，所以我地決定今次黎呢度一戰！坐低睇睇openrice，發現好多人都大推佢地既咖哩蟹，我地又叫左一碟黎食。蟹既大小岩岩好，個汁都好濃，有洋蔥，青椒等等既配料。食完隻蟹仲有好多汁剩低，所以我地就叫埋薄餅黎點啲汁食。另外我地都叫左個串燒拼盤吃，CP值都幾高，有牛同雞沙嗲，札肉同埋春卷果Ｄ，我最中意就係佢地個炸蝦球，唔會好厚粉！由於時間關係我地無叫到咁多野食，雖然好味但都要留肚今晚返去做節架！

今日同工人去左九龍城呢邊買野，佢話一直都好想食金蘭花，見佢呢排都幾生性，就實現一下佢既願望！我地行到去門口見到佢地既午市推介牌，我地叫份泰式海南雞飯＄２１０呢個海南雞未去骨，但係食落口無碎骨，都好容易食既工人姐姐就叫左個泰式船湯河＄５２，工人姐姐驚食到豬肉，所以Ｄ肉比曬我食。肉丸有五粒，即使平時去粉麵檔叫魚蛋河都未必有五粒咁多，粒粒都彈牙爽口。上面既肉碎亦都唔會話浸到梅曬。平時飲開既多數都係港式奶茶同台式奶茶，呢度就有泰式奶茶，泰式既同平時既有咩分別呢？原來係在於凍飲，有好多冰，一來中和甜味，二來可消暑。而且佢地既奶茶係橘紅色的。

呢頭好多泰式餐廳，多到令我眼都花埋，之前同朋友係附近行街既時候見到呢一間既裝修係比較有特色既，所以我地決定今次黎呢度一戰！坐低睇睇openrice，發現好多人都大推佢地既咖哩蟹，我地又叫左一碟黎食。蟹既大小岩岩好，個汁都好濃，有洋蔥，青椒等等既配料。食完隻蟹仲有好多汁剩低，所以我地就叫埋薄餅黎點啲汁食。另外我地都叫左個串燒拼盤吃，CP值都幾高，有牛同雞沙嗲，札肉同埋春卷果Ｄ，我最中意就係佢地個炸蝦球，唔會好厚粉！由於時間關係我地無叫到咁多野食，雖然好味但都要留肚今晚返去做節架！

今日就同兩老出街啦咁兩老之前已經一直話想食泰國菜，咁我就上網search下附近邊到有啦，就見到附近有呢間金蘭花泰國菜館，就入咗去食呢間啦見到menu都有好多選擇，食泰國野就緊係唔少得嘅菠蘿炒飯啦，咁兩老又食得比較少，又想食魚，所以就叫多咗一個鹽燒側魚，菠蘿炒飯就用切半嘅菠蘿盛裝，份量亦都好多，肉鬆放面，好正，鹽燒側魚不得不說，燒得好靚皮脆肉嫩，配埋嗰菠蘿炒飯一流！兩老都食得好開心，下次都會再帶兩老過黎食！👍🏽👍🏽👍🏽👍🏽

今日放Lunch，時間就比較長，咁就緊係周圍睇下會有咩食啦，就見到呢一間金蘭花泰國菜館，就都幾吸引就入咗去啦睇完menu，都好多泰國菜嘅款式我就叫咗一個金邊粉同一個小食拼盤金邊粉炒得好好，好有係泰國食野嘅風味，又有蝦，唔會話唔夠味，仲有嗰小食拼盤，有蝦餅，春卷，串燒等合共4款小食，蝦餅好有口感，春卷又脆，串燒配上沙嗲醬真係一流，太好食，其實仲有好多想試，但一個人又真係食唔哂，只好等下一次，人多先再食

今日去咗9龍城嗰頭買野啦，咁之後就開始肚餓，咁就睇下附近有咩野食啦，就見到呢間金蘭花國菜館啦，於是就入咗去啦我就叫咗一個海南雞飯啦，個海南雞飯就啲雞好多，份量好足，嗰飯就係油飯黎，嗰海南雞鮮嫩多汁啦，唔會話太un，仲有嗰個海南雞汁，完全係好match，唔會話格格不入，見到menu仲有好多野食，但因為今次係隻身一人出黎買野，所以就食唔到太多，下次會叫多啲frd出黎，一齊去試呢間泰國菜，太好食🤤🤤

夜晚係九龍城揀左食泰菜，結果有驚喜。炸蝦餅，啖啖肉，熱辣辣，香脆。鮮蝦冬陰公湯，酸酸辣辣，有幾隻蝦，唔錯。薄餅&法包椰皇黄咖哩雞，好好食，黄咖哩唔辣，麵包點d咖哩黎食好正，食完好飽肚好滿足。芒果雙色糯米飯，有白紫糯米飯，略嫌芒果份量少。呢間不收加一，價錢公道，食物水準唔錯，值得一試。

朋友說要跟著我到九龍城,惟有找最穩健的金蘭花因為十年前已開始食她 炒得幾有鑊氣，夠乾身唔油膩，入口彈牙，甜、酸、鹹咩味都有齊，仲有花生碎撈埋一齊食，味道層次豐富到不得了，超開胃，我諗我自己KO一碟都無問題呀。呢個炒椰苗簡單清新，椰菜苗即係最鮮嫩既中心部分，所以食落特別覺得鮮甜爽脆. 酸帶點辣，暖暖的加入魚鍋更正,真的整個明爐端上，整條魚，面上鋪上香料，令魚本身的腥味僻去.. 食落肚暖暖的，還有粒粒酸梅，令魚一嚐甜酸辣  真系好好食!!

天氣太熱不想吃雞煲、打邊爐之類的,就想起可以吃泰國菜,最好到九龍城,因為選擇很多！我們隨意走到金蘭花,通常我們喜歡早點吃晚飯,因為可以不用等位,點了一個菠蘿炒飯,份量很多,賣相都不錯,都是將炒飯放上菠蘿上,炒飯炒得很干身,很喜歡上面有滿滿的肉鬆,配上炒飯吃又估不到原來很夾還點了一個炒青口,一碟有很多隻,新鮮好吃,好像有點蒜容的味道,很好吃。雖然只要點了兩樣東西,但份量真的很多,吃完後飽到有點行不動,下次要與多點朋友再來。

九龍城呢邊真係東南亞美食好集中,隨時都搵到特色美食,金蘭花餐廳雖然店舖不算大,眼見得十張枱左右,外面睇入去都吾係好起眼,但我認為佢都算係一個隱世的餐廳,因為食物質素同味道都超班。炸蝦餅~好香脆,蝦胶打得好彈牙,配酸甜醬好夾。咖哩雞~佢係用麵包裝住的,麵包完完全全吸晒啲咖哩汁,我地將麵包慢慢分拆黎食,真係勁正,咖哩味道好香口,好有椰醬味,吾食得辣既朋友都會食到,因為吾算辣,而雞肉好嫩滑,呢個咖啡配埋白飯真係不得了。