金玉滿堂

營業中

休息中

紫泥露喜出望外口感濃稠，有好重嘅芋泥味！！感覺好養生😍另一款甜品已經唔記得咗叫咩名，但個果凍配搭雪糕都好食老闆娘服務態度好好，一坐低就奉上一壺熱茶兩隻茶杯，好寫意☺️

經過大圍諗住試下另外一間糖水舖見到所有普通糖水前邊都加咗金箔兩個字都無所謂啦 諗住試下最普通嘅金箔楊枝甘露拎左個外賣番上車先見到，點解係一杯嘅？都唔緊要啦，照咁食姐😅一打開完全見唔到有金箔囉，話我麻煩都咁話，係咪違反商品說明條例呢？重點係，一樣咁簡單嘅甜品都好難食整色整水不如用心整好個甜品因為個楊枝甘露真係好難食😑😑😑太重奶味，西米未煮熟，啲奶仲起粒最後整整下仲發現有條頭髮喺入面如果我就咁飲，應該飲Q埋落肚🙃絕無下次。

到大圍探朋友順便買甜品一齊食☺️， 我對大圍的街道不太熟悉， 揸車路過見到金玉滿堂， 就一於試下。 看見有位客人正在吃西瓜盅🍉， 炎炎夏日都是一個好選擇， 就點了一個天鵝西瓜盅🍉$88、 然後再加一個黑糖琥珀珍珠紫薯窩夫(水蜜桃雪糕) 🧇$58。天鵝西瓜盅🍉～ 我是外賣拎走的， 賣相非常失望😅，$88 但只有兩杯西瓜汁和少量涼粉加幾粒西瓜球😳， 這個價錢性價比超低🥺， 再加上如果沒有西瓜盅， 應該不設外賣比較好。黑糖琥珀珍珠紫薯窩夫(水蜜桃雪糕)🧇～ 整體味道好普通， 份量又少😓。我和朋友們都有點失望， 甜品舖有好大的進步空間。

📍金玉滿堂📮大圍積信街31-51號安信樓地下L號舖.二小口食完晚飯口痕想食糖水, random地見到附近有間未食過既糖水鋪, 試吓佢咩料子先.金箔龍眼沙冰 HKD48一睇menu就比呢個浮誇嘅外表吸引, 咁大碗啱晒我哋兩個人食啦😌龍眼好清甜, 唔會有啲好假嘅糖水甜味, 似係用新鮮嘅龍眼去整, 水晶珠好爽口, 配埋沙冰一齊食食落好清新😋.因為位置唔算太方便, 離大圍站都有一點距離, 所以真係要咁岩係附近食完飯先會再去幫襯.整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐回頭基率💫💫💫.#nonstopeatingdiarydessert #nonstopeatingdiary甜品#nonstopeatingdiarytaiwai #nonstopeatingdiary大圍

龍眼冰好正，榴蓮球開頭好硬，以為不過如是，但係原來等一陣之後超級正，好濃榴蓮味。好正🥰🥰🥰 老闆娘仲會送私火陳年陳皮龍眼 。會經常來啊，驚喜👍🏻👍🏻👍🏻

第三次黎呢間甜品鋪，有好飲嘅茶同靚靚餐具🍴encore芒果雪葩🥭同龍眼沙冰🍨芒果雪葩用咗三種唔同產地嘅芒果，濃縮三種香甜口味，同外面香精堆砌嘅「芒果味」不可同日而語，芒果控飯腳食到lam lam脷😋龍眼冰沙已經係第三次食啦！龍眼、椰青、牛奶味嘅清甜令暑氣全消🥰每次都一定會叫～

依間甜品唔止食過一次啦！品質好！識食一定食抹茶雪糕同果凍，味道超濃，口感超好！用意大利抹茶雪糕，日本綠茶粉，口感好有層次！老闆人好好，送左一盒芋丸比我地食QQ彈彈 即叫即整！一定要食 反唔到轉頭！

諗返起第一次食都已經係岩岩開既時候，老闆娘熱情到不得了第一次試龍眼冰外賣，半個鐘頭返到屋企竟然一啲都冇溶到，龍眼仲要勁鮮甜，食咗一次已經愛上左😆依家每次想食甜品都淨係會諗起金玉滿堂呢個10年陳皮紅豆冰唔會太甜，真材實料正，抵我成日幫襯😆

😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡上甜品遲，質量性價比低，與圖片賣相落差很大！想要水蜜桃雪糕，他無貨，問都唔問直接幫你改左芒果雪糕。4人點餐，一人漏單。明明點"紅荳夾心窩夫", 來左紅豆芋圓窩夫，價錢味道賣相唔同！menu 上明明一版是有芋圓的，一版意大利雪糕，咁confuse 的menu 令客人無所適從食甜野，為開心！現在一肚氣🤬🤬🤬🤬從此不可再幫襯！

