影片
更多
2019-11-03
127 瀏覽
一行四人搵地方坐下傾吓計，路經呢間糖水舖見啲糖水好似幾吸引就入去試吓。叫左個櫻花椰汁芒果紫米露，芒果夠晒甜，紫米露夠香夠凍，幾好食。另外有個金箔龍眼冰做特價， $48咋，估唔到睇得又食得，龍眼好甜，上邊有啲水晶珠咬落卜卜聲，好有咬感。而且刨冰好有味，後來聽老闆娘講原來唔同人哋普通刨冰，佢係用鮮奶、椰子水同龍眼打溶雪冰，所以真材實料好有味。另外一個抹茶凍，係用抹茶粉打到起泡再變成果凍，配豆漿一起食，仲有金泊喺面好高貴。還叫了一個芒果士多啤梨拿破崙，呢個又係好好食，拿破崙好脆，配埋甜甜嘅芒果，食唔停。最搞笑係老闆娘話次次拎呢個出嚟都一定要唱生日歌，所以我哋明明冇人生日都一齊唱歌，氣氛好好。碟上仲寫住「金玉滿堂」四個字，如果真係有人生日都不妨叫呢個來寫壽星仔個名。同行朋友未食飯仲叫咗一個牛筋牛腩台灣麵，估唔到甜品鋪竟然有熱食，而且煮得唔差，朋友勁讚牛筋牛腩都好腍，而且個湯底好好味，原來呢個係養生系列，個湯底應該真材實料。呢間鋪頭個老闆娘好好人，又好客，成日話唔好食唔收錢，又話當所有客人都係親人，佢仲同我地講，佢用自己幾十年嘅經驗來創作呢啲菜式，好希望帶多啲正能量比呢個社會，見到佢鋪頭門口義買
叫左個櫻花椰汁芒果紫米露，芒果夠晒甜，紫米露夠香夠凍，幾好食。
另外有個金箔龍眼冰做特價， $48咋，估唔到睇得又食得，龍眼好甜，上邊有啲水晶珠咬落卜卜聲，好有咬感。而且刨冰好有味，後來聽老闆娘講原來唔同人哋普通刨冰，佢係用鮮奶、椰子水同龍眼打溶雪冰，所以真材實料好有味。
另外一個抹茶凍，係用抹茶粉打到起泡再變成果凍，配豆漿一起食，仲有金泊喺面好高貴。
還叫了一個芒果士多啤梨拿破崙，呢個又係好好食，拿破崙好脆，配埋甜甜嘅芒果，食唔停。最搞笑係老闆娘話次次拎呢個出嚟都一定要唱生日歌，所以我哋明明冇人生日都一齊唱歌，氣氛好好。碟上仲寫住「金玉滿堂」四個字，如果真係有人生日都不妨叫呢個來寫壽星仔個名。
同行朋友未食飯仲叫咗一個牛筋牛腩台灣麵，估唔到甜品鋪竟然有熱食，而且煮得唔差，朋友勁讚牛筋牛腩都好腍，而且個湯底好好味，原來呢個係養生系列，個湯底應該真材實料。
呢間鋪頭個老闆娘好好人，又好客，成日話唔好食唔收錢，又話當所有客人都係親人，佢仲同我地講，佢用自己幾十年嘅經驗來創作呢啲菜式，好希望帶多啲正能量比呢個社會，見到佢鋪頭門口義買「耆樂餅」就知佢真心行善。呢啲日子真係需要多啲正能量出嚟，支持支持！
張貼
