金寶泰國菜館

營業中

休息中

九龍城不嬲都出名食泰國菜，今日就黎食翻餐勁既其實金寶有泰國和越南餐館，兩間係隔離，所以其實點泰國定越南菜都得越南拼盤有蝦卷，春卷，粉包，蝦餅，全部都有兩件，適合兩個人食，都係100蚊咋，都幾抵食另外有泰國拼盤選擇，不過我今日想食fresh d,所以揀左越南拼盤咖哩鮮牛腩煲配法包越式咖哩係唔辣的，啱哂我，但都好惹味!!牛腩好 “淋”, 好入味法包都好脆，因為仲有好多咖哩，所以我地再叫多個法包，好味睇下!咖哩好大煲架!!甜品拼盤哇!呢個拼盤厲害啦，有紫白糯米配椰汁，椰汁西米糕，椰汁糕，紅豆糕，仲有成個芒果，講真，兩個人食真係好飽!四個人share都得呀龍眼冰甜甜的，有好多粒桂圓係面，可以食埋，正青檸冰夠開胃，食咖哩一定要叫青檸冰

好久沒有和家人出外晚飯了, 今晚放工後叫了家人出來,到公司附近的金寶泰國菜館用餐。可能因為是星期一, 七點入座的時候沒有太多人在裡面J 不需要排隊, 很幸運。我並不是第一次來這間金寶泰國菜館,但因為今次有四個人一起吃飯, 可以叫更多菜式試試了。媽媽在選擇菜式方面最麻煩, 所以全部由他來決定。今次叫了,青咖喱軟殼蟹﹑大硯粉絲煲﹑金邊粉﹑泰式酸辣鳳爪﹑春卷﹑柚子大蝦沙律。當中其實每一款都達到水平, 但我最喜歡的是金邊粉和青咖喱軟殼蟹。先說青咖喱軟殼蟹, 份量絕對不少。曾經在其他餐廳叫過這個菜式, 青咖喱多, 但軟殼蟹根本只有兩塊L 可是這裡出來的份量叫我驚喜, 外脆而內裡仍然保持住鮮味, 咬下去沒有感覺到油膩, 好像吃零食一樣,忍不住一口接一口。金邊粉的外表雖然沒有特別之處, 但勝在火候十足, 味道控制得剛剛好,不會太酸也不會太甜, 同樣地份量足夠四人分吃。其他菜式也一貫這裡的作風, 用料毫不吝嗇,值得一讚。下回如果想吃泰國菜, 想必也會來到九龍城找這間菜館。

九龍城出名多泰國菜館，招牌菜式各色其式，想食咖哩蟹朋友就想到金寶，金寶除咗泰國菜還有越南菜，一次過滿足兩個要求，係衙前塱道連續三個舖位，有一定銷量保證海鮮夠新鮮生蝦（$90）亦係金寶必食之選，醬料連生蝦一齊上碟，每隻蝦都舖滿蒜蓉及辣椒，蝦肉結實彈牙，沒有冰碎舖底，為免室溫滋生細菌建議盡快享用咖哩炒蟹有大細之分，大既$280，我地兩個未算嚴重蟹痴，叫個細既（$180）足夠止癮，咖哩醬連洋蔥、芫荽、唐芹同辣椒一齊炒，香而不辣，再拌入蛋漿令口感綿滑，唔想浪費美味咖哩，於是叫多一客蒜蓉包沾上一齊享用，蟹肉佈滿全身漫延到每隻腳，係身上刮出一梳梳蟹肉再沾上咖哩，同韓國醃蟹一樣成為白飯盜賊雞肉生菜包（$60）雞肉比豬肉較少脂肪，但確實生菜包配豬肉比較美味，生菜明顯用上較中心位置，每一塊都成個兜仔載住肉碎，而且瓣瓣鮮嫩翠綠，唯略嫌唔夠惹味，缺少泰式小菜獨有酸味，似係中式炒肉碎原本想叫多個甜品做結尾，但食完主菜已經大滿足，下次要叫多幾個朋友一齊食先有機會一試甜品質數

九龍城最出名當然係泰國菜啦 行過見到呢間老店幾吸引 又好多人 就一於試下啦<<大蝦青木瓜絲沙律>>因為加左金不換同檸檬葉 所以比平時食嘅更重泰國香葉味道 驚喜嘅係除左蝦 仲有札肉同雞肉片 配上酸辣汁 絕對係味道清新嘅餐前之選<<泰式串燒>>識食一定叫哂三樣(雞，牛，豬)啦！而我個人就最愛牛肉～其實每樣都非常好食 唔會燒得太乾 肉質能夠保持嫩滑 加埋惹味嘅醬汁 簡直一流<<鹽燒鰂魚>>肉質嫩滑 可惜欠缺鮮味 而且海鹽只留於魚鱗表面 所以一定要沾埋酸辣汁先夠味 有點可惜～

