農

營業中

休息中

正宗龍家的菜，原來喺科學園有一間，佢的點心成為全場人氣賣點，好多點心都好精緻，好得意啊，望到點心真好想全部都叫晒返嚟食🤭今晚我去左食晚餐，有一系列必食的菜，比如主打BB乳鴿，古老溶岩， 火燒菠蘿炒飯，蠔仔煎蛋，酒香牛脷，尤其是火燒菠蘿炒飯真係好有特色，好好味，此餐廳也有很多特式的粵菜，火焰叉燒，公仔點心，仲有一啲水果型的點心，帶小朋友去一定好吸引佢哋食，餐廳還有室外的座位，適合攜帶寵物，位置舒適好好坐，仲有免費泊車，總括呢間餐廳俾到我有驚喜嘅農家的菜。 食咗咁多嘢埋單都係五百幾蚊，我個人覺得好抵食，也值得推薦大家去試吓呀！

上星期五放工同朋友入去科學園散下心食下嘢。離開一下市區，去一去空間寬闊嘅地方，真係可以令人放鬆心情😚我同朋友揀咗間中菜，點咗個套餐十道菜真係超抵食😆小食雙拼 (花雕雞卷 & 慢煮鮑魚)————————————小食可以揀2款，實在太好🥹雞卷好好食呀！好香花雕味之餘唔會有酒苦，啖啖肉冇骨好好味。小食連鮑魚都有得揀，冇得輸喇！乳鴿————————————好大隻，外皮好香，肉唔柴，正！點心 (盤滿缽滿)————————————咁靚嘅點心，包括咗黑金蟹粉小籠包、幻彩帶子餃、鮑羅萬有野菌餃、春花上素餃、蝶豆花鮮蝦松露餃同飽汁遼參餃。啱晒打卡🤳🏻火雲叉燒————————————一上菜就點火🔥蜜汁更惹味。燉湯 (氣鍋雞)————————————用茶壺茶杯飲湯都係第一次，個湯勁正！好香椰子雞味，燉成奶白色好入味，仲好足料！卜卜蟶子 (辣)————————————用火爐上菜，保持食物温度。田園炒花青苗 (XO醬)————————————好少食到嘅蔬菜，應該得好少餐廳有。帶點爽口，有鑊氣，細細條，不知不覺食晒，好食！烈焰菠蘿炒飯🍍————————————一上菜點火，成個菠蘿著火🔥好震撼🔥BB雞 (流沙奶皇)

位於沙田香港科學園< 𝐅𝐚𝐫𝐦 𝐑𝐞𝐬𝐭𝐚𝐮𝐫𝐚𝐧𝐭 >, 一間新派農家菜餐廳, 主打多款精緻菜式, 設有室外及室內座位, 環境亦舒適。小食雙拼:慢煮鮑魚 $⁸⁸以花雕酒浸泡兩隻新鮮鮑魚, 再放涼冰鎮, 質感爽口彈牙, 帶有酒香味道。口水彈蛋 $⁴⁸放入海量鵪鶉蛋, 重辣椒香。堂食優惠:爆汁乳鴿 $³⁶選採自家農場十四天日穀飼乳鴿, 肉質鮮嫩, 銷緊啖啖肉汁。燉湯:氣鍋雞 $⁷⁸以紫砂茶壺盛裝, 再將燉湯倒進小茶杯, 帶有濃厚椰子雞香味道, 超級好喝呢。主菜:盤滿缽滿 $¹³⁸放有六款精緻餃子, 包括黑金蟹粉小籠包、幻彩帶子餃、鮑羅萬有野菌餃、春花上素餃、蝶豆花鮮蝦松露餃及鮑汁遼參餃, 每款各有特色。火雲叉燒 $²³⁸採用西班牙伊比利亞黑毛豬, 店員即席點火燃起火焰, 叉燒帶點焦香, 肥瘦亦適中。南瓜素盒 $⁸⁸南瓜放有滿滿素菜, 素食者必吃。漁公火箭桶 $⁸⁸魷魚以竹籤穿起, 將其插在漁籃上, 配搭香辣調味🙂飯料:烈焰菠蘿炒飯 $¹²⁸原個菠蘿盛裝瑤柱菠蘿蛋白炒飯, 即席散酒點火, 用料新鮮, 鑊氣十足。甜品:牛榛仔 $⁴⁹以可愛牛仔造型登場, 蒸包放滿榛子朱古力流心

