豐信餃子店

營業中

休息中

我都係餃子控，經常出去搵餃子食。上星期終於可以試到期待已久嘅豐信餃子店。夜晚預先喺GULU攞咗飛，去到都仲要等半個鐘，因為用餐範圍都幾細，不過食完真係覺得等待係值得，冬菇鮮肉餃，同埋芝士粟米豬肉餃真係好正，臨走前仲買咗一打生餃返屋企🤩果然名不虛傳。

今日跟朋友在太子逛完街後忽然好想食餃子，第一時間想起的餃子店就是豐信了，七點左右已經非常多人排隊堂食，果然有人氣，而且現時已經有自動取票機，比之前更方便了。看到餐牌中有一些新款餃子，本來好想試薺菜馬蹄鮮肉餃，但可惜已經售罄了。菊花蜜夏日炎炎飲菊花蜜就正好～好大一支，又不太甜。招牌秘汁拼盤有牛腱、滷蛋、雞腎及雞翼，煮得好入味，醬汁偏甜，牛腱同雞腎最有驚喜，口感軟嫩彈牙！涼拌海蜇味道不會過鹹，帶有濃濃的麻油香，非常開胃～香煎豆腐必點之選，豆腐的豆味香濃，調味適中，淡淡的椒鹽味不會搶去豆香之餘好惹味。椰菜拼芫茜豬肉湯餃餃子包得皮薄餡多～而且好大隻！芫茜的味道好濃又新鮮，食得出是每日新鮮包的，配餐廳自家炒的菜脯粒好惹味。另外椰菜餃是我最愛的餃子款，豐信使用的椰菜夠甜又爽口，跟椰子雞湯底超配，說到湯底又不得不讚其湯底非常好味，沒有味精，還有淡淡的椰子味，好味得我整碗都喝清光了。煎芝士粟米拼紫菜鮮肉餃煎餃都不能放過，外皮半煎炸好香口，芝士粟米餃中的芝士極多，滿滿鹹香。而紫菜餃鮮香濃郁，紫菜的份量多，正好平衡到煎肉餃的油膩感～

見好多好評，星期五夜晚8點拎飛，排左一個鐘，9點有位。未食過一間餃子要排咁耐，滿懷希望。我叫咗一份煎餃，一份湯。同個妹一人食咗一啖，呆咗，你眼望我眼，因為隔籬有人食緊，所以唔好意思講出聲。啲餃子好肯定唔係新鮮肉，食落就係殭屍肉嘅味同質感，喊到抽筋，我未試過食餃子要係咁飲水。連個湯都得個咸字，一啲都似人地咁鮮甜。我哋兩個人只係叫咗14隻，最後兩隻都頂唔順要放棄。求吓你哋唔好再排，求其一間都好食過佢。

今日因為工作需要要去太子，即刻諗起呢間餃子店好出名要試下。第一次試梗係要雙併啦，仲要試埋個湯，所以叫左薺菜馬蹄同椰菜鮮肉湯餃。一嚟到飲下個湯，嘩，真係正喎，鮮甜。薺菜馬蹄既馬蹄好太粒爽口，椰菜鮮肉夠清新，兩款都好味。之後收工忍唔住再叫紫菜煎餃同芫茜煎餃外賣同生餃外賣。返到屋企煎餃都仲脆，紫菜煎餃好特別，好食。今日食得好滿足。

平時呢間餃子店星期一至五都排隊，今次嚟到禮拜日嘅下晝體驗日午餐嘅體驗。可能因為三號風波嘅關係，排隊人數唔算多，大概五張枱就到。平時大概等待時間1小時，今日算快。可能因為人手供應不足，發現三款餃子入邊有兩款，餃子皮和內涵都是散開的包括紫菜餃子麻辣豬肉餃子兩款都是雖然味道沒有太變動，依然餃子很大隻，但明顯湯底較淡，餃子，可能製作過程時間緊缺，所以出現湯水餃是餃子皮散開，一碗餃子七隻有兩款餃子出現同樣問題，真令人擔憂呀！希望唔好，希望唔好量而變質，因為始終係我頭三位最喜歡的餃子店散開實在令人掃興呀不過口味同大大隻依然令人愛不釋手為賣點

友人多次介紹這間餃子店，上一次去大排長龍果斷轉地方，今次特地選人流較少的時間前往，終於有位了！我們選了三款餃子，包括咖哩野菜餃、梅菜豬肉餃及芝士粟米豬肉餃，更特地選了芝士餃子加金沙底，餃子送上來一刻令人食指大動，每粒餃子都很大粒，很飽滿，我咬了一口，每一款餃都真材實料，很多肉餡，而且沒有肥肉，減肥也可以吃🤣三款餃子的味道都非常好，很有媽媽的味道，野菜餃充滿咖哩味；梅菜豬肉令我覺得好像吃梅菜肉餅；芝士餃加上蛋黃金沙底真的非常香脆可口咸蛋金沙包裹芝士餃，味道相配，不過多吃會有點膩🤣這間餃子店的餃子非常出色，果然大排長龍的餐廳都是信心保證！

