金寶 (已搬遷) 新店位置

龍城老店金寶嘅水準已大不如前，對旺角呢所分支小店自然信心不大。但小弟一向認為响旺角揾食絕對係一件苦差事。兩口子身處旺記，天氣悶熱，太座想吃碗湯河，正在茫無頭緒之際，想起越式湯粉，於是就偕太座前來一試...吃飯時間已過，人不多，可以舒舒服服慢慢坐...試一口太座嘅扎肉雞絲河。湯底得個鹹字，不夠鮮，就算加入咗少少青檸汁入去都於事無補，正式落筆打三更；扎肉只是來貨，無甚特別；雞絲嚡口得很，有點吃柴皮feel。配菜只得生芽菜，金不換葉子只得幾片，吝嗇之極，仲可以有乜期望 ?正在絕望之時，一碗凍檬雖未至於有起死回生之效，但起碼份量足，魚露又比想像中入味，撈埋檬粉、醃酸蘿蔔絲及青瓜絲一齊食，真有消暑之效，應作為主角嘅春卷頓成配角...感覺上比龍城店還好一DD...

四處覓食，然而來到旺角，也有一籌莫展的時候，是日就是如此。同事拿著重型行理，不好四出奔走，環顧方圓半里，似得這裡吃得過，晚市前的半小時，小貓只得兩隻，悠閒寧靜。與新興PHO或泰國餐廳一比，這裡帶著獨特的金寶格調，很有龍城老店色彩；不想太多，要了海南雞飯套餐，小吃要了招牌的醬爆蝦丸，不想吃煙三文米紙卷的組合，於是叫來個大併盤，二人吃頗豐富。這裡的海南雞飯，特色是深沉得耐人尋味色咖啡色水，略帶黃薑味，肯下足本雞湯來煲，味道自然錯不到那裡去，以泰式雞飯計，也做得不差，是濕了點而已。雞略帶冰鮮的雞羶味，尚算嫩滑，雞胸的部分亦不過韌，皮薄，要蘸點泰式酸辣汁吃替它補添味道，否則羶味直教人打冷震。說是招牌的醬爆蝦丸，在龍城那邊吃過，再吃卻感沉悶，用萬年油炸成，帶朕味，勝在足料彈牙，亦吃到蟹膏的鮮味，同事吃得不亦樂乎，自己對一些放入快餐式高溫炸爐炸成之物，無甚好感，此品亦然。應該先上的大併盤成了單尾之物，有米漿越南春卷、豬肉粉皮、札肉米紙卷，中央放置著一客辛辣豬肉。辛辣免治豬肉辛中帶酸，要用伴碟的菜包來吃，喜見生菜籃中有南亞菜常用的香葉La Liu、薄荷葉及金不換，鮮在併盤碰到這「三寶」，忙將之包著吃

如果話只係得海南雞飯,可能我未必會俾個笑佢,因為佢既雞肉比較淡,雖然油飯很美味,但都不算是專登要嚟食嗰種不過佢地既pho真係做得好好,我同男朋友兩個人食左一碗順化豬手牛展檬,海南雞飯同一碟酸辣鳳爪,另外仲叫左一杯三色冰同一杯咸檸七喜個豬手牛展檬做得好好,有點辣,加一點青檸汁一塊吃十分開胃^^豬手煮到淋哂,好好味,湯有濃郁既牛骨味,下次一定要再叫嚟食,海南雞飯雞肉要改善一吓了;酸辣鳳爪真的很辣,個汁好野味,食完仲成口洋蔥味,但係真係好好味飲品幾有特色,三色冰入面既綠豆係去左層衣,味道幾好呀^^

其實係第二次黎, 諗住試下佢個炸蝦餅.第一次黎係食海南雞飯, 覺得泰妃雞的雞還比佢好, 失望. 所以第二次黎就試下d蝦餅.蝦餅感覺上都ok, 與勝利小廚既不分上下, 外脆內彈牙, 唔錯喎~好似佢個價錢仲要平d添, 幾好.而飲品的soda lemon, 幾欣賞佢係原樽soda water上, 感覺上係多d, 又衛生d.至於個沙律不過不失啦, 個醬汁都ok好味兼配合.但豬柳三文治就覺得乾左d啦, 要另外叫佢比d醬黎淋上d豬柳度會好d.

