醬缸韓國料理

營業中

休息中

又食蟹蟹🦀今次係醬油蟹啊啊啊~傳說中的醬缸終於試到你啦🤩🤩🤩醬油蟹 比起韓國呢度醃得冇咁鹹啲醬油就咁飲都唔會好咸而且仲有蟹的鮮甜味添但蟹呢就韓國鮮甜啲各有千秋啦呢度隻蟹空口食好味啲佢個紫菜飯反而係全餐最鹹嘅嘢會搶左啲蟹味冇韓國嗰邊蟹撈飯1+1>2的絕配感覺如果啲紫菜少啲鹹就好了🦀🦀🦀醬油蝦 大大隻得黎蝦肉爽口彈牙仲已經剝埋殼切埋粒勁啱懶人食不過都係唔算太入味啲蝦撈飯加辣椒加蒜加少少醬油反而引到啲鮮味出黎都係勁正🦐🦐🦐冇遇到傳說中的態度唔好不過個電話好似成日冇人聽搞到🐙要專登過黎book辛苦哂🐙

由同事極力推薦下去食左依間韓國野醬油蟹佢算係香港比較正宗好食既，不過價錢就遍貴d，三百幾兩隻牛肋骨湯都唔錯，入面有4舊牛骨(有肉食果種)豬手就比較油，如果唔配生菜食，食幾舊你就會停灑手，如果諗住食豬手既，我覺得叫燒肉好過另外炒年糕唔建議食普通果個，因為得個辣字，入面會有好多既椰菜整體評價有好有差，但醬油蟹都係一定要食不過温馨小提示，平日去記得book枱，唔係高有排等，星期五六日冇得book枱會排長龍，所以記得早d去

聞名遐邇既醬缸我一直都想試好耐，好多人都話個醬油蟹必吃！喺尖沙咀行完街行過去佐敦，大約夜晚8點左右都仲有好多人排隊！好受歡迎！店員得閒會走出嚟大嗌10點閂門，應該係暗示叫人哋咁夜唔好再排隊😂 但係幾點都好依然越來越多人排。到最後大約9點入去，後邊仲有好幾個人。店員同佢講10點閂門喎，啲人直接答好啊😂😂😂 果然大家對醬缸嘅愛係就算要用幾個字食晒都願意食。入正題，今次第一次嚟梗係食最出名嘅菜式。✨醬油蟹兩隻：好味！個醬油好好食，都幾夠蟹膏。伴隨喺側邊有紅青椒、生蒜等配料，同埋麻油紫菜飯！好好味！不過當然係幾貴啦，都差唔多要$400兩隻。✨海鮮豆腐湯：湯嘅味道好飲，夠晒辣。但係海鮮份量唔係好夠，得兩隻蝦、兩隻超細嘅蜆、一個魷魚筒(?)其他全部都係豆腐。整體來講我覺得醬油蟹好好食，不過下次應該淨係會食醬油蟹！因為都有啲貴哈哈。

好耐冇去過旅行 一路都好想食醬油蟹😋之前試過係HKTVmall買現成一pack pack 裝嘅就食得出唔太新鮮 仲有試過買其他蟹膏但係都係麻麻地 始終都係差咁啲😔之前見到有YouTuber介紹呢間🤩想試好耐終於試得到 但提提大家記住記住要book枱😳因為我哋夜晚去都好full 就算係八點幾去到都仲係爆曬😨見到好多網上評論話店員嘅態度好差🥺我哋就覺得普普通通 始終佢哋都幾忙😝唔會兼顧到太多 但係最後👧🏻朋友嘅口罩爛咗店員都好好俾個新嘅佢😍因為今次我哋係慶祝生日🤗呢間餐廳都唔會另外收切餅費 唔錯唔錯💓👧🏻 #feiching_foodie韓國野👦🏻🌟生醬海蟹 $348醬油蟹都幾新鮮 之前食一pack pack嗰啲就會食完即刻感覺肚痛 😢呢間至少食過兩次都唔會話食完肚痛 同埋食得出醬油蟹嘅鮮味 👍豉油嘅鹹度都調校得唔錯 甜甜地啱啱好🥳蟹膏嘅份量都唔會話太少 喺香港食到呢個質素算係咁👍🌟大醬湯 $88因為店舖入面實在太大冷氣 所以熱辣辣嘅韓式大醬湯 就啱晒我哋 整體來講個湯普普通通😉🌟海鮮芝士炒年糕 $128呢個比想像中份量大 就算平時👧🏻唔鍾意食辣都覺得超好食 佢嗰種話係越辣越想繼續食🤣同埋

