影片
港鐵佐敦站 D 出口, 步行約4分鐘
繼續閱讀
電話號碼
23759805
營業時間
今日營業
11:30 - 14:30
17:30 - 22:30
星期一至六
11:30 - 14:30
17:30 - 22:30
星期日
全日休息
以上資料只供參考, 請與餐廳確認詳情
相關文章
屋企有一個醬油蟹愛好者，今天終於慕名來到這家開業13年的老字號「醬缸韓國料理 Jangdok Korean Restaurant」。目標非常明確，就是為了他們家的醬油蟹無限任食！早就聽說這家的醬油蟹非常入味，而且可以無限追加，到達時果然已見不少顧客在門外等候，還好已提前訂座。餐廳環境舒適，除了卡座外，還設有獨立房間。 我們毫不猶豫地點了醬油蟹A餐。首先上桌的是琳瑯滿目的韓式前菜，種類豐富，而且同樣可以無限追加，包括經典的韓式泡菜、紫菜飯、辣醬蟹、泡菜餅、炒年糕、炒粉絲等等。這些前菜味道都相當不錯，其中特別推薦泡菜餅，外酥內軟，帶著泡菜的酸辣，非常開胃。 萬眾期待的醬油蟹終於登場！醬油蟹A餐包含醬油蟹、小花蟹湯等等。如果+$30，還可以品嚐到美味的醬油蝦！醬油蝦的蟹膏非常飽滿，色澤金黃誘人。夾起一塊蟹肉，入口鮮甜嫩滑，帶著濃郁的醬油香味，非常新鮮且蟹膏豐腴，完全沒有腥味。蟹黃的口感更是綿密細膩，在口中慢慢融化，那種幸福感簡直難以言喻。聽說醬油蟹是餐廳老闆自家醃製的，每日清晨6點親自回餐廳準備，用心程度可見一斑。 除了蟹肉本身的新鮮，店家特製的醬油也功不可沒。醬油汁味道醇厚，帶有一絲甜味，完美地襯托出蟹肉的鮮美。而且醬油汁完全滲透到蟹肉的每一絲纖維中，讓每一口都充滿滋味。 搭配著紫菜飯一起吃，簡直是絕配！將蟹肉和蟹黃放在熱騰騰的米飯上，再淋上一些醬油汁，用紫菜包起來一口吞下，米飯的香甜、紫菜的酥脆、蟹肉的鮮美，真係大滿足。 小花蟹湯也值得推薦，湯頭鮮美，充滿蟹的鮮味，喝一口下去，暖心暖胃。飲品方面，酒精飲料還有買一送一的優惠。 總的來說，Jangdok Korean Restaurant的醬油蟹餐絕對值得一試。蟹肉鮮美，醬油入味，前菜豐富，而且可以無限追加。
繼續閱讀
佐敦呢間「醬缸」開咗13年，Iby終於的起心肝試佢個醬油蟹任食。老實講，$498任食90分鐘，初頭驚伏，食完竟然想encore！ 主角醬油蟹真係冇得彈——蟹膏多到漏油，啖啖似鹹蛋黃咁香，蟹肉滑溜溜仲帶甜。最正係撈熱辣辣紫菜飯，海苔脆卜卜包住凍蟹肉，冰火口感好過癮！加$30要埋醬油蝦任食，爽口彈牙仲要蝦頭爆膏好似食緊海膽，抵加！ 其他配角：辣醬蟹唔會好鹹/辣而蓋過蟹肉鮮味；花蟹蛋花湯清甜解膩（屋企人飲咗兩碗）；泡菜餅煎得香脆；炒粉絲淡味咗啲。前菜任加呢下抵讚，泡菜酸咪咪好開胃。 驚喜位係酒精飲品 買一送一 ，同朋友叫Soju劈酒，夾埋醃蟹爽到震！