豪隍點心工房 (已搬遷) 新店位置

大年初二去拜年，帶最好吃的點心同親友分享。去到豪隍人頭擁擁，無論是堂座定外賣、拎飛等入座的客人和落咗orders等外賣的我們，還有源源不絕的各大平台外賣車手，正正是好野，好值得等。豪隍蝦餃皇蝦餃一定要推介係，大大隻蝦餃，可以分啖食，皮薄見到滿滿嘅原隻蝦肉，蝦肉實淨夠鮮味。燒賣皇必吃，大大隻蝦，又爽又鮮味潮州粉果(皮薄餡靚)齋腸粉(餡料好足)山竹牛肉(牛肉+爽脆嘅馬蹄)馬拉糕(鬆軟少甜)

—————————————————————🍴美食資訊🍴菜芥$6/位小點$23, 中點$25, 大點$28頂點$30, 特點$34, 超點$38, 皇點$50墨西哥叉燒包（中）其實姐係食開嘅雪山叉燒包😹呢個上枱夠熱，較重洋蔥味，正常👍鳳爪排骨飯（特）煲仔飯上枱，份量比較多所以適合兩個人分。鳳爪同排骨都多，但唯一敗筆就係啲飯好濕好軟😵‍💫🙁如果硬返啲乾啲，相信會好食好多。蒜蓉芝士長春卷（特）一個幼長嘅春卷，入面餡有蝦，有芝士，佢會搭埋啲青瓜條比你一齊食。味道正常春卷味。豪隍蝦餃皇（2粒）（中）超大粒嘅蝦餃😹真係要分兩啖食🤤🤤🤤好好食，皮薄蝦多，大力推薦！蜜汁叉燒腸（大）正常發揮，叉燒唔肥。甜奶炒饅頭（小）饅頭炸得啱啱好！酥酥脆脆咁，好食👍蝦仁燒賣皇（2粒）（中）同樣又係大粒到痴線😹仲有個大蝦仁係頂，好好食，唔膩唔咸。山竹牛肉球（小）正常牛肉球，牛肉彈牙，唔會話蒸到爛，好食👍————————————————————👑評分味道：4/5環境：3/5價錢：4/5份量：4/5服務：4/5會否推薦：會成間酒樓位置有少少難搵，而且一啲都唔起眼😹入面係茶記格局，但係食點心。嘢食質素都好好，而且個份量真係對

Lunch time 時間同同事黎左呢度食，同事都好推介到呢度，我地叫咗好多樣嘢食。我就係第一次嚟呢度食嘢，佢哋都勁推蝦餃同埋黑糖糕！蝦餃真係超級大！🤤都幾好味🤣黑糖糕既話可能係期待感太高，就會覺得普通左😂春卷都幾好味，我都幾中意🤣但係差唔多食完先記得影相，最重要一要既蝦餃無影到🙈

豪隍點心工房 (觀塘)觀塘區既朋友...如果你屋企人好想飲茶..你可以帶佢去依間💛小店食...又或者你唔想出街..可以叫外賣...又得🤪我地今次都係試咗外賣..2個人食..叫左以下幾款🙂燒賣好大粒，蝦肉彈牙👍🏻但蝦餃就差d..個皮比較厚流沙包，叉燒包都好足料比較可惜既係脆皮銀蘿腸.爆多蘿蔔絲😋但外賣搞到有啲淋左整體食物都唔錯..但相信到鋪頭食會比較好食😋之後會到鋪頭支持💕

某星期日早上約十時到達觀塘的豪隍點心工房，等了約三十分鐘才能入座。點心選擇很多。點心以外，還有多款蒸飯和米線等。墨西哥叉燒包(中點$25)，水準不錯。豪隍蝦餃皇(中點$25)一籠兩大粒，數不出有多少隻蝦，蝦肉新鮮彈牙。豉汁蒸鳳爪(中點$25)很惹味，味道帶點辣。鮑魚雞絲腸(特點$34)是得獎之作，平時較少見用雞肉做腸粉的餡，雞肉滲出淡淡的鮑魚香味，值得一試。蝦仁燒賣皇(中點$25)跟蝦餃皇同樣超大粒，豬肉跟蝦肉的比例適中，餡料鮮明。山竹牛肉球(小點$23)是幾款點心當中叫人最失望的，口感不好，軟軟的。

