金蘭花泰國菜館

營業中

休息中

有朋友有勞於我所以請我食餐飯~佢話一直都推介呢間餐廳俾身邊既朋友食,佢話因為真係好好食特別係佢地既咖哩!同埋佢知我中意食咖哩嘛,算係有誠意啦,去到環境算唔錯,幾有泰國風,都乾淨整齊,個個服務員都好nice講番野食先,我地叫左咖哩蟹同咖哩大頭蝦,果然來頭唔小,海鮮的確係好新鮮，就算佢既咖哩好香好重味,都唔會覆蓋左佢海鮮既味道,到佢既咖哩,岩岩都講左啦,好香,辣得野味,好有椰奶香味,咖哩唔會汁唔會好似水甘,係我中意咖哩既味道同感覺 我都推介大家嚟食呀

九龍城最多就係泰國菜食😛今日都好得閒下 所以專程揸車去食🤣其實好多間都食過嫁啦🤣🤣今次食金蘭花🥰🥰未食過🤣入到去都好有泰國風🤤休閒既感覺🤤我叫左馬拉盞炒通菜🥬芒果雙色糯米飯🥭椰汁糕🥥咖哩🥘同埋用泰式烤魚既方法烤八爪魚🐙平都有食開泰菜既朋友都應該對頭幾樣餸唔會陌生🤪只有烤八爪魚 我本人未試過因為八爪魚其實唔容易入味🤣但容易搭配但無諗過咁樣都好好食!!好容易提起鮮味因為有檸檬🍋有破格既感覺🤣🤣未試過大家可以去試下🥳🥳

之前食過一次，覺得幾好食所以今次再黎點知食物質素差咁多😡叫左黃咖哩牛腩、生菜包、手抓包牛腩得四、五塊，薯仔洋蔥仲多過啲牛腩，賣$118一碟，價錢完全吾值！生菜包仲離譜😡啲生菜係爛，仲要污糟叫侍應換過碟，佢仲塗手拿住出來俾我然後換左嘅個碟菜仲差過未換個侍應語氣不耐煩咁解釋話「啲菜係雪得耐先咁嘅樣，吾係爛」既然係咁，點解仲要攞出來俾人食？仲要明知啲菜係要生食，仲可以塗手攞啲菜好嬲！吾值得再去幫襯感覺吾休做，吾珍惜啲食客

返工成日都係叫求方便而叫外賣，食都食到厭啦！於是開始睇下附近有冇咩好食既餐廳，得閒可以去試下。而今次就嚟到呢間專門食泰國菜既餐廳，金蘭花。Menu款款食物都好吸引，令人每一款都好想試，好想叫晒去呀，但係可惜我就得一個胃，試唔曬更多嘢食，望住個MENU望左好耐。突然諗起好耐無食咖哩，就順便試下泰式咖哩既味道。嗌左個咖哩炒蟹咖哩炒蟹味道一流！！本來諗緊，咖哩同炒蟹兩種咁唔同既味道會點樣融合起嚟，冇諗到原來可以咁好食！咖哩十分濃厚，但係炒蟹既味道都冇輸，加埋一齊非常美味如果要食咖哩，就當然要配埋飯一齊食啦！份量多到我食左兩碗飯，超級飽!

今日約咗舊同事食飯，隨機就搵咗呢一間 金蘭花泰國菜,地方唔算大 不過坐得都算舒服既.我好中意食蟹,蟹癮時不時發作,所以叫左隻咖哩蟹麵包黎食.泰式咖喱蟹更是首選，集甜、香、辣、濃、滑於一身，汁料滿滿一盤，食曬蟹肉後拎D汁黎醮麵包或撈飯，令人欲罷不能。呢個拼盤有好多野食, 有雞牛豬肉既串燒, 加上沙嗲汁真係不得了!不過我就最中意佢個春卷, 炸得勁香!最後就係條魚, 十分之泰國味!一擺埋黎勁多菇呀, 香料呀姐係金不換果D, 同埋辣椒, 個湯汁好好飲. 條魚個SIZE岩岩好, 唔會話太大/太細條.

