金寶 (已搬遷) 新店位置

2 人6:30 一心要食海南雞飯, 正好人唔多, 先叫左2 個雞飯餐\ 先講雞飯唔係出面食到既黃色, 係微帶深色,飯係熱既, 係我食咁多間最好味既一間, 而雞有小小jelly, 反而雞味不足, 但都係okay 架加左個豬肉粉皮, $18/2 pc, 足料, 好味!男仔服務員好友善,有下次~~

LUNCH TIME,我哋一行四人落金寶食飯,店內人數不多,只坐左一半人左右,選擇嘅食物包括海南雞飯,辣牛肉碎大蝦飯,女士唔食飯,揀左雞絲扎肉湯河同埋順化豬手湯檬,小食點選醬爆蝦丸四粒和香茅炸豬柳!招牌菜海南雞飯有水準,只係略嫌雞肉有少少血水,油飯比較味道濃,好開胃;辣牛肉碎大蝦飯嘅牛肉碎炒得香,撈飯食一流,不過用大蝦襯托唔係咁欣賞;雞絲扎肉湯河小弟試左一碗仔,湯好清甜,有胡椒味;順化豬手湯檬只知道係辣的,同事話唔錯;蝦丸唔算好大粒,價錢比較貴,要十五蚊一粒;炸豬柳啖啖肉,香芽既味道突出,醒胃之選!四個人食,埋單二百四十大元,最可愛嘅地方係無加一,一人六十蚊,算抵食!

服務態度都幾好,一入到去就安排我坐係厠所附近,我唔鍾意,佢就既刻執咗張近門口張枱比我坐.醬爆蝦丸- 好正,內有蝦糕,好鮮味,不過成$15一粒又真係貴咗d. 泰式海南雞飯- 呢個就唔係好得,d雞無雞味,可以唔叫. 越式生菜包配牛肉碎- 牛肉碎好咸,可以不理芒果糯米飯- 呢個就好味,芒果夠甜,雲呢拿夠香

兩個月前嚟食過,覺得佢地既服務好好,食物都有水準,今次同埋女朋友一起到金寶再食!今次食既係特別牛肉湯粉,海南雞飯,越式拚盆同埋加六蚊有碟西生菜!海南雞飯上次已經品評,特別牛肉湯粉係牛丸,牛筋同牛柏葉既牛什粉,大大碗,所以四十二蚊,不過如果三十五蚊到會合理啲!越式拚盆有粉皮,炸春卷,蝦同扎肉手卷各一,仲有一碗辣牛肉碎同埋一塊塊好似米粉既東西,另外仲有一碟生菜同埋香葉幾棵!我推介大家嚟要叫係因為個牛肉碎整得好好食,侍應教用生菜包住肉碎同埋香葉再點醬汁食,食得有點狼狽,因為牛肉碎仲有些汁,但係食落味道真係好正!粉皮入面既餡又係十分美味既食物,有豬肉碎同埋野味既蝦米!手卷都係點個醬汁食,我好鍾意但係女朋友覺得啲香葉太重味,接受唔到!p.s.食粉前一定要榨一些青檸汁落去,好味十倍!今次又無令我失望!

因為飲食男女介紹既關係,今日下午去金寶試吓佢地個海南雞飯,可能因為落雨既關係,店內只有七成人!店內既佈置比較簡單,牆身一片肉色,如果掛番一些圖畫或小擺設會無咁單調!兩個人食唔係好多野,只係點左一客招牌海南雞飯,一客越式春卷同埋加六蚊有碟西生菜!招牌海南雞飯味道都幾好,飯較深色,味道有點似醬油飯,雖然味道好但係同海南雞飯有點不配,只好當它是金寶雞飯!雞醬汁做得好出色;越式春卷一客五小條,份量坦白講唔係咁滿意,但係味道又唔錯,特別係個醬汁--魚露,做得好好!無論雞飯,春卷,份量都幾的色,但係味道唔錯,這小店比較出色既地方在於醬汁既炮製,當然其他地方尙有進步既空間!

