金撈老鴨湯刺身火鍋專門店 (已結業)

雖然唔係當眼舖位，不過都有唔錯既人流當然有一定的既吸引力啦！ 淨係個招牌湯底已經要竪起手指公啦，濃郁，足料，又唔會太咸連啲鴨肉都好好食，平時啲湯渣已經煲到鞋哂，呢到你係會連湯渣都唔放過架！ 其他火鍋食材、好多款,呢度仲有個大大魚缸可以親自楝啲游水海鮮，唔少得既有入口會溶既手切肥牛啦，大大碟好抵食。仲有啲特色餃子，野生竹笙，紫色鮮淮山 ，都係出面少有既。食到咁上下啲店員會加湯，就算加埋其他食材既味，啖湯依然係冇得彈！食完一啲都唔會覺得好口渴呀，味精呀咁，絕對會再幫襯，以後晚飯或生日聚會又多一個好地方喇。