金寶泰國菜館

營業中

休息中

今晚同朋友到九龍城搵地道美食、呢間金寶泰國菜係首選，因為好多款可以選擇，我喜歡食魚所以點左個岩燒烏頭，因為燒烏頭系好考功夫，而且要燒到熟同埋入邊保留肉汁嘅嫩滑，當打開嘅打魚皮嘅時候，見到魚肉係好嫩滑而且好juicy.我已經急不及待地試下有幾嫩滑，果然俾我地在家煮的好味好多，可以食到烏頭本身嘅甜味，小小海鹽嘅味道，老闆都會細心地附上秘製醬汁，若果覺得唔夠味道、可以點醬汁一齊食，醬汁係酸酸地，味道幾特別，魚嘅每一個部位都好嫩滑，我自己係食晒成條魚，都唔會覺得漏，尼個整法在家係無可能整到嘅。另外點咗一個有豬，雞，牛嘅串燒，嫩滑多汁，配合特別醬汁，唔錯架健康D食2串燒蘆筍，好甜，而且無渣，好爽脆，燒到岩岩好，非常正👍😘馬拉盞通菜係每次食泰國嘢必點嘅菜，因為馬拉盞炒通菜係好野味爽口嘅，而且依間嘅火候控制得好好，通才好爽脆，好嫩身，健康得黎又好味👍

九龍城係人都知是一個小泰國，每一條街都是有大大小小的泰國餐廳，仲係捉星撞星的熱門的打卡地，看你運氣啦！撞唔到都唔緊要，最重要的是，可以在餐廳的牆壁上看到他們的踪形！牆壁上掛上了明星的相及簽名！餐廳仲掛上各種的相片及畫，可以一面食野，一面欣賞！餐廳都擺滿了十多張餐桌，還請來了幾位泰國侍應，隔離的是越南餐廳，都是同一老闆的。冬陰公湯～上湯時，連同小火爐一齊上，好窩心，一面喝湯，仲保留熱辣辣，美中不足，小火爐是只係放左一陣就攞走。湯底香濃、稠身、而且仲有些辣，湯料豐富，有大蝦、香菇、大量香草、酸辣均勻，口感鮮甜，回咁！泰式大蝦柚子沙律～蝦隻夠大隻，爽甜彈牙，腰果夠香脆，柚子則帶有苦澀味及稔，唔能爽甜，希望下次可以改善，味道上都唔差，份量都大碟。香辣雜錦海鮮炒干河～濕炒河粉就食多得，今次轉口味，改食干炒河粉，看上去，好似好油膩，入口唔覺，河粉炒得唔太乾身、仲帶有濕潤，滑口，海鮮有大 蝦、魷魚仔、青口、配上青椒爆炒，帶出海鮮鮮味。珍多冰～夠清新，配上新鮮芒果、及彩色的蒟蒻，香濃椰奶，增添色美味！

As everyone know, Kowloon city is an area known for their Thai and Vietnam food. It will hardly go wrong if i need to find a decent restaurant here. As my wife has just been posted to Kowloon city for work, i decided to meet up with her for dinner after her work. Cambo restaurant is one of those pioneer Thai restaurants that first ventured into Kowloon City. When we reached around 730pm, the place was already almost full even on weekday. Even though their forte lie in Thai cuisine, but they do s

馬拉盞通菜無得輸 泰國菜野味可口，馬拉盞通菜、龍眼冰、蒸烏頭、炸魚餅，通通都想食。要食泰國野梗係要去九龍城搵食今次簡左金寶泰國菜，招牌係泰文，侍應都係泰國人，泰風味👍🏻內部雖然唔係太大，但坐得舒服唔會太逼，裝修都係泰式風情，最好吹水聚會傾計點可以唔叫杯泰式特飲？！我每次只會叫龍眼冰，朋友叫左三色冰，大大杯好多果肉，我自己偏向鍾意飲甜野因為放工好肚餓，好彩上菜速度都好快，先黎馬拉盞通菜，我覺得通菜絕對係一個好食既指標。通菜入味juicy而微辣好正，因為我唔食得好辣三四個人可能要叫兩碟先夠之後就有菠蘿炒飯連三隻大蝦，賣相唔錯，大蝦爽口彈牙，飯都好香。最期待都係泰式蒸烏頭，我自己好鍾意食魚，呢味餸真係無得輸，頂呱呱出面好多時個湯都偏咸，但呢個味道好適中，魚又大條又滑，成條都食哂，湯都差d飲哂最後老闆心情好，送埋芒果糯米飯做甜品，芒果新鮮好甜，糯米飯一黑一白好正下次要多d人食可以食多d款，下次要食炸蝦餅

