金蘭花泰國菜館

九龍城出名泰菜老字號《金蘭花泰國菜館》，開業多年仍然保持人氣旺盛，今晚等我嚟一試究竟啦！🥬 泰式生菜包 泰式生菜包係開胃小食嘅王道！新鮮脆生生嘅生菜葉包住炒得香脆嘅豬肉碎，入面仲夾埋細細粒嘅香茅、蒜頭、紅辣椒同青檸，淋上特製魚露醬汁，酸辣甜鹹四味完美平衡，咬落爆汁，解膩又提神，夏天食完即刻覺得清爽，份量夠晒一盤分享，好啱做開胃菜刺激味蕾！🐙 泰國明爐鮮魷魚鍋 泰國明爐鮮魷魚鍋熱辣辣明爐上枱，視覺同味道都勁吸引！整隻新鮮魷魚整條蒸煮再切開，魷魚鮮嫩得嚟熟度恰到好處，彈牙唔會老韌，配埋新鮮青檸片、紅綠辣椒絲、香草同羅勒葉，湯底用魚露同檸檬草熬成酸辣清新，帶淡淡海鮮鮮味，明爐火力保持湯熱到最後一口都暖笠笠，湯底入味但保持魷魚嘅原汁原味，簡單健康無負擔，好啱幾個朋友圍爐分享，邊煮邊食！爽🍲 青咖哩喱海鮮撈金邊粉 青咖哩喱海鮮撈金邊粉絕對係泰式咖哩嘅經典代表，海鮮新鮮，有彈牙蝦仁、十足咬口嘅魷魚圈同煮到啱啱好嘅青口，浸喺濃郁青咖哩醬入面，椰奶滑順帶青辣椒同香茅嘅清香，甜甜辣辣，金邊粉細滑吸滿咖哩汁，撈埋食啖啖海鮮配咖哩香夠哂滿足啊😌🥤 青檸梳打 青檸梳打係完美解辣飲品，清爽～新鮮青檸汁擠出酸味，泡入蘇打水，飲落冰涼直入心脾，叫無糖可以完美平衡泰式菜嘅辣味同油膩，飲完即刻醒神提神，無負擔又好味，感覺自己喺泰國chill緊！…查看更多

而家有左宋皇台站之後, 去九龍城真係方便左好多, 今晚想同朋友食下泰菜,行左幾條街見到呢間, 寫住超過30年老字號, 有兩間鋪頭, 店員都係泰國人, 重點係不加一, 一於就同朋友試下先牆上面好多上菜都好吸引見到隔離枱叫脆皮豬手都好靚, 不過下次要多人小小先叫到而我地就叫左泰式燒牛肉見到有幾枱客人都有叫呢個泰式燒牛肉我地一於跟！黎到份量都好多,牛肉燒到七至八成熟食落口感岩岩好, 唔鞋口,粉嫩juicy, 炭香撲鼻點埋個汁, 酸酸辣辣好開胃泰式燒豬頸肉每次食泰國菜都必叫既豬頸肉呢度既豬頸肉都係水準之上大圓法包椰皇黃咖喱雞睇相已經對呢個好有興趣, 咖喱同埋法包真係無法抗拒用左原個椰青熬煮出黎既黃咖喱雞肉滑嫩, 最驚喜係個椰肉, 開頭咬落去以為係洋蔥, 點知原來係椰肉, 好清甜咖喱香濃幼滑帶小小微辣香法包外脆內軟, 咬落去嗦嗦聲浸落去咖哩度一齊食, 最後不經意就食哂成個法包最後叫埋龍眼冰同青檸梳打透心涼之選…查看更多

最近我去左一間名叫金蘭花既泰國菜館，真係令人驚喜既好地方！呢度啲泰國菜色香味俱全，每一道菜都令我忍唔住想多叫多幾份。首先，我試左佢地既泰式燒豬頸肉，豬頸肉肉質好嫩滑，外皮烤到焦香，裡面有保持著多汁既口感。搭配上特製既泰式醬汁，酸酸甜甜的味道，令人每一啖都想再黎一啖，簡直係送飯既好選擇。跟著我叫左九層塔炒花甲，九層塔香氣瞬間撲鼻。花甲炒得剛剛好，肉質鮮嫩，簡直太好吃啦我仲試左大圓法包椰皇黃咖喱雞。呢道咖喱特別濃郁，雞肉煮得軟嫩，椰汁既香甜搭配咖喱既香料，令整體味道層次分明。食果陣時仲可以用法包來沾著食，咁樣既搭配一絕！最後，我叫左龍眼冰和椰汁冰兩杯飲品解渴，呢兩樣都有清新既感覺。龍眼冰甜味岩岩好，而椰汁冰就帶有好重椰子味，令整個用餐體驗更加完美。👏🏻👏🏻👏🏻…查看更多