每次經過都係大排長龍，意想不到香港人對於餃子的熱愛，就算唔係食飯時間，餐廳基本上都係滿座，而且受歡迎嘅口味都會比較快賣完，已經無數次回訪，今次打算試吓新口味，隨心分享一下，每次嚟到都有唔同驚喜，口味非常多總共有17款，所以經常吃都會有新鮮感，記得要試吓佢嘅辣菜譜，配湯餃最搭麻辣白菜鮮肉餃味道唔會好辣，最喜歡麻辣餃子，配上椰子雞豬骨湯，中和返麻辣味，而且餃子非常惹味又爆汁，一般女仔都係食7隻，有時貪心會叫雙拼必點！金沙煎芝士粟米鮮肉 令我念念不忘的餃子外皮煎至金黃色好香口就算加埋鹹蛋黃金沙脆脆都唔會太膩，就算湯餃都一樣咁好食青檸蜜 十蚊大大支好過飲汽水，唔會太甜，味道都唔錯另外小食，通常都會點海蜇同埋青瓜，價錢唔貴揀多幾款都唔會肉赤—————————————————豐信餃子店 (太子)太子汝州街17號地下A號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodies #yum #hkfoodstagram #foodie #foodphotography #foodgasm #lun

已經第n次翻啅呢間餃子店。由唔使等至到近期次次去親門口都企滿人。水餃質素keep到水準：大嚿夾juicy！ 以我嘅雀仔胃，叫雙拼10嚿可以分到兩餐食～ 個人最愛《梅菜粟米鮮肉餃》同埋《芫茜鮮肉餃》。一咬開，啲茜味成口都係！ 另外都推介芝士愛好者《芝士粟米鮮肉餃》估唔到中西混合竟然咁夾，芝士仲要流心！！ 價錢由$43至$52／10隻不等，性價比爆燈💡💡💡💡💡 煎餃一樣出色，皮夠薄，咬落去圾圾聲 。小心爆汁會辣親條脷！ 多咗幾款新款例如《馬蹄薺菜鮮肉餃》， 有口，長期售罄。 仲有堂食限定既《邪惡金沙餃》，要食就要趁早！ 招牌湯底《椰子海帶豬骨鮮雞湯》更加冇得輸！但略嫌份量偏少，每次都要額外加錢買多碗～

📍豐信餃子店太子汝州街17號地下A號舖第一次幫襯呢間餃子店，本身自己都喜歡食餃子，當然要試一試。當日晚上只見等外賣人士，堂食並不需要等位呢。今次叫咗兩款餃子，椰菜鮮肉湯餃(7隻)($38-HKD)，韭菜鮮肉煎餃(7隻)($40-HKD)。椰菜鮮餃好鮮甜，加上個靚湯底，好食👍🏼至於韭菜煎餃又好有韭菜味道，而且煎得恰到好處，皮好香脆，好味道呀😋。店舖亦有菜脯提供，喜歡食菜脯的顧客就啱晒。加些少辣菜脯入湯餃度，又變了另一種口味。店舖有幾款飲品售賣，我們叫了一支豆漿($10-HKD)，一支菊花蜜($10-HKD)。可惜無得揀甜度，略嫌菊花蜜甜了一點。

-豐信餃子店🍽️-椰子海帶鮮雞豬骨濃湯配餃子湯餃就建議可以唔叫d咁重口味先飲到個湯既鮮甜😉今次叫左芫荽鮮肉同紫甘藍粟米🥟芫荽控必點啦佢毫不吝嗇咁落芫荽勁香🤣睇個名紫甘藍好特別未試過配餃子但佢味道冇芫荽咁強烈只會食到荽既甜味👍-煎餃煎餃就一定要有芝士粟米鮮肉啦！因為入面芝士🧀️煎到溶哂拉cheese勁香😋另外咖哩呢d咁重口味都一定要配煎先發揮到🤣-涼拌海蜇 $22海蜇🪼勁爽脆咬落係卜卜聲😂鐘意食辣既朋友我建議加一pat辣椒油撈埋勁好食😍-菊花蜜/柑桔蜜 $10原本係叫青檸蜜諗住酸酸甜甜消下濟點知俾錯左菊花蜜🤣不過仲好食左咁多煎餃飲完菊花蜜覺得冇咁熱氣😂-🌟評分:🏅🏅🏅🏅🏅📍地址: 太子汝州街17號地下A號舖-#foodieluveat#foodisluveat_hk#foodieluveat_太子#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #

