豪隍點心工房 (已搬遷) 新店位置

一盅兩件而家已經愈來愈少食。難得今日朋友慶起約我去飲茶。即刻應承啦。牛肉球食落唔粉。而且馬蹄量多。食落淋身之餘帶點爽口。喼汁亦唔會蓋過牛肉球嘅味道。蝦餃，皮夠薄，而且隻蝦夠大隻。雞紮，又係飲茶必點。我自己最鍾意食入面塊豬皮。索晒所有材料嘅味道。好好食。燒賣，我自己比較鍾意食茶樓嘅燒賣。出面小食店嘅魚肉燒賣簡直比唔上茶樓嘅燒賣。腸粉係叉燒腸。叉燒份量都塞滿成條腸粉。腸粉皮唔厚。叉燒亦都肥瘦均勻。食落去唔會太油膩，又唔會太清。

點心來講豪隍蝦餃同燒賣 Size 都係驚人嘅，但排隊45分鐘先食到，又限時70分鐘用餐時間，而且枱與枱之間好緊迫，環境同服務同酒樓就冇得比架啦，值唔值得就要自己諗諗啦⋯⋯豪隍蝦餃皇(2粒）好多蝦！但外皮好厚，師傅調味好重手，有啲死鹹味蝦仁燒賣皇(2粒）蝦都係一樣好多，冇蝦餃咁鹹，係好食嘅墨西哥叉燒包整體都可以，但係包面比較粉爽口滑蝦腸腸粉都算滑，但平時啲酒樓係咪有3條呢？🤔甜奶炸饅頭好飽滿同脆，加埋煉奶好有童年回憶🥰高湯鮮竹卷都係大大嚿，味道正正常常鵝肝醬咸水角炸過龍有啲黑，不過….說好的鵝肝醬呢？

幫襯過三次睇住佢食物質素越嚟越差知道你一向唔憂做，又何必咁大牌發爛呢？今次幫襯等左個幾鐘，門口帶位同事入哂D二人先放四人枱，見唔對路問下點解淨係叫二人枱，呀帶位同事話多兩位客等緊所以拆哂D四人枱。但門口兩位嘅已經入哂，只係佢一尾叫，門口就十幾張四人，安排差算野食黎到腸粉凍嘅，蝦餃縮左水，米線水準又keep唔到，冇位放點心就直接推開你D碗碟又算遲左少少，30秒內三個員工叫交枱之後聲稱自己老闆娘嘅直接自己衝埋嚟收晒所有碗碟餐具，仲大大聲指住我地話呢枱走入得人，食埋個包放筷子嘅碟又冇，放落枱，聲稱老闆娘嘅又跑過嚟仲要叫：「不如筷子掉遠D丫」「或者比＄30我比隻碟你掉」「我大把客唔該你唔好黎啦」唔洗你唔該la 你D咁劣質嘅點心店通街都係我一定永遠唔再踏足做個好心執咗去唔好害人la生意差又跪黃r客無德無質無本事又假黃店不知所謂。 真心，摺埋la

媽咪話聽人講呢間啲燒賣蝦餃大大粒好正，今日咁啱要嚟觀塘，就決定嚟試下星期六中午嚟到等咗15分鐘左右就入得，都算快我地總共嗌咗8樣點心杞子桂花糕：好清甜墨西哥叉燒包：都幾好味，不過我覺得叉燒可以再甜啲蝦仁燒賣皇：真係好大粒但唔係淨係大，係好味架喎！面頭有粒蝦仁，入面又食到蝦仁蝦餃皇：又係好大粒，包住勁多隻蝦，超正！！流沙奶皇包：食嗰陣要小心啲，會流哂出嚟蒸饅頭：一般～鮮蝦菜苗餃：好味，又係大大粒蝦，啲菜都好食蜜汁叉燒腸：皮薄，唔錯整體嚟講呢間點心都好味，媽咪都好滿意，同埋價錢唔貴，可以再嚟食，而且呢間店可以訂枱(新店就得walk in)

平時放假 一定會同屋企人食點心🥧最近竟然俾我見到喺觀塘嘅工業區 有一間超級抵食嘅點心專門店！佢哋嘅點心拼盤真係必食！$50有齊蝦餃、叉燒包、粉果同奶皇包！估唔到個蝦餃咁大粒 好多蝦 勁足料