今日去啟德睇波前，嚟到一間食泰國菜既老字號醫肚先！一睇就知呢一間餐廳已經屹立咗喺九龍城多年，店員仲有唔少係泰國人，保證泰菜夠晒正宗！冬蔭功湯🌶️冬陰功湯味道濃郁又夠正宗，入面有唔少大蝦同埋各種菇類，非常足料！泰式燒牛肉🐮燒牛肉份量多，牛肉嘅牛味濃郁，點埋秘製嘅辣醬汁零舍惹味！黃咖喱雞大圓法包🥖黃咖喱嘅椰香味好重，法包焗到非常香脆，用呢個咖喱嚟點法包真係會令人食唔停口！飲品方面，我哋就揀咗龍眼冰🧊 同 椰汁冰🥥，兩杯都消暑又解渴！…查看更多

九龍城泰菜必選呢間！30年老字號有質素保證👏仲係明星愛店，唔怪得平日都咁爆場！.一定要試青咖喱‼️青咖喱味道特別香濃，帶有微微椰奶甜味，金邊粉好掛汁～海鮮仲好足料🥳辣得好過癮～.猜也蓬炆牛肉最有驚喜，牛肉肉質腍、滑唔洗講，啲湯濃到～牛肉精華係晒入面😍連平時唔係太好飲湯嘅人都覺得好好飲～.樣樣都好食得唔得架～仲有仲有豬頸肉！肉質肥瘦剛好，仲帶焦香😚飲埋香甜龍眼冰/青檸梳打，係令人想念嘅泰國味道😛…查看更多

平時想食泰國野通常都係嚟九龍城搵食 今次見到呢間餐廳有2個舖位仲唔洗加一咁緊係要試下泰式蝦餅蝦餅入面係滿滿嘅蝦肉 真材實料 蘸埋泰式辣醬將蝦嘅鮮味提升上嚟 酸酸甜甜咁好開胃九層塔炒花甲花甲無沙洗得好乾淨 肉質夠飽滿 醬汁鹹香中帶點微辣 用呢個汁嚟撈飯超正泰式魷魚鍋湯頭係酸辣味 辣得好過癮 魷魚幾新鮮 食落爽脆彈牙 仲有好多索哂湯汁嘅椰菜 好惹味椰汁冰椰奶味香濃 甜度都啱啱好青檸梳打清爽解膩 食完重口味野飲一啖即刻refresh返個味蕾…查看更多

大圓法包椰皇黃咖喱雞🍞嘩嘩嘩📣📣📣賣相已經不得之了，黃咖喱唔太辣好啱我口味，雞肉夠晒嫩滑有埋椰肉好夾，令到個咖喱冇咁油膩，一定要講一講個麵包🥖軟硬適中點埋咖喱真心好味😋我個人覺得必食的。泰式燒豬頸肉🍖其實豬頸肉真係唔係間間好食，佢地完全唔乾身仲好嫩滑，點埋個醬小食黎講係正嘅。九層塔炒花甲🥢花甲都好大隻，九層塔好鬼惹味，完全提升到一碟普普通通嘅花甲，正呀喂…龍眼冰、青檸梳打，兩杯都係泰國代表，消暑解渴好飲。…查看更多