收工啦！又係食好西既時間啦！六點至七點，我同另一位同事係九龍城附近徘徊，已經好耐冇試過係呢個時間放工，於是我地比平時更加精神去搵餐廳。行左一陣，就見到呢間金蘭花。平時都很少有機會食到泰國嘢，同事話咁就更加應該要去試下，好爽快就入左去啦。👇-📌泰式鹽燒側魚 - $93👉望左陣MENU，係確實款款都好似唔錯，反而令人諗左好耐，到底應該叫咩食好。最後我地就叫左個泰式鹽燒鰂魚，鹽燒鰂魚一上枱就有陣陣香味，真係好香！完全比呢份香味征服左。 📌脆皮豬手 - $198👉其實脆皮豬手都係一樣香口，外皮相當脆身，口感細緻，唔會太油膩。而肉質方面食苟唔會太腍身岩岩好，入口每啖都係一種享受，兩個都食到得勁飽好滿足呀！

今日黎開九龍城買野就走入呢間金蘭花度食個下午茶,呢個時間黎講都算係旺, 都有幾檯既.呢度既裝修真係好有泰國味. 牆上面有好多野食既相可以比我地參考.叫左燒魚, 有少少窿 不過真係燒得好香, 皮好脆, 仲有醬可以點, 酸酸地同條魚幾夾.之後叫左個炒菜食, 呢碟菜炒得岩岩好, 落左辣椒吊味, 成個汁都係好夾.我另外再叫左個柚子沙律, 都係酸既, 柚子都靚, 唔苦, 酸酸甜甜咁.食泰國野就係最中意佢既香料同埋酸味, 而呢3道送都十分之酸甜同埋好香既香料味!

泰國菜最多選擇架啦!夏天咁熱,酸酸甜甜既菜食落都開胃d呢間金蘭花係九龍城好出名嫁,都食過好多次酸辣去骨鳳爪: 已經去曬骨,並且醃得好入面,鳳爪好彈牙,又夠凍,好開胃之餘,份量又多炒雜菜: 有紅蘿蔔,菇,木耳,菜心,唔油,算係清炒既,蒜味唔係太重菠蘿炒飯:最期待係呢個,半隻波籮裝住,d飯多到成座山咁,仲有好多配料添,粟米,蝦粒,菠蘿,洋蔥,又夠鑊氣,配埋肉鬆,甜甜地又酸酸地,勁過癮,我諗呢個就係我中意泰國菜既原因

姨媽岩岩係加拿大番來,話好掛住香港既小泰國,於是我呢個地頭蛇,一於帶佢去一轉小泰國!雖然有好多唔同既選擇,但我地依然食最代表泰國既食物!菠蘿炒飯同埋大圓包椰皇咖哩雞,之前family day果陣已經有叫過,亦都係令我地最深刻,同最好食既.-菠蘿炒飯先將菠蘿入面既肉整出來,用菠蘿個殼做器皿裝住色香味俱全既炒飯,炒飯直接索曬菠蘿殼既甜味,炒飯(蝦,洋蔥,菠蘿)更加香,食到最後甚至係更甜,再用肉鬆做為最後記點綴,每一啖都好滿足好滋味-大圓法包椰皇咖哩雞大大個法包,包住咖哩雞,多到瀉曬出來啦!包吸曬咖哩隻,食落仲有雞油味,好香,原來椰香同法包係咁襯,雞件都好嫩好嫩,幾juicy

九龍城最出名食泰國野,拍得住係真正到地泰國美食,依泰國菜來講佢都好平,每道菜都大大碟,,唔怪得之門口成日大排長龍,我都等左陣先入到去阿!今次來呢到食晚餐!大圓法包椰皇咖哩雞,法包熱辣辣入面齋滿住滿滿既椰皇咖哩雞,大圓法包一捏開,咖哩雞就來曬出來,用麵包沾住咖哩雞食都真係第一次,我諗冬天食應該仲正!拼盤 (春卷四條,香葉包雞,蝦餅,沙嗲串燒),勁大盤既拼盤,雖然有四款野,但每款都勁大舊,齋食個拼盤都飽……蒜子胡椒炒青口,都出色,好多隻又肥美,用蔥蒜辣椒爆香真係好鬼入味!好食

