金寶 (已搬遷) 新店位置

7月1日, 回歸假日, 黎到旺角行街街, 晏晝2點幾, 行經呢間好評如潮嘅金寶, 就入去食個tea啦, 冇乜人, 位都幾多, 冷氣都幾凍~::: 下午茶 海南雞湯河 +青檸梳打::: $25 + $7海南雞同湯河係分開上, 免得雞肉浸到淋晒, 都幾好嘅~ 用上雞脾, 肉質尚可接受, 脂肪都好少, 不過冇乜味, 有點淡~ 點上泰式辣醬先有味…湯河味道唔濃, 河粉仲一舊舊添… 下午茶黎講唔平仲有d求其…加$7青檸梳打用上似係泰國梳打水, 只有氣, 完全冇味, 差…::: 烤豬肉撈檬 ::: $38超多豬肉!!! 烤得都幾香~ 不過我就嫌佢烤得乾得滯, 同埋d豬肉有d韌… 難咬之餘肉味亦只屬一般… 就算份量多但唔好食都無用! 配料有一大塊生菜, 少少香蒜蘿蔔絲菜絲同芽菜~ 不過d菜因為太大塊好難同檬粉撈勻. d檬粉亦有少少黐埋一舊舊… 麻麻地而已… 不知為何, 完全冇其他食評咁讚… 只有中下水準, 應該都冇下次…

呢間野大大話話都知道左成年..(講既係係open rice見到佢好評)今日終於試左佢...點知真係一試實忘...海南雞飯..36$..有汽水送..仲有湯..湯反而好飲..中式一碗仔..當然唔係黎飲湯..飯等多3mins黎了..望落雞賣相好正..大件..又大肉..但飯一望都知唔知一般薑飯..試左雞先but..oh...一般..無乜特別..真係同樓下燒臘d白切雞一樣..樓下仲好d ti~~大件唔代表夾抵食..之後飯就扣哂分...好林呀!!第1次食海南雞飯係唔想食哂d飯去...真係又無香味又林..點食呀..真係食盒20$燒臘飯都好過佢服務好一般..都呆到一邊去..衛生唔合格係因為見隔離一張吉台有野飛黎飛去..

一入門口, 舖面算細, 入門口就要即刻落order, 速度好快 我期待左好耐既 - 望落就好似幾得啦~點知一食落去.....其實都無咩野je......= =都唔係d人講得咁好食...可能係我個人口味問題啦...我覺得其實幾普通只不過係個價錢幾抵!不過就唔係好食度牛肉味....不過就唔算乾身, 都有d汁既所以都okay啦..不過試一次就夠了...下次有機會的話... 都會再想試下

那位帶位的員工服務極差,大家如果心情唔好,就千萬唔好去,免得受氣!!我來食野嫁,我唔知你地邊個係帶位,轉位要同邊個講,我同你地員工講,佢地話ok,之後你又話佢地冇同你講,你地員工溝通有問題,唔係客人的責任呀!!仲有,你既位唔係咁迫,我地連袋都放唔落,我地駛唔駛要求轉位呀,我地可以放旁邊,不過你唔好怪我阻住你地出入呀,其實轉唔度都唔緊要,但係你地有問題在先,d態度仲要咁差law,激氣呀!!!依間野好唔好食就唔知,但係d服務差到已經可以令到客人唔再幫襯!!!

7點去到都無人既~叫咩無咩咁濟.. ...個餐牌已經無咩野好揀架啦.. ....叫左:1> 咩醬爆蝦丸--------唔係話好好食.. ....ok啦.. ...食蝦丸有蝦味既!唔會一團粉先啦起碼!但係個心就唔係話好流同埋個心d味唔夠.. ..2>豬頸肉撈檬--------又係一般啦!唔係唔好食. ....但係又唔係話會覺得嘩~好食牙~咁囉~3>越式拼盆----------都係無咩特別4>3色冰--------------menu幅圖令牙!但係得d椰汁.. ....0_0真係. ...好似飲緊杯好甜既梆汁囉!5>龍眼冰------------都係普通料6>椰拉糕-----------本身佢話無既.. .....20蚊得一舊的屎咁大舊~岩岩整起都可以淨係食到一團粉... ...個度waitress ok nice既. ....但係咩都話無囉.. ...可能係我叫既都無至真!我見好多人飲咸檸7!不過都係九龍城既金寶好食好多! 呢度真係食一次就88~

