豐鍋雞煲 (京瑞廣場1期)

營業中

休息中

今晚跟朋友第一次去這一間餐廳食雞煲，之前評分一個月都會食一次雞煲，這一家的味道不是10分突出，主要感覺到是鹹味，辣味比較一般，食雞煲第一次 有特別收費 開瓶費$100，之前食好多次雞煲，都未曾要求有開瓶費，所以今晚有點意外。除了開瓶費之外 還有一個隱藏的豉油費用，我們從開始用餐都食完結帳，職員都沒有告訴我們 原來有這個費用，本身雞煲有鹹味，我們也沒有用豉油，原來在 近門口的地方 有一個角落是給客人取豉油的，這就是為什麼每個人收$8的原因。 我今晚食完之後 應該不會再回來這一家。

今日約左個fd去踩單車踩完去左石門嘅新食廈試雞煲🤤🤤嘩！超大盤！一黎到已經聞到好重香料味我地揀左小辣，好啱口味！勁足料！雞肉仲好嫩滑洋蔥又煮到好淋！🤤啲醬汁好香濃而不辣，好惹味！我地又叫左招牌手工即炸魚皮！睇得出原條魚皮起肉整出黎所以唔會碎成一段段就咁食就好香脆，好似薯片咁滋味想惹味啲，就可以沾少少雞煲醬汁一樣好味！食完炸魚皮，意猶未盡我地又試下順德撈魚皮呢款感覺又好唔同魚皮爽口滑溜帶微辣呢款係一款好特別前菜！食完咁多濃味野食叫杯兩杯凍飲清下味蕾藍蝶雪梨賣相好靚雪梨汁好清涼又解渴配上蝶豆花汁藍藍地色超吸引！

牛胸爽+極品本地手切牛頸脊😍😍慕名專門到食飯架，關注左網評，到店門口就覺得呢一間餐廳幾有特色，進店後點左一份火鍋，我覺得菜品最讚係我最想推薦既牛胸爽同埋極品本地手切牛頸脊，兩個食材都係非常新鮮，感覺到老闆對食材品質有追求，食材份量都好足，所以我覺得性價比還是幾高，消費不算貴，作爲火鍋菜，火鍋湯汁很鮮美，肉下鍋後食上黎都出色，因爲太好吃啦，我們點了一份又一份，已經諗下次到呢邊時候要再來食一頓大餐🤣🤣🤣

豐鍋極上牛花展+雜菜籃+自家炸響鈴和朋友約埋一齊去呢間店餐廳食火鍋海鮮😚，重點推薦豐鍋極上牛花展😍，食材好新鮮，肉質係我食過最好食既👍🏻，放入火鍋裏面燙一燙食，鮮美而不油膩，亦好有嚼勁👅炸響鈴係現炸既~可以直接食，都可以點火鍋汁食，超級適合食火鍋既時候搭配黎食啊🤩，畢竟食火鍋多少都係會有啲油膩😳吃番啲鮮炸既點心，可以緩解一下火鍋既油膩感。✨🔻我們還點了雜菜籃，有菜心、油麥菜、生菜等等，是蔬菜組合拼盤，🥗份量充足又新鮮，都係打邊爐必備配菜。🥳所以呢餐火鍋都算係食得好健康了～🤣

餐廳好企理，自助調料區十分幹淨，有沙茶醬、炸蒜、辣椒醬、蒜蓉、蔥花、麻辣醬以及各種調味品，供客人自助選料。店員的服務非常好，好熱情，吃飯的環境氛圍也不錯。📍十優狀丸(黑松露墨魚丸+蝦丸+墨魚丸+黑墨丸+鯪魚丸)重點推薦餐廳的十優狀丸，是10個不同的丸子組合拼盤，手工做的各款肉丸，口感自然是很不錯的。牛胸爽是我點的火鍋配菜，且不說食材鮮美，就說端上來的這盤菜的份量，就讓我很滿意了，吃得很飽，心滿意足，享受了一把美食的美好體驗，下次會再來品嘗其他美味。

