起鍋 (已結業)

天氣開始轉涼🥶最適合就係食熱辣辣嘅打邊爐🍲今次揀左間裝修具有舊香港特色嘅火鍋店首先揀左個好特別嘅湯底 辣酒煮花螺湯底 辣辣嘅湯底就感到暖粒粒 加上花螺數量好足料 成個煲底都係花螺 花螺食落口好有鮮味 加埋辣酒嘅辣香 好正😉打邊爐就一定要叫牛肉 我地要左牛脊肉 好有牛味😋 餐廳仲有好特別嘅自制丸類 我地試左九層塔蝦丸同埋冬陰功墨魚丸 真係非常特別 出面食唔到咁特別嘅丸🤓 我地又點左芝士竹輪 竹輪中間佈滿了流心嘅芝士 好好味😍最後叫左個好特別嘅小食 響鈴午餐肉係餐廳自創 既有創意 又估唔到幾好味😋 可以就咁食 又可以浸下湯底先食😎