聽朋友講科學園冇好西食但今次去覓食有都係好嘅體驗可能因為好耐冇喺街食中菜嘅關係喺科學園食到咁精緻嘅小菜尤其驚喜🤤就揀幾道小菜介紹下🥩火雲叉燒叉燒半肥瘦 而且有啲適量脆口焦香既燶邊嚟到嘅時候店員再點火 影完相 叉燒仲保持到溫度但可能我影左太耐相 有啲部份擺耐左就韌左大家記得即燒即食🫡🥟盤滿缽滿係賣相精緻既點心最鍾意個兩粒係松露餃同蟹粉小籠包呢個點心小拼盤十分特別🦪慢煮醉鮑兩隻大鮑魚 淡淡既酒味同鮑魚都好夾🍲氣鍋雞以茶具上碟既雞湯 保溫一流 又可以打卡雞湯味道濃郁而且有我鍾意既椰子肉🍍烈焰波蘿炒飯（瑤柱菠蘿蛋白炒飯)同樣係會著火既菜式 叉燒著火喺其他地方好似常見啲但菠蘿著火我就真係第一次見而且炒飯都好多勺飯嘅時候可以拮下啲菠蘿肉等啲飯再滲多啲菠蘿嘅甜味🍍🐮牛榛仔2件(榛子朱古力流心)可愛既公仔造型包點 朱古力流心都係中菜較少見

一直很喜歡科學園的環境，對住左馬鞍山的我尚算方便，這天來到科學園，發現這間人氣特色中菜《農》，餐廳於湖畔旁邊環境清幽有格調，有室內室外位置，坐得舒適食物質素又高👏🏻👏🏻蒜蓉香辣鳳爪：蒜香味很濃，帶點微辣，鳳爪為無骨鳳爪方便食用👍🏻慢煮鮑魚：慢煮鮑魚有好香濃的酒味，比一般炆鮑魚更有爽脆口感乳鴿 ：熱辣辣即叫即炸，皮脆肉嫩又夠juicy😋有手套提供方便食用超貼心氣鍋雞：燉湯放在茶壺裡面，燉湯很足料，有多塊椰子🥥和雞件，椰子味超香濃，湯底香甜，喝完還覺得不夠呢🤤🤤土炮雪茄：將蝦春卷做成雪茄的樣子，超吸睛；春卷炸得香脆可口農場燒鵝：燒鵝皮脆肉嫩，肉味香濃又有超多肉汁，正漁公火箭桶：熱辣辣燒起，上枱時好多煙噴出來，視覺效果一流🤩魷魚有點辣好香口好好吃南瓜素盒：好精緻的一道菜，將原個南瓜挖空再放野菌粒進去，野菌炒得好香很美味，超贊😋烈焰菠蘿炒飯：職員上枱時向菠蘿點火，烈焰菠蘿的視覺效果震撼好美，裡面的菠蘿蛋白炒飯，飯粒炒得乾身配上菠蘿粒超棒😋貓山王榴槤：將貓山王榴槤做成榴槤造型，十分吸睛，榴槤味超濃郁，口感軟滑，榴槤控必點👍🏻👍🏻椰香拉絲：椰絲脆餅，脆餅夠薄脆，加上椰絲好香口🥥冷泡茶：這次點了白桃

