金撈老鴨湯刺身火鍋專門店 (已結業)

地點在element附近,柯士甸站行過黎最新,朋友之前食過lunch話鴨湯好正,打邊爐好少有鴨湯,要試下有幾好味先.醬料每位$20,茶錢$20點菜紙太多食物,店員好用心幫手搵半隻鴨湯底$188, 先飲湯, 趁佢未滾到好咸時先飲頭啖湯, 蘿蔔吸哂湯的味道特別好味,之後食埋鴨肉,細黑豚肉特價$118, 肥膏唔算多, 健康唔怕肥~早前在台灣第一次食鴨血, 原來呢度都有$58, 但味道唔夠台灣的好味,脆骨腩+脆鯇片$78,無骨,口感硬硬地, 滾耐左都無影響口感,新竹米粉$28有品質保證, 爽口

聽說佐敦附近有間著名的鴨湯火鍋、材料新鮮、剛剛星期六就帶了家人過去一試吧。雖說是佐敦、但其實比較近柯士甸站那邊、我們足足走了九條街才到、尋找美食有時真不容易🙄見到車行那條街、走到尾終於來到。點了個招牌金撈鴨湯拼芫茜皮蛋湯下下火。鴨湯有整個鴨殻熬成、清甜滋補、仲有蟲草花和素翅。有各樣醬料可添加。竹庶茅根水雖不便宜、但夠真材實料幾入味、感覺滋潤。很久沒吃過牛骨膸呢。皇帝菜鮮嫩無渣、打邊爐一流。墨魚丸幾彈牙。這個新鮮野生竹笙不得了！第一次見這個、比平時吃的大很多、形狀好得意。在湯裡涮幾下就可以吃了、好爽口多汁、亦有補氣養陰之效。海鮮孖寶有蟶子王和和牛粒。蟶子大隻爽口、無沙、啖啖肉。和牛粒比想像中軟滑、牛肉味好濃呢。這個花生荳芽又是第一次吃、原來發芽花生的「白藜蘆醇」有抗氧化、抗老化和強化心臟之效。 兩分鐘食得、爽脆清甜。韮菜餃皮薄新鮮。結賬還有珍寶珠食～

約了中同打邊爐，來到大家工作的中間點佐敦。點了麻辣火鍋，真的很辣，有料到。食物選擇不少，有很多第一次見。黑豆腐 - 跟蜂巢豆腐一樣，不過是黑色。新鮮黑牛柏葉 - 很爽口，只需淥五下可吃。紫玉准山 - 好吃，粉粉的，且很健康。有機花生苗芽 - 第一之見，很香花生味，是用水種的，很特別，推介。牛骨髓 - 友人最愛。芝士墨魚丸 - 很香流心芝士，整晚最愛。炸響鈴 - 自家製，新鮮香脆紅薯粉 - 以為是寬粉，不過也不差。雙拼滑 - 彈牙，香口。牛柳聖子雙拼 - 聖子超爽甜，很好吃。牛柳正常。本地手切牛頸瘠 - 很香牛味，不用點醬油也夠味。安格斯牛柳粒 - 重牛味，正！

質數不值這個價錢、由其他們招牌菜，鴨湯都可以接受，脆骨腩和片都值得一👍，菜都新鮮。牛頸脊真係可以不食也霸，百幾一碟、十個人每人一片、牛胸爽一様，鵝腸頭更加差。

住在柯士甸站的朋友推介給我這家以老鴨湯底的火鍋餐廳，今晚吃豪氣一點，來個雙拼湯底：半窩金牌富貴老鴨湯，半窩香茜皮蛋湯。半隻鴨加上蟲草花、素翅、杞子、蘿蔔熬成的湯底清甜又滋補，店員建議在放火鍋料前飲一碗。食火鍋易上火，一渣石斛竹蔗茅根水可以幫助清熱。第一次食這麼大顆的野生竹笙，原來其營養價值很高，補氣養肝。放湯中燙一燙，新鮮爽口。手打墨魚丸有彈性每晚特價孖寶：是晚是蟶子皇配牛肉粒。蟶子皇不過不失，牛肉粒好有牛味，但不是每一件都腍嫩。自家製韮菜餃味道鮮美，美中不足的是餃皮接位略為厚身。龍躉魚旦彈牙花生苗芽很罕見，燙兩分鐘就足夠，口感好爽。