今晚經過大圍 想食甜品 就喺度買咗兩碗外賣叫咗一碗椰汁紫米芋圓露同埋一碗珍珠紫薯芋圓配一球雪糕兩碗加埋$88即係差唔多一碗係$43 再加1蚊個外賣碗一攞到上手 兩碗嘢都勁輕 驟眼睇得半碗滿🥲返到屋企一打開 碗椰汁紫米露嘅顏色已經好白再撩下碗野 啲紫米好似泰式芒果糯米飯啲糯米咁黐埋一舊🙃🙃真開心 所謂嘅椰汁紫米芋圓露 入面係冇芋圓所以其實真係普通嘅椰汁紫米露 成為$43滿記呢啲連鎖店 先係賣緊$37一碗 入面仲有埋小丸子🥲🥲🥲🥲再到另一碗珍珠紫薯芋圓 呢碗入邊總共有3粒芋圓🙄3粒紫薯🙄剩低嗰啲全部都係爆珠 但重點係我嗌左珍珠😬得個三粒芋圓 仲要唔係大粒 牙la都唔夠攝不如唔好比😓 仲要芋圓好淋 整體又貴又難食一個字 伏！ 呀唔係 係兩個字 大伏!試過一次 以後都唔會再去🤗🤗🤗🤗我平時係Uber eats 叫 有人送埋上來 仲好食過佢100倍 都係呢個價錢🤫

大圍作為踩單車必經之路 相信好多人都會係個度搵食呢間小店好家庭式 舖面好細 滿座既時候都真係幾逼😳入去之前以為佢地只係賣甜品 不過原來唔止架有小食 午市仲會有正餐添🐤蒜香花雕雞翼尖 $28有時夜晚食甜品都想食下d小食見都好耐無食過雞翼尖 就叫黎試下雞翼尖煮到好軟淋 入口一dap就會散開 好易食花雕味好夠 味道少鹹 不過作為宵夜小吃 一流～🥛海燕木瓜燉鮮奶 $58熱辣辣既燉鮮奶 入面加左木瓜蓉 通常甜品既鮮奶都會有加糖 原來好好味🤤欣賞佢唔會過甜 食得出食物既原味海燕分開上 可以自己決定點樣加落去老實說其實食唔出咩味 58蚊貨仔 當過下口癮算啦😆另外仲叫左個抹茶芋圓甜品 味道都係中規中矩下次會想試佢地嘅花膠煲雞🍲夜晚都仲有得賣架🥰感覺會好補🤤🤤

甜度適中嘅甜品！好怕得個甜字嘅甜品！老闆娘話自己係潮州傳統做法！採用泰國芋頭。老闆娘話，又要蒸，又要搓再煮！佢話，自己屋但整到嘅甜品，就唔洗出去食。日本銀杏，小小甘味，同芋泥係絕配！芋泥一定要有佢嘅濃度先至可以誠拓到銀杏係面！再配上金箔點綴，令成個甜品更加高貴。免費嘅陳皮普洱茶，傳統三開陳皮，打開個袋遠遠都聞到香味。龍眼冰！龍眼係自己訂嘅飛機貨，唔係冰鮮龍眼，係每一粒都自己親手剝殼。龍眼冰係椰青水加鮮奶，做冰做得非常面，完全唔會食到冰粒，老闆娘話完全冇溝水，味道香濃得來非常清新。老闆娘話每個甜品都係自己親自創造，每個都係獨特嘅甜品出面唔會食到。老闆娘連樓面都親力親為，會向每台客人介紹佢嘅甜品嘅特色，亦揚言唔好食唔會收錢。🤪

踩單車後必食之選！由大埔踩單車去大圍🚴‍♀️老板娘勁有人情味！每枱都會有一壺千年陳皮茶然後我地嗌左個明治金時，雪花金磚（楊枝金露），雪糕芋圓（開開心心）明治金時既抹茶雪糕好滑好香抹茶香味，值得推介

大圍糖水舖有好多選擇不過自從友人帶我嚟 金玉滿堂就一去不返每次去到 有兩樣嘢係必嗌第一樣係：雞翼尖😋😋😋😋呢度嘅雞翼尖暫時係我食過最好味嘅個汁係重點！我鐘意花雕蒜蓉仲要辣得黎食到！((因為我唔係好食得辣第二樣係：龍眼冰🍧🍧🍧🍧🍧呢個真係可以話係世界級！龍眼冰底係有落牛奶 食糖水養顏✨加上龍眼味一啲都唔假 係用真龍眼㗎呢個係我食過最好味嘅冰 每次都要食老板娘一路落手落腳做 仲好健談同我地推介金玉滿堂Special Menu：芋泥🥣🥣🥣🥣佢唔係我哋食開嘅台式芋泥佢係潮州嘅做法黎～係會搵番童年嘅味道打得太稀 面頭嘅配料就會沉底所以好考功夫㗎！仲要加埋金箔真係冇得輸！食甜品唔洗驚滯住個胃每枱都有一壼 陳皮普洱🍶好滿足！👏🏻

大圍嘅甜品舖， 成行成市 ，我基本都試過曬，這間是我最喜歡去的，每次都會吃它的龍眼冰。 甜品上邊鋪咗好多 ，新鮮嘅龍眼 ，仲有一粒粒白色嘅透明嘅小珍珠 ，珍珠好爽脆 食落啵啵聲的， 下邊嘅雪花冰， 用咗上等嘅牛奶 一層一層得好軟滑，每次吃完都想再吃.