疫情之後，我時不時都會買d醬料番屋企自己整雞煲🙊但係整出黎，完全唔係果回事心心念念左好味既雞煲好耐，今次一於的埋朋友一齊去雞煲啦 -豐鍋招牌麻辣雞煲(半隻)就係哩陣味呀！哩d先叫雞煲嫁嘛！麻辣口味食到我好酸爽呀真係好鍾意重口味既食物🤤👅-順德撈魚皮以前細個既我唔食魚皮既，覺得d紋路有d得人驚但有一次去咗廣州玩，當地朋友買左一間老字號既魚皮比我食之後，就徹底改變左我對佢既唸法我已經好耐冇食魚皮啦，因為想回味番，所以我今次都order左OMG！d回憶番曬黎呀爽口既脆魚皮配搭鹹酸、花生米、炸物、姜蔥絲非常爽脆！好味！哩餐飯真係食到我舔舔脷👅以後大家想食雞煲識揀啦

今天黎開石門搵朋友~佢誠意推薦我黎呢間餐廳食下午茶😝叫左一份十優狀丸、一份手工即炸魚皮、兩份自家炸響鈴🥳一份十優狀丸有10粒😱包括黑松露墨魚丸、蝦丸、墨魚丸、黑墨丸、鯪魚丸拼盤組成😍，唔同既丸子都有唔同既口感，再配上新鮮既配菜🥗味道十分豐富。不得不提係個炸響鈴炸得超香啊!!🤩食落稣稣的、脆脆的，尤其是芝士散發出黎既香味十足。😽手工即炸魚皮，超大舊既鰱魚皮即叫即炸，鮮炸出黎既魚皮配上椒鹽調味✨簡直又脆又爽🥺如果再配埋鮮美既湯汁，爽脆既魚皮吸收晒飽滿既湯汁😝介乎於脆同軟之間妙不可言既口感，食完即刻明白點解我朋友係咁推薦我食呢間餐廳了～

今日同同事幫襯了這一家的Set Lunch，整體感覺不錯，所以同大家分享一下。價錢都尚算合理，個餐都幾大份，選擇都幾多，我們選了F餐蘿蔔燉沙嗲牛腩盅和G餐冬陰公生牛肉大蝦金邊粉。Set Lunch跟餐有湯有碟菜仲包埋飲品，個湯好正，足料又無味精，真係想飲多一碗。個蘿蔔燉沙嗲牛腩盅味道都OK，D牛腩唔會太硬，而且又吸晒D汁，所以餸飯真係唔錯。冬陰公生牛肉大蝦金邊粉的辣度唔算太勁，個冬陰公湯底都好惹味，飲得出D配料的味道，唔係有時出面食到的一味得個辣字。跟餐送了兩舊響鈴，放入冬陰公度吸晒D辣湯，食落都米話唔過癮。

放工約朋友黎到石門開飯，喺云云黃店中揀左食呢間既雞煲。因為係即興約要等位，行咗一陣街就收到電話，可以7點前已經可以入座👏🏻雞煲同埋其他食物係單叫唔係任食，可以揀半隻同埋一隻，雞煲有辣有唔辣，除咗普通食開嘅重慶雞煲仲有花膠或者藥膳揀。今次第一次食就食返重慶雞煲雞煲好快上枱，除咗半隻雞之外入邊有好多蔥蒜，未開始食已經聞到好香。除咗叫雞煲之外當然唔可以忽略餐牌其他嘅嘢，我哋仲叫咗手打丸(10粒），芝士響鈴，雪花肥牛，所有嘢都好有驚喜手打丸飽足感好強啖啖肉，兩個人根本食唔晒，大班friend share就最好啦；芝士響鈴係新鮮炸既，上枱熱辣辣；雪花肥牛都好大碟，比想像中好食。另外仲叫咗杯大檸茶，成餐飯由頭飲到尾超級大杯🤣食物係OK嘅，味道唔錯而且大碟，價錢中上，可以試多幾間餐廳先返轉頭。

到了飯點時間，正好路過這頭，在這間餐廳點了一個套餐，套餐總共有一份醬汁德國豬手、一份青菜、一份配湯、一瓶可樂、一個白飯，份量好足，價格也不貴。重點分享一下這道主菜，醬汁德國豬手，這道菜看起來有些膩，但吃起來卻完全不一樣，豬手的肉質嫩滑，外皮又脆又有嚼勁，配上秘制的醬汁和芝麻粒，肉質完全被醬汁滲足了味道，蘇香的芝麻令味道更加醇香，鮮香濃郁，口感Q彈，咬上一口，還真是讓人回味無窮呢。醬汁德國豬手（$69）

