醬缸韓國料理

營業中

休息中

生醬海蟹($348/2隻)今次係我第一次食醬油蟹，之前仲諗緊會唔會食完唔舒服，係無事嘅🤣蟹肉好鮮甜無腥味，食落好似啫喱😛蟹膏多到滿瀉🤤醬油唔會太鹹，調味啱啱好👍配料有紅青椒同蒜頭，仲有一大碗紫菜飯可以撈埋醬膏嚟食，絕配呀😋豬肉石鍋拌飯($60)配料好足，佈滿紫菜同蘿蔔絲🥕但豬肉有d乾同味道較淡😶鐵板雞肉飯($60) 雞肉都幾厚，配埋洋蔥同椰菜就無咁漏，都幾中意佢個醬甜甜地，配菜同肉都幾入味，撈飯幾好食😜烤牛肉炒年糕($70) 年糕勁少同埋唔算入味😟牛肉份量偏多最後都食唔哂😂牛肉都幾淋，汁都係甜甜地，無乜特別都幾普通😌總評分：7/10 🍽 醬缸韓國料理 📍 佐敦柯士甸道118號業廣商業大廈1樓

疫情斷斷續續都已經一年， 10分掛念韓國旅行，為咗滿足食醬油蟹的食慾，和朋友一起來到這間好出名嘅醬油蟹舖頭，我哋足足早左一個星期訂位先可以食到，而且要留蟹佢哋先會有貨，一嚟到已經俾佢賣相吸引，雖然size唔大，而且價錢亦都唔算好平，但食落去好鮮而且蟹膏好多，非常值得一試，喜歡吃醬油蟹的朋友千萬不要錯過！

今日與兩位姊妹慶生辰，看見YouTube介紹有醬油蟹。疫情下未能去韓國也希望可以頂下癮。叫了以下食物:醬油蟹、醬油蝦、泡菜煎餅.炸雞及燒肉食物本身可以，醬油蟹更加美味。但係服務質素影響食物質素及用餐體驗。本來訂了6:30三位，眼見有空枱，他竟然說另外張枱是預訂給我們，要等人客走了才有位安排。好啦！等到可以入座，叫了燒肉，最後上枱嘅燒肉竟然係已燒完嘅燒肉，完全冇得到客人同意。只說我們枱沒有烤爐，要在廚房燒完出餐，簡直天方夜譚，為什麼落單不告知，我們可以唔要此食物😡到了埋單，發現泡菜煎餅餐牌價錢$118，埋單收費$128，當查詢嘅時候，店員竟說那餐牌是舊的，128價錢是正確的。我相信這間不是新開嘅店舖，冇乜可能會犯這樣的錯誤？最重要係沒有向客人道歉，硬收$128，我們沒有選擇下埋單😡我哋嚟食飯係希望開開心心。全間餐廳店員都係木口木面，甚至黑面，好似我哋欠咗佢咁。問一句答半句，完全沒有服務，現在食肆成日埋怨疫情影響生意。其實咁嘅服務，我下次一定唔會再幫襯。即使食物有幾好水準，結果都係食到一肚氣。畢生難忘的生日飯.....🤪😤

聽同事講呢間食醬油蟹好正同好多人排隊，即刻打電話去book位去試下啦。我地book 咗6點鐘，唔係好多人係出面等，可能時間仲係好早。一入到去就有位坐啦。即刻叫咗佢地呢到出名既 生醬海蟹 同海鮮餅生醬海蟹蟹肉好鮮甜，好多蟹膏，好新鮮! 味道岩岩好，唔會太過咸，亦無蓋過佢蟹肉既鮮味! 佢跟咗一份紫菜白飯，仲有其他配料，包括；蒜頭、洋蔥、紅椒、青椒。將飯加係蟹蓋到撈埋黎食，簡直一流! 每啖都食到蟹膏!海鮮餅煎得好香口，又好多餸加係入面！ 而且好大塊。我地2個人叫咗2款野食已經飽咗。服務態度； 有個女職員態度好差！我地未夠鐘就即刻收走晒我地未食完既野！問都無問過我地仲要唔要就收走咗，我地真係呆咗。

