影片
更多
2024-04-10
148 瀏覽
之前喺《香港米線關注組》見有谷友介紹太子嗰間「郴州魚粉」，已經好想一試，今日嚟旺角做嘢，發現原來通菜街都有分店，當然唔可以錯過〜〜據知郴州位於湖南省東南部，鄰近昭關，以魚粉聞名。餐牌選項非常豐富，除咗主打嘅招牌魚頭粉外，仲有棲鳳渡魚粉、三鮮粉、酸辣粉同特別版 8 寶粉等等。點咗魚腩粉 ($68)、特色肥牛粉 ($70)、醉雞翼 ($25) 同 2 罐可樂 ($10@)。雞翼大大隻，好有肉地，食落酒味夠濃又唔會苦，作為冷盤小吃相當不錯 。所有嘅米線都可以自選辣度，魚腩粉揀咗唔辣，湯底味道好鮮甜，入口帶陣陣胡椒香。魚腩大大件，灼至剛熟，肉厚肥美，入口嫩滑細緻，鮮味十足。米線由郴州入貨，較平常見慣嘅幼身，食落超級煙韌，彈牙帶嚼勁，掛湯力極強，每一啖都能嚐到魚香。至於另一碗特色肥牛粉就揀咗BB辣，湯底辣度啱啱好，微鹹帶辛，好啱我呢挺食辣初哥過下癮。肥牛份量都幾多，口感爽滑，肉質柔軟，食落牛味好香濃。另外仲加咗 2 隻炸蛋 (+$8@) 雞蛋炸至金黃色，外圍酥香帶脆，蛋黃半熟流心，浸潤魚湯後，別具滋味！
之前喺《香港米線關注組》見有谷友介紹太子嗰間「郴州魚粉」，已經好想一試，今日嚟旺角做嘢，發現原來通菜街都有分店，當然唔可以錯過〜〜
據知郴州位於湖南省東南部，鄰近昭關，以魚粉聞名。餐牌選項非常豐富，除咗主打嘅招牌魚頭粉外，仲有棲鳳渡魚粉、三鮮粉、酸辣粉同特別版 8 寶粉等等。
點咗魚腩粉 ($68)、特色肥牛粉 ($70)、醉雞翼 ($25) 同 2 罐可樂 ($10@)。雞翼大大隻，好有肉地，食落酒味夠濃又唔會苦，作為冷盤小吃相當不錯 。
所有嘅米線都可以自選辣度，魚腩粉揀咗唔辣，湯底味道好鮮甜，入口帶陣陣胡椒香。魚腩大大件，灼至剛熟，肉厚肥美，入口嫩滑細緻，鮮味十足。
米線由郴州入貨，較平常見慣嘅幼身，食落超級煙韌，彈牙帶嚼勁，掛湯力極強，每一啖都能嚐到魚香。
至於另一碗特色肥牛粉就揀咗BB辣，湯底辣度啱啱好，微鹹帶辛，好啱我呢挺食辣初哥過下癮。肥牛份量都幾多，口感爽滑，肉質柔軟，食落牛味好香濃。
另外仲加咗 2 隻炸蛋 (+$8@) 雞蛋炸至金黃色，外圍酥香帶脆，蛋黃半熟流心，浸潤魚湯後，別具滋味！
張貼
