金寶泰國菜館

營業中

休息中

結婚週年日... 點知自己請唔到假仲要OT，唯有喺屋企附近多好D。老公訂咗九龍城呢間餐廳，又有泰式又有越式，啱晒咩都想試嘅肥妹。環境:地方唔算好大，10多張枱到，4-6人座多，如果多人，最尾有張大枱，都坐到10幾人。店內貼有唔少雜誌/明人相，設計幾有家庭式的感覺，平實舒服。8:00pm後人流不斷湧入，愈坐愈有，想唔到9:00pm都仲有8-9成滿座，犀利! 食物:首先出場嘅係咖喱牛腩煲跟法飽，呢味真心推介，即使唔喜歡配牛腩嘅朋友，亦可以配其他餸，但佢嘅咖喱同法飽真係值得一試。咖喱唔會太辣，微微有耶香同埋少少甜，好易入口。而佢嘅法飽，外層好脆而內層唔會太韌咬唔開，點少少咖喱食真係一流。而牛腩亦都好淋好入味，推介！之後出場嘅係泰式拼盆，樣樣都有D就啱晒我。佢嘅蝦丸唔算彈牙，勝在蝦肉十足，皮薄，好食。燒雞肉串亦做得好好，外面有少少炭燒味，但係中間嘅肉好滑，生熟程度啱啱好，配沙爹醬好味。春卷我唔識評，總之佢夠脆口我都覺得好食。不過香葉炸雞就略略炸得乾得濟，好彩我地叫咗咖喱煲，點下咖喱汁都幾match。第三樣係椰青海鮮焗飯，個飯同Menu相係一樣的，飯好有椰香味，佢亦刮開咗D椰青肉，好啱餸飯。個飯

食泰國菜，我一定會嚟九龍城呢間金寶， 就算隨便點個餸都好好食牆上面有好多明星簽名， 哈哈，果然係名店泰式大蝦柚子沙律， 少少酸酸地，配埋柚子好開胃呢度炒嘅馬拉盞通菜冇出面咁鹹， 下面個汁好好食串燒沙嗲牛同豬: 肉類醃過， 燒完啱啱好，唔會太乾身，配埋沙爹醬， 個醬有少少甜味，好正椰青海鮮焗飯: 一上檯就已經聞得好香嘅椰汁味， 原個椰青上檯，仲有三隻蝦， 賣相贏曬。 椰青入面嘅飯都塞到好滿， 飯入面有提子乾，魷魚，仲有唔同嘅雜豆。 食落去， 有口感， 椰汁飯香而不漏， 而且份量都好多，抵食

食泰菜一定諗起九龍城。今次就試吓金寶泰國菜館，餐廳有少少懷舊，燈光昏暗，牆壁上滿佈明星嘅簽名。呢間餐廳供應泰國同埋越南嘅菜式，一個晚上可以試泰國同越南啲食物，實在太好啦。 泰式大蝦青木瓜沙律$78呢度菜係食泰菜必點，青木瓜唔算好甜，但係都冇苦澀味，又唔會酸。個蝦片仲好香脆添，美中不足係蝦並唔係新鮮蝦，影響咗口感呢。泰式生菜包$60一般泰式生菜包，只配搭豬肉，但呢度生菜包有雞牛豬三樣肉類選擇，牛肉嘅脂肪較為少，所以食落去就覺得比豬肉健康，作為減肥嘅人士心理上都好過啲。越南特色拼盤＄100（蝦卷、春卷、粉包、蝦餅）足夠四人嘅份量，最出色係個蝦餅，即叫即炸，熱辣辣，好香口。粵式春卷都好好食將佢夾在附送嘅生菜，即刻減低左油膩嘅感覺。粉卷就普普通通，冇特別嘅失準。全晚最令人失望係越式生牛肉湯檬$50，個湯偏淡，生牛肉亦都好普通，所以呢一個較為失色。拉椰糕$25有驚喜嘅甜品，有別於一般泰國嘅椰汁糕係，中間有豆蓉，綠豆蓉甜度適中，帶點清甜，好煙un，共有九層咁多，一層層深淺綠色交替，非常吸引。

