豐信餃子店

營業中

休息中

喜愛豐信的原因唔洗多講餃子隻隻飽滿實在，椰子海帶湯底冇味精，餃子有傳統口味，唔同季節又有新款式不過最喜愛還是便宜大眾化的價錢，即使糧尾無錢洗，你仍然會去食。-白菜湯餃 皮薄爆餡，芫白菜豬肉內餡包得飽滿實在的白菜 口感清脆， 清甜又新鮮新鮮。其實叫7隻已經好飽-韭菜湯餃傳統口味永遠唔會輸，韭菜餃子非常juicy多汁，差D連飯匙都裝唔起，內餡吃起來也夠香。-煎粟米芝士餃子十分推薦煎粟米芝士餃子芝士拉絲的咸香更突顯左粟米的香甜味，簡單7隻2人share食唔怕太熱氣。-仲有各款小食，唔好唔記得叫滷水牛展，滷水入味之餘，本身也淡淡肉，肉味香濃四溢大推🥰🥰

6:45 行過好似不多人、叫53 號飛、拎左70 號飛、－等居然－小時、眼見有啲3-4 個人食飽又唔走、係度吹水！平時我只會外賣，今日打算吃煎餃、所以等位，等左－小時，－坐低我就叫素餃同上海粗面、點知店員話賣曬、、平時都冇所謂叫第二D、但係今日初－齋期變咗乜都唔洗食、但係因為等左－粒鐘、唯有叫上海幼面、豆腐、菜、鹵蛋。大家如果係食素、幸好豆腐、上海幼面同鹵蛋也不錯！記得入店之前問清楚、又或者店舖考慮update 等位嘅人什麼餃沽清！

呢間餃子店人氣度高咁岩果日時間早就一於去食下點知黎到都係要排隊 犀利•芫茜鮮肉餃🌿身為芫茜粉當然係必點入面滿滿芫茜 重茜味呢個大推必點•芝士粟米鮮肉餃🌽一口咬落去 入面既芝士加埋粟米味道就還好 但唔食得多如果唔係會太膩•邪惡金沙餃 椰菜鮮肉餃呢個超級邪惡用鹹蛋黃整成嘅餃子餃子可以自由選擇鹹蛋黃食落唔太出同唔重味如果可以濃味少少會更加好🫶🏻

滿心期望揾到呢間餃子店，又上榜又甘多好評，諗住一定好好食，點知勁失望！無論你叫咩餃子都好，啲肉係醃死曬甘既味，好鹹同變左質😫呢啲肉都唔知擺左幾耐先煮來食。環境好逼下，衛生麻麻麻地，坐近廚房，聽到阿姐叫同事話煮左上面個盆餃子先，話擺左好耐😨我O曬嘴！炸餃好油，仲見到一盆醃左既生肉就甘擺左入雪櫃，無揾保鮮紙封，期間，啲客要既豆漿都係同一個雪櫃到，不停開開關關唔知幾多次😰呢間野無下次，幾多好評都係假！

汝洲街呢間餃子店真心唔錯 食物好食之外服務都唔錯👍🏻野食好快上枱 叫左兩款餃子 芫荽鮮肉餃同埋香菇鮮肉餃 兩款餃子都好大隻 餡料超級滿超多肉 仲好夠味!拼盤亦好大份好抵食👍🏻

想比樓面鬧就去幫襯 😡😡之前一直好想去試下呢間餃子 🥟趁今日放假想買少少生餃子番屋企試下啦 入到去 問餃子幾多錢 個樓面咩都無講 就咁隊menue 過泥 睇泥睇去都無寫生餃子幾多錢 於是就問下個後生女 點知好惡咁話：咪一樣價錢囉 🙄 之後我話要韭菜餃 同 西菜菜餃 條女大大聲話無西洋菜餃 咁你要幾多隻 我話你地都無一打賣 （因為menue 得10隻咁賣 ）佢應都無應機就去打單 事後10隻餃之後開始收多$4.5 1隻 其實無心做咪執左佢囉 做得樓面就要同客溝通 💬💬💬我唔係要你5星級服務 但唔需要比你呼呼喝喝 無禮貌對待 賣幾多廣告都無用 覺得d客係仇人 以後都唔會幫襯 寧願去後面食番美味餃子店仲開心 態度正常好多