房仔私隱度高，6條友傾到拆天都冇人眼超超。服務幾貼心，阿姐見我哋啲蟹殼堆成山就自動換碟。 溫馨提示： 1. 醬油蟹要襯凍食；2. 聽講周末爆到七彩，好在我地今次平日+撞正黑雨，5點半開門就衝入去；3. 有條長樓梯。人均$518（計加一），以任食生蟹來講算合理。今餐MVP係蟹湯配蟹膏，食到舔舔脷！ 📍佐敦柯士甸道118號業廣商業大廈1樓
繼續閱讀
前排聽識飲識食識煮嘅舅父講，覺得醬缸係全港最好味嘅韓國餐廳，我就已經悄悄book定枱.... 醬油雌蟹頗多膏，唔會超級鹹我覺得幾正。但！係！點！知！醬！油！蝦！仲！鮮！之前係香港都食過其他店嘅醬油蝦，ok囉冇話好鍾意食，原來係未遇到醬缸。叫咗3隻醬油蝦，隻隻肥仔彈牙，超新鮮，蝦頭多膏好好啜，非常建議大家點。本人唔嗜辣 (怕)，但辣醬蟹嘅程度係港人易接受，惹味的，朋友覺得比醬油蟹更正，撈飯一流。朋友點嘅烤牛小腸頗大份，店員即場係你面前切+煎的，睇見都有食慾。配菜有洋葱薯仔一齊煎，香口！小花蟹湯清甜辛口，過癮，有蟹鉗。啱啱上台時熱到起滾泡，襯熱飲！成枱都係前菜，樣樣試啲大滿足~ 前菜無限追加的，我會推介以下幾款：泡菜餅，薄身、微辣，口感酥脆炒年糕，咬開煙韌好明顯每款食物都要送飯，紫菜飯一碗兩個人share 唔係好夠，兩碗就差不多。BTW 酒精飲料買一送一，叫咗菠蘿燒灼，下火哈哈幾好味~~~
繼續閱讀
呢間13年老字號餐廳位於佐敦《醬缸韓國料理》推出咗90分鐘無限任食醬油蟹，真係超抵食！老闆每朝6點都會親自準備，自家醃制嘅醬油蟹，真係好用心❤️唔怪得啲醬油蟹咁入味🤤食落又唔會死鹹，正👍🏻套餐包括啖啖肉又多膏嘅醬油蟹、熱辣辣嘅小花蟹湯、爆多紫菜嘅紫菜飯、惹味嘅辣醬蟹、泡菜餅、炒年糕同炒粉絲😍 前菜可以無限追加+30蚊有醬油蝦食到盡！仲有酒精飲品買一送一，玩盡味蕾。餐廳仲有獨立房間，好適合同朋友聚會🤤
繼續閱讀
係香港食醬油蟹一定會諗起呢間13年老字號嘅醬油蟹店🦀，聽講韓國人老闆每朝6點就親自返餐廳醃制醬油蟹👩🏻🍳。而家酒精飲料買一送一🍻！同埋餐廳有獨立嘅房間，私隱度十足！⏰90分鐘無限任食醬油蟹😋成人$468/位 小童$258/位👉🏻任食醬油蟹、小花蟹湯、紫菜飯、辣醬蟹、泡菜餅、炒年糕、炒粉絲🥣六款前菜（無限添加）酸辣嘅泡菜、新鮮嘅大豆芽同爽口嘅海帶，食得好開胃！香脆嘅泡菜餅、煙韌嘅炒年糕同Q彈嘅炒粉絲都好好味！🦀醬油蟹每隻都係爆膏，肉質鮮嫩，咸香又有鮮味，啖啖都係幸福呀！蟹肉蟹膏拌紫菜飯，真係可以食到幾碗飯！之後再嚟嘅醬油蟹，都係爆膏架。🌶️🦀辣醬蟹辣味似泡菜個種，唔會太辣，食落好惹味。🍲小花蟹湯食完凍醬油蟹之後，胃有啲涼涼嘅感覺，飲返呢個暖笠笠嘅小花蟹湯，非常暖胃舒服，仲食到鮮甜嘅蟹肉！
繼續閱讀
您可能會有興趣的...