Cambo 可以話係九龍城嘅老字號，久不久我就會來食一餐，老夥計係呢度嘅生招牌，適逢今日有人包場，夥計就招呼我哋去旁邊嘅越南餐館坐低，原來三個鋪位都係 cambo 嘅，這麼多年食物質素堅有水準我和honey喜歡先飲湯，冬蔭功二人份的Small $70，成煲上有火暖住，越飲越 hot, 冬天飲仲正呀！暖胃又暖身，大大隻大頭蝦，加上各種傳統泰式香料，味道正宗再來是我的小食懶人包，泰式拼盤 Small $95。我覺得金寶最王牌的小食都在這個小拼盤裏面。一次過可以食齊口感彈牙的泰式炸蝦餅、酥脆無比的泰式蝦春卷、即叫即燒的雞肉串燒同埋香葉包雞Thai 菜又點可以唔食Pat太呢？泰式炒金邊粉 $65 大大碟好抵食！真材實料有大蝦，仲有我鍾意食嘅炒蛋同埋豆腐，芽菜增加口感，味道好又飽肚我同honey留肚食埋個招牌甜品拼盤 $80。又係貪佢花款多，一次過試勻椰汁紅豆糕、椰汁西米糕、椰汁大菜糕、香芒椰汁黑白色糯米飯。芒果香甜多汁，成件事都充滿香濃椰香味道食到最後，人潮散去，我哋仲叫多兩杯三色冰 $25，邊飲邊食傾吓計，美味又relax的一個晚上唔使加一服務費，每人都係百幾蚊

好像一段時間沒來金寶了, 以前與家人經常到來晚飯; 今晚難得來到附近, 就內進嘗嘗舊味道吧!一時之間想不到吃什麼好, 打開餐牌, 就隨意叫了細的咖哩炒蟹 ($180), 椰青海鮮焗飯 ($80) 及活蝦刺身 ($85), 一些最經典又基本的泰國菜咖哩炒蟹只叫了細隻的, 不過蟹的SIZE 其實也不少, 兩個人吃剛好, 蟹蚶夠厚身, 咬下去很夠口感;  自己最喜歡就是它的醬料, 專登叫個椰青海鮮焗飯大大份的, 一邊可以吃到海鮮飯,  又可以用咖哩蟹醬料拌飯, 一餸兩味滿足了貪心的眼闊肚窄慾望椰青海鮮焗飯如果兩個人吃, 其實還有點多, 因為它內裡也是塞得滿滿的, 又蝦又魷魚的材料; 所以另外只點了活蝦刺身也很明智, 剛好可以當飯前小食, 蝦肉很彈牙, 最重要夠新鮮, 加上少少的辣椒與蒜頭, 入口夠鮮味;  最後加了杯咸檸梳打)$25), 每次來金寶都是不用考慮太多, 基本上叫那款食物都一定好味, 從來不用擔心質素, 老字號就是這樣叫人放心幫襯

老公話去九龍城食泰國菜，我當然奉陪。但咁多間泰國菜，食邊間好？！行行下，見到金寶，老公話不如食呢間，老字號，而且佢開左咁多間舖位，一定有水準，於是我們一於入去食dinner.冬陰功（細）$70很足料，有3-4隻大蝦，很多香茅、草菇、蕃茄等。一入口那種傳統的泰式冬陰功味道令我喜出望外，酸辣度適中，很豐富和開胃，絶對值得推介,實在太耐未食過咁正宗惹味的冬陰功。燒大頭蝦6隻 $120另一至愛，燒得很惹味香口，蝦肉很鮮甜爽口，而蝦頭竟然還有蝦膏，真的意想不到！活蝦刺身 $85蝦沒有雪藏味，蝦身厚而爽口，配上自製青檸汁+生蒜、指天椒和蔥，口感很豐富，越食越辣。蔗蝦（兩支）$70兒時至愛，很懷念那些年。可惜現在並不是間間泰國菜都有得食，既然金寶有，當然要一試。幸好，沒有令我們失望。酸辣脫骨鳳爪 $60全晚至辣一道菜，食完後完全失去味覺，只有辣味，愛辣之人必選。

今日去咗mikiki行街，行完一田超市之後，就前落去九龍城搵食。黎得九龍城就一定要食泰國餐廳，所以我哋就去咗呢間金寶去食正宗嘅泰國菜。一坐低，就當然要叫泰式生蝦，上碟整成花形狀，賣相好靚。生蝦好新鮮，好爽脆，好有膠質，另外佢有好多蒜頭同辣椒，所以好惹味。佢酸酸甜甜嘅醬汁，令我連蝦下面既生椰菜都食埋。泰式沙律亦都好出名，所以我哋都叫咗個泰式無骨鳳爪沙律，無骨鳳爪食得好爽，完全唔使吐骨，酸酸甜甜，好入味！覺得好開胃，沙律菜好新鮮，切成一絲絲，好容易入口。如果來到九龍城，都可以不妨試吓呢一間餐廳。