講到食點心，觀塘呢間應該唔少人聽過，佢地出名點心大大粒，好耐無一盅兩件，今次黎到觀塘試試佢，平日去見有午市套餐都幾抵食，我地個日單點點心就無叫套餐啦～🔸香茜牛肉腸腸粉有d失望，做唔到皮薄餡靚，皮頗厚變相唔係好食到餡嘅味道，要蘸好多豉油先夠味🙈🔸蝦餃👍🏻蝦餃係今餐點心中最出色，大粒用料足，而且調味咸淡適中🔸醬汁茄子拼尖椒茄子尖椒份量都好大各兩件，魚肉不吝嗇，但唔知點解食尖椒有苦味🙈高湯鮮竹卷同五香金錢肚不俗，燒賣正常發揮總括黎講，點心不過不失，推介蝦餃～ 個日去平日午餐時間要等位，留意返後樓梯等位有d焗，可以帶定把風扇仔😬

✌🏻兩個人去 同上一餐太接近所以只係叫左蝦餃//燒賣//雪山叉燒包//沙嗲金錢肚//鮮竹卷蝦餃燒賣超級大粒係 一啖係會完全塞哂係個口到嘅大粒而且每粒入面都好多或好大隻蝦 口感係新鮮蝦 蝦肉好爽雪山叉燒包都好推薦熱辣辣新鮮出爐酥脆嘅外皮餡料份量合適另外沙嗲金錢肚 鮮竹卷 都好足料樣樣點心即叫即出爐真係新鮮好食最後埋單唔過$150真係好抵

終於試到呢間好出名既觀塘點心鋪頭啦!真係好正啊!點左六款點心，極力推介蝦餃，煎釀茄子尖椒同埋流沙奶黃包👍🏻1. 蝦餃 9.5/10見我比咁高分都知，真係好正!成粒蝦餃有半個拳頭咁大!一咬開有三四隻蝦，粒粒彈牙，調味剛好，皮薄但有韌性，如果唔係外賣變暖，我會比滿分佢😍😍2. 煎釀茄子&尖椒 8.5/10兩樣入面茄子更好食。厚切茄子juicy，鯪魚肉有放埋陳皮，增加口感，食得出好足料👍🏻調味又五會太鹹，恰到好處3. 流沙奶黃包 9/10邊個同我一樣，食點心必點流沙包😆呢間既流沙包就算送到已經無咁熱，一咬開都係爆餡，餡料香濃，都食到入面既鹹蛋黃香味，好好食😍其他既粉果，豉椒排骨都在水平之上，腸粉我就無試啦!總括而言，豪隍真係surprise到我，下次一定會去堂食試試食物:9/10性價比:8.5/10

星期日下午2:00去都排左45分鐘 明明有空會都唔放人入。 服務員態度差。 上菜速度慢（可能人多），個人覺得野食偏咸。 （純粹個人覺得）雖然價錢可觀，但服務態度不理想。個人建議都唔好星期日，排太耐 同 上菜慢希望下次佢地個服務態度 好好改善一下。

有玩開團購既，一定識呢間餐廳香港好多度都有得食點心，但要食得好味又抵食嘅就唔多兩個人我哋都嗌咗好多點心最好味嘅一定係蝦餃燒賣，大大粒足稱☺️☺️下次一定會再食！

今日星期日好多人！ 去到等位差不多要一個鐘才到！ 入職後每枱限時70分鐘， 但係點完點心後需要等15至20分鐘才有得食！ 所以時間上都喝很趕。 點咗佢㗎招 蝦餃皇 蝦餃好大隻足料！ 仲有鳳爪但係鳳爪麻麻地唔知係咪唔夠時間呢鳳爪唔入味有啲硬！香茜牛肉腸一般裏面有肉同食 山竹牛肉冇分別 腸粉不是太滑。