逢想起去九龍城食泰菜，都係揀金寶，可能出了名較商業化，今次感覺失真了。兩個人去，今次點生蝦刺身，冬陰公湯，燒大頭蝦，咖哩牛腩，炒椰菜苗，落單不到五分鐘，生蝦就上枱！即是預早整定！冬陰公湯上枱後用爐點火熱住，可能本人太心急，已先飲一碗，但...湯只是微溫，感覺醬味濃烈，咖哩牛腩中規中矩，燒大頭蝦賣相一流，只是...無蝦味，大頭蝦羔苦苦地，蝦亦因燒得過久有點硬，只可以想象因為蝦本身是不太新鮮！椰菜苗是今餐最好吃的一味！

中學同學由英國返港渡假，問他想食甚麼？他二話不說就是九龍城金寶，說他很掛念香港的泰菜。老實說，十年前，金寶真的十分有名，基本上，在香港，感覺就只有這一間金寶一樣，還記得「那些年」，我們會一大班人由旺角乘坐小巴前來，這裡有兩間店，一間食越菜，一間食泰菜，事隔多年，那種種的片段，我仍然歷歷在目。雖然，今天的九龍城已經開了很多間泰菜，活像一個little Thai，但要說最老字號的，金寶可說當之無愧。今天的金寶，已經不像昔日的人來人往，在香港營運餐廳，實在不容易，當市場不斷有新的餐廳加入，香港人總愛試新的，湊一湊熱鬧，而老牌的餐廳，卻很容易被遺忘。要不是老友提起，確實地，我也把他遺忘了。這裡的裝潢，仍然和「那些年」一樣，越南菜泰國菜分開兩間店舖，但餐牌，基本是一樣的，就是兩種菜式也可以點到。餐牌有2款，一個是大餐牌，客人可以睇到食身物的圖畫，看到價錢，而小餐紙，就係俾客人落order既。我覺得小餐紙比較容易睇，因為所有菜式一目了然，但假如加上價錢，會更方便。龍眼冰 ＄25飲品我們點了兩款，這杯是朋友的龍眼冰，不會太甜，而且冰既分量不多，朋友很滿意。三色冰 ＄25我自己點了三色冰，綠豆分量多，

又黎九龍城食泰國菜, 今次黎左呢間環境企理既金寶泰國菜館, 野食選擇有好多, 泰國菜之外仲有越南菜食~ 點左一個青咖哩蝦, 蒜蓉包, 泰式拼盤同馬拉盞通菜~ 泰式拼盤細份已經好豐富, 有香葉雞, 蝦春卷, 蝦餅同沙爹串~蝦春卷同蝦餅最好食, 好脆口, 蝦餅真材實料好彈牙~ 而沙爹串個汁都好惹味~ 青咖哩蝦成個煲上, 唔怕唔夠熱, 咖哩唔太辣, 重棷汁味, 蝦唔太多, 但就有好多菜, 感覺健康, 用個汁黎點蒜蓉包好正, 個蒜蓉包烘到外脆內軟~ 馬拉盞通菜就無咩特別, 勝在唔會油林林, 而且份量多, 幾抵食~ 最後加左份甜品, 棷汁西米糕同千屠糕, 千屠糕夠彈牙值得一讚, 但棷汁西米糕就太實~ 整體呢度幾抵食, 食到好飽都係百幾蚊, 而且環境企理乾淨~

諗起食泰國野，一定會諗起九龍城，咁岩去完探病，慢慢行去九龍城搵食。見到全寶幾光，牆上又有一些名人簽名，因平日不用等位。點了冷盤鮮蝦卷，大大卷，有二隻蝦，皮薄外料，有薄荷葉，不同香葉，粉絲，配上偏甜泰式偏甜酸辣汁，好開胃。主菜雜菜青咖喱熱辣辣原煲上，好香椰汁味，加埋啲香料絕配，有少少嘅香茅同埋薑有啲紅椒，送飯一流，汁好濃。泰式炒通菜加左啲蒜蓉，辣椒，香口，夠獲氣。份量夠泰式串燒有豬牛雞，雞肉味最好味不會太乾又會又多汁牛肉同豬肉就比較香口配花生醬沙嗲汁更加野味，食完好想再食。最後呢有甜品因為我選擇困難症所以就揀咗拼盤有椰汁西米糕、椰汁紅豆糕兩件、椰汁大菜糕、芒果糯米飯。芒果糯米飯係煙銀又米香配濃濃椰汁。有成一碗飯份量咁多，可以足四人食。椰汁西米糕，原來底下有芋頭少小西米配上一層厚厚嘅椰汁糕。椰汁大菜糕口感特別，爽口清甜椰汁紅豆糕一件入面有好多紅豆紅豆去整未食已經有濃濃紅豆味仲有原粒紅豆。再配上一杯龍眼冰清一清熱。

