金蘭花泰國菜館

營業中

休息中

九龍城美食匯聚，特別係泰菜, 這間餐館十分老字號，抵食味美，用料十足必點明爐烏頭魚鍋:未來先來一碗湯底，可自行加入魚鍋，酸帶點辣，暖暖的加入魚鍋更正,真的整個明爐端上，整條魚，面上鋪上香料，令魚本身的腥味僻去.. 食落肚暖暖的，還有粒粒酸梅，令魚一嚐甜酸辣，而且好香,整個湯完全滲入魚肉，令其更鮮，味道更出連盛載的爐都是魚形狀，剛好魚肉入口出奇地唔會'鞋'，相反來得嫩滑惹味，連帶本身不太愛魚的我都吃了半條，正正就是太美味

九龍城出名有非常多隱世既小店,而且性價比亦都好高,今日同朋友來到呢間泰國菜餐廳(金蘭花私房菜)。入到去感覺好溫馨,簡簡單單的,有種回到家吃飯的感覺,而且座位舒服,就算幾多朋友黎聚餐都OK。我地點左個菠蘿炒飯,本身我吾係特別喜歡食菠蘿炒飯,但上次去泰國被朋友影響左,所以都愛上了,而金蘭花依度既菠蘿炒飯真係好好食!!!同泰國既味道差不多,都係將炒飯放係菠蘿入面,面頭仲有滿滿的肉鬆。另外我地仲點左個炒青口,青口新鮮,味道亦都非常惹味。

今次同朋友既飯局冇去到食中餐,去左金蘭花食泰國野, 一早就訂左位既關係, 所以吾洗等位, 提提大家想食的話都可以先BOOK定位。好多食品都好適合香港人既口味,又不會太過辣。我地點左個泰式咖哩蟹,大大隻既肉蟹,啖啖都係蟹肉,咖哩汁不會好辣,點上薄餅黎食真係好正。炒海鮮金邊粉,有好大隻既大蝦,味道有小小辣辣地,好惹味。呢間餐廳都幾值得推介,一班朋友食下飯吹下水既好地方,又吾洗咁急速咁趕任食完,食物味道同品質都好,地方都好整潔好舒服。

朋友不斷推介金蘭花話性價比很高,今日經過附近終於可以試一試,因為吾係好食得辣既關係,所以本身都有啲驚,但菜單入面好多野食都好岩食,選擇都好多!!明爐清湯烏頭~用火爐熱住,熱辣辣咁正真係好正,烏頭好滑好鮮味,都吾會好多骨,大人小朋友都岩食,而個湯清清地但因為有魚既關係,所以好鮮甜。麵包咖哩蟹~咖哩吾會太辣,好惹味,差啲想叫個白飯黎配咖哩,麵包吸晒滿滿既咖哩汁,真係好好食,蟹都好鮮甜,而且份量都好多,幾個人食都可以

好耐冇食過泰國野,所以黎左呢間金蘭花泰國私房菜試下,一聽到係私房菜就感覺好似幾專業幾正宗咁,雖然吾係好豪華既裝修,但好有家的感覺,好親切。餐牌入面既種類都算幾多,好多野食都想試下。泰式海南雞,份量好多,好抵食,重好細心咁已經去左骨,肉質滑口,啖啖都係肉好滿足,點上金蘭花特製既泰式醬汁,真係好特別,再配上充滿香茅味既油飯,真係非常享受。炒芥蘭味道都不錯的,食左咁多肉再清清地食下菜真係岩晒,芥蘭一啲都吾老,食落爽口。

好耐冇食過泰國野, 所以就去九龍城黎左呢間金蘭花泰國私房菜試下, 一聽到係私房菜就感覺好似幾專業幾正宗咁,雖然吾係好豪華既裝修, 但好有家的感覺, 好親切。餐牌入面既種類都算幾多, 好多野食都想試下。泰式海南雞, 份量好多, 好抵食, 重好細心咁已經去左骨, 肉質滑口, 啖啖都係肉好滿足, 點上金蘭花特製既泰式醬汁, 真係好特別, 再配上充滿香茅味既油飯, 和傳統的或馬拉式的海南雞飯好有分別。炒芥蘭味道都不錯的, 食左咁多肉再清清地食下菜真係岩晒, 芥蘭一啲都吾老, 食落爽口，加埋一個冰凍椰青

今日一家人出去玩，諗食咩係會成為最大難題。結果係要我諗去食咩，咁啱好奈無食過泰國菜，所以就去食。我地叫左好多野食、咖喱蟹、炒青口、菠蘿炒飯,咖喱蟹大大隻蟹好多肉咖哩汁椰奶味重撈飯一流,咖喱蟹谷咖喱汁先係靈魂所在，呢到嘅咖哩汁椰汁味比較濃，入囗滑送飯或麵包都正，炒青口青口處理得夠乾淨香辣惹味，菠蘿炒飯夠乾身菠蘿有香味。重點黎啦串燒拼盤，cp值超高因為有幾樣野食，例如牛雞串燒、炸蝦球、扎肉、春卷等,值得再嚟一次。

