金寶泰國菜館

營業中

休息中

去開九龍城緊係食泰國野啦,今晚相約朋友gathering.佢地係鐘意食泰國菜，原來金寶同時可選擇越南和泰國一黎飲杯椰青好清新，清甜叫個泰式拼盤有，串燒，燒雞燒好香，肉質好炭香味，春卷炸得好香口主菜牛肉青喱里，吾太辣，沾蒜蓉包又大塊，又香濃蒜蓉再加多碟馬拉盞通菜，野味，新鮮食完一啲少少辣既主菜，叫個甜品拼盤中和下。中間有熱辣辣黑糯米飯，有層甜梛汁，沾芒果一流西米椰汁糕，有嚼口，有梛香榚點好煙韌坐舒適，慢慢食，慢慢傾愉快晚上

突然想去泰國可惜冇錢唯有去九龍城食住泰國菜頂住先哈哈一定要點生蝦大大隻好好肉又夠辣 正呀又嗌咗全雞肉牛肉串燒正夠入味爽我叫咗一個泰式牛肉河粉生牛肉加滾湯 風味十足 色香味俱全

適逢朋友生日，她家住九龍區又喜歡泰國及越南菜，即時想起九龍城衙前塱道25號金寶泰國菜館🤩，這間餐廳可同時吃泰國及越南菜👍🏻我很欣賞這餐廳非常貼心！將正確吃越南菜的方法畫寫在餐枱紙上😻👍🏻食物款色很多，價錢相宜又不收取加一服務費。咖哩鮮大蝦煲（配法包）：咖哩香濃，大蝦真係大隻又新鮮，而且份量足料，有很多隻大蝦😋酸辣粉絲大蜆煲：大蜆夠大隻，蜆肉很鮮甜美味😋醬爆蝦丸：外層香脆，內層蝦肉彈牙爽口，中心有流心香濃蝦膏😋😋😋牛肉串賓海：牛肉串烤得很香，用生菜包著米粉、牛肉串粒、青瓜、紅蘿蔔絲再加上魚露，真是非常好吃😋👍🏻

約了朋友吃泰國菜，朋友説「金寶」吧！來到看見一連三家都是金寶，只是兩間金寶越菜，中間夾著的是金寶泰國菜館。二話不說往中間走去，結果是...錯了！原來泰、越竟是一家親：）進入越菜館，飱牌有泰有越，一爐而共冶，毋需執著😂最喜歡有薯仔的咖哩，味濃香而夾著椰奶味。蝦不算大，但鮮味可口：）法飽香脆新鮮，滲浸咖哩中，悠然馥都。蜆肉肥美，難得的是完全無砂。薑蔥及九層塔的味合起來，令蜆肉和湯培增鮮甜。賓海稍遜了！主要是做的粗糙。本來賓海是將一撮米粉揑成一餅，再將蔥碎同炸蒜碎鋪於米粉上，當然米粉中間亦可夾上其他餡料，如扎肉。吃時再加上酸甜醬汁。只是，這次的賓海太乾，蔥及花生、香葉碎不足，醬料酸辣甜的配搭未理想。此外，牛肉也太乾硬了！蝦丸亦嫌炸的稍乾，蝦味不足，估計是和肥肉的比例出了問題。丸子中間咬開，可見其內有醬汁，但是什麼醬汁則不得而知，只是不覺味道鮮美。

今日放工突然之間好想食泰國嘢所以就同同事搭車嚟咗九龍城發現九龍城入面真係有好多泰國餐廳不過同事最後都係選擇左呢間出最出名嘅金寶泰國餐廳首先叫咗第一款小食就係生蝦刺身一碟生蝦刺身入面有成七隻咁多而且每一隻已經挑晒蝦腸 剝晒殻再界花上面重淋上了魚露 蒜頭再加上辣椒碎令到成碟活蝦刺身除咗十分新鮮之外再加上了惹魅的感覺而且魚露的咸鮮味道重令到活蝦刺身更加入味之後叫咗一份燒豬頸肉豬頸肉本身油份高一燒可以將其中油份迫出而另一方面將豬油香解鎖令成豬頸肉味道升級唒而且廚師燒豬頸肉嘅技巧十分之好完全唔會燒得過火令到豬頸肉過分地乾這裏的豬頸肉一燒好便上枱豬頸肉的肉質爽口彈牙而且肉汁豐滿之後叫咗一份燒大頭蝦大頭蝦一份有六隻咁多而且每一隻都非常之咁新鮮揭開蝦頭之後便見到蝦膏已經頂滿晒成個蝦頭而下身入面D肉都已經漲得爆滿每一隻蝦肉都十分大食落口啖啖肉如果矇住眼聲唔知嘅話仲以為食緊龍蝦仔添不過不得不提嘅就係薦底嘅粉絲因為燒完大頭蝦之後便放上了炒粉絲上面每次一搣開大頭蝦蝦肉肉汁便會沾上了這些炒粉絲所以去到最後嘅時候炒粉絲便會吸收晒所有蝦嘅蝦汁精華所以每食到一啖炒粉絲都食到香甜嘅蝦肉味道最後叫咗一份芒果糯米飯啲芒果每