真心咁大個人食過最差嘅餃子，冇之一。叫咗一份麻辣菜肉煎餃、一份芝士粟米煎餃、一份湯白菜豬肉餃，另加可樂、一支菊花茶同青檸蜜。先講衛生，想搵隻碟裝醋，拎第一隻，有菜渣依附，拎第二隻，又有啲乾咗嘅菜片，拎第三隻，終於冇嘢痴住，但一摸碟底….濕㗎喎…再拎多幾隻，都係濕嘅…明白小店人手有限，但衛生都要注意….見到係小店咁多人排隊，唔計較衛生太多啦！煎餃只屬正常水平，冇咩特別。皮夠硬淨，但整體唔係好驚為天人！好多餃子店都做到。重頭戲湯白菜豬肉水餃上場！耐過煎餃上場已經好奇怪，每隻湯餃都係穿嘅！睇到嗰陣都打個突…灣x碼頭都唔會穿到咁！係每隻都皮開肉綻！圖片隻餃係冇特登夾穿，上枱就係咁樣！都姑且食下咩味道…皮好滑，係夾唔起嗰隻滑。肉餡都係滑，係滑潺潺嗰隻滑，係放入口你係覺得奇怪口感嘅滑！望落去個肉餡似加咗浸薯粉之類嘅嘢，所以係好滑潺潺同奇異地反光。真心冇辦法食完呢碗餃。菊花茶味道好甜，而且味道並唔係平時飲開菊花茶嘅味，係有少少怪味。青檸蜜就冇乜青檸味。全餐最正常就係罐可樂！完全搵唔到一個理由點解呢間店係排晒長龍，食咗咁多年餃子比啲間店完全顛覆我對餃子嘅認知，每隻湯餃都皮肉分離，真心食灣x碼頭都好食過

上午十一時多在紅磡游完水，乘港鐵經何文田站去太子站附近暖心芝作買了兩樽芝麻醬，因為有些肚餓，所以就在附近覓食。見到這間餃子店，覺得價錢尚可，人客有幾個，因此便進內一試。叫了椰菜肉餃7隻湯上，價錢$38。侍應生端來時眼見每隻餃子都飽滿靚仔，頓時有所期待。咬上口味道及肉汁都合格，唯獨是喉嚨有些受不了，估計可能是味精影響關係。有點覺可惜，日後大概都不會再光顧了。本打算不用叫飲品的，最後估計是味精令我太口渴，不得不叫了樽凍豆漿。樽上有製造商標貼，是正遠豆品供應的。這樽豆漿可真的幫了我減去了約七成口渴。豆漿味道濃郁，甜味是淡淡的，感覺健康又舒服。因為我是吃完餃子才開始飲的，所以我是一啖一啖慢慢細嚐。豆漿需要改善的地方，可能是樽蓋。其白色的樽蓋有注明食用到期日，不過可能是因為黑色油墨緣故，有脫色情況污染了白色樽蓋，亦因此令我產生衞生考慮，所以在開蓋後，我用了紙巾抹乾淨樽口。我平時甚少會這樣做的。結賬是見到生意不錯，驟覺自己的味精忍受度實在太低了。我想是前三年疫情自家下煑多了，脫離了街外飲食味精太久了關係。

在餃子店林立的太子區來說，豐信一直是我喜愛餃子店中的top 3，曾經有段時期個個星期都食，只是上月食了一次外賣覺得餃子放久了，所以扣了點分。為了試真啲，今次決定頂住個太陽都要去堂食。平日1點鐘到達，出奇地不用等位，同我以前買外賣時見到門口企滿等位人士嘅情況有差別。Anyway, 坐低後叫咗10隻白菜拼南瓜粟米湯餃，然後，等了接近15分鐘食物才到。平心而論，以平時叫外賣也要等15分鐘的情況來說，堂食的等候時間也尚可接受。然而，餃子皮漲到好似overcooked 的模樣，而且，湯面有一層油，即時要扣分。餃子size 一如以往，白菜餃也是過往的水準。南瓜粟米餃卻變了，粟米少得可憐，南瓜也不如以往般呈粒狀而是壓成蓉和肉餡混在一起。至於拌碟常見的菜脯粒，實在撈得太多辣椒碎了，坐我對面的一對男女也一直在說太辣要飲水。回想3月底也曾和同事到店堂食，還是第一次食邪惡黃金餃 (芝士粟米餡)，那次還覺得無論湯餃定煎餃體驗都不錯。到後來同事說再叫外賣時食物差了，我也不信，特意來訪。今後，這店在我心中的排名將被取替。PS 用餐期間隔離枱也出現了出錯食物和俾少了一隻餃子的情況，雖然問題最後也得到解決但一位操普通