豪隍今日喺觀塘附近搵吓有咩好食，試吓呢間食中式點心先🥧😛，呢間真係超值又好食，性價比高茶芥每位$6杞子桂花糕~$12$12有三大嚿，桂花味好清香，不太甜，推薦豉汁蒸鳳爪~$25份量都幾多，味道適中，微辣，鳳爪好入味蝦餃王兩粒~$20超大粒蝦餃，大粒過平時啲酒樓好多，唔好睇小佢，食一粒已經好飽，蝦餃入邊都有好多蝦燒賣王兩粒~$20燒賣都好大粒，唔識得形容話俾你知幾大粒，大粒過匙羹😂真係好抵食蜜汁叉燒腸~$18超好食嘅叉燒腸，都係有三大條，腸粉皮不太厚鮮蝦菜苗餃~$19係我最愛，呢間菜苗餃好好食，菜餃正，入邊好多菜啊流沙奶黃包~$25有三個，一咬開，奶黃流心出哂來，正珍珠雞~$22珍珠雞有兩件，都幾好食，餡唔算太多芒果布丁~$8真係好抵，加埋花奶，香甜好食豪隍點心工房🏠：觀塘敬業街65-67號敬運工業大廈1樓A室☎️：25625668

佢個位置唔算好方便，喺地鐵站行過去要10分鐘左右我假日12點前去到已經排晒長龍，好彩拎咗飛喺附近兜咗一陣，等咗大半個鐘到就入得😆墨西哥叉燒包(中點$25)送上嚟嘅時候暖笠笠，一啖咬落去，外層好香好鬆軟，麵包嘅甜味加埋叉燒餡嘅味道好豐富🤤嚟到一定要嗌呢個！蜜汁叉燒腸(大點$28)腸粉幾足料，包滿晒叉燒，個皮厚薄適中，好滑👍🏻推薦～蝦仁燒賣皇(中點$25)一籠得兩粒有少少貴，不過👦🏻鍾意食燒賣，就一次過嗌足兩份，四粒一齊上☺️食落啖啖肉，冬菇味幾香，每粒燒賣都有三隻完整嘅蝦🦐夠晒足料籠仔馬拉糕(中點$25)馬拉糕嚟講，以呢個價錢有啲連鎖酒樓得四分一個，但呢度係原籠上😍雖然攤凍咗少少先食，但都keep到好鬆軟，係童年回憶嘅味道😏另外仲叫咗：鳳爪排骨飯(特點$34)個飯唔會死咸好重味精，飯粒粒分明，都不錯😉高湯鮮竹卷(小點$23)呢個我反而覺得普通，無乜特別驚喜，下次可以試吓其他🤣茶芥$6位，食咗咁多嘢，賣單每人都唔使一舊水😌主要係覺得佢夠足料，性價比高，食得好滿足環境﹕7/10抵食﹕8/10味道﹕7.5/10

終於過黎試呢間點心啦💛👍🏼蝦餃大大粒.1️⃣蝦餃拼粉果HKD342️⃣豉椒蒸排骨HKD233️⃣鳳爪排骨飯 HKD344️⃣生煎蘿蔔糕 HKD23茶芥每位HKD6不設加一.味道 ★ ★ ★ ☆ ☆蝦餃大大粒好足料，好多蝦，只係餃皮有點點厚。粉果都係好大粒，唔錯。豉椒蒸排骨份量都好多，細細粒，少少偏咸。鳳爪排骨飯又係好大份，係claypot上，好食！今年新年買左呢間既蘿蔔糕，未食過今次黎試試，又好食喎！食到蘿蔔粒，唔粉又唔硬，不錯。.環境 ★ ★ ★ ★ ☆店舖都大，枱同枱之間都相隔一段距離，枱夠大。原來可以從敬業街個小入口行樓梯上，我去左入面搭lift🤣.服務 ★ ★ ★ ★ ☆超有禮貌，我地催單，但阿姨幫我地check，返黎叫我地等多3分鐘就可以，好好態度的。有個哥哥仔又係好有禮貌。去到cashier 個阿叔做緊其他野未得閒收錢都同我講聲唔好意思請等等👍🏼.價錢 ★ ★ ★ ★ ☆性價比高，好過去酒樓，呢到點心又大粒又好食😋