尋晚兩個人喺金寶小食食飯,點選生牛肉河,海南雞飯同埋蒸粉包生牛肉河既湯夠熱,所以牛肉一浸落去已經熟,可能因為用肥牛既原因,牛肉既油浸完熱湯之後都迫左出嚟,令個湯底更重牛肉味,當然更滋味!海南雞飯做得幾好,份量少一點,不過味道唔錯,特別係個油飯,但係同平時食開嗰種好唔同,佢地呢種咸一點!點雞用既醬汁很美味,我要求侍應俾多碟,佢地都好樂意!蒸粉包做得好別緻,粉皮好滑,好似用左sk2咁,哈哈,餡料炒得十分美味,點埋個魚露perfect!好食既越南餐,個魚露係最重要(蔡瀾教),我諗金寶既魚露喺香港唔係第一都最少第二,所以我特別送你一個微笑!

好想試吓金寶小食店,因為個廣告好得意,喺隻雞度滑樓梯!招牌雞飯一定叫啦,仲點選一碗特別牛湯粉,一個越式拼盆同一碟酸辣鳳爪!雞飯好好味,雞肉都幾滑,點雞既醬好出色!但係原來最好食係個特別粉,湯底做得好好,牛腩唔硬,易入口,拼盆幾特別,有粉皮,春卷,肉碎,個肉碎幾香口,少少辣,送飯一流!鳳爪好辣,食唔哂!再嚟,會因為佢碗出色既粉!

看了開飲的報導,終於上星期六去食海南雞飯,隻雞都OK不過得7舊仔,D飯勁咸,唔飲野都要成40蚊,下次都唔會再去。

兩個女生，我們吃了四個菜+一個甜品1. 炸蝦丸2. 泰式海南雞飯3. 青咖哩大蝦配法包4. 越式碎牛肉生菜包5. 椰汁芒果黑檽米炸蝦丸是很特別的，是類似港式爆醬丸，裡面是大量油和肉碎(所以其實很油膩)，保溫程度極高。但兩粒丸已經$30感覺極之貴...不得不讚它的越式碎牛肉生菜包是很好吃的，碎牛肉有少許的辣味但又不太強烈很香口，還有生菜包是有那些好像粉絲的物體(吃越菜常會吃到，白色的一餅軟身的好像粉絲...我真的不知那叫甚麼但很好吃的)。比較少生菜包會一併提供這食物。但青咖哩蝦就比較遜色了，蝦可能是煮得太久了變得很"un"，裡面的薯角又是煮得太久了變了薯蓉。海南雞飯和黑檽米都不過不失，但整體上價錢就好像不太值了。又被安排了偏僻角落坐下，基本上大部份時間侍應都是看不見我們的，勁招手都看不見。

我地一行四人嗌左.. 越式生菜包配牛肉碎.. 炸蝦餅.. 海南雞飯.. 咖喱牛腩飯.. 雞絲扎肉河.. 柏葉牛丸河.. 係d河粉好薄.. 幾滑.. 少見d.. 全部野食都係一般.. 無乜特別.. 好多越南泰國餐廳都好過呢間

剛剛開始寫食評無幾耐,都係跟住openrice既推介去試唔同既餐廳,有時唔係好肯定邊間係真係好,因為一嚟人人寫既野唔同,自己去試先知龍與鳳!今次食金寶,因為大家推介得幾緊要,有好多笑臉,今晚到步,見坐滿人,侍應安排坐位有點亂,不過好彩唔使等太耐!食既係生牛肉粉,醬爆蝦丸,咖哩牛腩飯同埋香茅豬柳飯,生牛肉粉湯幾好味,不過粉份量太多,牛肉係肥牛,所以口感幾好,侍應教加埋香葉食,味道都幾清新!醬爆蝦丸三十蚊兩粒,好似貴左少少,但係食既時候入面既蝦膏好好味,又愛又恨!咖哩牛腩飯飯係一碗白飯,另外再加一碗牛腩,牛腩有牛味,但係咖哩味唔係太入牛腩度,即係牛腩同咖哩係分開煮,好唔好見仁見智,我就鍾意牛腩有好多咖哩味嗰種!香茅豬柳飯又係一碗白飯加一籃豬柳,同門口既食物模型好唔一致,不過味道就好好,豬柳點埋個酸汁好好味!見佢地好似唔係好夠人手,都唔敢叫佢地加水,不過服務唔算太差,但係又唔係好周到,如果生意好就請多個人啦,老闆!