突然想食泰國菜，有一排冇黎過九龍城，決定今晚同朋友去九龍城食返個泰國菜，朋友話之前試過有間都唔錯，就決定去試試。門口有大大個招牌寫住金寶泰國菜館，左右隔離係金寶越南菜館，都係同一間舖黎架馬拉盞通菜 $60食泰國菜又點少得炒通菜，我地揀左馬拉盞炒通菜，通菜味道啱啱好，唔會太鹹，而且份量都唔少鮮蝦卷 $55呢個真係未試過，見到餐牌張相好靚即刻決定試一試。賣相好精緻好吸引，一咬落去先知原來中間有好多材料，口感好豐富，而且仲有好清新既感覺，真係值得一試沙爹串燒6串 $70由於同朋友都唔多鍾意食豬，我地淨係叫左牛同雞。個沙爹醬好好味，牛同雞既肉質嫩滑，配埋沙爹醬食一流泰式炒金邊粉 $65平時食開都係求其有d蛋一隻半隻蝦炒，呢個除左加蛋，仲有火腿，大大隻鮮蝦，豆卜仔，好多材料，配埋金邊粉唔會炒得太淋，都幾開胃架鹽燒烏頭魚 $170其實本來食咁多野都夠飽，但我地又真係好想試下呢度既鹽燒魚wor，唯有放開肚皮繼續食，條烏頭魚都幾新鮮，而且燒得都幾入味，我地一路食一路傾計已經消滅晒成條魚喇埋單呢個價錢都幾合理，每碟菜既份量都唔少，今晚呢餐真係食到好飽好滿足

記得細個常常來九龍城金寶食泰國菜。當年的選擇無甘多，都是幾間老店。而現在百花齊放，九龍城幾條小街有幾十間泰國餐館，好耐都無黎到呢間老店了。今次同媽咪食飯，不經意又來到，發現食物更勝從前。金寶的特式是同時可以食到泰式同越式美食，因為他們共有兩間店，食物是可以共享的。媽咪提議先點了一款鮮蝦卷，就是越式的米紙卷。堆頭十分大，鮮蝦是大大隻原隻的，包在半透明的米紙下，賣相十分佳。入口口感十分豐富，外皮軟滑、生菜爽口、鮮蝦彈牙，十分精彩。我另點了一客串燒拼盤，食泰菜點可以唔食沙爹串燒呢！串燒有豬、牛、雞三款，當中最欣賞豬肉。豬肉唔太肥，燒到少少乾身，有dd香脆又保留到肉汁，而且真係食得到豬味。配上甜甜的泰式沙爹，錦上添花。辣椒膏炒蜆，蜆肉亦是大隻新鮮。估唔到最後一道主食係驚喜所在！椰青海鮮焗飯，唔係單單把炒飯放入椰青中，而係真材實料用椰汁焗出一個飯來！焗飯足料，海鮮多款而且份量足，最驚喜的是粒粒飯粒都充滿甜甜的椰青味，食到我地停唔到口呢！雖然飽飽，但還是點了一小客甜品。滿滿的一桌食物，飽到行都行唔郁，都只係三百個大洋。多年後再幫襯，想不到食物勝從前外，價格卻彷彿停留在十年前，難得難得。

青檸梳打-食啲咁香辣惹味嘅泰國菜，一杯清新有氣嘅青檸梳打，係我嘅至愛。冬陰功湯-佢嘅冬陰功湯都 用料十足，酸酸辣辣勁開胃。鮮蝦卷-我好鍾意食米卷，今次食嘅米卷算係用料十足。佢整蝦卷嘅皮晶瑩通透，食落去煙韌彈牙，平時一個蝦卷得兩隻蝦，今次一條蝦卷有四隻蝦。加埋粉絲，香菜生菜同扎肉，配埋個醬汁，可算物超所值。泰式拼盤-有炸蝦捲荷葉炸雞，串燒等等， 樣樣都做得好香脆，點埋醬料食，味道一流。清炒椰菜苗-椰菜苗都好新鮮爽甜，清炒得啱啱好，幾好食。泰式生菜包-另一泰式餐館必食嘅，就係生菜包啦，用生菜包住找到香噴噴嘅肉碎 肉碎有少少辣，雖然用手食會食到成手都係，不過都係唔會你食完一塊又一塊。