冇諗過喺一個隱蔽嘅工業大廈樓上一樓，居然會有一間超高級的點心工房。每件點先比正常大，非常之好味，香港新鮮製造茶錢$6/位，仲免收加一，抵到呢……豪隍蝦餃皇 $25勁大粒，皮薄餡靚，啖啖蝦肉，必吃蝦仁燒賣皇 $25蝦仁勁大又鮮味，除咗上面有蝦，燒賣裏面都有好多蝦，未見過咁足料又勁大粒嘅燒賣香茜牛肉腸 $25牛肉腸好大份，每件腸粉中間有好多牛肉，有圖有證據潮州粉果 $23粉果皮薄餡靚，即蒸熱辣辣豉汁蒸鳳爪 $25呢碟鳳爪比正常多1/3，十分之惹味，下次一定encore墨西哥叉燒包 $25個包啱啱焗起熱辣辣，上邊好香嘅菠蘿酥皮，裏面有滿滿嘅叉燒餡料，仲有叉燒包個皮一啲都唔厚

一日之計在於晨☀️今日就介紹大家飲早茶既好地方啦😋五個字形容而件點心專門店: 大件夾抵食!! 點心拼盤 ($50) 👍🏻👍🏻有兩粒蝦餃, 兩粒粉果, 一個叉燒包, 一個流沙包岩曬同朋友開心share😋最正係蝦餃, 又有大大粒, 起碼有三粒蝦仁肉係入面, 超足料🥰蝦仁燒賣皇 ($25) 👍🏻👍🏻👍🏻大大粒燒賣, 皮薄餡靚, 啖啖都係蝦仁肉, 超正!!😍仲有好多款點心揀, 全部都大大件, 飽到嘔呀😝Lunch time好多人排隊食, 如果真係想食, 記得book左枱啦😙

必食蝦餃，蝦餃好大隻好實淨每次黎都一定會嗌。11點前入座有早茶，每次黎都係接近早茶完結時間，外面已經有好多人排隊。但好在好彩每次都仲食到早茶。早茶只係$20蝦餃$18腸粉茶錢只係$6位

呢間點心係我第二次黎幫襯，上次黎要排隊，斷估今次唔使掛？點知都係要排，黎到嘅時候已經3點幾，呢間餐廳都幾多捧場客炸饅頭最期待嘅炸饅頭有少少失望，油溫可能唔夠高，有d油，而且得側邊脆，上下都唔脆墨西哥叉燒包熱辣辣嘅包係我嘅最愛，餡料算多，糖皮酥脆而香鵝肝醬咸水角脆口，不過唔係好食到有鵝肝醬味，不過呢個價錢，算啦，唔好太高要求高湯腐皮卷比起平時嘅腐皮卷多餡好多好多，食到有d滯，哈哈山竹牛肉正常發揮，同一般食嘅無異，喼汁放喺台面自己落，但係好似溝到好稀鳳爪排骨飯都係正常嘢啦，飯比較綿，唔會粒粒分明。紅棗糕唔會太甜，又香又煙un , 岩岩好總括而言，唔算特別出色，不過不失啦

