金蘭花泰國菜館

營業中

休息中

今天來到九龍城工作收工去就去尋覓好餐廳,突然想起可以吃泰國菜！又見到這間金蘭花的菜式挺吸引的,就入去試一試,入座後看看餐牌,餐牌食物種類挺多的,當然會點餐廳招牌菜之一,海南雞飯。雞肉嫩滑彈牙之餘,而且肥瘦均勻,最重要係貪他是去了骨的,真的是啖啖肉。而且份量多過油米飯,十分足料,值得一讚!我一個人的關係所有沒有點太多東西,只是再點了一份小食炸蝦餅,炸得一點也不油,很脆口,而內面很彈牙,蝦味都很濃。不過一個人來說吃完真的太飽了。

每次一病完後,口味總是變得很乾,特別愛吃香辣的東西,所以今晚必須破例去九龍城剌激下我的味蕾! !!這道菜可以說是全店最貴,但是這炒蟹可算是這店的招牌菜,不能不點。果然,佢無令我失望。濃郁的咖哩汁附上蟹肉上,與蟹肉的鮮甜完美融合! 鹽燒鰂魚-這道菜用日本的海鹽照燒,鰂魚沒有去魚皮和魚鱗,十分香脆,入面白色的魚肉又嫩又滑,與出面乾身的 一種新鮮感。相信鰂魚是保留魚鱗直接燒，剛好把魚肉嘅原汁原味封存起來。所以流出嘅油份，就係魚自身嘅油份，所以先可以原汁原味食到魚嘅鮮味！

同朋友們去九龍城既一間由泰國人主理既私房菜，好多朋友都介紹過呢間餐廳。店內既裝修環境簡單普通，但好整潔！我既肚餓指數已經超高，急不及待打開餐牌點食物，食物選擇都幾多種類啊炒金邊粉又點少得，份量都幾大碟的！味道調教得幾好，炒得乾身，食落吾會成口油，撈埋啲肉碎一齊食仲更加香口添呢而蔬菜方面就點左一碟炒芥蘭，芥蘭都幾嫩滑，完全無渣，炒得好香口，味道幾吾錯的！餐廳仲特別加入左甘筍、雲耳、草菇等等一同炒，新鮮又健康！下次要搵多啲朋友一齊黎試下其他野食呀

九龍城不嬲出名多嘢食，特別係泰國菜🇹🇭，所以今日就去咗九龍城試吓呢間小店金蘭花🌸叫咗三個小菜，咖喱蟹🦀，明爐烏頭🐟同埋海南雞🐔，三樣都勁泰國style😛咖喱蟹個咖喱醬超正🤤，唔太辣，甜甜地，要來點蒜蓉包或者薄餅超正👍🏻另外明爐烏頭🐟，除咗有條魚，仲有好多肉碎🐖同埋草菇🐚，味道係酸酸辣辣🍋🌶，十分開胃，直情想飲晒啲湯佢🤭另外個海南雞🐔，啲肉質都煮得好滑㗎😋，好食😚

久違了的泰國菜我尼啦*酸辣鳳爪做前菜，酸辣平衡，惹味令胃口大開，顏色配搭又鮮艷奪目，眼睛跟味蕾都在享受。海南雞一點也不會過肥, 是雞油較少的那種, 像曼谷水門那些, 即使這雞皮也沒有那麽有罪惡感。雞肉肉質嫩滑, 雞胸也不算"鞋"。加上己起了骨才上碟, 吃起來更方便。海南雞飯跟住就上，叫飯送汽水油飯幾香下，不過無咩味亦有啲太硬，雞既油脂同肉分佈唔錯，入口夠滑點埋醬汁，正!! 味道真系無得彈!! 一星期食一次都吾覺得厭 GOOD!!