人生第一次食醬油蟹。因為係第一次食，所以真係無比較，亦都唔識分好唔好食。不過就呢隻而言，我就覺得都算入味，同埋隻蟹有好多膏😋。除左醬油蟹，我地仲嗌左海鮮蔥餅、人蔘雞湯、鐵板韓式烤牛肉、炒年糕。老老實實，除左個海鮮蔥餅係好食之外，其餘都好一般。人蔘雞湯無人蔘味、烤牛肉乾爭爭、炒年糕就配菜多過年糕⋯⋯我相信，只要肯揾，一定會揾到另一間好食既醬油蟹餐廳。所以，可以唔洗試呢間！

😆話說有日嘟嘟妹好想好想食醬油蟹​但一上網睇好多間都要早1-2日預訂☹️​點知比嘟嘟妹搵到間可以即刻walk-in食嘅醬蟹😋～💕​呢間係星期六都有午餐食嫁～🤣​重點係除左staff好韓國之外🇰🇷​連野食都係好貼近韓國嘅味道😆‼️​重要食哂咁多野都係人均$250‼️​真係超級抵～所以就黎推薦比大家🌈​​***​✨推薦菜式：$368兩隻超多膏醬油蟹🦀​👉🏻推薦指數：🌟🌟🌟🌟🌟🌟🌟​👉🏻食評：真係好多好多膏🤣同埋每隻蟹都因為近蟹季所以都多肉～連腳腳都有肉肉😂記得每碟醬油蟹都係配左碗紫菜飯‼️用個蟹蓋咁撈真係好好食～勁幸福😋​​✨推薦食品：韓式冷面🍜及辣牛肉湯🐮​👉🏻推薦指數：🌟🌟🌟🌟🌟​👉🏻食評：嘟嘟妹最推薦個韓式冷面😚因為真係好似係韓國食嘅味道🤣滿滿嘅已調味嘅辣醬🌶再配埋滿滿嘅冷面🍜重有脆卜卜嘅梨片真係酸酸甜甜好開胃～​​👉🏻中意有湯嘅🐷🐷們可以叫辣牛肉湯～因為真係辣辣地又勁香牛肉味💕​👉🏻重點係有多個飯配蟹膏食🥰​👉🏻上網睇話蟹蟹細隻～其實嘟嘟妹就唔太覺😂覺得size係適中～唔太大又唔太細​👉🏻服務方面都唔差😆重有配菜食‼️​👉🏻中意食醬油蟹嘅🐷🐷們就唔好錯過​​***​🎏店鋪：醬缸韓國料理 (佐

專登揸車去食，新舖要喺樓梯上面等，好在唔多人等位，排排下入左舖等，15分鐘☺️😍😍😍😍😍😍😍未坐低已經嗌定先，坐低即刻有得食😁成隻蟹好鮮甜，醬油味感度適中，令蟹既鮮味帶得更出😋單食蟹膏更加不得了，果種鮮味極似食馬糞海膽😍😍😍😍😍😍醬汁王牛排，傳統韓式醃法，烤完即食，甜甜肉汁係口裏面唧出嚟🤩🤩🤩泡菜煎餅，味道濃郁，外脆內軟，想再脆啲，可以擺喺烤爐再煎一煎👍🏻👍🏻👍🏻

唔算話好好食 醬油蟹唔夠入味 膏就有既 嗌咗石窩飯 海鮮餅 醬油蟹講真有啲失望 排咗一個鐘隊 埋單600幾蚊 飽就飽 但一啲都唔滿足只可以講自己一開始對佢評價太高唔好抱住同韓國食既一樣