𓆸金蘭花 喺九龍城三十幾年屹立不倒，主打正宗同性價比高嘅泰菜，今次點嘅幾樣菜式都幾唔錯！餐廳有分兩個鋪位，環境好地道有當地泰式餐館風味𓂃泰式燒牛肉每次去泰式餐廳都必食嘅泰式燒牛肉，用上安格斯牛肉，燒得啱啱好五成熟，外層焦香內𥚃肉嫩呈粉紅色，沾上泰式醬汁辣辣地非常惹味！𓂃泰式生菜包帶微辣同埋富泰式香料味，好易入口，生菜包住肉碎既清爽又開胃𓂃泰式魷魚鍋全晚最期待係魷魚鍋！原個明爐上望住佢由生煮到熟，確保唔會𝙤𝙫𝙚𝙧𝙘𝙤𝙤𝙠𝙚𝙙，魷魚保持到爽彈，配住泰式酸辣湯底食，愈食愈辣同愈過癮，鍋內仲有椰菜超索味，好推薦大家試下呢個泰式魷魚鍋𓂃龍眼冰𓇨青檸梳打兩杯飲品都好清新解渴，特別配酸辣菜式飲特別夾，好解辣…查看更多

今日收工之後，經過九龍城，上OpenRice睇有邊間好食，結果就入咗嚟，由於嗰時係6:00左右嘅時間，所以成個九龍城都仲好寬敞，好舒服。餐廳開業30多年，店員都是清一色的泰國人，非常友好，而且還能就住個人口味提供意見。首先一定要提這一個黃咖喱雞椰皇大圓法包，咖喱汁香濃，而且有椰奶味，唔辣，少少甜，雞肉嫩滑，配飯一流；食完咖喱之後，仲可以將咖喱汁倒落下面法包，法包充滿咖喱汁，很好食。之後就係呢一款青咖喱海鮮金邊粉，海鮮本身是新鮮，另外金邊粉充滿咖喱汁，每一啖都好濃稠，很好。生菜豬肉包係必點嘅，呢度嘅特色係豬肉味好香，而且辣味唔太重，而且唔咸。最後當然唔少得叫兩杯飲品，我揀咗野生冰同埋芒果冰，都係嗰個優點，唔會特別超甜，所以食完比較濃味嘅嘢，飲番杯冰，真係好好。…查看更多

金蘭花泰國菜館位於九龍城，而九龍城亦算是泰菜戰區，金蘭花泰國菜館能夠在九龍城立足三十年，可見金蘭花泰國菜館的實力。金蘭花泰國菜館匯集了泰國各區特色料理，就連街邊小食、家常菜也可通通點得到，嚐得到，從北吃到南亦不是問題。海鮮炒粉絲是金蘭花泰國菜館的人氣料理，海鮮炒粉絲炒得乾爽夠味，海鮮、紅椒、洋蔥、青蔥、蛋塊這些配料豐富了味蕾，尤其是魷魚和蝦仁給得多，感覺每口都吃得到。海鮮炒粉絲鑊氣十足，幼細的粉絲更能吸飽材料精華，好吃到立刻完食。愛吃牛肉的別錯過泰式燒牛肉，泰式燒牛肉表現同樣出色，剛上桌就能聞到濃郁的燒烤味。泰式燒牛肉是泰國東北的特色菜，將牛肉火烤至外層焦脆，內層鮮嫩，泰式燒牛肉有豐沛的肉甜味，可以先吃原味，再沾上金蘭花泰國菜館秘製醬汁，提升牛肉的甜美。泰式魷魚鍋在火爐上傳出淡淡香氣，鍋裡的檸檬葉跟香芧等香料都是從泰國坐飛機空運而來，熬煮成最正統的泰式湯頭，熱湯帶點微酸，解膩又順口，就算不是泰國人，也會愛上這湯。大口咬下泰式魷魚，真的軟嫩，搭配湯汁一起入口後更是有層次，泰式魷魚酸酸辣辣的，好讓人欲罷不能，泰式魷魚底下有不少椰菜，口感爽甜，泰式魷魚鍋怎麼吃都涮嘴，絕對是來金蘭花泰國菜館必點品項之一。不用飛去泰國就能喝到正宗的龍眼冰，金蘭花泰國菜館遵從泰國道地的做法，喝起來真的跟一般店賣的龍眼冰完全不一樣，朋友一口接一口喝著，龍眼冰甜度適中，就算有冰塊，融化後也不太影響甜度，非常厲害的龍眼冰。飯後一定要來一杯椰汁冰，椰子冰喝上來挺椰子，而且透心涼，配上味道比較重的泰式小菜，頗合拍和解辣，比起想到泰菜直接想到的泰式奶茶，簡單的椰子冰較合我的味兒。…查看更多