前幾天剛試完，叫咗1)海南雞飯,雞好滑但唔夠味道，個飯好味2)醬爆蝦丸好食，但３０元兩粒略嫌貴咗些3)青咖喱蝦湯濛好食5)三色冰唔錯整體唔錯，而且無加一，幾抵食，可以一試

考完mgmt120 lalalalalala =]excited,,咁就梗系要鬆一鬆去搵野食啦xD 招牌海南雞飯,,好味呀-3-" d雞好好好滑,,啱啱好熟既feel,,完全唔會''鞋",,皮又唔肥喔,,肉系唔痴骨既,,都好易分開好易食,,一定要提既係距個甜酸醬整得好好,,好開胃好好味,,good=]不過個飯就麻麻啦,,好痴,,但就唔系用椰油煮既,,所以唔香,,一般,, 青伽厘湯粉(好似系呢個名),,青咖哩就不嬲都好味噶啦,,呢個個味就淡咗小小,,不過太重就可能要送飯噶啦xD,,,d 蝦例牌系唔好味既,哈,,入面有potato ga wo @@"叫咗俾三色冰,,差@@d冰就占咗1/3,,所謂既三色就系d唔同颜色既野,,都唔知系咩黎噶喔,,總之就唔系水果啦,,,一般,,

在餐廳推介找到金寶的INFO, 便夜晚去食, 原因唔係因為133個好評, 反而係因為OK同劣評加埋都有八十幾個, 推算這餐廳都有不少捧場客去到發覺OPENRICE的資料似乎唔係太準確, 因為沒有蝦刺身, 冬蔭功, 更沒有菠蘿飯, 為何推介入面會有此等菜色?? 無奈只好食扎肉蒸粉包, 海南雞飯, 醬爆蝦丸同牛柳粒賓海....蒸粉包同預期有些出入, 起初以為係用蒸籠上, 但我地食哥碟係碟上, 不過味道都好好, 粉皮都幾滑, 餡料調味味道不錯呢海南雞飯飯同雞肉係分開的, 雞無起骨, 不過肉幾滑同好重雞味, 之但係有少少懷疑味道係用雞粉後加上去的, ANYWAY, 可口就收貨, 醬油飯就偏淋, 但味道不錯, 雞醬夠酸, 醒胃!醬爆蝦丸兩粒三十蚊, 價錢唔平, 不過啖啖肉, 中間的蝦育唔夠多,但真係好香牛柳粒賓海同出面的越南餐館味道差唔多, 不過酸汁的水準不錯飯後叫一客拉椰糕食, 口感就一般, 椰汁味唔係好夠, 係最遜色的一環鍾意佢地唔收加一, 價錢老實, 但是晚餐廳只有七成客左右, 無想像中咁旺, 不過反而食得舒服, 唔駛驚食食下俾人趕

試左下午茶餐,因為媽媽一路同我講旺角有間泰國野既下午茶好平.我同媽媽每人一個海南雞河,下午茶價係$2x ..加左個檸檬梳打 同埋一個蝦丸..因為之前係學校附近食過一間泰國野既海南雞飯實在太好味,所以覺得呢個平平無奇..同埋佢d雞有陣雞蘇味...個野飲就幾好, 我地兩個人share一杯.佢比成支梳打水我地 所以夠哂分 而個蝦丸都好普通,不過又係下午茶價 唔知十幾蚊定廿蚊度..三粒都好ok既..不過唔知點解我食唔到佢醬爆 總括而言都係普普通通無乜特別...