午飯時間來到九龍城，忽然想吃泰國菜，由於時間尚早，完全不用等位。金寶有幾個鋪位，有泰國及越南菜為店名，其實食物餐牌老闆是一樣的。進入了泰國那間金寶，lunch set沒有標明價錢，怪怪的。於是散叫了泰式炒金邊粉和豬頸肉湯河粉。等了一會已可上枱，真快速。 金邊粉是即炒不是預先整定的，很熱很香，味度惹味，份量也夠，不錯。豬頸肉湯河原來是屬於越南部，所以是從鄰鋪送過來，這個處理比較特別，如果多客，侍應就要左右鋪來回很多次了。說回湯河粉，湯底看著很清淡，但食落已經好有咸味。豬頸肉是燒的，很香口很有口感，也不錯。整體來說，是質素不錯的泰越菜。

人在九龍城，老公想食泰國菜，但我不想吃辣，為避免爭拗，就來到金寶泰國菜館，因為它和隔離金寶越南菜館相通，餐牌集合了泰國菜和越南菜，一舉兩得，各取所需！食店內的牆壁佈滿了曾經到訪的名人簽名，好有時光倒流feel 點了泰、越各兩個菜：酥炸軟殼蟹，炸得香脆鬆化，啖啖肉，味蕾滿足！越南拼盤，分別有蝦卷、春卷、粉包和蝦餅，還配上大量生菜，金不換和薄荷葉⋯⋯每樣東西都可以加入金不換和薄荷葉，用生菜捲起，沾上魚露，味清而微酸，十分開胃！冬陰公，湯端上時還用火烤著，飲了幾口，蝦味香濃，微辣，非常好味，但當嚐了一碗後，噴火🔥，投降了，老公就越飲越滋味！招牌甜品拼盤，椰汁大菜糕、椰汁紅豆糕、椰汁干層糕各兩件，還有香芒椰计黑白糯米飯，全部都是充滿椰香，個人最喜歡椰汁千層糕，煙煙韌韌，斑蘭味香，滿足！這裡的菜式選擇多，亦泰亦越，豐儉由人，可作便飯亦可宴客。

九龍城又叫小曼谷，聚集各式泰國美食，仲係好多明星聚腳点，Ｅ間泰菜館就駕勢，好多人都慕名而來，除左係有名明星飯堂，食物質素相當高！😘😘😍泰菜館富有上世紀九十年代風味，牆上有很多中港台明星及出名食客簽名及照片，具有特色及風格！開始點菜，當然５少得泰式拼盤， 一個拼盤就可嘗試四款小食，有蝦餅，春巻，雞串及紙包雞！蝦餅肉厚，有口感，至於春卷，係不一樣嘅春卷，裏面內有乾坤，春卷内竟然包住—隻蝦，卜卜脆，配合專為蝦餅及春卷而製嘅honey梅子醬，甜甜地， 酸酸地，very good!雞串同紙包雞，我較愛吃雞串，燒得啱啱好！５會太乾，有肉汁，又不油不膩，非常嫩滑，記住配埋 沙爹醬—齊食，啖啖椰香味，好正 👍👍👍， 紙包雞同样肉質香口，回味無窮！🐽🐽金牌豬頸肉係必食之選！在我來講都很少會order呢样餸菜，怕太肥,但係今次令我就一百八十度改觀, 用燒叉燒嘅道理來泡製呢味菜式，除左5會太肥外,賣相了得， 晶瑩通透, 味道適中,廚C仲用蜜糖來燒豬頸肉, 味道帶少少蜜糖甜，真係以為自己食緊叉燒王，肉質鬆, 味道鮮, 豬頸肉兩旁仲燒得好脆口。難怪枱枱都order一份😃😃! 講到鹽燒泰式烏頭魚, 將粗鹽塗滿整倏

由於天氣炎熱, 香港周街都是人, 想出去晚飯也要同人爭位. 於是想起去九龍城食泰菜, 心想這裡應該沒有尖沙咀人多吧.  但很少專程出九龍城食泰菜, 也很久沒出這兒. 今天就來嘗嘗吧. 酸酸辣辣應該會很開胃.去到九龍城是有很多選擇, 我們也是隨意找一間去食, 6點鐘巳見這裡有人在吃飯, 見還有位就即管試試. 這裡也很自助,看完餐牌, 就自己填落單紙. 侍應沒有為我們送上水, 而點了啤酒后, 都是沒有送上水杯. 要同他們要求水杯, 才會送上. 我都是點了一般泰菜, 招牌剌生蝦; 這個是中規中矩,入口爽甜,醬汁適中. 之后就是無骨鳯爪, 都是我俩必吃前菜. 夏天吃這些前菜好醒胃. 換醒了個胃之后, 就來一個熱辣辣冬陰功. 這個用火加熱上枱, 真係一路飲一路出汗... 但味道總算可以, 甜酸剛剛好, 只是少少辣了. 再嚟便是個併盤及清炒椰菜苗. 本來點了蝦膏炒蜆, 但當天沒有蜆, 只好留待下次吧. 可能太耐沒來九龍城吃泰菜了, 感覺沒有廿年前的好味.    

