農

今個星期六朝頭早去咗呢間嘢，本身諗住飲茶應該會有好多點心入到去發現蒸包淨係得雞仔奶黃包得蝦餃燒賣其他點心都冇淨係得乳鴿燒鵝燒雞同埋其他小菜。我個仔同埋我都係想飲茶一盅兩件，依家同佢食中菜有咩分別？我哋諗住找但係個仔又點咗兩個第二點心，我畀咗錢拎咗外賣手就去咗另外科學園另外一間飲茶呢間嘢我勸大家唔好去如果你想食小菜就冇問題啦！唔怪得，成12：30入到去得兩張枱，失敗嘅原因係有理由㗎，以前都做得幾好又有朱古力包，又好多點心。依家真係好差…查看更多

好食，一家大細都啱，新菜啱晒夏天食，坐位夠，人多都唔怕，坐近水池邊，夠晒涼快，又近金旦位，上次來剛好有活動，唔駛怕啲細路冇地方放電，隔離枱隻狗好得意，以後都可以成日嚟睇狗兼食好嘢。…查看更多

今次係第三次幫襯，好明顯廚房同樓面都轉晒人，食物質素斷崖式下降，包括招牌乳鴿，而家送俾我都唔想食，明知自己係開放式廚房，啲師傅又唔帶手套，衛生方面已經有問題，樓面員工服務又係，個個都木口木面，舉手叫又睇唔到，D員工顧住自己食嘢背住啲客，兩個着住便服應該係店長嘅女人喺我隔籬講嘢大大聲，我過嚟用餐唔想聽到你哋啲私事囉，個場一浸臭味，但係個餐牌又不斷加價，年頭去過一次都好地地，我都唔知個老細諗乜，應該都係咁上下，反正就沒有下次，絕對失望！！真係一粒星都唔想比…查看更多

父親節嘅時候，我哋一家人去咗位於香港科學園嘅「農」餐廳慶祝。呢間餐廳環境優雅，裝修簡約大方，畀人一種舒適嘅感覺。我哋點咗好多菜式，包括田園炒花青苗、金箔棗紅糕、南瓜角、古路熔岩、烈焰菠蘿炒飯、木桶豉油雞、手抓餅、蒜爽豬手、羅拔仔同埋爆汁乳鴿。每一道菜都令人驚喜。首先，田園炒花青苗嘅口感鮮嫩，顏色翠綠，好有田園風味。金箔棗紅糕則係甜而不膩，金箔嘅點綴更添奢華感。南瓜角外皮酥脆，內餡香甜，好適合做開胃小食。古路熔岩醬爆墨魚嘴烈焰菠蘿炒飯則係一道主菜，菠蘿嘅酸甜同炒飯嘅鹹香完美結合，令人回味無窮。木桶豉油雞則係一道傳統粵菜，雞肉鮮嫩多汁，豉油嘅香味令人垂涎三尺。手抓餅則係一道北方特色小吃，餅皮酥脆，內餡豐富，好有飽腹感。蒜爽豬手則係一道下酒菜，豬手燉得入味，蒜香撲鼻，好開胃。羅拔仔則係一道海鮮菜式，蝦肉鮮美，醬汁濃鬱，好有口感。最後，爆汁乳鴿則係一道招牌菜，乳鴿皮脆肉嫩，汁水豐富，令人一試難忘。總括嚟講，「農」餐廳嘅食物質素非常高，每道菜都有佢獨特嘅風味同特色。而且，服務態度都好好，令人感到賓至如歸。如果你鍾意食中餐，又想試下新口味，咁「農」餐廳絕對係一個唔錯嘅選擇。…查看更多

今日我哋嚟到白石角同狗狗散吓步，行到咁上下就揀咗呢間「農」食lunch。
餐廳嘅戶外座位區係寵物友善，狗狗可以自由落地，亦可以上梳化或凳坐。每張枱都有太陽遮，兩側仲有大風機不停送風，即使中午都唔會覺得焗促或太熱。先講講最吸睛嘅主菜 —— 菠蘿炒飯。成個新鮮菠蘿挖空再做碗，賣相打卡一流。炒飯炒得夠乾身，飯粒粒粒分明，入面有蝦仁、腰果同啲新鮮菠蘿肉，味道鹹中帶甜，酸香開胃，食落去豐富而不單調。至於肉類，我哋嗌咗蜜汁叉燒，真係幾有驚喜！色澤紅潤油亮，表面微焦帶香，咬落去外脆內嫩。肉質保持嫩滑，肉汁鎖得住，醬汁甜鹹適中，完全唔會搶味，反而令叉燒本身嘅香氣更加突出，每啖都好有滿足感。小食方面點咗兩款：炸春卷外皮金黃酥脆，一咬就碎，內餡蔬菜鮮香唔油膩；炸墨角嘴就真係超出預期，每粒都大大粒，炸漿夠薄，外脆內嫩，面頭灑咗炸蒜同蔥花，咬落去有啲香脆同軟滑嘅對比，口感非常討好。整體而言，呢度不但有心水推介嘅菜式，環境又舒服自在，特別適合帶埋毛孩一齊過個輕鬆嘅下午，值得回訪。#香港美食 #寵物友善餐廳…查看更多

以前入科學園都會黎哩間野食下飯，因為啲食物都有小小創意！今日再黎簡直係面目全非，叫左個菠蘿炒飯講真100幾蚊個炒飯都唔算平，炒到又鹹又酸.之前隻乳鴿都幾好食，今次都再叫點知完全唔同晒味又黑.又腥！都唔知係咪換左師傅！再黎個蝦餃又細粒啲蝦又成陣味一聞就知唔新鮮！幾十蚊籠點心都係咁既出品！都唔知係咪預製菜黎！然後啲服務員個個好似係到遊魂咁，揮晒手都冇人睇到！話晒都收加一茶錢吖！咁既服務態度點做吖！以後一定唔會再黎！…查看更多

