金寶泰國菜館

營業中

休息中

家人飯聚當然選擇家人至愛的泰國菜, 一想起食泰國菜必然到九龍城區食呢! 見依間幾吸引咪來到依間食 。 這餐廳不只是有菜國菜食, 原來也有越南菜食 。* * * 首先點來開胃菜先 【大蝦木瓜絲沙律】$78 這是微酸微辣又清爽的涼拌開胃菜, 口感清爽很不錯,配上彈牙蝦及脆口蝦片,令人開胃！* * * 【活蝦刺身】$85 用上刺身級新鮮的草蝦,蝦肉晶瑩爽口,口感鮮甜,夾生蒜片及紅椒片一齊來吃,好滋味。* * *【咖哩炒蟹】 大 $280 啖啖蟹肉極鮮甜新鮮, 配上香濃香甜微辣的咖哩,十分惹味可口,送飯或包一流,當然食慾大增起來。* * *【泰式明爐蒸魚】 $150 這魚是烏頭, 肉質鮮美嫩滑沒腥味, 加上明爐湯頭帶酸鮮甜, 非常醒胃。同時又可食魚､什菜及飲湯, 一具幾得菜式。* * *【香芒椰汁黑糯米】 $50 香濃的椰汁淋上黑糯米飯, 配上甜甜的芒果,有一種甜甜滑滑香濃的口感。

開學日只返上午，接仔仔放學後，約埋同學仔的媽咪去附近食店，發現一間好好味泰國菜餐廳。幾幅牆都是名人簽名，應該有口啤看見每個客人都㸃活蝦刺身, 應該是the best dishes, 必㸃。賣相漂亮，已經流晒口水。食落去甜甜酸酸帶點微辣作為頭盤非常醒胃😋😍😍。蒜味夠香，炒菜鑊氣夠火喉😋龍眼薏米冰，超多龍眼肉，鮮甜又好飲。😜😜炸軟殼蟹, 肉質新鮮，淡淡都係肉😍再點了牛豬雞串，醬汁葉得好味，燒嘅火候啱啱好十分野味再黎炸蟹鉗, 似不似乒乓球，肉質彈牙，冇得輸。最後，點了甜品拼盤，芒果同黑糯米真係gooood好好食😍。好滿足。我們一班媽咪們說下次再來👍🏻👏🏻

今晚放工突然好想食d酸辣野， 所以就走去九龍城揾金寶去醫下肚活蝦刺身 $85生蝦是必點之一， 十分鮮美，雖然我並不能吃得太辣，但這生蝦確是對他又愛又恨金寶除左泰式菜外，還有越南菜，也點了牛油雞翼試一下牛油雞翼 3隻 $39餸菜出得奇快，但都是新鮮烹調的，這牛油雞翼在我太心急情況下，辣親了嘴充滿了牛油味，而雞翼也大隻不欺場，沒有雪味而肉質也嫩滑泰式明爐魚 $150附有一碗湯，是當煮到湯餘下很少時可以自行加進，十分多香料，而湯帶酸味十分開胃，魚肉滑口，而煮到最後也不會鞋口原本很想點甜品，但實在太飽了，那就留侍下一次

好多人都知九龍城係泰菜集中地，有好多泰國人親自主理既泰國餐館，今日放早就同朋友黎到衙前塱道25號呢間星級老字號泰國菜館食tea避開人潮。呢間餐館係九十年代開業，宜家已經有成廿幾年，而且當年仲有好多明星食客，雖然入面裝修簡單，比較傳統，但係環境都舒服，而最搶眼既都係牆上面滿佈名人、明星既簽名。Menu呢度主打泰國菜，但係都可以食到越南野，因為老闆就係隔離開左越南菜館。活蝦刺身$85呢碟泰式生蝦刺身，蝦身厚，肉質爽口，配上紅葱頭、生蒜、泰國指天椒，同自家調製既青檸汁，味道一流而且越食越辣泰式串燒（半打）$70呢個泰式串燒可以揀豬、牛、雞。arm arm燒好放落枱已經聞到香噴噴，串燒燒得好惹味，肉質唔鞋，又燒得arm arm好，再點埋個沙嗲汁烤豬頸肉$60呢個豬頸肉超爽口，肉質嫩滑，烤到個邊有少少焦脆，仲更加香口，配埋佢個自家汁，好惹味醬爆蝦丸$80呢個蝦丸同平時食既炸蝦餅一樣，外面炸得香脆，入面蝦膠彈牙，不過呢個更加特別既係，一咬落去仲會爆醬，因為老闆係係入面釀左d蝦膏落去，食落更加香口鮮甜咸魚炒椰菜苗$65呢碟椰菜苗大大碟好抵食，用咸魚黎炒調出個鹹香味，而且鑊氣好夠再飲番個清甜解渴椰青，