📍      金蘭花泰國菜館🌍      香港九龍城龍崗道10-12號地舖📝整體評分： ８／１０ 金蘭花泰國菜館係九龍城開業幾十年既老店，環境簡陋帶泰式風情，棕黃色牆面營造暹羅氛圍。✿  泰式燒牛肉•  見Openrice好多人都點呢泰式燒牛肉，加埋份量睇落好多好抵食咁就點左。牛肉燒至七八成熟，保留粉嫩肉心，炭香撲鼻，一口下去牛味爆發，黑椒辣味，點蘸汁最好食！

✿  泰式生菜包•  肉碎入味，蒜香十足，檸葉味突出，勁有泰國味，酸辣開胃~
✿  大圓法包椰皇黃咖喱雞•  用原個椰青熬煮黃咖喱，加入雞肉和椰肉，咖喱香濃幼滑，帶椰奶甜香和微辣香料味。法包外脆內軟，浸滿咖哩。咖喱超膨漲，唔想哂左D咖哩，忍唔住叫多碗飯撈！
✿  椰汁冰• 飲咁重口味既野，想要清甜飲品balance, 初初飲會偏甜，但味道愈飲愈岩
…查看更多

每個月都會嚟九龍城幫襯一次金蘭花。呢間做咗好多年，泰菜夠地道又穩陣，冇太多花巧，但食得安心。今次叫咗豬手飯、冬蔭功同蝦醬炒通菜。豬手炆得好腍，啲皮冇膩感，肉味都保留得好；飯吸收咗汁，好味到唔捨得剩一粒；冬蔭功夠酸夠辣但唔刺喉，料多蝦夠大，湯底香料煮得有功夫；通菜清脆又唔水汪汪，蝦醬炒得剛剛好唔會太搶味。價錢合理，份量又唔吝嗇，每次食完都飽飽地。唔係啲新派fusion嘢，但就係好味實在，係我心目中老老實實嘅好餐廳代表。…查看更多

母親節當然由我決定今晚食乜嘢，老公同呀女都一致讚成去九龍城金蘭花。頭盤叫咗我地致愛的泰式燒牛肉，一如既往，用上乘安格斯牛肉，師傅巧手，剛剛半熟，仍然粉紅色，肉嫩又帶少少烤味，必點之選！ 但燒牛必需盡快品嘗，否則凍了，口感便會乾硬。主菜離不開叫了泰式咖喱蟹，蛋香濃郁，咖喱味濃，正！ 我哋叫了兩客蒜蓉包都清晒。泰式魷魚鍋，又一驚喜，酸辣魚湯底，清香但有多重層次，唔食得辣，勸喻最好叫少辣。 👍🏻泰式生菜包，微辣，惹味非常，師傅炒功了得，生菜包埋惹味肉碎，非常開胃。總括食物水平很不錯，在金蘭花食嘢，不防大膽叫佢地泰國菜，不要怕貴，因為佢哋根本一點也不貴，例如叫一客美味足秤的咖喱蟹都只係$368-，我過去10去都幫襯無數次，從未中伏。👍🏻👍🏻👍🏻…查看更多

睇到某影片分享平台介紹, 話呢一間係老字號, 好多年歷史, 好多城中名人, 泰國人去幫襯!!咁就去試吓啦~ 結果係失望而回!!個日係星期日, 大約2點左右去食. 入到去一個客都冇, 心諗都心知不妙!! 叫兩個餸試吓, 唔敢叫太多, 驚中伏!!點知真係中伏!! 燒牛肉勁乾，勁韌！芋頭海鮮飯，冇鑊氣！冇芋頭味！芋頭粒勁少！（衰過福建炒飯🤣）雖然佢係少有有泰國餐廳係免+1, 但真心難食!! 幾平都搞唔掂!!!*個餐牌好污糟,黐立立*…查看更多

服務殷勤支援支付寶，現金，不設加一服務費咖哩肉蟹：有肉有高份量足咖喱有蛋花香。燒牛肉：好香安格斯牛肉味、冇筋、油脂平衡，特製醬汁微辣好味。薄餅：新鮮熱辣脹卜卜好味。白鯽魚沙律：魚肉無骨、鬆化，配酸酸辣辣好味！…查看更多