前排去到沙田科學園參加比賽活動，之後順便行吓科學園，夜晚搵咗間餐廳食。主打摩登農家菜《農Farm Restaurant 》將一些農家菜煮成一系列新穎有創意款式，好精緻好特別同造型有驚喜～🔮爆汁乳鴿唔係講笑，真係爆汁，皮脆肉嫩，鮮香入味～🔮慢煮醉鮑爽口不死實，肉質彈牙，食到酒味同話梅嘅香味，輕微刺激到味蕾～🔮盤滿缽滿六款唔同種類精緻點心，真係好吸睛😍分別是黑金蟹粉小籠包幻彩帶子餃、鮑羅萬有野菌餃、春花上素餃、蝶豆花鮮蝦松露餃、鮑汁遼參餃，全部都好好食😋🔮烈焰菠蘿炒飯有搶眼視覺效果，以原隻菠蘿盛載炒飯，上枱時會即場淋酒點火，香氣十足～🔮南瓜素盒配上素菜嘅南瓜，好清新好食～🔮鹽焗聖子聖子好新鮮，味道鹹鮮帶一點甜～🔮松露懶人雞結合東西方養生食材精華，松露香氣濃郁，口感細膩～🔮肉骨茶用壺上幾特別，豬骨味濃郁，藥材味不太重，入口鮮辣，好飲~🔮花雕雞卷唔太覺有花雕味，同雞鞋口咗些～🔮貓山王榴槤榴槤造型勁可愛😍好逼真，榴槤香氣四溢，口感Q彈～

Happy Friday又再來到沙田科學園，人工河岸在燈光的照射下，波光粼粼，帶著我們遠離城市的喧囂，今次就來到主打農家菜的中菜小館「農」。農家菜在港買少見少，乃農村人家以傳統方法養飼的家禽及蔬菜為原材料的菜式，講求的是忠於食材原味，餐廳於新界沙頭角自擁農田農場，所用的蔬菜甚至招牌乳鴿都是自家出產，貫徹其農家菜特色。餐廳分為室內室外用餐區，內裡樓底夠高，裝潢散發東方韻味而不落俗套。室外環境更開揚，享受微風撲面，飽覽園内人工湖清幽美景，入黑後更添醉人情調。茶錢為 $10/位，玄米茶的清澈茶色夾雜炒過的米香。花雕雞卷花雕酒是這道菜的靈魂，淡雅微醺的酒香縈繞喉舌，充滿了深度和韻味，挑起舌頭的慾望。酒味的醇厚與雞肉的鮮嫩相結合，非常入味，味道清爽，令胃口為之一醒，替這場豐盛的晚餐揭開序幕。慢煮醉鮑原隻鮑魚鼓壯飽滿，以花雕酒浸泡再放涼冰鎮，口感緊緻，飄來陣陣醇香酒味刺激味蕾。鮑魚經過長時間的慢煮處理，冰鎮後肉質變得更加彈嫩，封存海中鮮味。爆汁乳鴿 乳鴿是這裡的招牌菜，堂食可享優惠價每隻$36，指定用自家農場出產的穀飼BB鴿，羶味更少，外皮泛着閃閃的油光。經過滷煮再油炸的乳鴿皮脆肉滑，用手撕開，肉