同事升職話一齊慶祝，話要食好東西。Book左間餐廳打邊爐，地方有點偏僻，好在同事有車車過黎。餐廳都幾大，有包廂房，因為小貓幾個，被安排坐後門位置。 Openrice 過呢間餐廳出門鴨湯火鍋，遠道而來點都要試下：金撈老鴨湯(半隻），內有杞子、大脾菇、青蘿蔔等配料，鴨完隻在湯裏煮到滾，店員姐姐就會主動幫手撕開鴨肉分卑客人食，夠貼心。起初仲擔心鴨肉會令湯滾出油"益"味，試過完全冇問題，湯底好清，又夠味！因為有杞子，好補身！另外我地叫左鴨血，一件件切出黎又大又厚，食落口好新鮮！牛頸脊，件件簿切，厚度均等，放落滾幾分鐘就可以入口，爽脆彈牙，極力推薦！餐廳除左火鍋，仲有其他小菜/刺身等選擇，種類繁多！值得再次光臨👍🏻

今天工作順利，難得可以收早，便whatsapp 問下班飯腳邊個得閒出來陪我食飯。等咗一陣，終於有位老友舉手，佢個位置在渡船街嗰邊，對我嚟講比較吊腳少少，問佢嗰頭有咩好食? 佢話行去文昌街就有好嘢食，由柯士甸站行去好近。佢話，之前食過一間叫金撈嘅火鍋，好OK，叫我陪佢食多次。吓! 唔知邊個陪邊個呢? 講明係你陪我喎。約好咗，就摸過去，咁大個招牌，唔難搵。原來條友早過我到，仲叫定嘢食等。佢叫咗【香茜皮蛋湯】、【頂級安格斯牛頸脊】、【雜菜】、【手打四寶丸】和【脆鯇片】。我質疑佢，呢度明明係出名老鴨湯，點解唔叫? 佢答，以為我怕重口味，所以唔叫。唔理! 今晚食住呢啲先，下次一定要食老鴨湯。雖然無老鴨湯飲，其實呢個香茜皮蛋湯都唔錯，好聚火。況且，味道唔會太濃，淥牛頸脊時，牛味唔怕被搶去。牛頸脊大大碟，雪花、紋理夠晒吸引，係頂級嘢。食落夠晒牛味，無令我呢個牛魔王失望。雜菜有生菜、菜心、黃牙白，食火鍋唔多唔少都要食番啲蔬菜平衡下，算呢位老友今次諗得周到。手打四寶丸即是蝦丸、墨魚丸、牛丸和鯪魚肉丸，每樣兩大粒，各具特色。蝦丸好好爽，墨魚丸好彈牙，牛丸就牛味濃，鯪魚肉丸唔腥，全部都好好食。碟脆鯇片份量足

冇波睇，即刻feel 到個人好 dry 。約朋友食飯，只有一個要求，要有燉湯飲的，要補返吓。友人帶我去呢間，位於柯士甸站附近的火鍋店。主打鴨湯火鍋，先飲靚湯後打邊爐果種。朋友食過話好得，叫我一定要試試。我地叫左招牌富貴老鴨湯半隻 $238 ， 湯底豐富配料多羅羅。有蟲草花、素翅、杞子、蘿蔔同菇類等等。雖則叫半隻鴨，其實都幾多吓。你睇，淨係隻鴨髀都唔野少㗎！滾起左，飲返幾啖湯先，湯底好鮮甜又濃郁，真係老火湯既味道。建議大家試吓佢特製嘅青辣椒醬，用來點鴨肉好好味。飲咗幾碗湯+食咗半隻鴨，大家都已經飽左五成。火鍋配料我哋叫咗啲清清地，可以索湯嘅食物。分別有皇帝菜、黑豆腐、脆骨腩同神秘手打丸。黑豆腐 $58 ，我哋真係第一次食。質地比較煙韌，好香豆干味，有少少似麻辣豆腐干的感覺。烚一陣就索滿曬鴨湯，好夾好入味，亦唔會烚到散曬，正過冰豆腐。脆骨腩 $68 ，堅大碟，新鮮又夠脆。CP 超高，遠遠超過其他對手。必食！神秘手打丸（半份）$88 ，其實係墨魚丸及蝦丸，中間夾雜了不同餡料例如芝士、墨魚肉、松露等等。真材實料是好味的，食得出是手打因為真的很有彈性。而且每食一粒都要細心品嚐，估吓用左乜嘢神秘材