近呢幾年太子深水埗愈來愈多餃子店，每間餃子店都各有特色😌而我係餃子的fans，所以好鐘意四圍搵食🥶今晚七點前到，已經坐滿人要等位🥲餃子選擇超過十款，選擇頗多的🤣食餃子必需食煎餃同湯餃～煎餃可以試下佢煎到皮脆多汁～而湯餃可以試到湯底，而呢間係椰子雞湯底，湯底鮮甜～我哋揀左南瓜粟米餃子，配搭新鮮，南瓜蓉好鮮甜，粟米有口感👍👍值得一試～小棠菜餃子，高鈣之選，比較少餃子店有❤️而韭菜係餃子必食，每次都係必食之選！👍👍

高質湯餃！🤩🤩🤩每一隻都脹卜卜🤩皮厚薄適中，又唔會好有粉感最鐘意係小棠菜餃😋菜好鮮嫩湯係重點！椰子嘅鮮甜好出🤩雖然都有少少咸金沙煎餃無想像中咁邪惡👍煎得好好唔會乾/燶餃子試左芝士粟米、南瓜粟米、椰菜鮮肉感覺佢啲餡都係行健康路線秘汁拼盤嘅雞腎比得好大方，雞翼好厚肉

自己都探訪過唔同餃子店，然而都不及豐信餃子店咁好食！呢間餃子店嘅餃子每隻都大大粒，皮唔會好厚而且餡料飽滿，味道亦唔會好咸，每款口味都各有特色！芫茜豬肉餃子芫茜同豬肉嘅比例係一半一半，芫茜嘅味充滿口腔，芫茜控必食！芝士粟米餃子必須叫煎餃子！因為芝士會係餃子入面融開，仲可以拉絲！配埋粟米同豬肉，超夾超鮮甜！

平日下晝四點幾到，當然唔使等位。芫茜肉餃加薯粉：可能加咗薯粉嘅關係，飲唔出椰子湯嘅味。薯粉冇乜味，亦唔係好掛到湯，口感太淋。芫茜餃子，好味嘅，但我覺得太濃味，而且偏鹹，食完好口渴。成晚要不停灌水。唔使排隊嘅話，就試吓無妨。

最近在OpenRice不是看到關於這間餃子店的評價，大家都讚口不絕。剛好上星期和朋友在附近購物，臨近晚餐時間，見店外大排長龍，忍不住也要試一試。等位大約15分鐘後就安排入座，我和朋友二人看來不住點了很多食物～金沙煎韭菜餃：韭菜的份量十足，韭菜清香與豬肉鮮甜，可見食材新鮮。餃子煎至金黃酥脆，外酥內軟，每一口都是滿滿的滿足。金沙煎芝士粟米鮮肉餃：餃子外皮酥脆，內餡豐富多層次，芝士的濃郁與粟米的甜味，與鹹香的鹹蛋黃非常匹配，特別推介。椰菜鮮肉餃椰子海帶鮮豬骨雞湯底：椰菜餃的椰菜帶甜多汁，湯底椰香撲鼻，海帶鮮豬骨雞湯的濃郁滋味，喝光也不覺得口渴。紫菜鮮肉餃：紫菜香味突出，這是朋友特別喜歡的口味，而外面其他餃子店亦較為少有～麻辣白菜肉餃：這是非常過癮的口味，白菜的清甜與辣味的刺激，是意想不到的配搭。冬菇鮮肉餃配酸辣湯米線：冬菇的香氣滲入內餡，酸辣湯竟然不比椰子湯遜色，甚有川菜風味，而米線質感亦滑爽的米線，不會過分軟爛。香煎豆腐：豆腐香氣四溢，煎至外酥內嫩，免頭灑上椒鹽，令豆香更加突出。秘汁拼盤：秘汁入口甜蜜，拼盤有雞翼、雞腎、牛腱、和滷蛋。雞腎特別出色，鮮嫩多汁不靭。羅漢果甘草茶：飲品選擇方面多

我都係餃子控，經常出去搵餃子食。上星期終於可以試到期待已久嘅豐信餃子店。夜晚預先喺GULU攞咗飛，去到都仲要等半個鐘，因為用餐範圍都幾細，不過食完真係覺得等待係值得，冬菇鮮肉餃，同埋芝士粟米豬肉餃真係好正，臨走前仲買咗一打生餃返屋企🤩果然名不虛傳。