金玉滿堂

營業中

休息中

讚1.賣相好，影相好上鏡2.味道算幾精緻，芝麻糊幾香，沙冰磚雖然食起黎有啲論盡，但嗰個花生味相當濃3.龍眼冰味道相當清新彈1. 上菜速度實在係慢得有啲過火2. 侍應太新手，上菜度搞到亂晒

而家有特色既小店真係愈黎愈少見.... 初時比餐廳店內既照片所吸引，食完發現真係物超所值，仲覺得有賺添！一入黎老闆娘就超 級 nice! 詳細介紹每一個食品既烹調過程，每一道菜都係佢既心血黎💞 牛腩牛筋台灣麵🍜 ($58)用左幾個鐘熬製既牛肉湯底，成碗連湯都可以飲哂嫁！而且牛腩牛筋都係超淋超好味，老闆娘仲推介埋佢地自家製既辣椒醬，唔會好辣，唔會蓋過本身湯底既味，兩樣夾埋完全係恰到好處😍蒜香花雕雞翼尖 ($28)辣度適中，蒜香味唔會過重，個皮好滑👍🏻金箔抺茶凍 ($42)一定係抺茶控既大愛💚💚 用咗日本正宗抺茶粉，再加入豆漿，甘甜既味道超級夾，而且一定唔會令你覺得膩😋 金箔龍眼冰 ($48)呢個一定係店入面既signature item！龍眼肉足足有半磅，由泰國新鮮運黎HK，唔係罐頭龍眼黎～然後再用椰青水、鮮奶、龍眼肉等材料攪拌，再加入刨冰，完成！哇一聽就知係一個好用心既製作，好足料👍🏻最鍾意係呢款海燕鮮奶燉木瓜超用心的甜品，老闆娘用左2個星期絞盡腦汁諗出黎😄將海燕放入木瓜奶食，木瓜已經融入左鮮奶入面，仲有d西米同櫻花芋圓，做得好出色好正！唔夠甜可以問佢嫁～不過我覺得都夠甜了❤呢間主打台

踏完單車係大圍諗緊食乜好，路經門口見到呢間餐廳個老闆娘係門口熱情介紹，所以就入去試一試。外表睇落好似只係糖水店，不過佢有埋主食同小食都幾一條龍服務。一坐低老闆娘就已經開始推介每款菜式係用咩食材整，啲食料有幾正。咁我先叫咗碗肉燥麵同兩款小食試下。咖喱魚蛋豬皮-豬皮索哂啲咖喱汁，咬落去近乎爆汁，而魚蛋食落都幾彈牙，咖喱汁亦唔算好辣。另一款小食係用花雕煮嘅雞翼尖，一上桌就聞到香噴噴嘅花雕酒味，份量都適中，一個人食到一兜。終於輪到主菜肉燥麵啦。湯同麵會分開上，唔怕浸得耐浸到啲麵淋哂。唔好以為肉燥麵剩係得肉燥，仲有一大堆乾瑤柱😃同肉燥嘅份量不相伯仲。連個湯都係雞湯，食落感受到用料十足，最正係個麵夠哂彈牙，唔會淋得仔。最後，老闆娘推介叫咗個龜苓膏。佢話佢係真係用龜板煮，唔係出面無龜嘅龜苓膏，食完就知道個分別。我試咗一啖就明啦，食落去喉嚨好舒服，無中藥個苦澀味兼且配埋個蜂蜜真係想再食多碗。所以黎呢度食野真係唔使煩，一次過食哂晚餐加甜品😂。