最近都食左不少食日本菜,西菜, ,諗食乜,諗黎諗去都冇乜好idea,於是諗起不如轉下口味,今日一於就試個泰國菜!所以就上網睇下有咩好推介,好多人都推薦既一間泰國菜館-九龍城尼一間金蘭花。我地點左好多野食,咁就簡幾款黎講下啦!泰式鳯爪見到人地個碟好靚，所以叫了一碟，都幾辣，味道就普通啦 辣椒羔炒青口大概是今晚最好食的一味菜(個人認為,其他都吾差的) ，上枱時賣相很吸引的，醬汁看似很濃的，食洛完全不辣，青口肉質尚算是新鮮，下次都要再同屋企人尼過!! 麵包咖喱雞呢個係焦點，因為我地一向都好鍾意用麵包配咖喱，所以呢個大家都食得好開心，個人黎講如果個咖喱多返d辣會更好，因為呢個偏向香甜椰汁味多~

想揾一間食正宗泰國菜嘅餐館，朋友介紹話有間泰國菜餐廳金蘭花值得一試，我係中午時段，就打電話約埋朋友放工後，慢慢行住街過去到埗後，餐館環境都特别，感覺上溫馨簡單，入到去睇完菜牌就同朋友決定點菜了，點了一個小食拼盤還有燒烏頭，這裡的醬料味道非常不錯，酸酸地開胃，魚身肉質都滑～燒烏魚咸度剛剛好，內裡的肉質滑而又新鮮，不會燒到好乾。拼盤內有各種類的食物，串燒配搭的醬汁也是濃郁可口，令人回味無窮，吃到正宗的泰國菜，真的是大滿足～

同朋友食飯 朋友佢成日黎食依間 仲成日話依間好正!! 令我好期待,所以今日要同佢尼試下: 我地點左串燒（雞同豬）+春卷 勁好食燒到岩岩好,仲有啲肉汁點埋啲汁 真係好正!! 他們正在sell 緊辣椒羔雙蟹，只售 $258， 非常扺食，但始終是細蟹，我們一行六人，始乎不夠食，但辣椒羔配上蟹肉，非常惹味。下次可以叫雙份!! 炒金邊粉又係正宗得黎，又啱我同朋友口味，酸上小小青檸微微酸味十分開胃，加上金邊粉好爽口，唔會太淋好似一太塊咁，炒得啱啱好！加埋花生碎口感一流！我地個個都爭住話要食好快就清曬!!

今日同舊同學敘舊，去左九龍城搵野食,行左一陣就決定去食泰國菜,估唔到係一餐驚喜晚餐,唔係咁肚餓嘅我地嗌左2樣餸，前菜柚子沙律,甜甜酸酸的,非常之咁開胃,本身都好驚柚子會好苦好澀,但今次又冇呢個情況出現,同埋個沙律汁到特別,吾係用平時既沙律醬的,但呢個沙律汁又竟然同柚子幾夾。然後重點來了,咖哩蟹又新鮮又大大隻,咖哩椰汁味濃,唔會感覺太過辣,再嗌埋個白飯黎配咖哩汁真係一流,有呢個咖哩汁送飯我諗真係食四五碗都得!!

金蘭花的性價比高,口味都算正宗,一直都獲得朋友的一致好評,價錢很公道,款式又多,來到泰國菜餐廳又點少得咖哩類,不想吃太多肉,所以沒有點咖哩雞,只是點了咖哩蟹,蟹確實很大隻,非常多肉,肉質很新鮮,香辣的咖哩味非常美味,但又不會太過辣,又用了洋蔥來調味,重點是完全不會蓋過鮮甜的蟹肉味,用想放白飯或者薄餅真係一流!但我再點了一個炒金邊炒,味道甜甜的,我發現泰國的炒麵類通常都是甜的,不知道是不是泰國人都很愛這樣的口味,但不得不說味道又真的挺好吃。