本身去科學園聽講座好擔心喺附近無啖好食迷迷糊糊嘅情況吓決定試吓呢間「農」肉骨茶真係好少接觸 好耐未飲過嘅嘢所以果斷叫咗😂特別在佢以茶壺送上胡椒味濃 喚醒味覺 之後到乳鴿！肉質食得出應有嘅嫩感 但對食肉獸嘅我嚟講都係無夠喉咁🙈差唔多食埋隻雞翼尖就上咗慢煮鮑魚！大小大概有大人手掌嘅一半，上菜時用冰鎮住。食落有咬勁而唔韌至於花雕雞卷 明顯聞到有花雕酒味 食落有種甜甜香香嘅味道 唔太接受到太濃烈嘅我都覺得幾易入口 有陣清幽嘅酒味 啲汁淋上去杞子度吸收得幾好再嚟農場燒鵝⋯友人係咁讚不絕口，離開咗都仲話回味緊😂簡單嚟講就係齒頰留香，鵝皮脆，肉質滑又多肉食。每次一咬落去就湧出燒鵝嘅香油沾滿口腔。烈焰菠蘿炒飯睇住店員幫手點火燒著 菠蘿嘅外皮有啲變咗桃紅色嘅感覺。菠蘿入面的確多果肉—一食就知真材實料，唔係人造糖味。盤滿砵滿 估唔到啲外型設計幾有心思。有個好似海參咗。蝦餃賣相吸引 好香蝦味！爽身！蟹粉小籠包 唔易穿底 一咬啲汁就湧出嚟再加上蟹粉另一口感嘅層次調劑一下有個幻彩帶子餃 帶子加魚子嘅點心都頗有驚喜鹽焗聖子重海水味掩蓋腥味 絕對條條長過手指唔會一煮就縮水。蔬菜方面有田園炒花青苗（XO醬）少少辣味無

呢間餐廳有室內室外，係水邊，感覺好舒服！食物質素都好好乳鴿好入味好juicy點心做型好可愛，最估唔到係牛仔做型既包係流心朱奶，有驚喜！最後我地叫左個菠蘿炒飯，佢會原個菠蘿上，上枱後係菠蘿外面燒一燒，連裏面啲菠蘿肉都好甜，好好味！

今晚約咗閨蜜去科學園睇日落傾偈食晚飯，睇完日落突然間好想飲返杯冷泡茶chill吓。爆汁乳鴿外皮香脆，肉質嫩滑 ，調味岩岩好慢煮醉鮑(2隻）大大隻鮑魚，有少少酒香，鮑魚入口彈牙松露懶人雞（半隻）松露香濃，雞肉嫩滑，去哂骨啖啖肉，果然是懶人雞。盤滿鉢滿點心精緻、色彩繽紛、點心皮薄而且用料十足，口感豐富。農仔荷葉飯份量十足，飯滲透哂荷葉香味，所以好好味。總括而言：食物性價比高份量十足，餐廳有室內和室外座位，環境舒適，冷泡茶入口清新舒服。

朋友响東鐵大學站返工，知道我在附近做物理治療，就帶我去科學園食好嘢，餐廳位於湖邊環境優美。既然係朋友帶我嚟梗係等佢介紹啦，首先嚟個好好意頭嘅點心拼盤，盤滿缽滿$138裏面嘅點心好吸睛，無論顏色造型都好別緻。第一個係好靚嘅紫色配金色，原來係爽口又鮮味嘅蝦餃，配上金箔非常高貴。另一個海參造型嘅點心，餡料口感爽脆又幾好食喎。另一個係好似黑金小籠包咬開滿滿嘅蟹粉肉汁，充斥口腔，正！慢煮醉鮑魚兩隻$88跟住嚟一個慢煮醉鮑魚，有好香嘅酒味，咬落彈牙兼爽脆，非常好味！農場燒鵝例牌$168燒鵝皮脆肉嫩有肉汁。卜卜蟶子(辣)$98生蟶子放在煲仔內，睇住附帶嘅沙漏漏完就食得嚕。爆汁乳鴿$36/隻 (堂食優惠)皮香肉滑又夠味。花雕雞卷啖啖肉汽鍋雞$78椰子雞湯用紫砂茶壺裝住，椰子味香氣撲鼻，湯水又養顏，不知不覺飲咗幾杯。米水薯苗係高纖蔬菜，配埋杞子同枝竹，健康又美味。農仔荷葉飯$98食咗多嘢已經食唔到，試咗一啖，荷香滿滿，飯粒濕潤又入味。雖然已經飽飽，甜品誘惑擋不住，造型精緻嘅貓山王榴槤，榴槤香氣充斥，口感彈滑。牛榛仔(榛子朱古力流心) $49白桃烏龍$28桃味濃郁，茶味清新，最啱飯後消弭。桂花烏龍$28 