滷水拼盤因為咩都想食🤣每樣都嗌一樣又太多，呢碟滷水拼盤每樣兩舊就啱晒～ 有雞腎、蛋、雞翼同埋牛腱雞腎同埋牛腱都好軟淋，醃得夠入味，唔會太鹹👌🏼拍青瓜實在太需要喺咁熱嘅天氣嗌一碟涼菜！ 呢碟$16細嘅好抵食，都有大概十令舊。好重蒜味，但若果可以落幾粒辣椒 麻麻地就更正～👍🏼薺菜豬肉水餃薺菜有種淡淡嘅甜味，之前未食過呢款餃，食落又幾特別。餡料夠多，足以塞滿一隻餃。嗌湯餃可以連埋個椰子雞湯一齊飲，非常開胃🤩芫茜煎餃一食落去好飲食薯片咁脆，好香口。芫茜好新鮮，條莖仲係好脆好爽嘅口感。下次會想試下升級去金沙皮，應該會仲正🤣🤣最後仲嗌埋羅漢果水，有佢自己獨特嘅甜味，可以一解煎餃嘅油膩感🤓

說到食餃子，愛玩小生一定會想起太子，皆因當區有超多餃子小店，每間都各有特色，但共通之處，就是每間都要排隊呀！今次，選擇了豐信餃子店，網上看評分不差，而且有黃金咸蛋醬煎餃，當然要想試試啦！餃子選擇有超過10款，而每款都可以選擇煎餃或湯餃，份量亦分為7隻和10隻：✅✅韭菜鮮肉餃 （湯餃）餡香濃郁，韭菜帶著獨特的清香，口感鮮嫩，湯汁為椰子豬骨湯，配搭濃濃椰子味，非常好味。✅✅芫茜鮮肉餃（湯餃）芫茜的香氣彌漫，肉餡鮮嫩多汁，每一口都有著迷人的香脆口感，湯汁清甜順滑，令人回味無窮。✅✅✅芝士粟米鮮肉餃（配黃金咸蛋醬煎餃）外皮煎至金黃酥脆，內餡豐富多層次，粟米爆出甜味，芝士融化口中，搭配咸蛋醬，鮮味與鹹香完美結合，口感豐富有趣。值得一提，店內自製的辣椒醬非常好味呀！不過，店舖的確細小，空間較為逼夾，且餐桌有少少臭味，而有所扣分😅📍 豐信餃子店地址：太子汝州街17號地下A號舖

是晚想食簡單啲，見到呢間餃子店都幾多人等外賣，堂食都要等位。等咗大概十五分鐘都入得去，但張枱就完全無抹過，上手留低嘅水漬，飲品漬都留埋比下手個人覺得可以抹埋枱先入客會舒服啲食物我哋叫咗芫茜鮮肉餃同香菇鮮肉餃。餃都幾大隻，菜肉比例差唔多，皮薄，湯底都好飲👍🏻價錢都合宜，飲品$10支已有菊花蜜如果店員可以加強清潔枱邊，餐具柜筒，個日會覺得開胃啲，會叫多啲嘢食

太子有好幾間餃子店🥟，為食妹👧🏻情有獨鍾「豐信」❤️‍🔥。小店除咗提供餃子之外，仲有十幾款小食👍🏿。點了以下三款小食，分別有香煎豆腐、涼拌雲耳 （細）、涼拌手拍青瓜（細）。涼拌小食非常之開胃，豆腐軟滑好味😋。有十多款口味餃子🥟，可選湯餃/煎餃🥟。我同朋友點了兩款餃子開心share😬，分別係南瓜粟米鮮肉湯餃+芝士粟米鮮肉煎餃配埋金沙醬，餃子皮薄餡鮮，金沙非常滋味且屬邪惡之選✨。🥤羅漢果甘草茶🥤菊花蜜

韭菜鮮肉餃(十隻)$43芫茜鮮肉餃(十隻)$52食餃子一定要食韭菜味 招牌得黎又夠香🤓基本上去到邊間餃子店都一定會叫韭菜份😂同行朋友係芫荽控所以都叫埋一份 一咬落去芫荽嘅香味即刻湧出黎 雖然我唔係特別鍾意都覺得幾正🤣每件都大大隻其實食吓食吓都好飽😂但全部菜都好新鮮同埋煎得好香脆唔怪得知長期咁多人排隊🥰涼拌手拍青瓜(大)$22青瓜好爽口又好夠凍 而且好入味 夏天食真係一流👍🏻涼拌爽脆竹筍 $28呢個超辣 所以食咗兩舊就冇再食 但朋友就好鍾意涼拌海蜇$22影呢張相嘅時候已經差唔多食晒 我哋之後仲叫咗第二碟 雖然有啲鹹，但我哋就覺得好正好重口味