已經唔係第一次食，久唔久想食佢哋嘅燒賣皇，最好book定位再埋去食🤤基本上每次都叫呢幾款：🥢蝦仁燒賣皇（2粒）$25 ｜大大粒，啖啖肉🥢點心拼盤 $50（內有蝦餃2粒，粉果2粒，流沙包1個，叉燒包1個）｜一次過試晒幾款點心🤤🥢蒜蓉芝士長春卷 $34 配沙律醬｜卜卜脆蝦春卷，太長嘅關係，最好用鉸剪剪開，唔係就擺到埋嘴邊都食唔到（跌落枱）🙈🥢墨西哥叉燒包 $25｜雪山叉燒包，上枱要趁熱食～酥皮脆脆🥢甜奶炸饅頭 $23｜外脆內軟，要加埋煉奶一齊食🤤🥢沙律什果鮮蝦炸雲吞 $30｜懷舊之選。而家啲酒樓唔係成日有呢款，雲吞皮一咬咔咔聲，卜卜脆。🥢蜜汁叉燒腸 $28🫖茶芥 $6 最後全部加埋都只係$258，又食得飽肚😎繁忙時間walk in係要排好耐㗎，不過今次閒日12:30左右去到都可以直入～

高汁點心呀係觀塘老母嘅個工業區裏面，買嘈住一間隱世嘅點心工房豪隍點心工房佢係一個閣樓上面行條樓梯上去，就見到一堆堆嘅人排隊等位，但已經係2點半嘅事，證明呢間嘢係值得排隊食所有點心都係即叫即蒸，上枱時全部都係熱辣辣蝦餃，燒賣，鳳爪，排骨 基本上傳統點心都有，仲做得好精蝦餃燒賣，粒粒都乒乓波咁大粒，爽口彈牙，有淡淡嘅蝦鮮味鳳爪好腍但唔會蒸到散哂，南乳同豉汁好香排骨好有肉味，但我嫌佢嘅粉太多，癡埋哂一舊牛肉球爽口彈牙，馬蹄都好足，加埋喼汁一絕呀香煎付皮卷，呢個熱到出煙，上枱勁內都可以保持熱嘅，餡料都好多，沙葛，糖芹，蝦，冬菇煎釀孖寶，茄子尖椒 茄子大大舊，尖椒夠哂虎皮都小小辣

呢間位於觀塘工廠大廈嘅點心工房，近排好Hit，於是經過觀塘嘅時候就去試吓呢間點心係咪真係大眾講到咁好味🥸❣️豪隍蝦餃皇 $50 蝦餃可以兩粒兩粒咁叫，價錢都比較貴，但佢嘅size都係平時嘅一倍以上，一粒嘅size有小朋友拳頭咁大隻，裏面有飽滿嘅蝦肉，但皮就較厚身，味道都ok ，但俾我揀我會食返平時嘅細蝦餃🤣❣️鮮蝦腐皮卷 $28新鮮炸起，腐皮卷非常酥脆，裏面嘅餡料都好足，但係我鍾意佢唔係炸到油笠笠，外皮仲係乾身嘅🤩❣️流沙奶黃包+蜜汁叉燒腸 $52流沙奶黃包餡料俾到足，真正做到流沙效果，奶皇唔太甜👍🏻，叉燒腸皮薄料多，但就有啲略嫌叉燒好多，越食越鹹😮‍💨❣️鮑魚雞絲腸+鮮蝦菜苗餃 $52雞絲腸係比較清淡，但就唔係好見到鮑魚嘅蹤影，鮮蝦菜苗餃都係皮較厚，味道就冇咩特別🤐❣️鳳爪排骨飯+四寶雞扎 $52我鍾意飯底比較乾身嘅蒸飯，呢個就做到啦，不過飯嘅size係比較的骰，兩人分量左右，雞扎就大大件，味道唔算好特別🤓❣️山竹牛肉球 $23新鮮蒸起係超大粒，牛肉味就唔算好濃🤡❣️高湯鮮竹卷 $23冇影相，冇特別🤪🏦是次消費總額 $304（人均消費 $76）茶位$6👅好味度：8.5（10分滿分）都要排一段時間先