今次，又黎到九龍城啦。黎開依頭緊係要食餐泰菜先走啦真係有名你叫金寶餐廳，連招牌字面都係金光閃閃。入到去已經開始多人，安排坐的位置都幾好，幾闊落，食都食得舒服。跟住，就同朋友商量食咩，點完菜好快就有得食。每次食泰國菜都必定會叫活蝦刺身做頭盤，加埋辣辣地的泰式醬，無得頂而金寶的活蝦刺身有自家的特別，佢地將泰式醬倒係活蝦嘅上面，更加帶出活蝦的鮮味。杯龍眼冰面頭加入咗好多龍眼肉，岩哂口痕的我無甜青檸水，淡淡地吾太甜，感覺幾清新，岩哂甘熱的夏天。生菜包的生菜好新鮮又嫩，肉碎又多。咖哩雞的肉好入味，同香脆熱辣辣嘅法國包一起食係吾錯的配搭。冬陰公湯係屬於BB辣，鍾意食泰國菜嘅人一定吾少得佢。

My colleague and I came to Kowloon City to attend some workshop and during lunch hour, we decided to come to Cambo for lunch. Apparently they have few outlets, and some are differentiated by Thai and Vietnamese cuisine. Even though they offered lunch set, we were still able to order ala carte menu as well. Their menu was very comprehensive, offering a wide range of Thai food, drinks and desserts. Young coconut - This coconut should be young and not old, as the meat was easily scooped off and was

平日星期三晚慣性要出街食飯，因為仲有有兩日先到weekday休息,令人納悶日子。今次約了姐姐食所以選擇了近她的九龍城，黎到呢頭就當然係食泰菜，亦當然地選了這間老字號。無bk枱，黎到好full,但他開了間越南菜館在旁，所以有有位坐，同時可以叫泰菜及越南菜。推介的蝦球，原本覺得80蚊好貴，但上菜見蝦球好大粒，而且即炸，熱辣辣，交落滿滿彈牙蝦肉，中間有蟹黃油滲出，好滋味。本來見到有少許失望，唔係預期的金黃色沾滿炸蒜，但咬落有驚喜，肉質鮮嫩保有水份，好重牛油香。叫了一份細的，份量驚人，有約4隻蟹，炸得剛剛好，保有水份，唔會硬亦不會過咸。每次食泰菜必點的，份量多，味道夠，令人回味點了黃咖哩牛肉另加蒜蓉包，咖哩濃郁椰香味，內用菠蘿粒取代薯仔，菠蘿甜味同咖哩非常相襯，有碗豆，洋蔥，蘿蔔。咖哩多，最後食唔完可以問佢拎個盒帶走。蒜蓉包熱辣辣，蒜蓉同牛油塗得很均勻，從頭到尾都有。雖然等兩大條但中間有切口可以一開三食左咁多野以為起碼400幾，但原來唔使加1，埋單354 only,好鬼抵。知道佢地係 tst都開左分店，嗰邊方便d,下次會去試一試

娘家在九龍城，自細就成日跟家人出街食泰菜，記得十幾年前泰菜已經開遍九龍城，有幾間好似黃XX，金X泰，X農等成日都去。大個左屋企人為左個炸蝦丸就去多左金寶。今晚約左朋友食飯，佢話想食泰國野或者越南野，咁就決定重訪舊地兩樣都食齊。以前都唔覺，原來佢而家有三間舖開埋一齊。入到去聞到好香泰菜味，搞到我地兩個好肚餓，一口氣叫左個咖哩牛腩煲配法包、蒸粉包、醬爆蝦丸、蒜蓉牛油雞翼、咸魚炒椰菜苗、仲加一杯椰汁一杯龍眼冰。結果當然係眼闊肚窄。呢間店嘅特別之處係越南菜又有、泰菜又有。由細食到大嘅醬爆蝦丸，依然美味！Close up好有咸香嘅蝦膏餡，超滿足，膽固醇同時急升呢個咖哩牛腩加法包係我呢餐嘅最愛，咖哩又香又滑，好多牛腩仲有幾舊薯仔，好入味，不過精粹都係用法包點咖喱汁食！我一個人食左四舊法包！食到朋友想食嘅越式蒸粉包，皮薄料多，我鍾意加好多酸汁食，好開胃。最後仲有個蒜茸牛油雞翼同炒椰菜苗。佢個雞翼唔係有好大舊炸粉炸到好大舊嗰種，食落都似普通炸雞翼。炒椰菜苗都冇咩特別，一般泰菜水準。兩個人盛惠$369，飽到不得了，令我驚喜嘅係冇收加一，可以繼續encore!

