金玉滿堂

營業中

休息中

大圍最近新開左間甜品店😝，今晚既然早食完晚飯，一於過黎試試！一入鋪頭就見到牆上貼滿哂各款招牌美食既相，真係未食已經令人流哂口水！金箔龍眼冰 $48從來無食過有咁多龍眼既#龍眼冰，仲要粒粒都咁甜，聽老闆娘原來係泰國空運過黎，龍眼下面係新鮮椰青打成既刨冰🍧，好有椰香！真心好食過聰X 金箔綠茶凍 $42 同樣係自家製既Q彈#綠茶凍，有別於平時食開果種死甜/得個色果種抹茶甜品🍵，呢個既茶味真係好香濃，再淋上豆漿，甜度剛好又唔會澀! .特別一提既係，老闆娘對個個顧客都非常熱情，員工服務態度都好好，真係有賓至如歸既感覺。除左甜品之外，呢度都有提供其他主食，例如牛肉麵，遲d真係要再黎試下🤤