作為一個甜品控 間吾使都會癮起 但系基本上大圍區有一間甜品令我想再番卓 但系新開呢間又吾同牙 上次再試但原來未開 今日同老公放假就一定要去試試 呢間鋪吾止淨系甜品仲有做咸食 所以甜品種類吾算多 不過系我地角度味道行先🤙🏻 吸引我既系鮮奶蛋白芋圓西米露 可惜賣晒😭😭唯有轉椰汁芋圓西米露🤝而老公就叫左龍眼冰 😍龍眼冰😍一落台就好吸眼 奶加椰汁冰做底 吾會甜之餘椰汁味好香 上面就用左新鮮泰國龍眼肉（去核）好有龍眼味😍吾系糖水龍眼😍再加埋D珍珠（似爆爆珠）好得意 加埋果塊金泊 呢個價錢 抵到呢💪🏻到我呢個椰汁芋圓西米露 一打開個蓋已經聞到椰汁香 主角芋圓🥳有三種 有芋頭有南瓜 仲有一款食吾出系乜 😂🤣 芋頭同南瓜都會角有一粒大D既 內面原來系有番D蓉系度 所以味更加濃 配番淡淡既椰汁 岩岩好 🤙🏻🤙🏻好小可我會打得咁詳細😂🤣系因為今次老闆出黎熱情咁逐樣逐樣介紹 所以更加知道自己食左咩 系良心小店 👍🏻食完之後我老公比我更誇張 話下次要試雞翼尖 要試豬手 要試拿破倫😂🤣 所以下次試埋其他再報告👍🏻

一行四人搵地方坐下傾吓計，路經呢間糖水舖見啲糖水好似幾吸引就入去試吓。叫左個櫻花椰汁芒果紫米露，芒果夠晒甜，紫米露夠香夠凍，幾好食。另外有個金箔龍眼冰做特價， $48咋，估唔到睇得又食得，龍眼好甜，上邊有啲水晶珠咬落卜卜聲，好有咬感。而且刨冰好有味，後來聽老闆娘講原來唔同人哋普通刨冰，佢係用鮮奶、椰子水同龍眼打溶雪冰，所以真材實料好有味。另外一個抹茶凍，係用抹茶粉打到起泡再變成果凍，配豆漿一起食，仲有金泊喺面好高貴。還叫了一個芒果士多啤梨拿破崙，呢個又係好好食，拿破崙好脆，配埋甜甜嘅芒果，食唔停。最搞笑係老闆娘話次次拎呢個出嚟都一定要唱生日歌，所以我哋明明冇人生日都一齊唱歌，氣氛好好。碟上仲寫住「金玉滿堂」四個字，如果真係有人生日都不妨叫呢個來寫壽星仔個名。同行朋友未食飯仲叫咗一個牛筋牛腩台灣麵，估唔到甜品鋪竟然有熱食，而且煮得唔差，朋友勁讚牛筋牛腩都好腍，而且個湯底好好味，原來呢個係養生系列，個湯底應該真材實料。呢間鋪頭個老闆娘好好人，又好客，成日話唔好食唔收錢，又話當所有客人都係親人，佢仲同我地講，佢用自己幾十年嘅經驗來創作呢啲菜式，好希望帶多啲正能量比呢個社會，見到佢鋪頭門口義買

今日同朋友過大圍食飯吹水，其實大圍有好多小店，路經呢間糖水舖勁多人喺門口，一定係好野啦！開頭諗住食完飯過嚟食甜品，望吓餐牌先發覺原來有麵食，於是決定喺度食埋晚餐，等左一陣已經涉到兩個位入去。鋪頭應該新開，連門口招牌張紙都未撕，店舖細細裝修簡潔，牆身貼左好多甜品嘅相，我哋叫咗一個「牛腩牛筋台灣麵」（ $58 ）同埋「冰鎮豬手讚岐烏冬」（ $68 ）。老闆娘好熱情招呼，由我地揀食咩到上菜都好熱心推介佢嘅食物，佢話啲嘅麵湯底係養生湯，用天麻、大蒜、香茅等材料淆咗好多個鐘而成，確實又真係好好味，我成碗飲晒，而且啲牛筋牛腩炆得好腍，好好味！「冰鎮豬手讚岐烏冬」有幾塊切片豬手，烏冬勁彈牙撈左胡麻醬好香，仲有中華沙律同辣味螺肉配合，唔錯。如果份量再多一點會更佳。食完主菜梗係要叫埋甜品，我哋一路食已經一路留意住，幾乎每枱都叫呢個「金箔龍眼冰」（原價$55 ，特價$48 ），一於跟風！哈哈！果然係好嘢，首先賣相已經攞滿分，好似雪山一樣，龍眼有好多粒，超級勁甜。個頂有金箔，仲有啲台灣水晶珠，卜卜聲好有咬感好得意。至於下面嘅刨冰，老闆娘話用鮮奶、椰青水、龍眼打爛然後說十幾個鐘頭，到上枱時才攞出黎刨，事實上真

