金寶 (已搬遷) 新店位置

下午同朋友兩個人去搵野食,結果選擇呢間!我食既係生牛肉粉,朋友食既係香芽豬柳飯,生牛肉粉好好味,佢地用肥牛,所以肉質幾好,湯有些少咸,不過好重牛肉味,好飲,我加左d青檸汁一塊食味道更好!試左朋友一件豬柳,味道都唔錯,豬柳香茅味都有,不過有d奇怪點解唔係一碟飯而係一籃豬柳加一碗白飯同埋一碗湯!!

泰式海南雞飯,雞普通,油飯就完全唔得,油飯沒有粒粒分明及沒有香味,而且是BB飯,還說這是招牌菜..失望. 豬柳法包,豬柳炸得太乾及嚡口.泰式無骨鳳爪不夠酸但十分辣,本人是食辣也接受不到, 要order椰汁冰解辣. 但椰汁冰好甜, 要再加水. 炸蝦餅外層硬沒有蝦味不彈牙.青咖哩雞翼及春卷無特別.不要抱太大期望好食, 這店好處是不用等位.

見佢上20大,就即刻走嚟試試,2個人食咗:泰式海南雞飯$40-雞好滑，但最重要嘅油飯就好一般，失望~泰式青咖哩大蝦飯$40-好好味!! 蝦又新鮮又有膏油菜$6-油菜都放得好靚椰汁香芒糯米飯$30-同menu張相好大分別雖然食物味道普普通通，但上碟時都排得好有心思，有啲賣相，冇收加一茶芥，抵食~

裝修後第一次返嚟食嘢，食咗香茅雞翼同MY LOVE豬柳法包。先講雞翼，炸得幾脆口，但香茅味頗淡，不過個魚露幾好味。跟住失望嘅係個法包冇以前咁好食，麵包有啲硬，豬柳亦有啲嚡口，不過二十蚊多啲依然幾抵，希望下次會改善啦。

無幾耐之前嚟食過,今日又食多次,都唔錯!今次食特別牛湯粉,特別牛比生牛粉貴四蚊,就睇吓有幾特別!原來係牛什,有牛丸,牛柏葉,牛腩,牛根,不過味道真係好好,湯底好有牛味,我呢個牛痴都大受感動,牛什全部都煲到易入口,如果好鍾意感受牛肉既味道,呢碗特別牛粉唔可以錯過!

琴晚同男友仔去食呢間野,,,,可以話慕名而來初初叫左一個海南雞飯同一個香茅豬柳湯檬海南雞d雞有d鞋口,,,同普通既雞冇分別,,唯一好係個油飯好,,,,同埋食哂都唔飽呀>.<個豬椰檬,,,湯不錯,,,豬椰好淋,,,好香,,,好好食最後叫左一個我最鍾意食既芒果糯米飯芒果好甜,,,我仲以為而家d 芒果會酸添佢地整白糯米比黑糯米好,個椰汁同d飯好配合不太甜,,,好好好笑面比芒果糯米飯同豬柳檬

見呢度好似好多人食,爆棚,所以湊吓熱鬧!兩個人食左香茅豬柳湯粉,辣雞腳,海南雞飯同埋一碟炸蝦餅!最好食係個香茅豬柳湯粉,豬柳做得好出色,香茅味濃,湯底味道濃郁,加點青檸汁好好食!辣雞腳係極之辣嗰隻,必叫,因為好好味!海南雞飯係醬油飯咁,味道幾好,飯唔好咁林會更佳,點雞醬係高水準之作!炸蝦餅有新鮮蝦肉feel,彈牙!唔怪得星期四晚都爆棚!

二月十八日(星期一)因為尋日我地兩公婆都跑完馬拉松所以今日請左假休息!本身諗住去呢排好hit既萬豚屋!但係由星期六打到星期日都打唔到去book檯!原來醒目既老公大人話我知!我打親去既timing出錯!一係落場一係休息!點都估唔到佢星期日會休息架ma!!><下次等老婆仔打去再book先好去啦!咁我地就去左金寶喇!呢排都幾人氣!而老公之前都食過!覺得唔錯!...去到唔多人!我地都叫左呢度既招牌菜"海南雞飯",海南雞有d血既,應該係急凍雞,同埋冇mud雞味!..同上次既好閎差得遠!而油飯都唔係咁香,一般ja!同埋叫左個大蝦雞絲凍檬,個凍檬好食!唔錯架都!d魚露都幾醒胃架!春卷,老公話有驚喜WOR!都幾好食!好多種唔同既材料加埋~幾special個味道!生菜,冇咩特別!呢間既海南雞飯真係一般,如果要3食好味道既,suggest大家去好時!又抵又正!