去開法國醫院探完朋友，跟友人來了九龍城馳名的金寶泰國越南餐廳食晚飯。在九龍城，隔2條街就見到1間金寶泰國越南餐廳的分店，可見受歡迎。點了以下：春卷4條＋生菜包春卷超級香脆，食得出係即炸的。餡料都好好食，但掛住食忘了有甚麼XD～第一次用生菜包住食春卷，正到爆。泰式生菜包沙律（豬肉）賣相開頭覺得麻麻地，白𠽌𠽌咁。點知食落味道一樣係好惹味好搶。馬拉盞通菜通菜係「細通」，條條都係嫩嘅。鑊氣十足夠晒惹味。大蝦肉鬆菠蘿焗飯超正超推薦！必食！大蝦肉質新鮮爽口。肉鬆超多，舖滿大半個飯。飯底金黃色，粒粒甘香，軟硬度適中，唔會太乾太濕。2人食到「見晒底」。沙嗲串燒（雞肉＋豬肉＋牛肉各2串）質素中上。普通的一道串燒，食過好多次都燒得太乾太韌太無味。這裡有意外！表面焦香，裡層的肉質煙韌好嫩滑。個沙嗲味道特別，令美味錦上添花！上菜超快。讚。性價比超高！我好少碟碟都讚碟碟都覺得好好食。價格比商場的泰國菜便宜很多。但味道出眾，碟碟都好惹味好出色。係我暫時食過最好食、CP值最高的泰菜。

九龍城多泰國菜, 就去試下, 見到呢間個menu幾吸引就去試下啦, 2個人叫左3個菜<泰式串燒6串(豬牛雞)>每樣2串, 豬肉好腍, 雞肉好滑, 牛肉好香, 各有特色, 配埋沙嗲醬一齊食, 非常好味<大蝦青木瓜絲沙律>除左青木瓜，大蝦 仲加入咗香脆嘅蝦片，雞肉，札肉，泰國香葉 比平時食開嘅更加足料 更具泰國風味 而且個酸辣汁亦唔算辣 好適合唔食辣嘅朋友 <鹽燒側魚>好有份量, 足夠3個人食, 魚肉夠滑, 加埋個汁先酸後辣好開胃, 不過條魚略為不夠新鮮<青檸梳打>唔同以前食泰國菜的味道, 應該係改左少少去符合香港人口味, 不過都係值得一試既

金寶泰國菜館最近裝修，不過隔離的金寶越南菜館依然營業，可點泰國菜。晚飯時段，幾乎全間餐廳滿座。跟一般泰國菜館一樣，Menu選擇好多。鮮蝦卷($60)米紙卷是每次食泰國菜都必點的。煙韌的米紙包住蝦、米粉、香葉、札肉，每件都包到好飽滿，要一口咬得晒都真的有難度。足料的鮮蝦卷，香料的味道再沾一點微酸的泰式醬汁，令人回味。生牛肉檬粉($46)湯底偏淡，帶點洋蔥甜味和牛肉味。牛肉份量都好多，味道都幾香。咖哩炒蟹($180)寶寶最最最喜歡的一個泰國菜。加入了蛋和椰漿的咖喱好香滑，咖喱味唔算重，帶點甜味，用來伴飯食一流。蟹好大隻，蟹蓋帶一點膏，食落甘香；蟹鉗位置就滿是蟹肉，味道都鮮味。飲品點了龍眼冰($25)和椰汁冰($25)，都唔會好甜。

同屋企人去食泰國野，就梗係去九龍城啦！見到呢間幾多人食就試下～一打開餐牌見到呢個泰國拼盤（上圖）同另一個越南拼盤（下圖）就好想試🤤最後我為左蝦餅就決定左要越南拼盤了～～～呢到的甜品好似都幾吸引咁😍食泰國野，幾乎99%我係會叫炒金邊粉～～因爲太好食（每一間都有少少唔同的特點～）最喜歡用這個作一作比較😏而呢到的炒金邊粉唔會太油，但粉條又唔會癡埋一大舊，唔會太酸又唔會太咸，味道剛剛好，呢到的配菜都幾多，牙菜，蔥，火腿仲有豆乾（豆乾不是每間都會加呢～）仲有蝦，蝦是爽的，口感層次豐富呢個係泰式大蝦柚子沙律超級多配料，酸酸甜甜，而且蝦係大大隻的～柚子都幾甜～而且幾多汁，唔會乾晒咁，好清新～腰果有焗過，更加香口，份量足料越南拼盤來了！首先講左正正方方的粉包先～舒次係第一次食粉包～原來係暖暖地～少少咸入面係一d肉碎咁～幾特別～呢到叫拼盤會配埋生菜比你～原來係配埋春卷食～食落好爽脆，春卷皮都是比一般的薄！蝦餅好厚肉～食到好重的蝦味～哈！呢個不得了，呢個係招牌炸雞🍗本來以為係好似炸子雞咁，估唔到係咁樣雖然外表好似我地成日食的咕嚕肉咁，但係並唔係咁簡單喔！因爲d雞炸得都幾正～肉質好滑好入味，而且好多配料，當