之前去韓國旅行冇食到醬油蟹一直都耿耿於懷🥲返嚟香港食過一次點知中大伏，又鹹又腥，搞到小編都唔夠膽再食😰今次見某youtuber極力推介🐸所以就俾多次機會試吓啦🤭🦀生醬海蟹 ($348@2隻)醬油蟹好新鮮，啲蟹膏多到爆出嚟🤩蟹肉食落好似啫喱咁，而且調味啱啱好，唔會太鹹之餘又唔會搶咗蟹嘅鮮甜味✨配菜有青椒、紅椒、蒜頭同洋蔥，但小編就覺得唔係太夾，可能分開食會好啲🧐每碟醬油蟹仲會跟一碗紫菜飯🍙食到咁上下就可以將飯放入蟹蓋，撈埋蟹膏一齊食，吸盡所有精華，好滿足🤤可能因為太多蟹膏所以食得多就有少少漏🤭建議可以3-4人share😚咁就有多啲quota試其他菜式啦😎🦐生醬海蝦 ($258@5隻)上枱嗰陣侍應會幫你剪到一粒粒，方便進食，好貼心🥰醬油蝦嘅味道同蟹一樣，但肉質就冇咁漿口，比較爽身，而且蝦肉都好新鮮，夾埋蒜片同青椒粒食，食多幾舊都唔怕濟🤪大家記得啜埋佢個蝦頭，好鮮甜☺️呢個都有跟紫菜飯，但小編都係鍾意蟹膏撈飯多啲🍚🍲干明太魚豆芽湯 ($98)食完比較濃味嘅嘢，就叫返碗湯中和吓😌一嚟就滾到起晒泡💭湯入面有唔少魚干，但明太魚嘅味道小編就飲唔出喇🤣感覺就係清湯😛但勝在好多大豆芽，就當食多啲菜🥬*餐廳

特別推薦大家✅生醬海蟹 Soy Sauce Marinated Crab✅生醬海蝦 Soy Sauce Marinated Shrimp《生醬海蟹》🦀蟹肉鮮甜，唔會覺得腥，蟹膏梗係唔夠韓國咁多，不過都算唔錯，都有小爆出嚟嗰下💥，味道調得啱啱好佢仲配蒜頭🧄、洋蔥🧅、紅椒、青椒🫑，不過唔食得辣嘅話，記得整走紅椒青椒入面嘅籽，不過我覺得d配菜同醬油蟹就唔係好夾😂應該係要分開食💰$348/2pcs《生醬海蝦》🦐有鮮味又彈牙、好有膠質，成個口都膠感濃郁，蝦身切晒一粒粒🔪，好方便食😂，記住食埋佢個蝦頭😍，更加重鮮甜味依個原來好餸到飯，不過太重膠質關係，食得多會漏，要share食👨‍👩‍👦‍👦💰$258/5pcs*記得要訂位先呀📱，after 1900 walk in多數要等**用餐時間90分鐘⏰ ***醬海蟹、醬海蟹會各配一碗紫菜飯🍙，唔夠飯嘅話，另外加1碗紫菜飯就$20，會大碗d😮

4月23號-星期5，我已第3次來到這間店食醬油蟹！我覺得唔錯的!所以今日再和朋友來食!入座時店員和我們說食90分鐘要交枱!上菜好快!收碟亦好快!蟹食完還有蒜頭和辣椒我們還未食店員已經過來收2次!之後未到8點給我們賬單!那時我們還有碟炒年糕未食完的！我們沒有理會她！之後8點要我哋埋單！還同我哋講好多人等!我們講未夠鐘那個韓國人話咗咁除你哋態度好差!地方又不是大!系咁放人入來等!我們覺得不自在!最後未夠8:30就離開!如果他們想再返多枱客!不如同我哋講食1個鐘!我不會再來這間店!

♪٩(✿´ヮ`✿)۶-好開心朋友同我慶祝生日好耐無食過醬油蟹啦系香港都無食過又飛唔到去韓國 慘慘所以好期待今次飯局阿。-一去到好彩有book 位一坐低後已經後續有好多人來呵呵 ~ 唔洗等位的我表示： 爽！(๐^╰╯^๐)♬但係入左去 安排完坐位之後可以話系無人理我可以話系叫d 野食都有困難幾經辛苦叫左個醬油蟹同牛肉醬油蟹黎左又唔比手套我然後又叫左一萬年後先有手套然後我個蟹由凍hi 都變左暖hi :'(但個蟹系無罪的，佢係好鮮甜的 同埋唔會過咸。但系佢又唔算好爆膏！所以都真系80/100 分😎-然後唔理我同埋黑口面果個女人來幫我燒牛肉 haha我同個friend 嚇到聲都唔敢聲驚佢會鬧我地然後又唔敢問d 牛熟未食得未🥲-但最後發現佢咁好幫我手燒原來系想我地快d 食哂佢然後收哂我地d 野然後趕我地走嗚嗚 ﾎ━━━( ﾟдﾟ)━━━ｩ- 牛肉醃得咸左dd包生菜吃就岩岩好，但系燒起來好香香。見到隔離叫，我都話要叫一客。

超失望既一餐！ 點了一份醬油蟹，上台個刻....真係超級細隻，細隻到以為bb蟹，仲要啲腳係好唔齊，小1-2隻腳都算，佢仲要甩5隻，（可能我食過另一間差唔多價錢都大隻過佢多多聲）另外味道又未至於去到會再黎食多次，味道好普通！最差既就係服務態度，就係身高最小有170個個女侍應，黑口黑面，又成日低頭玩手機，飲管仲要就咁放喺張枱，問佢拎隻匙羹，我隻手以經示意想接住隻匙羹，佢同我直接插落啲湯度！ 大佬咁嘅疫情！係咪應該比我搵熱水洗洗先呢！態度又差...真係唔會再黎