好耐無黎九龍城行街，今晚仲要得番9度，超凍！咁啱行到呢間泰國菜館，比佢出面餐牌食物吸引住，唔洗諗，入去試吓先呢度座位坐得非常舒服，乾淨企理，餐牌仲新淨，見到好多食物都想試泰式什菜～味道剛好，不會過鹹咖哩鲜雞煲（併法包）～咖哩不會太辣啱我，而且法包夠熱，有五片，配咖哩汁真係絕配泰式拼盤～鮮🦐卷3條、串燒3串、紙包雞3件、🦐餅3件$95，一次過試勻幾款小食價錢亦很合理！菠蘿焗飯～超正足料，三隻大蝦配新鮮菠蘿肉、豬肉鬆、紅腸、火腿，賣相又得半打串燒（牛、豬）$60今晚雖然凍到飛起，但入到黎食到我好滿意的正宗泰國菜，真的非常溫暖⋯⋯

11月中再次去這間老字號慶祝爸爸生日，果然食物質素比上次的一樣好味，今次有叫一些上次未試過的，原來亦可以叫越南菜，非常之多選擇我亦有去過尖沙咀分店，不過果度就算book咗枱都要等45分鐘，會繼續支持九龍城老店

難得有呢個地理優勢，住得咁近九龍城，久唔久梗係要過嚟食吓泰國嘢！金寶泰菜，我細細個就聽過呢個名。以前食過係咩味道就唔記得啦，但係印象係唔錯嘅，今日唔怕老土，重遊舊地，再試金寶的滋味。知道金寶係呢區來講都算係老字號，開咗好多年，但係入到去見員工嘅招呼都好週到，而且食物質素都真係幾高㗎 ，唔會因為做到出名就Hea做。沙律都幾多款式揀，但係都系揀咗平時最喜歡的大蝦柚子沙律，大蝦真係幾大隻，柚子同蝦嘅比例幾好，仲有適當份量嘅腰果，好開胃的沙律。生菜包都不錯，香料同肉調和得幾好。之前聽過有個朋友講話，來金寶必定要試吓呢度嘅醬爆蝦丸，今日終於親身一試！真係一個偉大嘅發明啊！咬落脆脆嘅蝦丸外層，已經感受到蝦丸嘅彈牙，接着下來就係濃郁嘅醬汁流出來，裏面嘅醬汁熱辣辣，加一重鮮味添啊。值得一讚，菜單幾精美，圖文並茂，又可以自己鍾意食咩就剔咩，見到樣樣都想食，點咗個生牛肉湯河（轉粉絲）。轉粉絲純粹因為個人喜好，嗰幾片牛肉都幾滑，個湯夠濃郁，啲味入晒粉絲。分量方面，我都幾滿意，例如呢份濱海，食完真係唔會怕唔夠飽。

泰國菜喺香港已經開到成行成巿，但如果想食正宗的泰國菜，除左去泰國相信最好就係去九龍城喇金寶都有好幾間分店，但總覺得九龍城呢間係最好食，最抵食款式真的不少有生有熟，有辣有吾辣，有蒸，有燒，有焗。。。。每間泰國菜我都會點泰式生蝦，一食呢個菜式，就知道成間鋪頭用料是否新鮮單看肉色就知，晶瑩剔透，新鮮肉厚。應該今早就醃定了，因為好入味呢酸酸辣辣，爽口彈牙，好開胃呢原個菠蘿炒飯，三隻大蝦，加上肉鬆，顏色鮮艷奪目大蝦size不少呢，蝦頭仲有膏添咖炒飯用料十足，差不多有三分一係菠蘿嚟咖所以食落吾會膩囉泰國菜館就緊係炒椰菜苗啦，因為自己買都吾平 鑊氣同火候都十足青青嫩綠，好味甜品，飲品色彩都好靚哦 泰國菜嘅甜品樣樣我都想試，於是要個拼盤，乜都有芒果糯米飯，有普通糯米和紫糯米椰汁西米糕點，紅豆糕。。。我最喜歡嘅係千層椰汁糕，彈牙咖椰香味濃食到捧住肚又Sweet ending, 每人都係$160咋