今晚三個人去左試呢間野, 之前睇到食評好好, 今次終於有機會黎試下, 睇左一輪既餐牌, 首先發覺, 好似唔係想像咁多野揀, 地方就普普通通啦, 叫左好幾樣野, 第一樣野黎既係蝦餅, 已經等左一輪, 熱辣辣, 好味, 22蚊三舊, 有蝦味, 但係, 再想一想, 查實, 黃珍珍果個蝦餅好味過佢, 跟住, 黃珍珍附近有另外一間仲正過黃珍珍既就更加正過佢, 咁樣, 佢即刻變翻一個稱得上蝦餅既蝦餅, ok啦, 接落黎既就, 咖哩牛腩跟法飽, 嘩, 第一個感覺係細, 少, 好少, 唔夠食咁既感覺, 跟住, 見到個咖哩d顏色, 好靚, 算啦, 夾起舊牛腩, 奇怪, 點解, 舊舊牛腩都長方形, 四面方角咁, 咁齊整既, 好驚, 好似冰隔拎出一粒粒冰咁既, 味道, 牛腩好瘦, 似瘦肉多d, 但係有味, 至於個咖哩汁, 淡到呢-_-!!! 都唔明點解個色咁靚可以無味既, 個法飽反而得播, 熱熱到咁, 都脆既, 接住落黎, 朱頸肉, 嘩, 朱肉干你地食過未? 乾到呢? 黑既-_-!!!最後, 等極都等唔到既軟殼蟹, 問左佢話無漏單, 但係見佢搞左好耐先炸, 即係漏左, 錯唔認, 算, 黎到既時間, 個外表係

嚟金寶小食店食飯,最近好似好出名,所以朋友們都一致讚成嚟!我地食左一客海南雞飯,一客蒸粉包,酸辣鳳爪,咖哩大蝦飯同埋芒果糯米飯!海南雞飯同食開有點不同,因為個飯係啡色,不過都幾好食,有少少似醬油味既飯,雞就熟左少少,我覺得少少生會焦咁鞋口!蒸粉包好好食,因為入面啲餡好正,係豬肉碎加冬菇,個皮好滑!酸辣鳳爪就好辣,要飲好多冰水,幾好食!咖哩大蝦有四隻蝦,咖哩味道唔錯,係泰式青咖哩味!芒果糯米飯好煙靭,喺面既椰汁係最值得欣賞!可能因為食物同服務都有水準,所以好多人食,我地都等左三張枱,但係唔算太耐!

今晚喺呢間十大多人店食晚飯,爆哂大棚!不過等位又唔算好耐,只係差不多五分鏗就有位!我地四個人點左海南雞一隻($150),炸蝦餅六件($45),辣鳳爪($32),咖哩大蝦配法包($40),生牛肉粉($38)同埋四碗白飯,拉椰糕($18),三色冰兩杯($36)海南雞用左一隻大葉碟上,擺\得幾靚,雞肉表面有油,食落雞肉滑而且雞味重,好好食,點埋個醬無得彈!炸蝦餅好好食,成塊都係蝦肉!辣鳳爪好辣,好剌激,食完勁飲水先得!咖哩大蝦配法包係青咖哩,大蝦炸過嚟先放入咖哩度,所以蝦還蝦,咖哩還咖哩,不過都好好味,用百吉包點無得彈!生牛肉粉都十分之好,牛肉係雪花肥牛,湯有濃郁牛味,到我面前仲熱辣辣,夠我灼熟d牛肉!加d青檸同生芽菜食好正!拉椰糕煙靭,椰香味濃,三色冰有綠豆,大菜糕同埋紅色唔知係咩既煙靭野,好好飲!呢餐\飯,我地四個都覺得,真係值!仲要無加一,三百四蚊我俾左廿蚊tips!!

今次已經係佢地裝收之後第三次去！夜晚八點到，坐滿人，我地三個人等左五分鐘就坐左最入面張枱！叫左個越式拼盆，生牛肉粉，醬爆蝦丸同埋青木瓜雞絲沙律食！嚟呢度，係因為上次覺得佢地服務好好，野食都唔錯，今次食既青木瓜雞絲沙律味道幾清新，個魚露好好味，撈埋青木瓜食好開胃！越式拼盆一次過食哂春卷，粉包，牛肉粒同埋凍卷，幾拭食，生牛肉粉，醬爆蝦丸唔使再講，無令我地失望過！我問侍應：點解你地唔賣活蝦？佢話老闆講四月會做季節性推介．．咁我四月先嚟啦！