可能有希望所以失望，見很多比好評先book位過來食，啲蟹賣相ok，吾算十分好味4/10分，蟹又吾見左幾隻腳，另外服務員態度懶懶行，hea 到爆，問尼個職員又叫另一個職員過來答，態度極差掉飲管，可一不可再，試過應該吾會再食！！

由讀書食到做嘢到轉工都會返黎食 佢就由細搬轉到大舖 今次即興去walk-in 7點前都唔洗等坐坐下就見到full 晒啦 哩度醬油蟹真係必食 一碟兩隻 有食過其他店嘅 都係哩間醃得最好味😋醬油嘅鹹甜剛剛好 將蟹嘅鮮味完全吊出黎佢地配個紫菜飯撈落個蟹蓋真係忍唔住食多左飯🥰啲蟹肉更加係鮮甜唔霉 所以食完蟹蓋都仲可以慢慢嘆個身好味到食晒之後會有好矛盾嘅心情 享受完美食好滿足 但係食晒又好失落🥲咁就好期待下次再黎食啦 因為醬油蟹係凍嘢所以我通常都會叫多個熱食暖暖胃 鐵板牛肉真心推介叫湯或者料理佢都會跟多個飯架 我會撈多少少醬油食 好正呀不過提一提宜家好多人食最好訂位先

冇得去旅行成年T.T真係好掛住韓國美食!!唯有係香港食個醬油蟹當去左啦!!!以前係舊鋪食開就比較窄既~搬左新鋪就坐得舒服D!!我覺得依間係我係香港食過最貼近韓國味道既食店!!不過就真係好難訂位既~要預早D打去OOK~講左個主菜<醬油蟹>真係超級好味!!!佢仲要多膏~不過有時都睇你彩數,我食過幾次試左一隻爆膏一隻比較少~所以通常同朋友食未開蓋就會簡定~佢除左個膏正之前佢個醬都好食,係韓國既味道黎架!!第2正既係個紫菜飯放係個蟹殼上面再撈D觸膏同醬油一齊食!!如果佢自己添紫菜飯其實可以食多幾碗!咁樣食法真係勁滋味!!係香港食到咁高質既韓國餐真係當自己飛左一轉架啦

真係好耐冇去旅行，好掛住韓國既醬油蟹，上網見到呢間韓國餐廳都幾正宗同有醬油蟹，就打咗去book位同預留定醬油蟹，因為walk in去有可能賣晒嫁。生醬海蟹 - 2 pcs ($348)醬油唔會太咸，甜甜扡。蟹膏既顏色係橙既，肉質係奶白啫喱咁，非常新鮮。大大啖啜落去，真係食到韓國既味道。佢呢個跟一份紫菜白飯，將飯加落蟹蓋到再加醬油撈埋黎食，真係太正喇。我覺得一人一隻有啲唔夠侯添呀，不過其他韓國菜都唔錯，所以呢間餐廳絕對會再encore

佐敦📍正宗醬油蟹🦀🦀搵咗好耐邊度有醬油蟹食聽朋友介紹去咗呢一間由韓國人主理嘅韓國餐廳 成個格局同韓國果啲燒肉店好似！ 好似去咗韓國咁🇰🇷醬油蟹一客兩隻（$348）真係飯小偷🤤啲膏好鮮甜😍可以用生菜包住啲蟹膏 再加泡菜蒜頭同包飯醬食😋 另外用個蟹蓋撈埋個紫菜飯落去食都不得了！算係對得起個價錢😚蒜頭+蟹膏+飯=너무맛있다!要注意嘅係依一間韓國餐廳有超高人氣！如果想來食嘅話記得要訂位啦～同埋訂嘅時候講埋你要幾多隻醬油蟹 咁就包保一定有得食啦🦀如果唔係一場嚟到等咗勁耐都冇得食㗎🥺 而家冇得去旅行嘅大家可以去食食🦀醬缸韓國料理 (佐敦)地址：佐敦柯士甸道118號業廣商業大廈1樓

首先食物係好食嘅，但係服務態度超差，隔住個口罩都見到個waitress西面，又高又長頭髮果個。另外唔知係咪趕客，我地落地窗邊卡位，頭頂有個風口，我地坐低無幾耐佢地突然開衡個風仲要係最凍最大風果隻，兜頭吹，當堂吹到我地結哂冰，有一位仲吹到頭痛，送嚟啲熱嘢唔使5分鐘全部凍哂，我地要不停飲熱水先頂到成餐飯，叫佢教细啲個風佢地又話教唔到，又唔肯熄咗佢，好似坐咗係冰櫃食飯咁。我地唯有拿拿聲食完埋單走人。