郴州魚粉

營業中

休息中

一直經過呢一間魚粉好耐！星期六晏晝見到冇乜人就想入去試吓！本身諗住叫佢哋再買嗰個栖鳳汝魚粉！但聽到隔籬枱話小辣都食唔到，所以有啲擔心，加上唔係好識得食魚骨嘅我！所以最後就叫咗個肥牛粉BB辣，再加炸蛋！唔好睇佢個湯好似好淡咁！都幾辣！不過啲肥牛就太硬，唔係好食得到，不過個粉好彈牙幾好食，炸蛋吸晒湯汁好好味！下次會想嚟試吓佢個三鮮粉！

向來都唔會出post, 但呢間米線真心好食，佢係天然辣椒辣，佢既大辣等於譚仔特辣。魚腩有勁多舊，牛肉夠鮮，好食同抵食，太子老店比較難有位，大家可試試旺角新分店。老板超真誠用心，係佢家鄉既米線，非常細滑。因為老板無做宣傳，所以旺角分店較小人，我感到好可惜，所以出post 想大家比個機會試下。郴州魚粉，近油麻地站女人街。

之前係太子食過覺得幾好, 今日過來旺角分店試下, 仍然係叫番魚頭🐟湯粉加10蚊豬潤🐷, 要左BB辣, 真係即叫真做要等😅, 叫店員剩係比芫茜, 唔洗比蔥, 送上賣相唔差, 飲啖湯先, 覺得無乜辣, 個湯我個人覺得咸左d😆, 芫茜雖然多但無乜香味, 粉似係米線敢, 好滑👍份量也不少, 魚頭也有下面一舊魚肉🐟, 食落唔腥也新鮮😙, 亦有一d生菜, 整體唔差, 係湯底偏咸, 而且比較之下, 我個人會喜歡太子分店的味道多d, 但方便就旺角分店好d, 豬潤🐷食一次就夠, 唔爽脆, 不過都唔粉😅唔係太出色😀下次早d再過來食多次魚頭🐟粉, 看看味道有無分別先😅

湯底鹹淡適中，一開頭都擔心湯底會否好油，但上到黎個湯底鮮辣到可以飲，一d都唔油ge同時夾雜左蔬菜ge鮮爽同埋被久煮了的辣椒ge爽辣，real正！！魚腩個熟度掌握得十分好，所以魚腩入口仲系潤嫩咖！而且呢度ge魚腩唔係一片片，而系一大舊！舊舊都超過1cm厚，重要比足5舊！最後系d面，有米香ge同時用牙齒輕輕咬斷夾雜住湯汁ge魚粉真係爽到無人有！再加上d面可以免費加！如果唔係驚是窮店家，real想瘋狂加！p.s. 第一次寫食評，sorry for 1999 #美食日記 #無名real正餐廳

位於旺角的湖南特色粉麵店，跟平日吃的雲南米線不同，郴州主打的是魚粉麵，餐牌選擇是固定配料、麵底及湯底，主要是魚頭、魚腩、牛肉及豬肉碎等。魚粉：魚腩粉鎮店的招牌魚頭及魚腩粉，麵條較平日普通米線幼身，滑溜，帶點嚼勁。湯底不腥，味道有胡椒香，清淡鮮甜，微微帶辣，可以自行挑選辣度。魚肉採用了鯇魚，魚腩肉特別肥美，軟嫩，骨頭大條，所以較容易拔出來。小食：酸豆角涼拌豆角醃好，加點進湯底，酸酸辣辣，更加滋味。粉麵：泡椒新鮮牛肉粉牛肉新鮮，肉片蠻多，鋪滿整碗粉麵上，牛肉輕輕灼至剛熟，保持口感嫩。這碗湯底較濃而不膩，辣度是中辣，味道惹味、過癮。額外加配了一塊魚腩。粉麵方面，還可以免費加粉呢。

今日同朋友一齊去左女人街食lunch,發現一間好特別嘅粉麵店，又見到有明星幫襯，忍唔住好奇心入左去😆招牌魚頭粉魚頭好大份，煎到金黃香脆，食落好香😋湯底好鮮甜揀左少辣，愈食愈有勁☺️佢哋仲可以免費加粉特色肥牛粉好大癲，成碗粉麵鋪滿牛肉，好吸引🤩牛肉非常新鮮，肉味好濃，好好味下次可以試吓佢哋嘅特別版八寶粉，入面咩都有，仲只係$68🥰我哋仲點咗醉雞翼如果平時食牛腩粉麵厭厭地，可以去試下呢個湖南粉麵☺️而家新張優惠，仲可以送飲品/炸蛋