由於地點唔係旺區..所以都唔洗排隊..一去就有位坐啦兩個人食...都叫左好多野..海南雞飯, 泰式無骨鳳爪, 咖哩牛腩+法包, 生牛湯河, 再整多碟生菜先講海南雞...夠"林"..個醬汁都好惹味..好夾但個油飯就差左d 啦....好"笠"好痴...唔夠油香泰式無骨鳳爪好正..好大碟好多鳳爪...d 汁夠酸夠辣好刺激...生牛湯河都唔錯呀...佢仲另上左d香葉芽菜俾你落...牛肉夠"林"...如果個湯可以再熱d就好d...先可以將d香葉浸出味...咖哩牛腩就麻麻地...d椰汁味太勁..蓋過哂d咖哩味...同埋勁硬...有一半牛腩都放棄了埋單$15x...整體來說都算幾唔錯架啦...唔貴又唔洗等位...值得再黎

食左海南雞飯、生牛檬、蝦餅、拼盤海南雞飯ok,不過細生牛檬都唔錯蝦餅都係個d味la，新鮮炸嘅拼盤唔多arm口味，但係都唔差嘅PS. 有個男侍應好有禮貌，讚下

一個人3:00pm 入0黎食個very late lunch... 印象中食過一次九龍城店的泰式海南雞飯, 0係糊里糊塗0既情況下覺得唔係好得, 事隔兩年唔信邪, 今日又叫個招牌海南雞飯($40) 再試多一次, 加兩粒賣廣告賣得好「衡」的醬爆蝦丸($30).海南雞飯先0黎, 雞油飯粒粒分明, 又香又乾身, 好食! 菜湯賣相污濁, 飲完一啖覺得極鹹又口渴, 唯有放棄; d 雞賣相就好嚇人, 除0左好「血」之外, 部分肉仲未完全熟透, 搞到我唔敢食太多, 仲要一路用被放棄0既湯0黎「沉血」, 將紅色有幾多洗幾多@_@ 雞肉完全無味, 肉質又0鞋又死實, 即使部分係雞翼位置, 依然唔滑, 認真難食; 好在有一小碟泰式酸辣醬, 如果無0左佢蘸雞食, 都唔知點捱! 唉, 早知叫牛肉粉啦!醬爆蝦丸新鮮炸起熱辣辣, 脹卜卜成個乒乓球咁, 賣相有趣... 夾起就見墊底的生菜上有一大灘油, 真係@_@" 蝦膠彈牙鮮味, 入面的黃色liquid 有蝦油味又帶鹹蛋黃(?) 0既味, 幾香幾好食. $15 一粒好似好貴, 不過蝦丸幾足料, 算啦.環境同招呼都一般, 無乜特別.埋單$70, 抵唔抵見仁

見到E 間係二十大最多好評之一概餐廳, 所以今晚就同友人試下叫左二客泰式海南雞飯海南雞飯: 未食過, 以為會幾好, 點知其實D 雞一一般般, 無咩特別. 配概泰式酸辣汁,我地就覺得ok , 配埋d 雞都算係唔錯, 但就唔係話好好食.飯都係一般. 加六蚊有個油菜, 都叫做OK.埋單二個人先$86 . 都算平總括黎講可以叫做可以一試LO,但未食過其他菜, 唔知水準又如何.

睇o左openrice.com o既食評話正, 所以o黎試試海南雞飯o既油飯真係好正! 好香!海南雞夠滑, 有雞味!我的最愛咖哩牛腩: d 咖哩浠o左少少, 但又好夠味喎!牛腩炆得好夠林, 好好味!加埋法包真係一流(不過法包可以烘脆d 仲好)炸蝦餅啖啖蝦肉, 爽呀!侍應好有禮貌, 值得一讚!

金寶一直係我嘅心頭愛,最鍾意係食佢地個活蝦剌身!喺花園街買完野後,行過呢間金寶,見重新裝修,心大喜!以為有蝦食,點知,又失望!!不過都入去食,餐牌最大嘅改變係多左越南粉食,我就叫左一碗順化豬手湯檬,因為張相好似好吸引!係酸辣湯底,三塊牛展加兩隻豬蹄仔加兩片豬展!湯味道好,酸辣湯底好開胃,好野味!不過雖然好大碗,但係四十二蚊一碗,我唔係話貴,因為價錢同一碗日本拉麵差唔多,但係食完一碗已經飽飽,如果有士摩嘥士就骨!但係點解唔賣活蝦?可惡!!

友人話想試下呢間餐廳睇過食評好似唔錯我點左海南雞飯(湯+雞+雞油飯) ($40)友人點左香茅豬柳湯粉($36)海南雞都ok (不過唔係應該無骨架咩??)雞油飯幾香, 點雞既醬都唔錯個菜湯就一般般豬柳唔錯, 幾香口