今日終於完sem，可以放鬆下，所以我地一大班人去食飯興祝下。我地集體投票食泰菜，人多可以食多幾樣野，我的叫左咖喱蟹、柚子沙律、泰式鳳爪、串燒拼盤，吾係講笑呢餐真係好正。先講D前菜，柚子沙侓同泰式鳳爪都係用同一個汁，有少少辣帶少少酸，因為柚子本身比較甜用呢個汁真係錦上添花，加上有花生粒增加左D口感。泰式鳳爪夠爽。然後最正係串燒拼盤，cp值超高因為有幾樣野食，例如牛雞串燒、炸蝦球、扎肉、春卷等。最後係咖喱蟹，咖哩汁香濃順滑送飯無得頂，隻肉蟹大隻多肉，大家真係要黎試下。

今日得一支公食晚餐，所以一於去食好啲。咁啱收工見到有泰菜，唔駛排隊唔駛煩入左去食。我叫咗菠蘿炒飯同炒青囗。一個人食飯最好嘅地方係唔洗就其他人，因為人人口味都吾同，正如食個菠蘿炒飯都可能有人會唔鐘意。但係今日呢個菠蘿炒飯令我好鐘意，第一飯粒粒粒分明，第二配料海鮮係新鮮嘅；因為好多時候啲餐廳會貪平用啲半成品嘅配料海鮮，呢到係食到爽口彈牙嘅；第三菠蘿係靚嘅。然後要提下個炒青囗，佢係有D似係避風塘個炒法，有好多炸蒜但又有少少汁唔似避風塘咁乾身，整體好味。

今曰媽咪話太熱想食D酸酸辣辣嘅嘢，我第一時間諗到嘅係冬陰公湯，但媽咪話飲湯咪重熱，一於去金蘭花泰國菜食泰式鳯爪同泰式炒金邊粉。我地落左單一陣，好快泰式鳯爪就上左，呢隻鳳爪都值得一讚，首先因為佢個汁係調得好好吾會太酸or太辣平𧗾得非常好酸中帶辣，辣中有酸就好似泰式鳳爪中嘅神雕俠侶。當我地食完個鳯爪，炒金邊粉都啱啱好上枱。第一樣要讚嘅係炒得夠鑊氣,好多時大家去食泰式炒金邊粉會有水汪汪嘅情況就係炒得吾夠火候，今日呢碟做到la，希望大家可以去試下。

今日遇到個老朋友，一於相請不如偶遇就即興去左食飯。因為即興我地就求其入左就餐廳，估唔到居然有驚喜，咁我地叫左兩個餸，咖喱蟹同柚子沙律。因為主要係想傾下計所以無叫太多食物，估吾到水準超高好味到不得了。*泰式柚子沙律 $76首先講下個柚子沙律，好多時食呢個沙律我都好怕D柚子好澀呢到D柚子甜中帶酸，好開胃，同時D沙侓汁有少少辣令到成個沙律有令一番風味。*咖喱炒蟹 $298然後就係個咖喱蟹，食海鮮重要係新鮮，呢到係嘅。話得係咖喱蟹谷咖喱汁先係靈魂所在，呢到嘅咖哩汁椰汁味比較濃，入囗滑送飯或麵包都正。

平時有去開九龍城吃泰國菜,今次決定試下金蘭花泰國菜館.雖然沒提前book臺,不過去到都5使點等就有位.叫左個4人套餐外加冬陰功.咖喱炒蟹配蒜蓉包真是好好吃,咖喱有濃濃的椰香,不錯總體來講,味道5錯,不過略嫌飲料上得太慢,吃到一半先上齊,希望之後有改善.

九龍城金蘭花，抵食thai food!!!必點冬蔭功湯，中份有成6-7碗，仲好足料，酸酸辣辣好開胃。生蝦肥美厚肉，自己一個可以食哂成碟😝泰式炒椰苗，椰苗唔係間間有，所以黎親都必食！兩個人仲嗌埋芋頭海鮮飯，每啖飯都黏住芋頭蓉，綿綿的。海鮮配料好多，成餐飯食到好飽！

今天是母親節,除左簡左份禮拜送俾媽媽外,仲帶左她去餐廳食飯。係金蘭花泰國菜館訂左枱。可能今天是節日的關係,餐廳人流特別多。睇左陣餐牌,點完餸,就座低等下。先來的是招牌拼盤-拼盤有蝦餅兩件,春卷四條,沙爹串燒四串,香葉包雞兩件,春卷,蝦餅都炸至金黃香脆,外脆內軟。香葉包雞雞肉鮮嫩,帶有陣陣荷葉香,串燒有雞,牛,點上醬汁更添風味。醃魷魚,魷魚肉質有嚼勁，魷魚十分新鮮。 份量足夠焗菠蘿飯-以菠蘿殼作容器,把餸菜盛載。菠蘿味沁透整道菜,再加上一些蔥花,蒜,肉鬆,鮮蝦,味道有菠蘿味！

在佛誕公眾假期,沒乜野做,就求其係附近搵餐廳食野,最近比較鍾意食泰國野,就去左間老牌泰國菜館金蘭花。今天人流都幾多,等左陣先有位入座。先來的是招牌拼盤-拼盤春卷,香葉包雞蝦餅和沙爹串燒,春卷炸至金黃香脆,包雞雞肉鮮嫩,蝦餅外面脆卜卜,入面蝦肉味挺香,串燒有牛和雞,味道挺好。然後到醃魷魚-魷魚口感有嚼勁，咬落嫩脆鮮香,這道菜比較簡單,沒有額外的調味料。最後是大圓法包椰皇咖哩雞-這是店鋪的主打菜,咖喱偏香甜,椰汁味濃,帶少許的辣。雞肉因被麵包包住,入面保持嫩滑。