在旺角行街 想搵特色食品🍲。選擇了郴洲魚粉。2024年大酬賓，送飲品🥤熱洛神花茶👍🏻👍🏻品道不錯 酸甜酸甜有各種各樣的魚粉。普遍都是辣的。郴州魚粉"是湖南省远近闻名的特色美食。郴州（Sam chau）是，城，物產豐富、人傑地靈。話說三國時期的食物。魚腩粉 $68啖啖鯇魚肉，湯底清甜和辣 魚肉爽口骨少 味道鮮甜 健脾補氣飲一啖湯 有薑粒及芫荽蔥，暖胃👍🏻是用朝天辣椒🌶️ 調入特產的五爪膏等的佐料做成一道味道鮮甜又味甘性平的麵。粉是米線，非常爽滑👍🏻👍🏻炸蛋脹卜卜非常香脆及有咬口 蛋香而啖啖蛋白。好食🤤非常有特色的一碗「郴洲魚粉」。推介指數：⭐️⭐️⭐️⭐️⭐️

同老婆二人叫左兩碗粉，分別係三鮮粉同魚頭粉。首先，等待時間偏長平均大概十五分鐘以上(店舖其他客人已經食緊，應該只係做我地order)，當然時間長好多時代表師傅每碗獨立煮，所以無太大問題。但本人點左魚頭粉，最後老婆上左碗面食哂之後先上我個碗，速度上有待進步。食物方面，三鮮粉唔錯，湯有肉味和同鮮味，豬雜不過不失。但豬血係無味果種，同豬腸太韌。魚頭粉非常失望，見到三鮮粉係做有豬肉鮮味，本身期待魚頭粉湯底會鮮甜，但上到黎湯底只食到普通清湯味道，毫無魚鮮味，我估係魚頭分開煮再放入面中。魚頭份量正常有半個魚頭，無突別調味，普通。最後店舖係用較幼身既米線，本身我見佢每碗煮面質應該有保證，但兩碗一樣面質過腍，唔合格。價錢旺角黎講都算ok，但可惜既係菜品有進步空間，我食完會諗點解店名叫魚粉反而做唔好，明明三鮮粉既湯底係做得唔錯，點解魚頭粉既湯底咁差，可惜。。。。。

[ 郴州魚粉 ]香港主流食雲南及四川米線，中意食米線或者想試新嘢可以去旺角女人街呢間正宗湖南郴州米線。郴州(郴，讀音: 心)位於湖南省東南部，以魚粉聞名。呢間米線店用嘅湖南麵條🍜比平時食嘅米線幼身，粗度介乎米粉和米線之間，口感嫩滑彈牙，掛湯效果都不錯。湯底方面餐廳用新鮮鯇魚🐟熬湯，再係魚湯加入不同辣椒🌶️製作兩款米線湯底，湯底有BB辣、小辣至特辣7種辣度選擇。✿ 棲鳳渡魚粉 $55 🐟郴州傳統魚粉，將「五爪朝天紅辣椒」加入魚湯底，湯底偏紅色🥵，食得辣嘅朋友可以一試。✿ 招牌魚頭粉 $75 🐟另一款湯底係湖南泡椒魚湯，湯底呈奶白色，唔會煮出紅油，望落清淡其實唔惹小，湖南泡椒令到魚湯底香辣又嗆。配料有鯇魚魚頭及鯇魚魚腩，魚肉好鮮好嫩滑。✿ 三鮮粉 $55 🐷湯底同樣係湖南泡椒魚湯，但配料就由鯇魚改成豬肉、粉腸、豬潤及豬紅，份量都幾多。總結🫦 湖南正宗口味會偏辣🌶️🥵，BB辣對新手嚟講辣度啱啱好。旺角店做緊新開業優惠，叫任何款式粉麵免費🆓送炸雞蛋或飲品，而且免費加麵底。炸雞蛋🔥🥚表面香脆，內裡係流心蛋黃，食落相當香口。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿郴州魚粉地址：旺角通菜街2

之前喺《香港米線關注組》見有谷友介紹太子嗰間「郴州魚粉」，已經好想一試，今日嚟旺角做嘢，發現原來通菜街都有分店，當然唔可以錯過〜〜據知郴州位於湖南省東南部，鄰近昭關，以魚粉聞名。餐牌選項非常豐富，除咗主打嘅招牌魚頭粉外，仲有棲鳳渡魚粉、三鮮粉、酸辣粉同特別版 8 寶粉等等。點咗魚腩粉 ($68)、特色肥牛粉 ($70)、醉雞翼 ($25) 同 2 罐可樂 ($10@)。雞翼大大隻，好有肉地，食落酒味夠濃又唔會苦，作為冷盤小吃相當不錯 。所有嘅米線都可以自選辣度，魚腩粉揀咗唔辣，湯底味道好鮮甜，入口帶陣陣胡椒香。魚腩大大件，灼至剛熟，肉厚肥美，入口嫩滑細緻，鮮味十足。米線由郴州入貨，較平常見慣嘅幼身，食落超級煙韌，彈牙帶嚼勁，掛湯力極強，每一啖都能嚐到魚香。至於另一碗特色肥牛粉就揀咗BB辣，湯底辣度啱啱好，微鹹帶辛，好啱我呢挺食辣初哥過下癮。肥牛份量都幾多，口感爽滑，肉質柔軟，食落牛味好香濃。另外仲加咗 2 隻炸蛋 (+$8@)  雞蛋炸至金黃色，外圍酥香帶脆，蛋黃半熟流心，浸潤魚湯後，別具滋味！

