醬缸韓國料理

營業中

休息中

兩個人叫咗一碟醬油蟹同一碟炒牛肉年糕。首先醬油蟹真心唔差，質素對得起價錢，$368。炒年糕上枱嘅時候，我哋淨係見到碟雜菜同牛肉，年糕好似得幾粒，咁我哋就即刻問，睇吓係咪上少咗。之後個侍應就入咗廚房問，佢出到嚟話個廚師好肯定放咗10粒落去，我哋梗係呆咗啦，10粒？！$118得10粒年糕同一大堆椰菜洋蔥紅蘿蔔？！重點黎啦，當我哋食緊「雜菜」嘅時候，有個女人就走過來吹我哋，問我哋仲有冇嘢未到，出邊好多人，叫我哋快啲買單。大佬我哋仲有成碟雜菜未食，我哋當時食咗35至40分鐘，又要等佢上菜又要食蟹。咁吹我都冇辦法，咁我哋咪快啲食囉，點知佢講完都冇走，企咗喺我隔離，監察住我哋食咁。我啤住佢，佢先肯行開啲，但係都喺後面望住我哋食。其實當時仲有好幾枱食得耐過我哋，同我哋一樣都係淨係嗌咗兩樣嘢，仲要喺度吹緊水。總言之食醬油蟹係可以嘅，服務態度可以話冇，食唔食你哋就自己衡量。