夜晚要開夜，同同事先喺附近搵嘢食填飽個肚後再做，喺九龍城必定有嘢食，但實在太多選擇唔知揀邊間好，終於睇過好多間後行咗入嚟金寶其實入到嚟先知原來佢地可以叫埋隔離嗰間同名嘅越南嘢，咁又幾好，即刻感覺上覺得多咗好多選擇，但查實後尾睇返我地都係主力叫咗泰菜吃泰國嘢必叫嘅一定喺生蝦，唔係唔叫吃泰國嘢（個人之見），呢到個生蝦有驚喜喺佢唔係成塊蒜片，汁另上，佢將所有配料整碎電埋個汁嚟，感覺好過成塊蒜片食，同埋佢個蝦新鮮，無雪藏味，夠大隻，唔太貴（85蚊）呢點喺我最欣賞另外第二樣必叫嘅就係生菜包，佢個生菜包有足夠嘅汁，包埋生菜仍然好juicy, 不過啲辣/指椒就好似偏埋一邊，一開頭無咩嘢，但越食越辛辣，不斷飲水，雖然喺咁，但味道的確好吸引之後我地麵有叫到春卷，被佢嘅介紹食法提點咗而叫，的確食落幾脆，包埋生菜吃又唔洗咁油👍🏻👍🏻👍🏻👍🏻泰式炒金邊粉味道唔太酸，但足料同鑊氣唔錯；至於芒果黑糯米有得叫鴛鴦，芒果又唔酸，感覺已滿足，加埋兩杯嘢飲，特別欣賞咖啡，超級夠熱，very nice, 我同同事最終飽到爆，成晚都無需要再食嘢😂

九龍城區是有很多泰國餐廳的地區，今次我們選擇了到金寶吃泰國菜。首先這裏的金寶是很出名的,因為現在有幾間店也是也是屬於金寶。 而且牆身佈滿名人簽名，應該是名人飯堂吧。這裏的環境及泰國菜感覺很地道。我們點了一個生蝦刺身，生蝦很爽口而且很新鮮，是水準之作。如果不能吃太辣的朋友最好先跟店員溝通，可否小辣。配料也充足，有菜及辣椒調味。另外點了一個黃咖喱牛腩檬粉，不是太辣因為椰奶的份量比較重，味道不錯。由於天氣很熱，所以叫了一個柚子沙律的冷盤，柚子酸酸甜甜可作開胃的前菜。如果不吃生蝦的朋友，可以點這個吃熟的大蝦。亦有點了一個牛肉河粉，不過不失， 牛肉薄身，容易入口，湯底味道不錯。甜品點了一個斑蘭椰子糕，味道不太甜。但因為真的太飽所以並沒有吃完。最後點了鹹檸七梳打，可以一解辣氣。價錢合理生蝦刺身也不用＄100，其他湯河也是平民價錢，可以再吃。吃完飯後可行行附近的九龍寨城公園，當作消化一下 。

好耐冇同班姊妹見面食飯喇，好彩係成班都係住係九龍果邊❤️約食飯特別容易👭大家都係泰國菜fans,已經第二次食呢間金寶泰國菜餐牌就要自己✔️好之後交俾佢地既，其實之前食開泰國菜好少會食埋甜品，今日點左椰汁西米糕同千層糕其實佢個餐牌仲有好多野食嗌，不過都係吾影甘多喇，大家可以去試下佢個千層糕熱嫁，好岩我呢個補身既女人👩🏻熱食原來都好好食嫁！咸魚炒椰菜苗呢個生蝦真心不錯，佢上面既蒜同辣汁好夠味亦好夠辣，呢幾隻好快俾我地ko 小食拼盤有分大同細，我地5個女人仔，嗌細已經夠食魚呀，我自己好中意食魚嫁，佢呢條明爐烏頭都新鮮，好快俾我清左最後到呢個菠蘿炒飯，有三隻蝦，我中意食呀九龍城泰國菜就好多，不過呢個我十分推薦大家👍🏻👍🏻👍🏻

位於九龍塘嘅金寶泰國餐館係一間選擇豐富，味道純正個泰國餐廳。這間餐廳包括沙律，湯，泰式小食，泰式咖哩，泰式燒烤，等等，應有盡有。餐廳嘅服務態度好，食材非常新鮮，泰式味道極佳！我啲吃咗泰式冬蔭功湯，青咖喱牛肉，金邊粉，蒜蓉包，飲咗椰青。酸辣嘅冬陰功湯同埋青咖喱牛肉，口感純正，係呢度極力推薦。佢啲嘅金邊粉份量足，混埋新鮮海蝦，超好吃！金寶嘅椰青亦都幾好飲，好大個，入面嘅果肉都一並吃埋。強烈推介大家來呢度吃！