起鍋 (已結業)

音樂太大聲，完全不適合聚會傾計的食店. 似disco 多過火煱店，燈光粉暗, 坐位又唔舒服。價錢略貴, 同等價錢可以有更好選擇及舒適的環境. 不會再來，有點貼錢買難受感覺😖

天氣凍🥶 自然打邊爐嘅次數就會增加 正如我其他文章提及, 港式打邊爐永遠都係我首選之一🤌🏼 重點有幾樣: 🍲 湯底可以清淡 / 濃味 / 滋補, 其次係牛肉🐃🐂 近來唔少地方都用唔同嘅牛肉做招來, 再者就係其他配料係咪手工 / 創意😎🤖👾, 最後就係唔可以缺少嘅氣氛!!氣氛嘅帶動由啤酒🍺🍻開始!! 一jar一jar上夠晒豪邁😏先黎就係湯底🍲 - 花膠螺片🐚椰子🥥雞🐤湯, 就咁睇顏色已經好對板, 同埋個面唔會有好多油👍🏼飲啖🐤湯暖下身先! 雞湯入口唔會好咸, 清得黎有淡淡嘅雞味, 飲多幾碗都唔會口渴湯固然係重點, 佢個雞🐥亦都係亮點之一!!! 嫩滑, 有雞味, 唔係比湯渣您我女朋友問我: 點解個煲入面有雞比菇? 我話: 螺片🐚黎家!! 超級厚, 同埋夠晒軟腍👍🏼🐂🐃出沒注意!! 呢到有2種唔同類型嘅牛供應 - 騸牯牛同埋潮汕牛... 2者最大嘅分別可以會係口感同埋肉味😋🤤 由於得2個人試唔到好多, 但係又想試晒😮‍💨 結果就問下佢地整唔整到個騸牯牛同埋潮汕牛雙拼拼盤🐃🐂, 結果係可以嘅! 今次有口福喇🤤 唔同部位, 唔同種類嘅牛食得出好明顯嘅分別! 雖然佢個醬料Bar係賣點, 但其實就咁

啲牛肉完全唔得…… 無論係賣相或者味道都係好普通，甚至覺得完全唔好食。點咗吊龍同牛頸脊，好鞋同硬…. 其他食物都沒有什麼特別，選擇又不多…. 湯底三百中以上，但係又冇咩特別材料…. 價錢算貴，兩個人千中但唔值。不會再去了…牛肉是打邊爐的靈魂……. 做得比這店好的有很多。要做這個價位，質素要大大提升…. 本來諗住試新嘢… 點知勁失望… 下次都係去返樓下好過…. 起碼價錢合理又幾好食….. 播放音樂太大聲…. 冷氣唔夠冬天去都有點熱….

淨係醬料都位位$40，而且侍應（定係調酒師？）服務好差，order 左飲料後會話返你轉頭，問你落order 時做唔唔講要溝啲咩？咁你個系統無比人揀嘛，鬼知咩。問佢有無推介，佢就話人人唔同，好難講要溝咩。咁我地話唔要了（差不多$120杯），佢就只係唔送上枱，但張單就只計錢。有時杯飲品漏咗，想追追單，佢就會話你order 左咩野飲？你地有無落單？我地係開住你個「下單記錄」到問你，你問返我地有無落單，仲要好差嘅態度、語氣。

先戴個頭盔去食前冇網上睇餐牌只係知非任食火鍋湯底揀左椰子花膠雞湯有半隻雞，有花膠食得亦好飲真係煲出黎既花膠湯$300尾既價錢湯底價格係可以的職員主動介紹是日靚牛後揀左個牛肉拼盤有匙柄、匙仁、吊龍、五花趾都係現時普遍專食牛邊爐有既部位但每片都切到非常薄同碎淥完其實啲牛味淡到不得了其他配菜收費都比起一般單點火鍋店貴甚至比無老鍋貴但質素同價錢未成正比最誇張係醬料都要$40/人其次係飲品可樂$28，仲要唔係一罐而係倒落杯，少過一罐（望到佢係水吧倒）泰啤一渣，倒到5細杯$19812人埋單$6000幾收費貴其實唔係重點重點係食物質素、環境等都未值到呢個價全晚M P已經係未開始打個陣既個啖湯