我一向都好喜歡泰國菜，呢間就在公司旁边，走三分鍾而已, 裝修簡單, 泰國菜甜甜酸酸真係好開胃,同事帶我去食的，貌似是私房菜啊,非常不錯的東南亞風味，菜品口味地道，食材新鲜。中午吃飯時間果然是能坐滿的，生意不錯。味道整體來說還不錯吧!明爐烏頭和咖喱蟹必點，招牌美味，绝對不能错過。烏頭魚酸酸甜甜的，口感比較清淡，能吃出魚的清香, 另外，叫左黃咖哩蟹，呢個咖哩加埋薄餅一齊食，真係好好味,食落都幾有正宗泰式菜的感覺。

九龍城好多出名嘅泰國菜食，今次試依間環境就比較舊派，舖頭位置都唔多，但都坐得舒服！兩個人嗌左個生蝦、馬拉盞炒通菜、豬頸肉同菠蘿炒飯share黎食個生蝦好新鮮，完全無腥味，依到有埋炸蝦頭同蝦尾，不過驚熱氣無試到個通菜就炒得麻麻地，可能係啲菜太老唔新鮮，有啲硬，好難咬！個燒豬頸肉好好食！燒得岩岩好，肉質係好嫩滑，完全唔會難咬，肉汁好豐富，真係忍唔住係咁食菠蘿炒飯都好食，唔會炒到好乾，好多肉鬆！野飲就嗌左泰式奶茶，不過依間個味同泰國飲就差得有啲遠，個茶味唔太一樣，有啲失望。但整體黎講依間都中規中矩嘅，唔太差但都唔太特別話好好食，除左燒豬頸肉高質外其他無乜太突出。

今晚來到九龍城～突然想食海南雞！就入左呢間金蘭花泰國菜食野。本身諗住有得食就算，點知呢隻雞嘅水準係超高！我大大話話都食左這麼多年雞，呢隻雞一入囗就知好！首先你D牙係會感受到塊雞皮嘅Q彈！我知道有好多人怕雞皮肥淋淋軟瀨瀨，但係呢塊皮完全無呢D情況，入口彈得黎又爽！雞肉同皮完全係兩個情況，雞肉夠結實，但唔係死實，食得出係有雞味！呢到點雞只有一種泰式醬汁，呢個汁可以話係畫龍點睛，酸辣嘅味道～令人一啖接一啖真係停唔到口！宜家係香港好難食到咁嘅質素嘅雞，真係值得一試。

九龍城大大小小的泰國菜館相信有數十間，每次都會嚐試不同的。今天去的位於龍崗道的一間，位置便利。裝潢並沒有特色只是一間老派菜館，但坐得舒適，有懷舊惜曰九龍城的風貌。頭炮是一碟炒通菜，有鑊氣香噴噴，少少微辣增加味蕾，先幫我們淸消腸胃再戰美食。黃金大頭蝦是店內人氣之選，無理由唔試下。真的有手掌大小，蝦味濃郁，只可惜黃金醬汁過於普通，沒有預期的好。法包椰皇咖哩雞不得了，賣相先吸睛。法包看似脆脆，食落真的嗦嗦聲，好鬆化。店方亦非常細心在包內裝置椰皇殼，盛載咖哩汁，免得咖哩汁放耐麺包變軟，影響口感。咖哩汁好惹味，麵包醮汁無得輸。

以前啟德機場去九龍城， 所以九龍城有好多各國家既野食， 而家九龍城食泰國菜好出名，我都去試下😼😼去到九龍城， 經過呢一間野， 係門口睇餐牌， 覺得唔錯😼😼 便入去試下，選擇很多😸 沙律串燒小食炒飯等很多種類，亦有泰式飲品😸我點了很多串燒，馬拉盞炒生菜、生蝦刺身和串燒拼盤，十分美味。每樣菜式份量不多，所以可以多叫。另外有一種泰式石柳飲品，值得一試！😻覺得呢一間餐廳真係值價比很高啊！ 下次可以帶埋多啲朋友來，可share 食多啲唔同嘅野食!