譽居

營業中

休息中

青衣城雖然都算多食市，但成日都好多人等位。所以食野並不會特別揀去青衣城。今日撞啱坐地鐵向青衣城轉車。所以就向度食個lunch先。食飯時間確實多人。揀左向最低層嘅一間中式店鋪。呢度有粥，粉，麵，飯，小菜食。我就叫左碗雲吞麵，牛肉腸粉食呢度嘅雲吞麵尚算不錯。之前都有食過一，兩次。但個湯底好像無以前咁濃同香。。。麵就keep到爽口彈牙。雲吞都尚算ok。陳皮牛肉腸粉外表睇落ok,但食落就覺得一般般。腸粉沒有太多餡料。腸粉都算滑。但我覺偏淋左。埋單成為80幾蚊。食兩樣野要80幾蚊都不平。注意呢度係要收3蚊茶錢的

和朋友宵夜，一行6人加1個小朋友，去了譽居，宵夜價錢小小貴和細碟，味道不錯，不過食完都唔太飽，但朋友聚餐有大人和小朋友還是一個不錯的地方⋯宵夜選擇款式算多～咸肉粽和炸両不錯，炸両精緻，油炸鬼好脆燒腩仔飯同樣細細碗，味道0k沒大驚喜，但咸蛋真的超咸，很久沒吃過這麼咸的咸蛋了😂生炒牛肉飯味道不錯，飯是一粒粒的又乾身，口感很好炒麵普普通通菠蘿雞粒炒飯相比生炒牛肉飯就遜色得多，好清淡炸水餃好好食，好香脆，肉有啖啖蝦肉叉燒腸細條都算滑未足3歲小朋友都收$3茶錢🤔

和小朋友去青衣海濱長廊玩完後找尋好吃的餐廳，已是第二次光顧，服務員有禮，食物水準好，今次點了四寶炒飯，燒味雙拼，黃金蝦和竹笙豆腐。這裡是一家人不想煮飯的好選擇。

放工時間又無咩食欲，搵間清清地食下粥之前都係早餐時間黎食，貪有茶飲唔洗下下飲甜野，又夠乾淨！夜晚時段黎都唔會好多人但食物就比之前黎果幾次差左……味道都係差唔多，但薑同蔥既比例好求其而且條蔥成條過，切都唔切枱仲有上一手食剩既食物殘渣……可能做左成日野，大家都無咁好精神希望下次黎可以好返

咁大個人，未食過一碟手撕雞係咁綠色，未食過一碟以雞為名嘅菜色，啲雞係咁少，如果呢碟奇葩係套餐搭配嘅小菜，我可以算，但以獨立一碟正價小菜計，明顯係名不副實。服務更加唔使講，坐低之後，一直無人拎餐牌，我焗住問隔離枱借。絕對無下次。

游完水去醫肚既晚上, 想清清地食下粥所以去譽居。估唔到晚上九點半都幾多人喎!! 原來有宵夜時段睇個價錢幾吸引, 食物整體亦都良好!叉燒腸 - 唔差! 多叉燒, 皮既厚薄適中!水餃麵 - 好食呀! 麵好爽口, 水餃食落新鮮窩蛋肉丸粥 - 粥係綿綿的那種, 肉丸都彈牙, 好食!

我覺得比米其林餐廳的麥奀雲吞麵好吃，價格很親民，是間CP值滿高的餐廳。第一推薦的當然是雲吞麵，叉燒油皇炒麵也好吃，粥品也是必點菜單。另外，在下午茶和宵夜時段會收取一人3塊錢茶資。

曾經在青衣城的譽居食過粥麵，今日再次來到，主要是食個午餐。進入內堂後，餐廳環境與當時無異的，故無須再介紹環境。打開餐牌，固然有粥麵，但亦有燒味飯，及其他食不同人數的套，另一個餐牌則有葨家菜，但沒有鑽研內裡的菜式。店員先端上茶壺，讓客人可茗茶，茶香濃郁，是一壼中國茶呢！點來一碗叉燒飯，當中肥脂不多，瘦叉則佔多數。叉燒是富有蜜味，不算鬆化，但是肉質軟腍，幸好尚有肥脂在內，不硬，可取呢。一碗簡單的叉燒飯，可當作一天的午餐，都係咁，足夠吧。

叫個油菜加碟魚鬆炆米，等足半個鐘，叫侍應追下，再問佢追左未？可唔可以出碟油菜先？佢仲話：又唔係我整！人唔多，等咁耐，追下都要受氣，幾好食都假，況且質素一般，以後唔會黎！劣劣劣！

一起身就好想食雲吞麵就走去青衣食野，平時我好驚出面好多雲吞麵都非常大陣堿水味，好攻鼻之餘仲大大影響雲吞同麵既味道。我覺得譽居既雲吞麵算係合格，麵非常彈牙，而且堿水味唔太重（要求外面既雲吞麵完全無堿水味係無可能架啦，所以佢都算合格啦），不過雲吞就過於普通，雖然皮整得非常薄，而且味道適中，不過口感欠奉，裏面餡料同蝦唔太彈牙，有待改進。我仲叫左碗肉丸粥，粥底本身煮得唔錯，綿綢得黎可以見到都幾多米粒係裏面，另外個肉丸普通，味道偏淡，如果口味比較清淡既朋友都係一個唔錯既選擇。整體黎講價錢中等，不過不失。