星期六9點幾黎食，第1次黎，唔太多人，叫左個海南雞飯，等左1個字就黎，D雞預左係冰鮮雞，不過食落去食到係有雞味，因為以前去果間越南人海南鴨(費事講晒個名所以改左D)，D雞係冇味咁濟，不過依間D雞唔係咁彈牙，但個油飯好好食，好香有香茅味，但唔會好油，同埋有少少唔好就係D雞冇去到骨，之前去過豉油街間泰妃雞，果到就彈牙，同有去骨，不過就冇依到咁有雞味同埋油左少少，不過依間$40連埋個湯都唔錯，個Waiter重好nice，都算值，下次都會再黎金寶

午飯時間,不知是否下雨,店內人不算多,我地三個人被安排坐有電視睇既位點了海南雞飯,特別牛肉粉,春卷凍檬同炸蝦餅!海南雞飯味道唔錯,雞油飯香味濃郁,雞肉有點鞋,七件雞有三件係胸,可能熟過頭..點雞既醬汁很開胃,好好味特別牛肉粉大大碗,牛丸十分之美味,不過洋蔥放得太多,小弟不太接受,湯底味道濃厚,算得上美食;春卷凍檬春卷比較細條,但撈檬既汁實在太美味,必食!炸蝦餅都很出色,炸粉不算多,啖啖肉!三個人lunch,$140,但係食得幾飽,都係一個唔錯既地方!

同男友及好朋友原本諗住去金寶隔兩間鋪的佳人食餐... 不過全場滿座.. 見到金寶, 心想由開張到依家都未試, 即管一試..入到去, 好友話唔係好肚餓, 所以淨係叫咗三樣野share: 招牌海南雞飯, 炸蝦丸同生牛肉河炸蝦丸同九龍城一樣咁好食, 始終佢地的醬爆蝦丸真係好特別... 不過, 佢的冷氣太大, 食的時候個蝦丸已經唔夠熱..生牛肉河: 普通.. 呢個味道好多地方都食到...海南雞飯: 大失所望... d雞一d都唔好食... 跟餐個湯只係一碗得味精味的湯... 唯獨可以贊的只係佢的飯的而且確係好香, 幾好味... 去完, 決定唔會再去.. 始終位又唔好坐, 冷氣又太凍, 待應態度又差... 要食蝦丸, 我寧願搭車去九龍城...

寫這個食評,主要是覺得他們的越式拼盆真的美味,想跟大家分享分享最值得讚的是他們的酸魚露做得十分之好,之前吃過很多間越南菜館,只有老趙的合我心意,而金寶的魚露可說是不相伯仲!拼盆當中,以粉包最出色,內裹的餡料炒得很香,十分美味!至於兩款凍卷主理人如果大膽一點把香葉的份量增加便可完全滿足我這個越南痴了另外炸蝦餅都值得一吃

其實留意到依間餐廳好耐，因為佢門口就係巴士站，今次出開去行魚街，終於都去幫襯左，叫左炸蝦餅、香矛豬柳法式三文治同海南雞飯餐，蝦餅熱辣辣、好脆口、蝦膠彈牙，三文治其實係個法國麵包夾著粒粒香矛豬柳、車厘茄同青瓜，麵包外皮很脆，豬柳肉滑，幾好食，個海南雞就唔係好掂，雞好生，又無味，個飯就情願佢比白飯囉。