嚟到灣仔，趁天氣涼涼地，打個邊爐，呢間邊爐店裝修10分有特色，門口仲有啲似主題樂園咁，貪新鮮嘅我哋就入咗去試下。入到去，第一樣嘢好驚喜係，差唔多有成20種嘅汁料，仲有啲係東南亞仙遊嘅醬料，例如南薑、檸檬葉、魚露等，客人絕對可以創意大爆發。講返正題，食物方面鍋了我哋揀咗胡椒蘿蔔牛蹄筋湯，哥哥仔喺我哋面前剪牛筋放湯，唔係新鮮料到唔敢咁做，牛筋好大條好足料，一飲湯頭胡椒味好重，亦飲到牛嘅鮮甜，應該係牛骨熬成嘅湯，飲咗兩大碗先開波。呢度提供不同嘅牛部位，我哋揀咗兩款比較少有，一款叫做吊龍、另一款係池板，吊龍我哋查過係似係肉眼，所以肉質較嫩，另一款池板係前腿肉，肉質有咬口得來，但牛味亦都較重，各適其適。跟住叫咗個梅菜豬肉手打丸，梅菜肉餅食得多，手打肉丸第一次試，豬肉有肉味，梅菜亦都吊起左本身豬肉嘅鮮味，亦都係手打，所以彈牙有肉汁，食得出並唔係出邊嚟嘅貨。搞方面，我哋嗌咗香葉肉碎餃，食落惹味有肉汁，值得試吓。呢一度我哋應該會再食，食物品質不錯，最緊要係夠Chill, 兩個人又好，一班人一齊吹水又好，呢一個都係一個相當諗得過嘅聚腳點。

我地一入門口已經覺得好有feel，牆身佈置得好有特色同有萬聖節氣氛湯底我地叫左個椰子花膠螺片雞湯，湯底好足料，有好多花膠同螺片同半隻雞，店員話雞係用本地海南雞，所以啲雞特別有雞味同滑配料方面我地叫左牛頸脊，鮮准山，萵筍，手打蝦丸，沙白蜆沙白蜆份量都幾多同新鮮，牛頸脊肉質唔錯同有牛味，鮮准山，萵筍食落好爽口個煲入面本身有半隻雞都好大隻，所以我地都食到好飽醬料方面有好多配料簡好齊，可以溝到好多唔同特別既醬料😙餐廳音樂好有feel仲有酒吧台，佈置真係好有心思，去到廁所🚽打開個廁所蓋仲有印個手掌✋好有驚喜🤣🤣🤣

打邊爐最重要就係個湯底，今次呢個湯底係原條沙巴酸菜魚湯（$3️⃣6️⃣8️⃣），真係用咗新鮮沙巴魚，起晒魚肉，然後放埋魚骨落湯底一齊煲，所以好濃魚味😆，一定要食埋啲魚肉。🔆響鈴午餐肉（$1️⃣2️⃣8️⃣）呢個無論係即食定係放喺湯底食都一樣咁好食😋。佢個午餐肉用咗貴嘢🤣，響鈴皮脆卜卜，包住午餐肉食估唔到咁夾，必試呀！🔆紐西蘭蟶子王（$2️⃣3️⃣8️⃣）蟶子好大隻好新鮮😆，好啱呢個湯底，離殼就可以食！又爽口彈牙，湯底夠清，食到蟶子王本身既鮮甜味🥹，一人食多幾條都仲得。🔆炸魚腐（$8️⃣8️⃣）呢個份量特別多，又係可以即食。魚腐口感好鬆軟， 口感偏淋，好索味。🔆冬陰功墨魚丸（$1️⃣2️⃣8️⃣）本身以為佢係爆汁嗰啲🤣，但原來唔係。本身個墨魚丸已經調咗冬陰味，一咬落去就食到冬陰功嘅香料味，幾特別，丸都好彈牙。

⭐️人氣港鳥區火鍋店 - 起鍋餐廳裏面嘅裝飾好適合打卡！電梯一開已經見到好多燈籠🏮入到去裏邊仲好有香港本土風味😉背景音樂仲有唔同年代嘅廣東歌添！✨絕世混醬 $40第一次見到火鍋店有咁多種唔同嘅醬料俾人揀！青檸、香茅、魚露、金不換、泰式泰式辣椒碎甚至蝦醬都有得拎🤩✨有機蕃茄薯仔湯 $188入邊有三大嚿豬骨，湯底越滾越濃郁！仲有好多蕃茄、薯仔、紅蘿蔔、粟米架！所以湯底好清甜，仲好多配菜食添❤️✨牛雙拼盤 $398餐廳主打食騸牯牛😜正呀！我地揀咗吊龍同牛頸脊！吊龍相對地牛肉味濃～牛頸脊醫食落好滑身！一個價錢就可以食到兩種唔同口感嘅牛肉，好抵食呀！✨即炸響鈴 $88響鈴係即炸嘅！腐皮味好濃味😚精裝配料任選四款 $200✨芝士腸😎✨芝士竹輪一咬開就爆啲芝士出嚟勁過癮！✨貢丸好彈牙，好香豬肉味！正✨日式魚餅都唔錯😛✨韭菜豬肉餃 $68餃子皮好滑溜😍豬肉同韭菜嘅比例啱啱好！好推介呀！✨水雲面 $68煮咗兩三分鐘嘅水雲面，好爽口彈牙！同個湯底超級夾！食完之後超滿足呀💓📍起鍋 (灣仔)灣仔駱克道37-39號得利樓1樓