無論現在市面上的火鍋湯底多有創意，我最愛的還是老鴨湯底，第一間令我見識到鴨湯的正是金撈。相隔一段時間沒來，發現半隻鴨湯要$188，價格偏高但相信餐廳人氣風靡亞洲，很多內地人及日韓旅客都慕名而來。《鴨湯》半隻鴨份量其實很多，店員哥哥會先讓我們嚐嚐湯頭，味道清甜，再吃一口鴨肉，肉質嫩滑，比起麻辣火鍋，鴨湯的確是養生的好選擇，而且湯底中的鴨肉及蘿白全都可以食用，一點兒都不會浪費！《至尊牛三星 $398》三層架絕不是夢幻下午茶的專利。這盤極吸引的肉包括本地手切牛頸脊、什錦牛柳粒、牛胸爽及牛舌心。最特別的當然是牛胸爽，牛胸爽是牛胸的兩排肋骨中間的部位，非常爽口又不油膩，第一次在深圳吃的時候真的很驚喜，金撈的牛胸爽比內地的更爽口，更有口感。牛柳粒是我另一最愛！一口一粒，只要滾30秒就可以，每粒都好彈牙帶柔軟口感，肉味夠濃，手切牛頸脊每片較細，容易熟透，牛肉味豐盛。牛舌較薄的關係，未夠彈牙，但就容易滾熟。《麻辣牛舌尖 $48》不能錯過的小食！如果你喜歡飲啤酒的話，這小食可說是非常適合你！麻辣惹味，牛舌非常彈牙，每粒都沾上辣油及辣椒粒粒，吃到停不了口！

打邊爐，最緊要有碟又鮮又多又好食嘅肥牛！咁呢間「金撈」包你唔會失望。今次只係叫咗碟中價「本地手切牛」已經有驚喜，血色好、有口感、入口即溶、而且份量唔錯！仲要配上麻辣湯底，簡直絕配。因為得3個人食，所以叫咗唔算多嘢，好彩都揀咗幾樣店主推介，冇令我失望，包括即炸響鈴，夠熱夠脆又大碟。仲有手打芝心墨丸、手打蝦滑都好彈牙超有口感，保證想Encore！我本人亦好鍾意食牛骨髓，又新鮮又香滑；至於新鮮嘢有驚喜嘅，就有冰黑豆腐同花生菌芽，尤其個有機菌芽，有花生味之餘仲有大豆芽嘅爽口口感，係幾特別！我見隔離枱叫咗刺身，好大好新鮮，下次都要試下。埋單每人$500，以呢個質素唔錯！

今次帶媽咪嚟試呢間「金撈」，口啖啖冇乜胃口，選擇咗試佢嘅麻辣湯底。點餸時好難選擇，一來餐牌選擇都算幾多，但最大問題係個點餐紙好亂好難睇，呢度又爆花推介，分類又唔清晰，仲要全店都貼滿一張二張相，講到樣樣都好好食。好！就揀幾樣嚟試...個麻辣湯底算係可以，唔覺有咩特別。先嚟推介「即炸響鈴」，我嫌唔夠厚，薄切切但夠熱夠脆...由於叫咗好多餸，等我將佢哋分等級啦︰出色︰牛骨髓、紫淮山、花生菌芽、牛腰脊普通︰手打滑、手打丸、冰黑豆腐、麻辣湯失望︰黑柏葉、響鈴、薯粉、安格斯牛粒以呢個價錢，我覺得只算中規中矩...

