豐信餃子店

營業中

休息中

韭菜鮮肉餃(十隻)$43芫茜鮮肉餃(十隻)$52食餃子一定要食韭菜味 招牌得黎又夠香🤓基本上去到邊間餃子店都一定會叫韭菜份😂同行朋友係芫荽控所以都叫埋一份 一咬落去芫荽嘅香味即刻湧出黎 雖然我唔係特別鍾意都覺得幾正🤣每件都大大隻其實食吓食吓都好飽😂但全部菜都好新鮮同埋煎得好香脆唔怪得知長期咁多人排隊🥰涼拌手拍青瓜(大)$22青瓜好爽口又好夠凍 而且好入味 夏天食真係一流👍🏻涼拌爽脆竹筍 $28呢個超辣 所以食咗兩舊就冇再食 但朋友就好鍾意涼拌海蜇$22影呢張相嘅時候已經差唔多食晒 我哋之後仲叫咗第二碟 雖然有啲鹹，但我哋就覺得好正好重口味