同阿仔游完水，一家人經過這間泰國餐廳，覺得這店很特別是由泰式和越式組成的餐廳，一於入去試試。店內裝潢傳統泰式，見到大牌匾刺身]，問店員是招牌菜，於是先叫這個活蝦刺身配少辣，雖然比想像辣，但多夠鮮味和開胃跟著叫了我最喜歡三款牛雞豬串燒，有水凖，如有🐑就更perfect接著試另一款招牌，酥炸軟殼蟹，配酸辣汁夠芝味越南醬爆蝦餅，餤夠多吃了太多煎炸食物，叫個椰青下一下火，凍凍地夠清涼最後叫個甜品拼盆，太飽太豐富另外要讚的是這間店的服務員態度非常好，她很用心介紹了不同種類食品，值得給

九龍城出名多嘢食，而金寶嘅門面大大個，行過記得試下餐廳入面唔大，但坐滿哂人！好有人氣食物方面以散嗌為主，唔覺有套餐，自己鐘意食乜就嗌乜第一樣食左活蝦刺身，好好味！蝦身好大、蝦肉都好厚！配埋酸酸辣辣嘅汁，啱哂開胃但都真係頗辣架！然後有泰式串燒，雞肉、豬肉、牛肉，各2支個人覺得雞串最好味，好嫩滑！配埋沙嗲醬食就更惹味！仲有細嘅椒鹽軟殻蟹！份量好多，夠2至3人食軟殻蟹炸得好香口，又唔會太油，值得一試呀！馬拉盞炒通菜都唔錯都係炒得好香，一啲都唔油膩！可以一試！最後係泰式海鮮炒飯。有蝦、魚、魷魚，加埋蕃茄、豆、粟米、蘿蔔粒炒。食完咁多濃味食物之後，清清口都幾好！成餐飯整體感覺幾好呀！

今日咁岩放假又約左朋友食飯,因為太耐無食過泰國菜,於是一行6人到九龍城食晚餐。因之前都食過好幾次都覺得味道ok,所以決定去返呢間食。叫左生蝦,泰式鳳爪,炒芥蘭,蒸烏頭等等.....味道唔錯,諗住再叫加單之際,突然有隻老鼠係我地旁人經過,係係水吧沿住條電線爬落黎,我地好驚忍唔住大叫,重點係店員聽到我地大叫有老鼠即係擰咩面扮無野,連一句都無問過,好明顯就係經常有老鼠出沒已經習以為常。就算幾好食都唔會再幫襯😤

其實我真係好鍾意食泰菜，放工約咗同事食泰國嘢慰勞一下，泰菜一定諗起九龍城。今次就試吓金寶泰國菜館，記憶中金寶餐廳歷史悠久，後尾有經驗嘅店員話原來2002年開幕喇。等我試吓同九龍城嘅新派泰菜有咩唔同啦。裝修與環境餐廳個感覺有少少懷舊，燈光較為昏暗少少，好浪漫，黃色嘅燈光配上木製嘅餐桌，牆壁上滿佈明星嘅簽名，林超榮，森美，洪金寶，苑瓊丹，連台灣歌星張洪量簽名都有喎。服務與食物種類一坐低，店員就立即勤快地放上餐牌同埋點餐紙，餐牌係全彩色印刷，仲要附上大量嘅食物圖片，實在係非常方便食客😌食物種類選擇好多，就以沙律為例都有九款嘅選擇，海鮮為主的食物更有24款嘅選擇，實在唔適合選擇困難嘅我，後一版是蔬菜類嘅餸菜，一般餐廳只提供馬拉盞炒菜，蒜蓉炒菜，但呢間餐廳提供嘅以蔬菜為主嘅餐牌亦都有多達23種之多，實在好多元化。呢度亦都有供應越南餐廳嘅食物， 係餐牌上面共有五版附有圖片嘅越南特色食物，一個晚上可以試泰國同越南啲食物，實在太好啦。冬陰公湯細$70酸辣味平均，非常開胃，美中不足係兩隻大蝦唔夠新鮮，不過份量充足，兩個人每人有三碗。馬拉盞通菜味道濃郁，通菜新鮮，但略嫌唔太夠辣味，份量不算少。泰式大蝦柚子