一尼到餐廳，老闆娘就極力推薦佢地嘅金箔龍眼冰，見佢咁熱情推介，就決定試一試。首先一尼到，碗野嘅賣相已經好精緻，上面有十幾粒大大粒嘅龍眼肉，仲有塊金箔喺上面。味道方面呢，食落同出面嘅唔同，唔係罐頭龍眼肉，聽老闆娘講係空運新鮮嘅龍眼肉尼整。個冰底好綿滑。一開始撈埋粒龍眼肉食都冇嘜特別，只係覺得好綿，點知食下食下個冰底開始溶左就食到有奶味同椰汁味，食落好清新，同出面嘅龍眼冰明顯有好大嘅分別，有機會想再試下佢其他嘅甜品😋

去開大圍見到有間新開張嘅甜品舖就入去試下，叫金玉滿堂。入到去先知原來除咗甜品，仲有台灣養生嘅嘢食，日式小食，仲有港式小食，點咗牛筋牛腩台灣麵，咖哩魚蛋豬皮，冰鎮豬手，蒜香花椒雞翼尖，甜品就叫咗芋圓杏仁露，金箔龍眼冰。先講台灣麵，個湯底好濃沃嘅藥膳味，而最值得一讚係啲牛筋真係好冧而且好入味，而咖哩魚蛋豬皮聽老闆娘講係用咗日式咖哩去整，所以比較特別而且好味，冰鎮豬手就點wasabi同秘製豉油嚟食，原來咁樣食真係好夾，又係食到停唔到口，而雞翼尖有好香嘅蒜頭味，聞到好正嘅花雕味，如果鍾意花雕酒嘅朋友絕對要黎試，但最值得講同讚嘅就一定係嗰兩款甜品，個杏仁露有好多芋圓，好足料而且食得出杏仁露唔係用機磨，吾係用粉溝，絕對係手磨，好濃厚好稠。 金箔龍眼冰就用咗新鮮泰國空運嚟嘅龍眼，鋪滿個面，下低就用咗椰青，龍眼，同鮮奶打成嘅超綿 雪葩，食得出入面嘅甜係果甜絕無添加糖成分，絕對要一試再試!

有大圍朋友同我地講大圍有間新開的甜品店個到開心指數好高，我唔信就親身過來試下有幾開心先。一入到去店內雖然環境細細但已經座滿人客，我和仔仔正商量緊食咩好時，有把好熱情的聲音同我地主動介紹餐牌， 原來佢係老板娘。經過老板娘介紹下，我叫左金玉號 ~ 3樣呢間店最出名的集合在一起，有 抹茶凍， 芒果雪花金磚， 海鹽雪糕，一碟3味，岩哂有選擇 困難症的我， 抹茶凍夠哂濃，芒果金磚佢地切成心形好靚架，上面仲有d 爆珠好夾呀！最後食個雪糕，上面有d 曲奇碎好味道。金箔拿破崙 ~ 我細細聲同老板娘講可唔可以寫字，老板娘即get 到我想點， 主動寫 Happy birthday, 送來時仲主動同員工唱生日歌，最搞笑係老板娘帶動其他食客一齊唱，仔仔聽到超開心。拿破崙聽老板娘講每日新鮮做的，唔怪得咁脆口啦，配上甜甜的芒果。咖哩魚蛋，豬皮 ~ 魚蛋都彈牙，豬皮吸哂d 咖哩汁唔太辣岩我地兩人口味。抹茶曲奇沙冰 ~ 本來已經飽了，但仔仔見到隔離枱個小女孩叫左呢杯飲，小女孩係咁話好味，即炸嬌話食到d 魚蛋辣想飲野， 唯有再叫，呢杯沙冰真係好 解渴和解辣，成杯野又靚又好飲。我終於明白點解朋友話去呢到食野好開心，因老