金寶泰國菜館，我細細個已經聽過呢個名，但一直無食過，今日去九親城買完香料，就揾晏食，行到金寶泰國菜館裝修，望一望隔離間越南菜館，原來係同一間，唔經唔覺金寶已經擴闊食界，唔係只停留老牌泰國菜嘅印象，入到去連裝修都好fusion ；一個人好自然揀左個佢哋嘅Happy Lunch餐，張A5午餐紙，我足足睇左我十分鐘，因為種類實在多，樣樣都想食，價錢由$46起，有湯粉、湯麵、凍檬、撈麵、炒粉、炒麵、炒飯、各式飯類，好攪笑係連炒mama麵都有，高檔啲嘅菠蘿焗飯、椰青海鮮焗飯都係＄80。。。我最終叫左咖喱雞檬$50，唔係賣口乖，真係好好食，雖然係湯底但啲咖喱湯汁唔水，帶有椰汁嘅槳力，係超好味嘅椰汁咖喱雞檬；椰青好清甜，$32一個，全餐無加一，食得飽飽只係$82埋單，開心滿足價👍🏼

約咗泰國餐廳先忽然驚覺其中一個朋友係完全唔食得辣好彩原來金寶泰國菜館同金寶越南菜館係同一間 所以餐牌有辣有唔辣 任君選擇九龍城多泰國菜館就係人都知但某啲就真係名大於實尤其最出名嗰間呢間之前未食過 可能因為位置唔算好顯眼不過都容易搵首先叫咗個生蝦 呢個辣得好刺激蝦肉肉質新鮮實淨得唻滑溜 非常好食辣嘢必須配椰青啦 椰青肉好滑 食哂 椰汁亦好鮮甜解渴之後嗌個唔辣嘅越南粉包呢個味道清啲健康啲 食泰國菜食得多濃味嘢嗌呢個balance吓幾好必須提一提唔知點解香港食嘅越南菜係好食過越南嘅越南菜之後嗌咗個燒露筍 好似我咁我唔鍾意食菜又但又想感覺健康啲嘅朋友可以試吓再嗌咗個蕃茄牛肉湯呢個湯我喺屋企由細飲到大 佢蕃茄落得好足 牛肉雖然煲過但牛味都仲係重 湯渣亦好食 個湯煲得耐 所以飲到係茄味同肉味撈埋哂 好少出街飲湯又大煲又有屋企湯感覺最後嗌埋個菠蘿炒飯 飯粒粒粒分明 炒得香口 菠蘿開胃 其實菠蘿炒飯成個九龍城好多間都有 所以呢啲普通菜色先易分高下 食完真係覺得呢間值得喺泰國菜之中再出名啲

雖然是三月份，今日天氣好似秋天咁，嚟到九龍城食晏，今次專登去揾呢間泰菜老字號，去到發現原來裝修中，不過有指示牌話喺隔離鋪照常營業。入到去揀左近門口位坐，貪佢開住門口，一直有乾爽自然風吹入嚟，感覺舒服。尋晚喺香港島食左個好難食嘅海鮮晚餐，今次一於魚蝦蟹都食，平衡一下唔開心嘅感受，咖哩炒蟹依舊好味道，蟹肉鮮甜，仲特意叫左一客法式包，要嚟伴咖哩汁食。鹽燒鰂魚製作需時，一坐低要先落order呢味菜，魚肉鮮嫰，雖然有泰式酸辣汁伴碟，我還是喜歡唔點醬汁食。柚子大蝦沙律份量十足，入口淸新爽口，調和一下香濃咖哩蟹汁嘅味道。飲品係菠蘿檸疏打水，一粒粒菠蘿肉入口清新，加上陣陣乾爽清風從外面吹入嚟，感覺好像在室外享受豐盛的一餐。意猶未盡，再叫一份甜品併盆，香甜美味，最鐘意佢唔會話好甜嗰隻，實在大滿足。