我來到農餐廳看到很多食物，很多選擇可以選，態度服務十分之好點心十分之美味。飲品都好多選擇。甜品啲樣好得意。啲叉燒都好好食，叉燒好腍啲雞都好好食好多汁同好好食。我覺得啲乳鴿真係好好食好多汁同埋好豐富。食嘢嘅環境都好好，10分滿足。下次一定會返嚟食。…查看更多

兩個月前黎食，食物質素是可以的。但今日再黎食無叉燒，燒賣都退步左好好好多，一定轉左廚房師傅，最離譜係一咬粒蝦餃-有酸味，吐都吐唔切，即刻話俾店員聽有酸味，個店員死口話冇可能，根本唔想處理，我再叫佢可以聞一聞就聞到，佢先死死氣拎左去俾個亞頭，亞頭聞完即刻同廚房講有問題！但店員過嚟不但一句唔好意思都冇，仲好敷衍話（咁取消囉）完全趕客態度！客人已經唔係多，仲要咁嘅態度😡呢次之後一定列黑名單（不論食物質素，以及員工態度）…查看更多

黎到科学園, 好靓食肆, 以為呢间是有質素的餐厅, 會同一般餐厅唔同. 但试過之后, 食物同一般茶樓冇分别, 而且冇服務, 態度差, 不會再幫襯.又要等位 又冇質素 隔離仲有好多選擇 又唔係平 不會再考虑.…查看更多

好失望😞食物質素好差⋯⋯浪費了美好環境的餐廳….差評100豬油撈飯沒有豬油香，飯好硬雞仔奶黃包個包好硬，沒有奶黃香味其他點心唔知食咩落肚沒有下次再幫襯，唔會介紹比身邊朋友…查看更多

踏入「農」餐廳，美食體驗超驚喜！烈焰菠蘿炒飯，煙火氣中菠蘿清甜與米飯香交織，口感豐富。拉絲啤梨創意十足，甜蜜拉絲超有趣。柚子花精凍清新爽口，滿是自然芬芳。土炮雪茄造型吸睛，口味獨特。…查看更多

今日嚟到科學園，想試吓造型點心，就嚟咗呢度食午飯。一入到嚟，會俾茶水。餐具有埋濕紙巾同手套，相當貼心。（1）🧀拉絲啤梨（芝士）🍐$48好好味👍🏻外脆內軟。配芝士餡都好唔錯👍🏻啤梨造型賣相討好。（2）🔥烈焰菠蘿炒飯（瑤柱菠蘿炒飯）🍍$128上菜時會原個菠蘿上，即場喺下面點火，燒一陣再打開菠蘿。啲飯吸咗菠蘿汁，好好味😋我見好多枱都有叫，推介😁（3）南瓜角 $48好好味👍🏻同上面（1）拉絲啤梨一樣外脆內軟，不過餡係南瓜。南瓜造型都好可愛😍（4）🐮牛榛仔（叉燒餡）$49係牛頭造型嘅叉燒包。唔係好明點解唔做返豬呢🧐味道都ok嘅，不過冇餐廳其他點心咁好味。如果唔係特別鍾意食叉燒包嘅，建議留肚食其他點心。（5）🚬土炮雪茄（蒜蓉蝦）🦐$68喺雪茄造型嘅蒜蓉蝦春卷，再加朱古力粉扮煙灰。外型可愛☺️一份有三條嘅，食咗一條先記得影。味道都好好味😋春卷好脆（6）🦐荔枝趣脆 $68喺荔枝造型嘅炸蝦丸。外賣可愛，味道都好👍🏻推介😇（7）爆汁乳鴿 （兩隻）$136可以一隻一隻叫嘅，我哋今次叫咗兩隻。乳鴿冇乜特別，同一般酒樓質素相若，都ok嘅。環境方面，餐廳喺科學園，景觀都唔錯。…查看更多

菠蘿炒飯得個樣，一般好食。其他點心仍然非常出色，d料非常足，淡淡蝦肉，好似炸雲吞同雪茄春卷等，推介。至於，煎堆入邊嘅綠茶流心，我就麻麻地，非常濃綠茶味，綠茶控應該鍾意。另外，冇晒糯米飯荷葉飯，我覺得有啲失色。…查看更多

🧧新年快樂！再訪科學園區，都係去返農飲茶🫖，因為幾間茶樓都各有參差，食物質素當然係首要條件，食物總類亦都好重要❗️感覺上款式的確靠之前減少咗選擇，希望店舖可以調整一下，咁就可以帶小狗🐶經常去幫襯😅.———————————————————————————.🥢螞蟻上樹🐜💬即係肉碎炒粉絲，上面再加啲櫻花蝦以增加口感，味道同賣相都不錯，香味撲鼻，爽口彈牙👌🏻.🥢黑毛豬叉燒🐽💬色澤鮮艷，有著炭烤嘅效果，麥芽糖嘅表層有著糖中帶香嘅味道，配上白飯感覺一流👌🏻.🥢沙薑豬手🐽💬冷盤點咗豬手，皮爽肉彈，大量香菜蒜粒秘製，非常入味而且腍滑，不錯嘅效果👌🏻…查看更多

一段時間冇嚟過農，啲嘢食質素仍然非常高。個菠蘿炒飯好有特色，以為得個樣，但個炒飯真係幾好食，粒粒分明水，又惹味。另外佢啲特色店都好正，粒類似荔枝樣既蝦，入邊啲肉好實，落足料。豬軟骨，又係好入味。整體都好好味，推介。…查看更多