今日同同事一行七人去到好多地方都冇得食，周圍都爆晒，竟然去到這間仲有位當然即時入去食午餐啦，我地食過覺得其實都吾錯味道，而且價錢合理，佢的午餐牌原來不定時會轉，今次我地6個人竟然都係想食同一款，京都排骨（我記得六十二蚊左右）！～因為我地之前食開佢地的豬扒係十分好味道，夠厚之餘又有肉味，吾會得個鞋同冇味。而今次我地叫的京都排骨就更多左酸和甜味，份量又多，再加一個大白飯其實我地女同事黎講係食吾晒。仲要有例湯添，不過今次的例湯就偏淡有點失望。而最後一個同事食燒味飯都係四十多元，價錢吾叫十分平，但燒味肉，义燒肉質瘦肥平均又吾太多肥膏，味道夠又香，吾會鞋同加左豉油飯同事話十分好味又吾咸。係一個多選擇而價錢合理在青衣城的餐廳。>

由於番到青衣已經10點,間間餐廳都CUT曬ORDER,但我同朋友又好肚餓想搵野食...點好呢,吾通真係要食M記?不死心地行曬咁多間,由3樓行到落G樓!!終於比我地搵到間門外貼寫有宵夜GE中式麵館,咁岩我都想食番D有湯GE野,就入左去.平時好少黎衣間到食,因為食物冇咩特別,但價錢就貴貴地,而且個冷氣經常都好凍.唯一優勝之處係通常都吾洗等位.仔細一睇個餐牌其實又吾係樣樣都貴GE,叫左兩碗野,一碟小食,牛肉河(朋友的),雲吞麵(我的),手撕雞(share食).不過不失的 雲吞河,d面都ok,吾太硬,冇難食ge鹼水味.個雲吞都吾太差,皮薄,都有大大粒蝦.我比較欣賞佢個湯吾算太咸,至少我食完之後冇係咁飲水止渴.衣個份量我食得曬,幾好.牛我吾太好,所以冇食到.手撕雞令我同朋友都吾係太開心.因為佢有西芹,而我同朋友都吾食.真係吾知原來手撕雞係會有配西芹衣個食法...搞到我地千方百計挑d少得可憐的雞肉出黎每人食得個兩三條...d辣就吾會太辣,我覺得ok ge.凍檸茶好好飲,個茶吾會太澀,檸檬都有幾塊,夠酸.真係吾知點解.永遠都係同桌叫凍檸茶,我自己吾會叫,但就會搶對方個杯黎飲...係一直都覺得自己吾會

一直對它的及弟粥都很鍾情。最近午市食了個小菜套餐，椰香茘芋鷄加老火湯，非常失望。個青紅羅蔔豬骨湯老實說是咸滾水，冇料就多加些鹽。碟椰香茘芋鷄就共有六塊雞，其中有兩塊鷄翼尖和一大塊鷄頸，味道也是得個咸字，回家一個下午飲了很多杯水，失望！

價錢有不同選擇，味道質素都好味譽居都係我地既飯堂，因為12點去到吾洗訂座可直接去夠方便（每次8-10人）。今日去既時間再看午餐餐牌更新了。同事最愛椒鹽豬扒冇左..唯有食新野。而我因為成日周圍食野咁滯，所以今日食清一點先...A2 荔灣艇仔粥$34：粥方面吾叫好多材料，但粥都夠綿，吾太咸，食落味精不多。整體味道吾錯。套餐加六蚊豉油皇炒面$6：不太好味，煮得太淋同好多爛而難“甲“，顏色和味道淡，差不多沒有配料有點失望。佢既$62Q版套餐送湯更為吸引，原來食滿$150用恒生仲有9折。

青衣城係返工地方最近的商場，我地差不多食晒全部餐廳。就係這間未食過，見到門口午餐都係講緊＄60左右，所有找了天一行八人在12:20到達在不用等位情況下開餐！～茶芥每位＄3如小菜餐會有湯和飯，如果其他就要加大約＄6左右可選擇湯或飲品。炒面，腸粉之類都有都係大約加$6-9就有。有粥粉面飯咩都有，我地一行八人都叫了不同，大約問左同事食完意見：椒鹽豬扒都話好香口吾油好味道。燒味飯吾多肥膏义燒，醬汁好味，女同事最後食晒所有白飯。豉椒牛肉炒河：豉椒味重但吾咸，各款椒熟得剛剛好，好香口同脆口。牛肉吾會好硬有牛肉味。份量都夠有飽。皮蛋瘦肉粥（＄32)：煲得都好綿身，配料多同瘦肉係有用鹽俺過所以有少少咸味，份量都大。食完都不用加腸粉之類，一個女仔已經足夠。