原本想星期六同屋企人去試,但係打風關係,今晚先去食雖說是泰式但門面沒有泰式感覺,反而入內見供奉了一尊泰國佛像,餐牌分泰國式食物同越南式食物,選擇唔算多,結果要了半隻海南雞,一碟炸蝦餅,酸辣鳳爪,一碗牛腩拚牛丸同埋三碗雞油飯海南雞雞肉嫩滑,因為沒有去骨保留了更多的雞味,雞油飯味道有點似美極醬油煮過的,和一般海南雞飯做法不同;炸蝦餅味道幾好,啖啖肉,沒有加了太多的炸粉,令到件蝦餅更美味酸辣鳳爪真的很辣,辣到我的舌頭沒有感覺,牛腩拚牛丸做得很好,喝了兩啖湯,很滋味,牛腩煲得很淋,牛丸很有牛味下次都會再嚟

我自己本身勁鍾意食海南雞飯~見到呢度食越南野咁出名, 咪試下囉~點知大失所望~隔離香辣屋, 大家樂, 美心.........d海南雞飯我都食過, 都冇呢間咁x難食囉~雞既味道都ok(雞都難食就死得啦~), 但就鞋鞋地...分量都唔多..d飯...我可以講, 好難食, 勁salty同硬硬地...碗腸...味精湯一碗..隔離香辣屋$38平過佢又好食過佢好多!

又係星期日的下午, 練完歌之後一眾頌揚人行了來這裡吃個下午茶. 選擇吃這裡, 因為晚上大家還有個大餐, 也不敢吃得太多.之前吃過朗豪坊的分店, 其實印象麻麻, 不過見有不少食評, 也想試試這裡的會否不同. 來到已經接近三點了, 人客當然不很多. 其實店子不大, 我們一行十人坐底也佔用了店方不少空間.一人分一個下午茶餐, $26一客, 幾經濟, 再另外叫了半隻雞分吃.香脆炸蝦餅: 8分, 一客三隻. 這個應該也係這裡的招牌, 炸得幾香口, 熱辣辣的, 面頭脆卜卜, 點上醬汁, 幾開胃.扎肉蒸粉包: 9分, 想不到這個扎肉蒸粉包相當不錯, 粉包足料, 皮薄薄的, 加上面頭的兩片扎肉, 配合得幾好.青檸梳打: 8分: 這裡的青檸梳打係用原樽梳打水上臺的, 解渴的佳品.招牌泰式海南雞$80: 7分, 要了半隻雞分吃, 份量不算很大, 算落也不便宜. 雞肉偏油, 白肉部份不算太嫩滑, 黑肉部份就幾好的. 另外要了碗油飯, 微香. 這個招牌菜, 不算是做得最好的那幾家了.除了雞之外, 其餘幾樣食物都有不錯的水準. 也係滿意的一餐. 大家傾傾講講, 相當高興, 或者這樣係更加之重要.

專程到來品嚐海南雞飯，可能時間尚早，午膳不用等位，可以立刻入座，我們幾人不若異同order了海南雞飯。飯－充滿薑味和雞油味，熱騰騰，很香，一大碗飯，真恐怕自己吃不完海南雞－雞骨帶血，以為未熟，誰不知吃下去，肉嫩質優，比星加坡馳名XX記還要好吃！記住連同附帶的秘製醬油一起吃，酸酸辣辣好醒胃。每客$40，不收加一。價錢比搭飛機去星加坡食平好多，味道又好好多。Yummy!

今次帶左同事二人嚟食,一直以嚟金寶都係我既推介!柯打包括海南雞飯,一碗淨順化豬手,一碟生菜包牛肉碎同兩杯三色冰!海南雞飯味道好好,醬油色既雞油飯好香口,淨順化豬手因為上次食左碗順化豬手湯檬好食,今次唔想食檬所以叫,佢個湯真係好正!生菜包牛肉碎牛肉碎炒得比較咸,不過包埋生菜同粉餅再點魚露食啱啱好,好滋味!但係之前話有新野出好似無哂影!

睇o左openrice.com o既食評話正, 所以o黎試試點知好失望!! 絕對冇下次!!海南雞飯o既油飯真係冇味! 又凍!海南雞唔夠滑, 雞胸肉好鞋, 雞翼又多毛!