天氣凍冰冰，熱辣辣嘅羊腩煲係冬天禦寒美食嘅不二之選，當然要歎番個暖笠笠嘅羊腩煲嚟暖一暖胃啦！雙冬羊腩煲分兩個size，大$368 小$238，價錢好實惠！羊腩煲大大煲好足料，仲跟咗好多菜！羊腩燜得惹味，肉質鮮嫩又唔會有太多脂肪，一啲都唔羶，口感軟硬適中，入口彈而不韌，膠質豐富，肉味濃厚。冬菇菇味清香，軟腍吸汁，吸收晒醬汁同羊肉嘅精華，食落味道特別香濃！食到咁上下，放埋啲生菜、芫茜落去，吸哂濃濃嘅羊腩汁，夠哂吸引！

自己一條友去左石門整啲野，女朋友成日串我無論去邊都係返番屋企樓下間茶記食飯。於是我就唯有鼓起勇氣自己探索下果度有乜好食。見到有個牌幢出黎有賣午市套餐，我二話不說入去坐低，揀好唔使煩。一隻佬食飯最緊要係啲乜？就係飽肚囉。我揀左醬汁德國豬手飯，午餐好齊全，如圖，$69有哂例湯、油菜、白飯、餸同可樂。每樣都大大份，合格。午餐都有咁大碟肉已經無乜可投訴，豬皮同肉的比例適中，豬皮炆得好淋，女朋友就會形容呢啲係骨膠原。醬汁本身亦唔會太鹹，我最怕味精，食左味精飲半打可樂都解唔到。另外，佢加左芝麻亦變得特別香。本身諗住食到咁上下先加飯，但其實份量好夠，我食晒都已經飽咗。女朋友果然講得啱，我既然出得街就真係應該乜都要試下，咁先會有開心大發現。

是日同客開完會，一個人貢左去美食沙漠🏜️馬鞍山稍為比較有較多餐廳選擇既，京瑞廣場都一定榜上有名📃今次揀左係京瑞廣場一期既豐鍋雞煲試下個lunch🐷即炒椒鹽豬扒上菜時見到真係嚇親，估唔到咁大碟，肯定連男仔都夠食椒鹽豬排除左醃得入味外，炒得亦好有獲氣；一咬落口，豬排鬆軟，排邊亦香口，加上惹味既椒鹽，好好味呀！岩哂我呢個食肉獸！加上個菜芯，為成個午餐set加左好多健康分數(飲食要均衡呀～)下次如果有黎石門一定會再拜訪，到時候試一試雞煲先😋

今日再次嚟到石門，跟Openrice 食評搜尋一下最有人氣嘅中餐。豐鍋雞煲，原來佢唔止雞煲好味，午市仲有極高質素嘅套餐，餸+日本飯+無味精湯 + 菜+熱飲 都係六十幾蚊。今次我試醬汁豬手，賣相已經相當吸引，一口咬入就知道一定用上幾小時去燜製，醬汁入味之餘，肉質非常軟嫩，不能錯過的是煙韌的豬皮。另外，最有驚喜的就係個餐湯，如果有飲品我都通常唔會飲的，但見到隔離檯嘅客人個個都飲晒，連煲湯骨都食埋，我就試試。我絕對贊同佢標榜沒有味精，除此之外，仲非常足料，假若佢哋有湯包賣，我諗我一定會買。呢度嘅午市套餐值得一試再試。

石門有好多餐廳選擇，豐鍋喺其中一間我比較喜歡嘅餐廳，呢度午市有住家飯套餐，價錢$70左右，有一個湯、一碟菜、一個小菜和白飯，見到周圍嘅食客，叫唔同款式嘅套餐，賣相都相當精緻，。同埋呢度嘅午市套餐會定期轉換，所以會有唔同嘅選擇。今次我就食咗海南雞飯。叫咗多飯，所以好多油飯，好正，不過略嫌油香味唔夠，如果再多啲油就好了。另外雞都夠滑，三個醬汁味道各有不同，都好味。有埋餐茶飲，熱飲唔使加錢，熱奶茶都唔錯，有港式茶餐廳奶茶嘅風味，唔會太多奶，好飲。