食泰國野，首選到九龍城，由街邊小檔到坐係到堂食既餐廳，必有一間岩你心水。今次揀呢間餐廳係九龍城有幾間分店，其中一間鋪頭仲要同隔離越式餐廳打通，等客人可以既食泰式又食越式美食。踏入餐廳，已經睇到牆身好多名人簽名，亦見證左呢間野既歷史。我仲一路食，一路同朋友玩揾明星簽名遊戲。😂😂😂最愛呢個流心蝦丸。雖然覺得有d貴，20蚊一粒，但物有所值。即叫即炸，金黃酥脆，但要小心燙到個嘴。蝦膠又厚又彈牙，咬開入面既蝦膏醬汁即洶湧而出，好惹味。鮮蝦凍卷做前菜一流。米紙包住數片金不換，大蝦，粉絲和一塊豬肉。蝦肉爽口，配埋泰式粉絲，好有口感。埋面既金不換葉，有種獨特既味道，不過唔係個個人都接受到。我朋友就唔多like, 但我又覺得ok喎。配埋跟上黎既泰式辣椒汁，酸酸甜甜，其實好開胃。原本想食串燒，但唔想咁熱氣，最終揀左泰式豬頸肉。外層燒到脆卜卜，肉質唔乾身，食落爽口，不肥不膩。食左咁多肉，叫返碟菜中和返先。熱辣辣，好有獲氣。呢個又係必叫食物。員工仲好心提我地可以揀黑，白，定兩溝。當然係兩溝啦，可以食椰汁味同黑糯米味。芒果好新鮮。食到最後其實已經好飽，好在我朋友肚量勁，幫手ko晒佢。哈哈😂😂😂第一次飲滴漏咖啡，

這晚剛好在九龍城，不順道吃個泰菜就太可惜了，看到這間泰國菜館門外餐牌頗吸引的，二話不說便進去了。店內是泰式風格的裝潢，環境簡潔，牆上滿滿是名人的簽名，更有一幅蔡瀾題字的牌扁，看來這餐館也來頭不少，覺得自己沒選錯呢，哈哈。餐牌非常精美，圖文並茂，食物、飲品以至甜品均有很多很多選擇，全是地道泰國菜式，而且價錢挺便宜的。食物好快便送上，活蝦刺身好出色，每一隻蝦都好大隻又厚肉，口感超爽口彈牙，非常新鮮，蝦上配有蒜蓉辣椒等調味，不用沾醬已經十分惹味，好開胃。鮮菠蘿梳打冰內裡有好多新鮮菠蘿，極度清甜解渴，菠蘿味豐富，而且甜度適中，一點都不淡。醬爆蝦丸熱騰騰，炸得金黃香脆而不會有油膩感，蝦肉彈牙，內裡更有蝦膏做出醬爆效果，沾上酸酸甜甜的醬汁更惹味。椰青海鮮焗飯熱乎乎香噴噴，整個飯份量頗多，飯裡完全滲有椰汁，一邊盛飯一邊散發出強烈椰香，而且用料十足，除了有大大隻的八爪魚、火腿、紅蘿蔔、葡萄乾等，最驚喜的是加入了不少一塊塊的椰青肉，肉質更是非常嫩滑，連椰殼邊都有很多椰青肉可以產起來吃。拉椰糕好特別，一層層，質感黏黏的，除了椰汁味，更有濃郁綠豆味，不會太甜。椰汁西米糕椰汁味濃，甜中帶有粟米的咸度，味道有層

九龍城真係有好多好野食，住得附近梗係成日去搵食，今日試下評語好好既泰國菜時間尚早不是太多人，不過慢慢越來越多人，生意超好入面牆有好多明星既簽行，人氣十足菜式花多眼亂，除左泰國菜仲有越南野食首先我叫左至愛既生菜包辣味剛好，生菜新鮮好味道，跟住叫左6串串燒唔會燒到乾晒，仲好有肉汁，一d 都唔韌。另外都叫左個越南既生熟牛肉河粉，原來越南食物係由隔離個鋪位拎過黎，兩間鋪食物互通，所以想食泰國或越南野都應有盡有。之後再叫左個海鮮粉絲鍋、燒雞翼同埋燒露荀，海鮮鍋有好多蝦，而且新鮮清甜，粉絲吸晒入面既精華，好味，燒雞翼同露荀都燒得啱啱好，只係用少少鹽調味已經超正。最重要價錢適中，平時放工食晚飯又多個選擇！