每次踩單車經過科學園都覺得呢邊的餐廳好靚好舒服，難得今日白色情人節就一齊去食餐好嘅放慢節奏好好享受一下!!平日午餐時間唔算太多人，不過都坐滿晒，佢有室內同戶外用餐位置，我地就揀左係室外食，因為今日涼涼地又有陽光好舒服。食物方面，我地叫左隻乳鴿Share,乳鴿香口而且燒得好好味~~當中我地覺得最好味的係慢煮鮑魚，鮑魚大大隻好新鮮又有口感，盤滿缽滿! 一盤有6隻唔同口味的餃每隻味道獨特而且色香味俱! 睇返相都令人回味😹最後我地食唔晒個荷葉飯打包咗返屋企，晚餐整返熱嚟食重好好味而且好足料👍🏻最後甜品值得一讚的係柚子花精凍，咬落去粒粒柚子肉好清甜 ～

科學園越來越多食店，朋友介紹這間人氣星級粵菜，可以嘆住靚景食中菜。烈焰菠蘿炒飯點火後視覺效果滿分，好適合打卡，瑤柱蛋白炒飯完美地吸收菠蘿的甜味。火雲叉燒點火後有淡淡的玫瑰露酒香味，叉燒燒過後有一點點焦邊，半肥瘦好味。乳鴿肉淋身又多肉汁，加上香脆外皮，好滋味小食：慢煮鮑魚口感好彈牙，煙煙韌韌口水彈蛋(鵪鶉蛋)又麻又辣氣鍋雞燉湯以茶壺盛載，創意加分椰香味濃，香甜潤喉。土炮 雪茄食雪茄咁有型？原來係蒜蓉蝦春卷，造型神似，附有可可粉扮煙灰鹽焗聖子最食到食材原味，聖子肥美肉厚。米水薯苗 香甜貓山王榴槤造型可愛，榴槤味非常濃郁，榴槤迷要試！牛榛仔(朱古力流心)造型好可愛，一拉開，朱古力流心爆滿。冷泡茶揀了白桃烏龍和桂花烏龍，茶味清香解膩，這裡招呼周到，下次可以再來~

原來科學園都有好多餐廳，今晚朋友帶咗我去農Farm restaurant 食飯叫咗啲小食醒吓個胃先蒜蓉香辣鳳爪鳯爪去哂骨配埋蒜蓉香辣好惹味😋慢煮醉鮑好入味鮑魚大隻肉質又爽爆汁乳鴿新鮮炸起咬落去真係爆哂汁乳鴿肉質鮮嫩多汁😋😋😋盤滿缽滿有幾款唔同既餃同小籠飽-黑金蟹粉小籠包-幻彩帶子餃-鮑羅萬有野菌餃-春花上素餃-蝶豆花鮮蝦松露餃-鮑汁遼參餃全部都新鮮好味😋我最愛鮑汁遼參餃好特別我第一次食😋燉湯氣鍋雞好得意用個茶壺燉湯原來係椰子雞湯鮮甜既雞味又有椰子既清香。漁公火箭桶香噴噴熱辣辣燒起有少少辣但好好食😋南瓜素盒用咗南瓜裝住啲野菌粒炒到好香口好味喎。農場燒鵝皮脆肉嫩食落啖啖肉烈焰波蘿炒飯原個菠蘿火焰燒住上我見到都嘩咗一聲真係好有驚喜😆打開菠蘿原來係瑤柱菠蘿蛋白炒飯炒飯炒到粒粒分明又乾身配埋啲瑤柱菠蘿真係好好味😋😋😋貓山王榴槤好香榴槤味食落仲有榴槤肉😋BB雞係流沙奶皇飽細細個岩岩好熱辣辣特別好食。仲叫咗兩支冷泡茶飲白桃同桂花烏龍。