一到門口位置個佈置都好靚，壁畫，舊信箱同頭頂嘅紙燈籠都好啱打咭📸餐廳裝潢都好有特色，懷舊風加霓虹燈好有feel呢度有*絕世混醬*，係咁多火鍋店之中最多醬料嘅一間，除左正常火鍋店有嘅調味料外，最特別係有啲東南亞風味嘅調味料，檸檬葉、金不換、香茅、南薑等等...原條沙巴酸菜魚湯 $368沙巴魚都幾大條，魚肉已經起左一片片方便客人進食，完全無食到有骨👍🏻而鹹酸菜係師傅自家醃製嘅，唔係普通喺街見到嘅鹹酸菜牛雙拼盤 $398 (池板 & 吊龍)餐廳主要係食騸牯牛，我地就揀左其中兩個部位池板係牛前腿嘅肉，牛味較重，有油花，口感爽韌。吊龍係肉眼嘅一部份，有少少筋位，肉質較嫩滑帶有油脂，豐富肉汁👍🏻另外都仲嗌左幾樣配料，鴨血、芝士竹輪、萵荀呢幾樣都係我每次火鍋必點嘅配料，份量都幾多，食材都好新鮮👍🏻

感恩上天賜予一晚完美邊爐天氣，當日氣溫竟下降至18度，街上寒風凜凜，急需圍爐取暖。一出電梯已感受到濃濃的東南亞風情，呢度仲特別供應罕見嘅新鮮騸牯牛，由staff親自介紹俾客人，誠意滿滿。𖦹 有機蕃茄薯仔湯 ＄188湯底清甜又足料，最後同閨蜜飲完一碗又一碗，愈滾愈濃郁而且唔油膩。𖦹 牛頸脊 $168牛肉濃郁，色澤令人胃口大開，入口爽脆，比一般火鍋肥牛少脂肪。𖦹 腩頭 ＄168油花分布平均，牛味比較牛頸脊重，非常軟稔。𖦹 手唧墨魚麵 ＄118 好食又好玩，好似裝飾蛋糕擠花咁，可以唧到一條勁長唔斷嘅墨魚麵。食落煙韌有口感，墨魚味香濃，推介！𖦹 絕世混醬 $40除咗獨家嘅秘製醬汁，仲有各種泰式香料，例如魚露、金不換、泰式辣醬、蝦醬、檸檬草等，別具新意。𖦹 爽滑墨魚滑 ＄108 墨魚味同墨魚麵一樣咁香濃，爽口兼鮮味十足。𖦹 麻辣牛丸 ＄62 結實帶嚼勁，牛味、麻辣味平衡得宜。𖦹 芝士竹輪 $62小心食用！實測堅係一咬就會爆芝士的，打邊爐必食。𖦹 魚皮餃 ＄62𖦹 蟹子龍蝦球 ＄62𖦹 可樂 $28 𖦹 lime soda $38

呢間樓上火鍋店，裝修、餐具行懷舊風，據聞呢度嘅醬料特別，賣點係具東南亞風味嘅湯底、潮汕牛肉及手工製嘅各類餃子、丸子。Feel到餐廳想喺雲雲火鍋店中突圍而出，但實質出到嚟嘅效果卻係樣樣有啲又唔精嘅感覺。😅To be fair，醬料嘅選擇的確特別，有金不換、香茅等東南亞風味嘅配料，仲有埋佢哋自己suggest嘅配料formula。但有風味又唔等於夾嘅。🫢之前有講過，我個人睇法係：其實打邊爐只要湯底好、食材好，醬料係加分嘅作用，就算係普通豉油加蒜蓉都夠做。所以醬料味道複雜都未必一定係好事嘅。🫡承接講到湯底，試咗佢哋嘅香茅清酒煮蜆湯。實話實說，呢個湯底係特別嘅，直接飲都好味。正式烚下烚下之前，仲有啲小食試試，分別有響鈴午餐肉同椒鹽粟米，好食但overpriced。😂😂然後到牛肉，同好多聲稱專門食牛肉嘅火鍋店一樣，你都係會見到嗰幾個部位，以呢個價錢嚟講，佢嘅份量又真係少咗啲。😮‍💨食完牛肉就係食餃子、丸嗰啲。款式係幾多，又手工製，味道口感嚟講不過不失。加埋酒水，每人盛惠7-800。呢個價位，有更多高質嘅邊爐可以選擇。🫡