今日接左呀仔放學之後話想食串燒, 呢頭泰國菜館好多, 就黎左呢間金蘭花泰國菜館同呀仔食串燒.我地叫左個串燒拼盤, 都幾多野 有3串串燒, 有沙嗲醬可以點. 呀仔勁中意個雞串.我就中意個春卷, 雖然係炸既但唔會食到成口油, 脆卜卜!之後再叫左個上網D人話必食既咖哩蟹, 個汁好濃, 有D青椒, 紅椒同埋洋蔥,.個咖哩汁小小辣, 隻蟹都鮮甜既, 唔會比個汁COVER左個味道.D青椒有咖哩汁既味道, 好食!不過真係要趁熱食, 因為凍左果層油會浮左上面.

好耐之前就有聽講九龍城有間專門食泰國菜既餐廳，聽到泰國菜就覺得好吸引，今日正好有事要出九龍城，就一於去試下呢間金蘭花！打開MENU一睇，裡面款款都好吸引，只係睇Menu就已經睇到流曬口水好想樣樣都食！望到一款好吸引既食物，就係大圓法包椰皇咖哩雞，雖然原理就係麵包裡面有咖哩雞，但係佢個賣相真係整得好靚，淋係面頭既咖哩令到本來望落好乾既麵包變到好高級，實際上，加左咖哩汁既法包係非常好食！而將法包切開，就可以品嚐埋裡面既咖哩雞，咖哩雞因為索曬咖哩汁，味道係雙倍濃厚！非常美味！肉既十分嫩滑，容易入口！另外仲叫左個脆皮豬手，只係靠近過去聞下就已經有陣陣既香味飄過嚟，而不愧叫「脆皮」豬手，咬落真係十分脆！脆得口感非常正，好快就比我清晒！呢度既泰國菜真係一流呀，下次要再嚟試先得！

今日放假, 就約咗朋友出去九龍城行下, 因為工作關係都同朋友少咗聯絡,機會難得,我地就想係附近搵間餐廳可以食個下午茶,坐多陣嚟傾計呢個時候,就比我地見到呢間金蘭花啦! 大大既招牌吸引到我地注意, 泰國菜望落去似乎挺好食, 於是我地好快就入咗去坐低。員工既態度都好nice,一入去就即刻招待我地去空位坐低,因為中午已經食咗飯,所以決定嗌啲份量唔太大既食物睇咗menu,就嗌咗呢個炸蝦餅! 啱啱好有四件, 每人兩件, 而且每件其實都夠大件, 夠晒! 佢個皮炸到好金黃色, 而且咬落去夠晒脆身, 十分爽口, 令到個口感非常好, 成個蝦餅既味道就更加昇華!而傾計傾到非常口渴,就嗌多左一杯椰汁,味道好甜,飲到個心都甜滋滋

琴日我同埋個FRD兩個人走左去九龍城就係為左食呢間金蘭花,我地都好中意泰國既地道風味,然而呢間泰式餐廳都無令我地失望.我地試左佢既涼拌小菜,酸酸辣辣咁,又開胃又好味,加上本身我係好中意食辣既人嚟,金蘭花呢間餐廳既辣度控制得幾好,怕辣都唔會食唔到我相信。然後我地分別叫左佢既泰式金邊粉同海南雞飯,都好好味,特別係個海南雞飯好出色,做到既味道,即刻令我諗番起泰國既味道.哈哈如果去唔到泰國旅行都可以嚟到呢間金蘭花去品嚐佢地既美食,絕對幫到你啊

今晚心思思又想食泰國野，於是同朋友出左九龍城覓食，見到呢間餐廳價錢都幾平民，食物款式都多，所以決定入去坐低慢慢睇先，叫左食物之後唔洗十分鐘已經送到我們面前。我地點左份柚子沙律，沙律混合埋調味料攪拌而成，口感豐富又開胃，好岩用黎做前菜，又健康又好吃。然後點左朋友最中意食既泰國菜式，大蝦炒金邊粉，色水均衡，份量好足，食落帶點微辣，旁邊仲有大量肉碎畀我地任意添加，甜甜辣辣咁，但又唔會太辣，旁邊仲有個小青檸，加埋小小青檸汁食既話，感覺會更加清新。