第一次試依間剛開既甜品店，老闆娘好好人 ，熱情招待客人💁🏻‍♀️，比人有家既感覺🏠，睇得出好有心經營間舖。今次見天氣熱熱地💦💦☀️，試左個🥭芒果雪花金磚❄️❄️❄️❄️，賣相都十分吸引，份量比預期中大好多😂應該夠兩個人食，都好多配料 ，值得一試既 。然後見到隔離枱個龍眼冰都好似好吸引😍😍😍，奈何太飽😵，唯有下次再試lu。良心小店，值得推介😂👍🏻👍🏻👍🏻👍🏻👍🏻

今晚扮孝順咁同阿媽出去食飯，之前同朋友吹開水，話大圍開咗間新野，所以特意嚟試下😎 間野其實都幾細，去到剛好仲有兩個位，但條路因兩邊客人已差不多背對背咁坐，所以要近門口嘅客人起身先行到入去🙃牛腩牛筋台灣麵 $58 (加牛舌 +$10)>一攞嚟個感覺係，嘩，咁少嘅，個賣相都好普通>牛舌口感唔錯，但不夠入味，$10有3塊都ok>牛腩切到好細粒，仲要散開咗，有4至5粒，要摷先揾到，口感好硬，不夠入味>牛筋係腍，但都係不夠入味>麵未熟透>湯底偏淡，食完無口渴==================推介指數 🌕🌕🌗🌑🌑由落單到有得食差不多等咗20分鐘，個人認為有啲耐，因得落單時得我地個枱未有野食🧐 而我媽食個碗牛腩麵都要成$68，依個價錢得依個質素，再坐得咁逼夾，難怪我問親佢食咩都話是但嘅阿媽食完出門口都同我講話嚟一次㗎咋喎😝

大圍最近新開左間甜品店😝，今晚既然早食完晚飯，一於過黎試試！一入鋪頭就見到牆上貼滿哂各款招牌美食既相，真係未食已經令人流哂口水！金箔龍眼冰 $48從來無食過有咁多龍眼既#龍眼冰，仲要粒粒都咁甜，聽老闆娘原來係泰國空運過黎，龍眼下面係新鮮椰青打成既刨冰🍧，好有椰香！真心好食過聰X 金箔綠茶凍 $42 同樣係自家製既Q彈#綠茶凍，有別於平時食開果種死甜/得個色果種抹茶甜品🍵，呢個既茶味真係好香濃，再淋上豆漿，甜度剛好又唔會澀! .特別一提既係，老闆娘對個個顧客都非常熱情，員工服務態度都好好，真係有賓至如歸既感覺。除左甜品之外，呢度都有提供其他主食，例如牛肉麵，遲d真係要再黎試下🤤

晚飯後，諗住食甜品，但係大圍一帶冇咩甜品令我有encore 嘅衝頭，途經此店，門口的圖片好吸引，一於試試。店内面積雖細，但老闆娘的笑聲令人有溫馨的感覺。經老闆娘的介紹後，ordered 左「金箔楊枝甘露」& 「綠茶雪花金磚」。先講「金箔楊枝甘露」：非常足料，用新鮮的芒果blend成,  濃郁的芒果鮮味，沒有人造的香味和冰塊，十分creamy,又香又滑。配上新鮮的芒果粒的柚子粒，不但滿足喝的享受更有嘴嚼的滿足，頂頭以金箔點綴，成個甜點立即升grade,  十分呃like,専貴加分，一次滿足曬味覺和視覺，一定十分啱意芒果的人。「綠茶雪花金磗」：有別一般甜品舖的雪花冰或當年元朗紅極一時的炒冰，金磗以綠茶cream 做底，中間有2塊以泰國椰子雪凍而成的冰塊，面頭再配上台灣的大珠珠和碎米粒，口感十足。每一口都有濃郁的綠茶cream加上椰子冰和碎米珍珠，啖啖滿足，口口享受。老闆仲熱情到開埋澳洲冰酒款待在埸每一位食客，香港如此熱情和食物有質素的店舖，確實難能可貴。埋單後仲有VIP card 儲印仔，哎呀，我已經諗緊聽晚再幫趁

台灣面好好味，而且湯底冇味精，加埋老闆娘自製既辣椒醬，十分好味！草莓玫瑰沙冰都好好飲，好清新唔會有藥水味。楊枝甘露雪花金磚外貌好吸引，食落好似食棉花冰咁，岩兩三個人食。老闆娘同店員都好好人，係呢到食野感覺好舒服，期待下次再黎。