話說木嘴除左係米線控之外，亦都係泰國菜控，耐唔耐就想食泰國野，恨不得住埋過去泰國。不過木嘴怕死，果邊郁啲就政變郁啲就戒嚴會嚇破我個木膽，所以都係住喺香港間唔中食下泰國野算喇。之前先係粉嶺食完，但講到多泰國野食就緊係要黎九龍城啦，於是呢日就入左金寶食飯喇。 首先係泰國野必備既生蝦刺身，新鮮好食，依家睇返張相都流晒口水。黃咖哩雞，會配埋法包比你。木嘴最鍾意食充滿椰香味既咖哩，呢個超岩木嘴心水，所以食完法包忍唔住要多個飯，咖哩送飯，食唔停口！如果唔係因為木嘴擁有櫻桃小嘴加小胃，應該可以成碗KO冇難度。 金邊粉，身為木嘴我都講唔出咩高層次既味道，都唔錯，不過舊雪藏蝦有d梅，唔太好食。豬肉串賓海，一開始都唔知賓海係咩，檳榔就知姐，咪叫黎試下。原來賓海係越南野食，就係舊肉加上香草／薄荷葉同埋舊好似米粉既物體，點下魚露，再拎塊生菜包住佢。佢一上個菜，得呢碟肉串同米粉，唔見有咩薄荷葉呀魚露呀生菜咁，差D以為係要拎墊係舊肉下面塊生菜黎包，心諗咁鬼油點包姐，原來係佢上漏左姐，嚇死朕咩。食落都唔錯，D葉又可以中和左D肉既油膩，成件事Fresh左。不過如果你唔鍾意薄荷葉陣味，建議你可以唔加或者加少少就夠。同埋

同舊同事相約聚一聚，決定食好耐無食嘅泰國野！我地一坐低就睇下餐牌，有好多野都想食呀！我地未等齊人就開始tick tick tick. 第一樣一定要食嘅梗係生蝦啦！生蝦除左蝦本身要新鮮，爽脆之外，個汁都好緊要。依度個汁就調較得啱啱好，少少酸甜，再加少少辣，連唔太食得辣嘅朋友都一隻接一隻除生蝦之外，另一蝦類菜式，就係醬爆蝦丸！外面係彈牙蝦膠，入面係濃濃嘅蝦膏，諗起都流口水！依個即叫即炸，熱辣辣咁食，正！食泰國野當然唔少得串燒啦！依個係泰式，我地雞，牛，豬各兩串。沙嗲醬係另外用碟仔上，可以自己決定要幾多。雞肉都幾嫩，幾好食。生菜包又係另一必食嘅。肉碎都幾香，不過辣度可以再多少少，會更惹味。椰子海鮮飯有好香嘅椰子味，加入蝦，魷魚，雜豆，都不錯呀，食左兩碗，係有少少膩。烏頭魚一路熱住黎食，仲有另外一碗湯，可慢慢加，就唔怕條魚太乾。而依條魚個精髓就係個汁！個汁似乎係生蝦個汁，點一點個汁，味道的確晍同d！

今日好忙做到3點先有得食飯諗住對自己好啲揸架車落九龍城搵食搵到個位泊好車之後對面就係呢間金寶泰國菜之前都聽人提過呢間金寶泰國菜但真正入去食都係第一次可能係因為而家係下晝三點鐘嘅關係餐廳冇咩人但係都有幾個侍應係到招呼我地成幅牆都簽滿名大部份你都聽過我本身都好鍾意食牛肉嘅佢呢個牛柳粒味道非常好本身個醬汁惹味之餘啲牛肉仲好嫩滑人人都推介要食呢個豬頸肉我食完之後都真係覺得超好食如果呢份豬頸肉係值100分嗰醬汁肯定佔超過30分而個豬頸肉本身亦都烤得非常之好真係有外脆內軟嘅感覺生蝦刺身來講呢一個都叫做新鮮肉質非常之爽唯一一樣野唔鍾意嘅係佢將醬汁放埋同啲生蝦一齊拎出嚟唔係分開上以佢嘅醬汁又真係非常辣真係唔叫野飲唔得啦因為生蝦好辣嘅關係我叫左杯龍眼冰出邊有好多到家糖水搞到杯野好鬼甜但呢度嘅龍眼冰我唔敢話佢冇加糖水不過個甜度都可以接受飲完即刻舒服晒舒服完之後又繼續食辣野今次係冬陰公佢個湯個味道好好唔會太過酸又夠辣仲有個爐係下面熱住個冬陰公唔使驚佢凍左最後我哋叫到成枱嘢食埋單都係＄200一個人左右以咁嘅食物質素來講真係非常超值