去完大陸公幹後，一落機就好想食越式小食，於是立即坐巴士到九龍城金寶。因為唔想食太多嘢，所以今次主力叫小食類食物。醬爆蝦丸（$80/4粒）呢粒蝦丸索價$20一粒，但令我一落機就掛住佢，因為真係夠彈牙，內餡有醬爆蝦膏，好熱好juicy，小心翼翼咁咬，如果唔係實咬到爆汁呢！扎肉蒸粉包（$55）每個粉包都漲卜卜，熱辣辣，一啖咬落去，入面d餡都幾豐富，有木耳、豬肉等等，再點埋個酸汁，正！酸辣脫骨鳳爪（$60）開胃小吃一碟，都幾大碟、又夠辣，唔錯唔錯。清炒椰菜苗（$60）再叫碟菜中和一下，不過呢碟菜就一般，我食到幾舊菜都有好多黑色點點，應該洗得唔係太乾淨。埋單唔洗收加一，4樣食物共$255，冇食粉麵飯都要呢個價錢，感覺唔係好抵。但呢度勝在可以叫到泰式同越式食物，方便唔同口味嘅食客。

今日又來到九龍城食泰國嘢，今次就試呢間🤤真係希望間間係九龍城既泰菜都要試曬佢😂門口清晰可見，牌匾夠大🤤呢間鋪唔算太大間，不過就幾多人嘅枱都有，有啲2人枱，到8-10人既枱都有👍🏿呢間餐廳都幾多人食，大約晚上八點半，其實成間餐廳都已經坐滿😧👍🏿點心紙🙈呢間餐廳嘅玩法係，如果係餐牌睇左想食啲乜，就可以用呢張點心紙落order😀呢個先係真正既Menu 😧👍🏿個設計好似去咗食燒烤🙈好！第一個菜黎啦，就係泰式生蝦🤤份量同出邊餐廳一樣，都係大約六隻蝦。勝在夠辣！鍾意食蝦嘅朋友仔一定要叫，如果擬第一道菜來講，仲要非常開胃👍🏿👍🏿絕對值得一試！呢個係蒜蓉包，都係散叫嘅，並唔係跟其中一道菜式，不過用來做前菜，或者留返食一陣嘅咖喱軟殼蟹，都係唔錯嘅選擇。啱啱拎到上枱，熱烘烘，好香嘅蒜蓉味，其實會令到你即刻想食咗佢🙈呢個咁鮮綠色嘅就係清炒椰菜苗，成個味道真係好清新，因為食得出佢只係用咗少許蒜蓉，同埋少少調味料去增味👍🏿所以都炒得好爽脆，唔會覺得heavy😀成日都覺得，食越南泰國呢一啲嘅菜式，又點可以唔食串燒呢😄因為串燒再加埋沙嗲汁，真係世界上其中一樣最好食嘅嘢，香口到不得了🙈不過佢呢度個串燒，牛嗰款就整得比

今次去到九龍城食野，準備食大餐。我一向好中意食泰國菜，令次來到都幾出名的金寶餐廳。一坐底唔係比佢既食物吸引，而是餐廳內有老世的晝像，畫得維妙維肖，都絕得意。講返正題，我地第一道菜係『冬陰功』，上菜前，侍應首先拎個細爐來點火，再上湯，確保唔會擺太耐而凍左。個湯辣得來很鮮味，似乎唔係用味精來煲，酸酸辣辣，醒胃之選。之後就係『生菜包』，我地叫左牛肉。肉碎又香又辣，食到上癮，而本身生菜都新鮮，而且仲洗得好乾淨。跟住來左春卷。春卷唔油，食多幾舊都唔會覺得成口油，而且脆卜卜，本人推介。最後試左碟馬拉盞炒通菜。食呢碟最怕廚師落得太多馬拉盞而令人覺得太咸，但呢度都就岩岩好，食多幾啖個人都唔咸到要飲水，所以係合格滿分。