金寶 (已搬遷) 新店位置

同男友及好朋友原本諗住去金寶隔兩間鋪的佳人食餐... 不過全場滿座.. 見到金寶, 心想由開張到依家都未試, 即管一試..入到去, 好友話唔係好肚餓, 所以淨係叫咗三樣野share: 招牌海南雞飯, 炸蝦丸同生牛肉河炸蝦丸同九龍城一樣咁好食, 始終佢地的醬爆蝦丸真係好特別... 不過, 佢的冷氣太大, 食的時候個蝦丸已經唔夠熱..生牛肉河: 普通.. 呢個味道好多地方都食到...海南雞飯: 大失所望... d雞一d都唔好食... 跟餐個湯只係一碗得味精味的湯... 唯獨可以贊的只係佢的飯的而且確係好香, 幾好味... 去完, 決定唔會再去.. 始終位又唔好坐, 冷氣又太凍, 待應態度又差... 要食蝦丸, 我寧願搭車去九龍城...