兩個人叫咗一碟醬油蟹同一碟炒牛肉年糕。首先醬油蟹真心唔差，質素對得起價錢，$368。炒年糕上枱嘅時候，我哋淨係見到碟雜菜同牛肉，年糕好似得幾粒，咁我哋就即刻問，睇吓係咪上少咗。之後個侍應就入咗廚房問，佢出到嚟話個廚師好肯定放咗10粒落去，我哋梗係呆咗啦，10粒？！$118得10粒年糕同一大堆椰菜洋蔥紅蘿蔔？！重點黎啦，當我哋食緊「雜菜」嘅時候，有個女人就走過來吹我哋，問我哋仲有冇嘢未到，出邊好多人，叫我哋快啲買單。大佬我哋仲有成碟雜菜未食，我哋當時食咗35至40分鐘，又要等佢上菜又要食蟹。咁吹我都冇辦法，咁我哋咪快啲食囉，點知佢講完都冇走，企咗喺我隔離，監察住我哋食咁。我啤住佢，佢先肯行開啲，但係都喺後面望住我哋食。其實當時仲有好幾枱食得耐過我哋，同我哋一樣都係淨係嗌咗兩樣嘢，仲要喺度吹緊水。總言之食醬油蟹係可以嘅，服務態度可以話冇，食唔食你哋就自己衡量。

自從第一次幫襯呢間舖頭食咗人生第一隻醬油蟹😆👏🏻 非常正之後，一直想搵機會再嚟，今日就趁lunch time開門冇耐唔駛等位😬即刻再試！我和朋友點了海鮮煎餅，同埋年糕炒麵🥳海鮮煎餅好大塊，外脆內軟，味道非常好，仲要食到最後凍左，都可以保持到👍🏻👍🏻極推薦👍🏻👍🏻韓式年糕拉麵 睇賣相就知好味🤣 甜辣汁夠濃，年糕煙韌👍🏻👍🏻👍🏻👍🏻 大滿足😋😋😋下次再嚟再試其他菜式🤩

同朋友一行四人去到醬缸，我係第一次去呢間餐廳。由於太掛住韓國既醬油蟹，所以我超級期待。我地事先訂左四隻醬油蟹同一碟醬油蝦，一坐低，侍應會先上醬油蟹同醬油蝦，兩隻醬油蟹為一碟，甘我地有三碟蟹同埋蝦，就有三碗飯。我覺得每隻蟹跟番一碗飯會好d，因為醬油蟹係送飯，四個人share三碗飯，以致我哋當晚食完之後都唔係好滿足。講番醬細蟹同醬油蝦，當然唔可以同韓國嘅比，但蟹同蝦都食得出係新鮮，唔會霉，蝦非常彈牙爽口🤤。蟹都清甜，不過size偏細，同埋蟹膏都唔算多，而味道方面，覺得再鹹多少少就好，送埋飯非常幸福☺️。另外我地仲點左炸雞，味道方面正正常常，唔算非常Juicy。到服務態度，簡直零分重作。裝蟹殼個筒，滿哂都好，侍應成餐飯都冇幫我地收，但我地食野既碗同碟，每次佢收，問都冇問一聲。最過分係當日，我仲食緊蟹，隻碗喺正我下巴下面，個侍應完全冇問過就收走咗，雖然碗入邊已經冇晒飯，但咁樣感覺真係好差，跟住我望住佢，佢啤番我。我都唔係劉德華上身既客，但甘樣趕客真係唔好。明明係有90分鐘用餐，我哋當晚只係食咗60分鐘就走左，而另一位侍應都係見我地岩岩食哂d野就叫我地埋單，但當時只得一至兩台客等緊位，我哋都唔係要