豪隍點心工房，超級人氣點心店，長期旺場，要幫襯，真係要校啱時間，揀個平日嘅後下午時段。豪隍蝦餃皇同蝦仁燒賣皇都係超大粒，好誇張，兩者當然以蝦餃皇較出色，入面嘅餡料係鮮蝦疊鮮蝦再疊鮮蝦，總之就全部都係蝦，好癲😍；燒賣皇上面都有隻大蝦，入面餡料啖啖肉，有鮮味，唔會硬掘掘，好食。蜜汁叉燒腸皮薄餡靚，叉燒多之餘亦好新鮮，高汁👍。最後上海生煎包就普普通通啦。總括嚟講，呢度食物質素係非常高，可惜一個人嚟，試得唔多，下次一定要聯群結黨嚟再幫襯。

📍 觀塘/深水埗 💛 豪隍點心工房 💛［觀塘敬業街65-67號敬運工業大廈1樓A室］記得係profile㩒入條link睇下附近有咩好西啊😉呢間係我私人珍藏🫰🏻我真係好鍾意飲茶🤤🤤次次想飲茶就會食呢間，因為呢間水準太高搞到我食唔返其他普通嘢🥲🥲今次叫嘅嘢都係我珍藏list入面嘅items🤤🤤🤤而且有得叫兩粒咁樣叫，唔驚少人食唔曬，又可以試多d嘢🤤🤤燒賣（$25）蝦餃（$25）叉燒腸（$28）炸饅頭（$23）鳳爪（$25）茶介（$6/人）👍🏻：價錢公道，$25/2粒燒賣/蝦餃好似好貴，但係size有成個拳頭咁大，又特別多蝦，個人覺得必叫🤤🤤鳳爪係辣辣地又濃味，皮糯而不膩，炸饅頭表皮脆卜卜點煉奶啱啱好，叉燒腸亦都皮糯餡香，唔係好粉嘅個種👍🏻👍🏻我之前試過其他點心，尖椒茄子、春捲、蘿蔔糕、桂花糕其實都好好食🤤🤤🤤🤤🤤而且真係良心店👎🏻：雖然係我私藏名單，但係其實好有人氣，所以朝早到下午都要排隊🥲🥲而且有時候運氣冇咁好坐細臺，d點心就唔係好夠位擺

五一假期，酒樓八點開門，位處橫街不起眼的敬業工廈，就算我專程早上八點半光顧，已見入座率有八成，而且不斷有人上門等位，有些已預約，沒有預約就要等一下，入座限時70分鐘。這次我外賣了五款點心：蝦餃、燒賣、牛肚、鳳爪和蒜蓉芝士春卷，全部即叫即蒸，要等20分鐘，盒回家還是暖暖的。蒜蓉芝士春卷-鬆脆好味，芝士味不太濃，反而蒜蓉味較多蝦餃及燒賣-一籠兩大粒，比一般體積大，賣相吸引牛肚及鳳爪-肉腍，好入味，略嫌味精多，食完比較口喝五碟價錢都只不過百幾元，很划算

💛蒜蓉芝士鮮蝦長春卷 $34好少可見到咁長既春卷🤩不過食落就冇咩特別🥲同埋配嗰個醬怪怪地咁💛墨西哥叉燒包 $25個叉燒包好有驚喜😍🤩✨✨外脆內軟😋入面個餡甜甜地好好食😍💛四寶雞扎 $30 份量好足料🤭味道中規中矩💛豉汁蒸鳳爪 $25鳳爪味道都係正正常常😚💛山竹牛肉球 $23大大粒牛肉球😍食落去好香唔會好淋💛蝦仁燒賣皇 $25粒燒賣好大粒😍平時一籠一定有4粒 呢到既燒賣同蝦餃都可以2粒2粒嗌😋咁就算得2個人都可以叫多啲唔同款黎食😛燒賣好大粒好足料😎唔會好實💛豪惶蝦餃皇 $25蝦餃都超大粒😍♈️👧🏻最愛💖個皮唔會好厚 又冇散出黎😎食落去係滿滿既蝦肉😍好滿足啊🤤🤤我地2個人叫左7樣 超級飽🤣嗰日去都好多人等位 等到出曬汗🥲🥲🥲所以如果想食記住早少少去等位啊~ 📍 豪隍點心工房 觀塘敬業街65-67號敬運工業大廈1樓A室