Wanted to eat thai papaya salad today so picked this restaurant for dinnerPapaya salad with chicken and shrimp - very dry no moisture at all, the shirmp was not fresh, but the portion is quite big, since I was very hungary so it was okSpecial Pho - a very big bowl with lots of ingredients and looked quite good, but the taste was not good, there were more pho and meat than soup so it was almost like 'lo mein' and the rare beef like rubber ban very difficult to chew....not worth the 69 dollars la

約舊同事食晏。太子嗰頭都食到無野好食。行遠少少去咗金寶。十二點半去到，都無咩人。不過服務員就得一個，當客一多時佢就無時停。午餐款式好少，粉麵得四個choice, 飯就得3個。要了雞絲扎肉河 + coke, $28。份量正常，配菜有洋蔥同芽菜。有三片扎肉，味道平平。雞絲尚可，可能係海南雞飯d雞，有調過味。河粉也是一般，好淋，易斷。湯底更是普通到不普通，無香味。問佢攞辣粉/辣醬，佢就俾辣油。最弊d辣油係一d都唔辣囉！落極都唔辣。整體真係平平無奇，好難會吸引我再黎。

沙律 - 都幾大碟,味道不錯檸檬梳打 - 個樽仔真係好泰國feel呀!醬爆蝦丸 - 我覺得唔值囉~整到d圖咁大懶吸引咁~成$15/粒呀!! 洗唔洗咁貴呀?海南雞 - ummm....可能新加坡0個隻好食d~豬肉撈檬 - d肉硬到咩咁!~雖然都幾多肉...最好味都係d汁only~~服務一般啦!! 叫多幾次落單都好似要睇佢地面色咁~~我覺得有少少差囉!! 點解咁多好評?

話說我一直都想食到真正好味既海南雞飯之前食過泰國人海南雞真係差到冇人有本以為呢間都叫做有D人讚下，咁岩睇到樓上篇食評寫到好似幾好咁今日就去試下點知…中哂招一開波上左飲品先叫左杯龍眼冰D冰勁大粒竟然唔係碎冰叫左少冰都黎勁多實質杯野得少少有4粒好細既龍眼問題係，極甜!!!!!!!!!!!!!!跟住上左個飯，非常奇怪地$38一個飯餐份雞竟然細份過我朋友叫既海南雞粉試左雞胸先，勁霉冇得傾又試左D雞脾，冇雞味唯有點D汁泥食講真句，D汁真係幾正又酸又甜又有DD辣正好用黎掩飾D雞冇雞味AND好霉個飯真係OK，而且係全個餐最OK好足油香香，有少少咸味跟住食食下就上個湯黎個湯咸到好似海水咁,,,咸到苦的!我叫個姐姐飲一啖佢冇飲收左返去話換碗比我跟住等左陣又上一碗泥一飲冇變過，勁咸我又叫個姐姐試下，佢終於試左，自己都頂唔順我叫佢唔洗補返碗比我啦抱有少許希望泥試點知大失所望一句講哂，一次都唔好試

個海南雞飯好正!! 雞好滑! 但可惜無去骨 如果唔係應該會好食d!! 再配埋個醬, 甜甜酸酸咁, 真係好開胃. 仲有佢個薑飯真係好香!! 見熱熱地, 嗌左杯野飲解下暑! 個龍眼冰真係夠曬清甜解渴 另外個三色冰都唔錯! 如果同我一樣都中意食佢入面d料既(即係綠綠紅紅果d)就一定要試喇!!!! 佢個醬爆蝦丸都好似好出名咁, 所以嗌左個泥試下. 其實個人覺得個蝦丸本身就無咩特別, 但係佢個醬就俾左好大驚喜我喇 又係甜甜酸酸咁! 真係好想食完再食呀!! 唯一一樣唔好既就係, 呢樣野都幾唔抵咖! $30先得兩大粒蝦丸!! 不過又真係幾值得試既

海南雞飯$36,仲有湯同飲品,好抵油飯香而不油,本人喜歡把點雞個醬汁撈入油飯食,好正雞好滑,唔會太肥又唔會太瘦,連雞頸都滑,正