全港特色湖南美食「郴洲魚粉」小店，真係食過返尋味，大角咀總店經常出現大長龍，終於開設第一分店，出名食大大份既大鯇魚粉，而新分店仲增添左不同新菜式😍😍😍🐠招牌魚頭粉 $75🐡魚腩粉 $68（額外加左一份魚頭 +$10）採用大鯇魚既魚頭配上足料牛骨湯湯底，有辣唔辣🌶️個魚頭真係大到隻碗岩岩好放得落🤣🤣魚既肉質嫩滑，連魚頭都好多肉，亦都唔會有魚鯹味道，份量又多，厚切魚腩都起碼有5舊，絕對係真材實料另外佢既粉條好特別，口感介乎米線同檬粉既質地，幾好味😋😋如果唔食魚既都有其他特色既粉，酸辣粉、三鮮粉、泡椒新鮮牛肉粉等😉😉第一分店📍 郴州魚粉 (旺角)🗺️ 旺角通菜街2A-2P號鴻光大廈地下L號舖總店📍 郴州魚粉 (太子)🗺️ 太子界限街23號地下B號舖

2018年係太子工作無意間見到 郴州魚粉 做為湖南人有種特別的親切感，工作完後走進去試試的心態，點知一入門就見到一位同事係裡面食粉，傾談中得知佢都係湖南人，而且經常專程過來食粉，真正的家鄉味道聽到都開心😁當一碗魚頭粉上台後見到好大個魚頭 魚頭鮮 嫩滑而不腥 米缐 爽身香滑 湯底清甜 一食難忘 👍🏻👍🏻👍🏻由於餐餐在外食的我自此後就多了個好去處，唔知唔覺一食就5年多了，幾十年來未試過呢5年食嘅魚頭多，真係食唔厭，魚頭係我的首選，健康有益😋但趕時間就不能選擇魚頭了 近期旺角新鋪推出的8寶粉滿足了我速食嘅時間問題，不用多想樣樣齊食物種類豐富正👍🏻👍🏻👍🏻

郴州魚粉是湖南省遠近聞名的特色美食👅郴州（廣東話讀ꜱᴀᴍ ᴄʜᴏᴡ，普通話讀 ᴄʜᴇɴ ᴢʜᴏᴜ）是林邑之城，物產豐富、山水美麗、人傑地靈意思😍⋄🍲以鰱魚與辣椒熬湯，魚肉或魚頭作配料，佐以米線來吃，集鮮辣於一身😝😝為準備魚湯，店主每天從北河街街市買來數十斤大鯇魚🐟，魚頭、魚肉、魚腩用來灼；魚骨則做湯膽，加豬骨、薑片、芹菜等熬3小時，加辣椒🌶️香辣鮮甜👍🏻👏🏻⋄⋄====—====—====—====—✦ 小食 ✦🫛酸豆角（$10）🐷五花腩炒蘿蔔乾（$15）2款小食均是湖南特產，是店家每日新鮮製作，酸豆角和五花腩炒蘿蔔乾淨香辣惹味，配以粉條吃更添滋味👅⋄✦ 招牌 ✦🐟招牌魚腩粉（$68）淡淡魚肉的魚腩粉份量頗多，爽口骨少，嫩滑無比，湯底純正，味道鮮味，味甘性平，健脾補氣，是港人喜愛的口味😋這裡的粉也是招牌，由湖南直送過來，口感較一般米線更加嫩滑，愈吃愈滋味😍還可免費加粉，浸在鮮甜的魚湯上份外滋味😛 ⋄✦ 剁椒魚頭 ✦🌶️🐠剁椒魚頭一人套餐（$108）套餐配汽水、粉或飯（🍼豆漿加$5）人氣熱銷之一的剁椒魚頭也是店內招牌，老闆首先將魚頭調味醃製後，待入味後才蒸熟，及後再加蔥油蒜等爆香，吃上來非常

發現新大陸😆做野附近原來有間好好食嘅粉面餐廳 來到附近個間湖南郴州特色魚粉和小菜 碟碟非常之足料 店主仲好細心同我地逐個介紹😊價錢都好親民 📌招牌魚頭粉 BB辣超大個魚頭同埋好有肉😋抵食！份量十足👏👏仲可以免費加粉🤣啲米粉好特別係好幼、分明 📌泡椒雞翼 3隻冷盤唔算太辣😆幾好食📌特別版8寶粉 吾辣想揀所有材料都食晒嘅朋友啱晒👍😊又或者只啱選擇困難嘅朋友 同時就想食魚又想食肥牛/豬雜🤣呢個就有齊晒炸蛋📌秋葵豐富水溶性纖維😋👍好食飲品📌豆漿🏷️郴州魚粉（旺角）📍旺角通菜街2A-2P號鴻光大廈地下L號舖7#油麻地#旺角#魚粉#郴州魚粉

第一次食呢間 試咗魚腩粉 都幾多魚因為屋企人係湖南人所以試吓味道好正宗 好似返咗鄉下咁 碗粉望落去平平無奇 食落去鮮味好足份量都好足 一個男人食完全夠飽 仲可以免費加粉配埋炸蛋簡直絕配