點知去到！佢竟然話冇儲飛行里數了，因為已經過咗，唉！唔開心。我係特登為咗佢而嚟㗎嘛⋯⋯有點被騙的感覺叫左個鴨翅鍋、湯底都唔錯、好入味、另外，仲叫咗個我哋從來未食過嘅嘢、唔記得咗個名叫乜、個人感覺覺得好油，但係我先生話係咁個喎⋯⋯我覺得好似食緊肥膏嘅感覺，唔係太鍾意。另外叫咗個脆肉鯇，整體來講、埋單＄500左右，其實唔係食咗好多野，好似有啲貴，我只係叫咗兩碟餸咋！返到屋企仲有啲肚餓最後整咗啲水果食。

招牌老鴨湯夠哂濃味，尤其喜歡松茸老鴨湯，濃郁得黎又有菇菌香，先飲湯再加湯打邊爐。各樣食材都不錯，象拔蚌刺身厚簿適中，手切牛頸脊是新鮮的，牛肉味濃無筋，但份量略小，鴨血好實不易散，鱔片新鮮大大片，魚卜好新鮮份量大，野生竹笙超大爽口無沙抵食，自家炸響鈴卷夠鬆脆，墨魚滑超小，自包水餸雲吞普通，唯一唔得係炸魚皮，半硬半脆。有朝日生啤夠冰凍，大杯$50算抵飲。員工態度非常好，坐位也夠濶落舒適，洗手間乾淨，地點隔涉，地鐵行十分鐘。

朋友聚會，最好不過就係打邊爐。打邊爐除了料要新鮮之外，湯底也是重要一環，今次同朋友聚會，就去了佐敦金撈老鴨湯刺身火鍋專門店，食次特別火鍋。店名是金撈老鴨湯刺身火鍋專門店，這裡最出名當然就是老鴨湯，這裡的老鴨湯有分幾款，我們問了店員的建議，點了金撈富貴老鴨湯(半隻)$198，店員說半隻足夠我們食用。這個金撈富貴老鴨湯，姐姐說會比較清甜，內裡有蟲草花、素翅、杞子等等。不消一會兒，鴨湯上枱，鴨湯上有金黃色的素翅，店員姐姐將鴨湯上枱後，二話不說將所有配料撈埋鴨肉給我們喝湯，相信這就是金撈富貴老鴨湯的名字起源。鴨湯比我的感覺應該會好油，但這個完全相反，飲落湯清甜，鴨味香，也不油。未放配料前，我們4個人飲完一碗又一碗， 不知不覺飲咗大半煲先開始放配料打邊爐。由於鴨湯清甜，所以我們也點了數款較吸湯的配料，其中一個必食推介就是竹笙，大大塊竹笙，放落鴨湯內，一會兒便吸滿湯，食落充滿着老鴨湯味。呢到既打邊爐配料新鮮，「鵝腸」就是其中一個推介，今次叫的是可遇不可求的新鮮「鵝腸」頭/$88，平日食到既鵝腸都係比較幼身，今次喺呢度食到嘅都比較肥美及粗身，煮一煮就可以食，食落爽口，而且鮮味10足。牛骨髓，也是一款

雖然唔係當眼舖位，不過都有唔錯既人流當然有一定的既吸引力啦！ 淨係個招牌湯底已經要竪起手指公啦，濃郁，足料，又唔會太咸連啲鴨肉都好好食，平時啲湯渣已經煲到鞋哂，呢到你係會連湯渣都唔放過架！ 其他火鍋食材、好多款,呢度仲有個大大魚缸可以親自楝啲游水海鮮，唔少得既有入口會溶既手切肥牛啦，大大碟好抵食。仲有啲特色餃子，野生竹笙，紫色鮮淮山 ，都係出面少有既。食到咁上下啲店員會加湯，就算加埋其他食材既味，啖湯依然係冇得彈！食完一啲都唔會覺得好口渴呀，味精呀咁，絕對會再幫襯，以後晚飯或生日聚會又多一個好地方喇。