🇭🇰 < < 醬缸韓國料理 > > 地道醬油蟹💰 [ ~$300 ］📍 [ 佐敦柯士甸道118號業廣商業大廈1樓 ]______________________________1️⃣ [ 醬油蟹🥘 ] ʜᴋᴅ328韓國必食一定有醬油蟹份但依家未飛得 唯有係香港搵最地道啦講起食醬油蟹 醬缸係不二之選入到去見到有四份三嘅枱都有叫醬油蟹就知道一定無去錯地方上菜都好快 唔洗5分鐘 就已經到齊除左醬油蟹之外 仲有紫菜飯比你拌蟹膏食總共有2隻蟹 已經拆好晒 好方便食一入口 超級鮮甜 而且唔腥 無雪藏味醬油濃度亦啱啱好 唔會過鹹要飲水一啖蟹肉一啖紫菜飯 超正______________________________🥑整體嚟講🥚食物好有地道韓國feel值得一提嘅係佢嘅泡菜好啱我胃口唔太酸唔太鹹 其他小菜都唔錯枱面已經放好桶仔放殼 掛住韓國嘅話可以去醬缸一解鄉愁😋好味指數：7.5/10🏃回頭指數：7.5/10

最近睇完韓劇好想食醬油蟹，問朋友有冇推介又冇人有推介⋯ 咁岩係附近做gym 見到哩間韓國餐廳有醬油蟹食，就打黎約左平日既6:00 。 因為睇完openrice 其他CHING既留言，其實都係1516 黎試下我地早左半個到，5:30 就到，咁當然好快比到枱我地。環境正常韓國餐廳feel , 通常都係兩個人坐4人枱。所以坐落都舒服。一坐落黎就有韓式小菜招呼。睇完menu 叫人黎落單，落單既女侍應又真係cool cool 地， 一句野都冇講過😅不過又唔係咩大問題既～ cool 啲姐😂😂我地叫左個醬油蟹同韓式海鮮薄餅。落完單唔洗3 分鐘就有醬油蟹同送既紫菜飯一碗。醬油蟹都算甜，不過不失，肉都冇話特別多肉或者特別瘦，中規中矩，但應該算係安全既醬油蟹，起碼食左到而家5個鐘都未肚痛😂。跟住黎左韓式海鮮煎餅令我幾impress ，可能對比起之前係韓國街食過未熟既海鮮煎餅，我今次覺得哩道煎餅煎得岩岩好，有卜卜脆既感覺，食落口唔會好粉，海鮮同料都分佈均勻，確係唔錯6:20 分佢地見我地差唔多食完就自動比左張單我地示意叫我地埋單😂一個鐘都未坐夠就被催埋單。走個陣見到每一枱都有叫醬油蟹，睇黎大家都係因為佢既醬

今次係我一生第一次寫食評，平時真係幾爛食既餐廳都唔會寫算數，今日真係好嬲，環境同普通韓國餐廳無分別，叫左個醬油蟹野食方面還可以，之後叫左個牛肉湯真係好一普既味精湯，再黎多個肉眼係用廉價肉我都算數，一開波佢就幫我放哂落去之後就走左去，喂大佬唔係趕到咁呀？兩個人7百幾一餐飯唔算少掛?食左唔夠40分鐘就叫埋單，係咁吹係咁吹，每隔兩分鐘就問我個樣要唔要個樣要唔要，韓燒呀，啲牛肉要自己燒要用時間食嫁，全餐飯食左唔夠一個鐘就走左，因為佢連水都收埋我，今既服務態度我真係忍唔到，我諗好多人諗法同我一樣，唔需要好好食，但只想食得開開心心羅，如果你地趕住搭尾班車得半個鐘時間既話，不妨可以試下呢間，因為佢仲趕過你

無得去韓國食醬油蟹，就係香港搵餐廳食醬油蟹被韓國人稱為「米飯盜賊」的第1位，果然無講錯，有醬油蟹，食多幾碗飯無問題，撈飯神物 一碟有兩隻的醬油蟹，再跟紫菜飯，2個人食岩岩好，唔會太多又唔會唔夠喉，醬油蟹好新鮮，初頭以為會好鹹或者好腥，一直好想食但又唔敢去試，點知食落完全喜出望外，醬汁甜甜地調味岩岩好，剝開殼果時會發出清脆既聲 睇落雖然不係好大隻，蟹既鮮味好出，蟹膏好多，可以吱落去落去撈埋紫菜飯一齊食，食一啖拌飯，再吸一下蟹肉，一個字，爽 去唔到旅行，食住韓國野當去左