天氣開始轉涼🥶最適合就係食熱辣辣嘅打邊爐🍲今次揀左間裝修具有舊香港特色嘅火鍋店首先揀左個好特別嘅湯底 辣酒煮花螺湯底 辣辣嘅湯底就感到暖粒粒 加上花螺數量好足料 成個煲底都係花螺 花螺食落口好有鮮味 加埋辣酒嘅辣香 好正😉打邊爐就一定要叫牛肉 我地要左牛脊肉 好有牛味😋 餐廳仲有好特別嘅自制丸類 我地試左九層塔蝦丸同埋冬陰功墨魚丸 真係非常特別 出面食唔到咁特別嘅丸🤓 我地又點左芝士竹輪 竹輪中間佈滿了流心嘅芝士 好好味😍最後叫左個好特別嘅小食 響鈴午餐肉係餐廳自創 既有創意 又估唔到幾好味😋 可以就咁食 又可以浸下湯底先食😎

最近灣仔開咗間打卡東南亞火鍋餐廳，咁鍾意打卡嘅我一定要去試試。未入餐廳先有去咗東南亞感覺，門口掛住七彩色燈籠。一啲古色古香嘅舊信箱同一d 塗鴉。入到餐廳內，充滿住80年代香港嘅室內設計。超鐘意打卡嘅我當然唔會錯過。 一邊食火鍋，一邊聽住70至80年代嘅廣東經典金曲。好似穿越時代亦都好似去咗酒廊嘅感覺。 對於超鐘意唱k 嘅我黎講好正，好有feel。8:00-9:00pm 聽失戀歌，9:00pm 就開始播快歌，仲有現場DJ 打碟。待應同客人都唱晒歌手舞足蹈。 $328 椰子花膠螺片雞湯原隻雞放在湯內，十分超值，湯底雞味十足。店員會拎隻雞出嚟俾你打卡，打完卡會去幫你將整隻雞，剪成雞塊，再倒返入個湯裏面，方便食用。另外還會比你看到原條花膠，係你面前幫你剪碎。$398 牛雙拼盤牛有好多款可以叫潮汕牛或者騸牯牛。冇頭緒食咩牛部位就叫店員介紹佢極力推介吊龍（牛背脊肉）同挽手（牛肋片）-牛前腿連牛身位置嘅牛肉，因脂肪比例較少，肉質較嚼勁，比較煙韌肉味更濃，追求健康朋友必點之選。 如單點一碟牛肉則$168 。$88 香葉肉碎餃水餃皮好滑好彈牙，煙煙韌韌。食得出係即日新鮮包。 皮薄餡靚，餡真係好重香葉同豬

等左咁耐天氣終於涼啦天氣一涼就係要打邊爐最鍾意周圍試唔同既新式火鍋店因為每次都有唔同驚喜例如湯底既配搭, 新奇既火鍋配料今日呢間餐廳最surprise 既位就係牛肉部位同埋醬料配搭自助醬料bar有香茅, 檸檬草同自家製既豉油原來香茅同檸檬草夾肉食係好清新!湯底揀左椰子花膠螺片雞湯湯係奶白黃色, 椰子同雞味都超濃可以飲左湯先再打邊爐餐廳主打係煽牯牛, 仲有好幾個唔同既部位揀騸牯牛係指經過閹割過既牛牛, 肉質係較腍滑, 油花分布相對細緻落單前, 店員會介紹例如腩頭, 池板同扒底尖...etc腩頭 - 牛腩較前既部位池板 - 牛前腿既位, 薄身但脂肪多, 肉會偏韌但牛味十足扒底尖 - 後髀最中心既肉, 無筋但帶有油脂香食得非常講究今日叫左池板同吊龍兩款吊龍 - 即係肉眼邊, 脂肪比例多少少, 較嫩身南非鮑魚原本覺得有d偏貴, 但食完就覺得係值得!鮑魚非常新鮮而且切既厚度適中淥一陣肉質仲係爽脆, 食落鮮甜手唧墨魚麵啖啖彈牙, 有得玩又有得食皇帝菜估唔到連蔬菜都咁有心機無一條菜係老, 仲要煮極都係咁綠!Cocktail真菊氣一樣出色菊花既梳打+GIN酒, perfetto!