以前成日出沒九龍城，覺得真係一個好特別既社區，你唔會見到好似倒模出黎周街都係藥房金鋪或者化妝店，算係一個難得冇咁商業化既地方！講到食泰國菜，通常都會諗起去九龍城，所以今日搵埋兩個朋友入九龍城食泰國菜！呢間金寶都算係老店啦！黎到見到入面裝修緊，以為摸門釘，好彩可以去隔離食。入面可以食泰國菜或者越式菜，啱啱去完越南旅行返黎就唔食越南菜啦，都係食返泰國菜啦！店入面裝潢簡單，牆上掛了不少畫，題字或相片。望落去都幾舒服。餐廳好有心思咁係餐紙印低教你點食越南傳統食物。坐低咗就梗係要睇下有咩食啦。酸辣脫骨鳳爪︰呢樣係每次去食泰國菜都好想叫既小食，酸酸地又不失泰國菜常有既辣，配搭香料一齊炮製，食落好開胃，爽口而且無骨，好方便。近排食得辣咗，覺得如果更辣就更好！咖喱鮮雞煲 (配法包)︰份量望落唔係好多，但係夠我地三個女仔食。法包輕輕用刀界開，方便我地用手分開，食既時候暖暖地，即係有整熱咗先上枱，一D都唔Hea，而且唔會好硬咬崩牙，拎黎點咖喱食係正既。入面D雞都唔少，而且唔會得雞胸肉，會有雞腿肉食。D咖喱幾甜下，唔係好辣，適合D唔鍾意重口味既人士。成煲咖喱雞係唔覺意既情況下食食下就冇哂！泰式炒金邊粉︰金邊

係九龍城搵野食, 第一時間諗起就係泰國野, 行過見到金寶, 同一條街有3間都係金寶, 唔知揀邊間就求其入左一間啦~雖然話食泰國菜, 但原來餐牌都有得揀越南菜食, 選擇種類多, 唔怕諗唔到食咩牆上都係名人簽名, 估唔到有咁多名人黎食過中間原來打通左可以望到隔離既金寶tim~ 〰️鮮蝦卷〰️ 估唔到係咁大舊卷, 入面有粉絲,蝦,雞肉同金不換卷住黎食, 一啖咬落去又唔會散哂出黎, 最緊要點埋個汁一齊食, 酸酸甜甜好開胃架 〰️香茅豬頸肉凍檬〰️ 平時去食凍檬, 檯面都有一大樽魚露自己落, 所以有時會落太多, 令到個檬粉唔好味!呢度只會俾一小碗既魚露, 開頭仲諗會唔會唔夠架, 點知撈完之後先發覺味道岩岩好~加埋生菜青瓜紅蘿白一齊食, 口感好豐富豬頸肉外層燒到脆卜卜, 又唔會燒得太過火令到好乾身, 食落好爽口 〰️串燒 (雞/豬/牛)〰️ 每樣都有2串, 雞肉好滑, 牛肉有少少辣好惹味, 豬肉配埋沙嗲一齊食超夾 〰️馬拉盞通菜〰️ 每次食泰國菜都必叫, 通菜好爽好新鮮, 又唔會好辣, 食到唔停得口 〰️泰式明爐蒸魚〰️ 今次揀左蒸烏頭, 一上檯就見到有好多菜係條魚上面, 而且仲有好多香料, 另外仲俾左碗魚

已經好耐冇食泰國菜，咁啱黎開九龍城梗係黎老字號金寶食泰國野啦！咁耐冇食，水準質素依然咁高，都冇令我失望。呢度其中一個好處係有set lunch，仲要唔使加1，好抵！我同朋友各叫咗一個湯粉set。兩個湯粉個湯都夠鮮味，飲得出唔係味精嘅湯底，再加埋啲九層塔食落好Fresh 嘅感覺。淨係食個湯粉梗係唔夠啦我哋仲叫咗個泰式拼盤。呢個泰式拼盤一定要叫雖然嗌細size但係份量一啲都唔小。最好食係個蝦餅，炸漿夠薄、爽口又彈牙，即叫即做，熱辣辣！好有誠意！另外仲叫咗個生菜包，啲生菜夠新鮮夠大塊可以包好d肉碎。肉碎連紅䓤頭炒得夠香辣，夾埋一齊食真係好match，好正。最後都係有啲唔夠喉，叫多個辣椒豬肉碎炒飯。個飯炒得濕度啱啱好，辣度恰到好處，將成個炒飯嘅香味提升，值得一試。最後再配埋個多龍眼既龍眼冰，生津止渴，正！

與大同約在九龍城食泰國菜，今次試下食金寶。我地叫左生菜包，味道尚可接受，不過略嫌生菜太細塊，肉碎容易走哂出黎。叫左串燒，但串燒唔夠熱，搞到唔吸引。仲叫左一個菠蘿飯，算係最好食嘅