滴滴咖啡越式咖啡係用特別嘅器皿，以用熱水沖落上層嘅咖啡粉，用滴漏嘅方法將咖啡滴落下面個杯度，佢出嚟嘅咖啡香味十足。牛腩蕃茄湯甜酸嘅蕃茄加上濃郁嘅牛腩，配埋啲香草，香味十足，味道偏鹹配食生菜包，薄餅麵包好適合。越南煎薄餅呢味菜 好特別，唔係好多地方有得食，薄餅上檯時傳來陣陣嘅蛋香，個味道好似台式蚵仔煎。佢食法有啲特別，係一塊生菜面，放上越式薄餅，同埋魚露夾住嚟食，薄餅本身煎到脆卜卜，加上薄餅入面有爽脆嘅芽菜，同埋香噴噴嘅肉碎，口感爽脆，味道酸酸地清新好味。鹹魚炒椰菜苗嚟到泰式菜館，一定要食椰菜苗啦 ，今次叫咗個鹹魚炒椰菜苗，炒咗嘅鹹魚帶有鹹香，加上椰菜苗爽口，真係一絕。不過佢啲鹹魚畀我出面食嘅大粒，都算用足料。燒粟米芯燒露筍一條條可愛嘅粟米芯，爽脆清新，連埋小小粗鹽一齊食粟米芯嘅青澀味都冇埋。露筍燒到啱啱好，顏色依然青綠，咬落去好多汁，又唔會有根，好手勢！活蝦刺身活蝦刺身食泰國嘢必叫，不過唔係間間都一定新鮮。今次食嘅生蝦都好新鮮，加埋生蝦同辣椒一齊食，食多多都唔夠。椰汁青咖哩雜菜煲呢味菜十分推介，服務員未攞上枱 已經聞到好香嘅青咖哩味道，裏面啲蔬菜用料十足。食落去又唔會有蔬菜嘅青澀味，連

係九龍城忙完一晚，有朋友提出食宵夜～(我已經食左晚餐啦又食。。。)好啦好啦。。。俾面出席增肥活動啦～一行五人有四個都週要減肥，真係有決心到呢。。。沿路行黎，有泰國有越南。。。我眼中只有生蝦！咁就入左金寶泰國菜館！咪講少，即刻黎一碟生蝦。一碟八隻，同其他食店既分別就係汁唔係自己點黎食，而係佢一早就淋左係面，當然，為求辣度你可以再點多D。食完一隻，即刻出汗。佢用左紅椒青椒，佢既辣唔單止辣度十足，而且持久力強。食完一隻要即刻叫野飲。。。鳳瓜，食完生蝦既辣，相反呢個冇咩事，少少酸少少甜少少辣。炒通菜，完全唔速，偏甜。炒金邊粉，食得出用左少少茄汁，所以偏甜，個粉軟硬適中，好食！冬陰公，又咸又辣十分惹味。仲有個火係度慶住保持溫度，十分好。不過小心入面既青椒同核，食到又會辣到跳舞。生菜包，比想像中唔辣。平時食既生菜包既辣主要來自乾蔥，呢度就反而唔多覺有乾蔥，所以一D都唔辣。最後黎埋甜品～拉耶糕，第一次食，上檯時微暖，煙韌有口感，一層班蘭一層椰汁，兩種味道都十分香濃。椰汁西米糕，微咸，下面有西米同粟米，都OK！另外我嗌左咸檸七，因為啤酒得細支裝(同偏貴)。

食金邊粉同泰國菜嚟九龍城實得椰汁青咖哩配豬肉，個汁超淡味，可能多水煮左，豬肉就都軟 泰國小茄子豆角有辣椒味但無咖哩味乜濟。豬肉都ok牛肉生菜包無肥肉同份量都多，可再食食食。炒金邊粉帶甜味魚露同少油，份量足。

今日又想食金邊粉，真係至愛。泰國菜多數擇九龍城，行左下好易揾到金寶。2個人叫左3個菜。椰汁青咖哩豬肉，好淡味，入面有豬肉 泰國小茄子 少少豆角同香料辣椒。豬肉都ok，但可惜個咖哩汁真係淡，吸唔到咩味，配白飯。牛肉生菜包，少辣，無肥肉，份量都多。之前食豬肉好食d，但多肥肉d。重點係炒金邊粉，甜甜地有d魚露，好食既，有d硬豆腐同蛋，素少少，因為食左好多肉啦。