影片
更多
2017-12-12
61 瀏覽
食泰國野，首選到九龍城，由街邊小檔到坐係到堂食既餐廳，必有一間岩你心水。今次揀呢間餐廳係九龍城有幾間分店，其中一間鋪頭仲要同隔離越式餐廳打通，等客人可以既食泰式又食越式美食。踏入餐廳，已經睇到牆身好多名人簽名，亦見證左呢間野既歷史。我仲一路食，一路同朋友玩揾明星簽名遊戲。😂😂😂最愛呢個流心蝦丸。雖然覺得有d貴，20蚊一粒，但物有所值。即叫即炸，金黃酥脆，但要小心燙到個嘴。蝦膠又厚又彈牙，咬開入面既蝦膏醬汁即洶湧而出，好惹味。鮮蝦凍卷做前菜一流。米紙包住數片金不換，大蝦，粉絲和一塊豬肉。蝦肉爽口，配埋泰式粉絲，好有口感。埋面既金不換葉，有種獨特既味道，不過唔係個個人都接受到。我朋友就唔多like, 但我又覺得ok喎。配埋跟上黎既泰式辣椒汁，酸酸甜甜，其實好開胃。原本想食串燒，但唔想咁熱氣，最終揀左泰式豬頸肉。外層燒到脆卜卜，肉質唔乾身，食落爽口，不肥不膩。食左咁多肉，叫返碟菜中和返先。熱辣辣，好有獲氣。呢個又係必叫食物。員工仲好心提我地可以揀黑，白，定兩溝。當然係兩溝啦，可以食椰汁味同黑糯米味。芒果好新鮮。食到最後其實已經好飽，好在我朋友肚量勁，幫手ko晒佢。哈哈😂😂😂第一次飲滴漏咖啡，
今次揀呢間餐廳係九龍城有幾間分店，其中一間鋪頭仲要同隔離越式餐廳打通，等客人可以既食泰式又食越式美食。
踏入餐廳，已經睇到牆身好多名人簽名，亦見證左呢間野既歷史。我仲一路食，一路同朋友玩揾明星簽名遊戲。😂😂😂
最愛呢個流心蝦丸。雖然覺得有d貴，20蚊一粒，但物有所值。即叫即炸，金黃酥脆，但要小心燙到個嘴。蝦膠又厚又彈牙，咬開入面既蝦膏醬汁即洶湧而出，好惹味。
鮮蝦凍卷做前菜一流。米紙包住數片金不換，大蝦，粉絲和一塊豬肉。蝦肉爽口，配埋泰式粉絲，好有口感。
埋面既金不換葉，有種獨特既味道，不過唔係個個人都接受到。我朋友就唔多like, 但我又覺得ok喎。配埋跟上黎既泰式辣椒汁，酸酸甜甜，其實好開胃。
原本想食串燒，但唔想咁熱氣，最終揀左泰式豬頸肉。外層燒到脆卜卜，肉質唔乾身，食落爽口，不肥不膩。
食左咁多肉，叫返碟菜中和返先。熱辣辣，好有獲氣。
呢個又係必叫食物。員工仲好心提我地可以揀黑，白，定兩溝。當然係兩溝啦，可以食椰汁味同黑糯米味。芒果好新鮮。食到最後其實已經好飽，好在我朋友肚量勁，幫手ko晒佢。哈哈😂😂😂
第一次飲滴漏咖啡，感覺新鮮。不過泰式咖啡就唔多欣賞，太甜了。我一向飲咖啡奶茶都唔落糖，所以呢杯唔岩我飲。下次食泰國野，都係飲返椰椰青算啦。
朋友叫左杯紅豆冰，佢食咁多野，都仲可以食埋d紅豆，佩服。😵😵
留意到枱面張餐紙，有教食春卷，薄餅，海濱既方法。海濱？乜黎呀？下次問下先。
張貼
