譽居

講起青衣呢間「譽居」，真係唔錯喎，今次係外賣平台訂咗兩個飯，分別係明爐燒鴨飯同埋蜜汁叉燒飯，價錢好親民，一個$50，仲有優惠，總共$90就搞掂。先講燒鴨，啲鴨皮真係夠脆，咬落去嗰陣帶啲油香，但唔會肥膩，鴨肉嫩滑入味，醬汁夠晒香甜，啲飯吸咗啲鴨汁，好有層次。特別有條青豆莢擺喺入面，增添返啲清新感。叉燒方面，厚薄啱啱好，唔會太厚咬唔到味，亦唔會太薄食落乾，啲叉燒油脂分布均勻，帶啲甜甜蜜蜜嘅醬香，好夠味。啲叉燒表面帶啲微微焦香，口感彈牙，配埋底下嘅白飯真係一流。整體嚟講，呢間「譽居」嘅燒味飯好有水準，份量唔少，價錢合理，送餐包裝都幾好，啲飯唔會太濕爛，保持住粒粒分明。係青衣區想食燒味飯，呢度真係一個值得推薦嘅選擇，下次想試多啲佢哋嘅其他粥粉麵睇下。 小貼士：如果鍾意有啲脆皮同夠香嘅燒味，呢度嘅燒鴨真係唔錯，叉燒都係好味道，唔會失望！…查看更多

青衣城最近多咗好多新 食肆， 可能咁嘅原因今日中午去食飯覺得有些微嘅改善。中午套餐 $78， 有個椒剁蒸鯇魚， 今次味道都中規中矩，有白飯，加一個湯， 都計茶位； 今日唔算多人坐得都算舒服。另外叫咗一個銀魚仔蒸肉餅， 都係套餐未到還可以， $78。今日覺得啲白飯冇以前咁硬 算係進步咗， 可能附近多競爭所以自己有自知之明， 職員嘅態度都略有改善。唯一要講下嘅就係既然都做開中菜，點解 茶葉冇多種選擇呢？ 又唔係唔使計茶錢，點解唔大方啲畀多一兩隻選擇都唔係太麻煩啦。…查看更多

## 食評：青衣外賣午餐今次同爸爸媽媽去青衣一間有質素嘅粥店食外賣，食物幾滿意～### 食物評價1. **雙拼燒味飯**： - 我哋點咗雙拼燒味飯，燒鵝和燒肉都好好味，肉質鮮嫩，醬汁味道啱啱好，飯亦都吸收咗燒味嘅香氣。2. **及第粥**： - 及第粥味道亦唔錯，粥底滑順，配料新鮮，尤其係魚片和肉片，吃起來很有口感，令人一試成主顧。### 總體評價整體來講，兩樣食物都非常好食，味道剛好，性價比高，真係值得推薦。下次再有機會會再來訂外賣。…查看更多

第一次去譽居食早餐，平時都係食晚飯多，我唔知佢哋嘅配搭係點配，個女職員幫我哋落單，我都係同佢講我想食嘅嘢，佢用教訓嘅態度同我講點點點配搭會抵食啲，我冇理佢，佢都講得唔清楚，其實我覺得冇所謂，於是我繼續睇，佢無端端講一句你咁都唔明啊？態度奇差，好似教訓緊我，其實我淨係想食我想食嘅嘢啫，我同佢講話錢唔係一個問題，我話你唔好打斷我喺睇緊，佢話我幫你又錯，成件事好怪，又同我講乜都係得佢一個做，但其實我見好多個員工喺度，佢哋都好忙，我同佢講話唔關我事，係你哋嘅事，佢之後仲嚟咗個完全唔熱嘅腸粉，又來錯咗個炒麵，咁嘅員工點解會留喺度，食咗10幾年越來越難食，啲嘢食唔係平，員工態度又麻麻地，繼續落去會關門大吉…查看更多

很多時候家人想食粥便會幫襯，但不幸每次都有不好經歷。食粥見過有小曱甴，食麵就有小飛蟲，炸兩的油炸鬼放太耐硬到似多士。有三次叫外賣仲離譜，第一次我買譽居叉燒炒飯，女收銀話冇，佢話只有叉燒炒飯，但本menu係寫住譽居叉燒炒飯😓。第二次買叉燒炒飯同女收銀講多少少菜甫，佢話叉燒炒飯冇菜甫，但我食咗幾次都有，而且餐牌有寫用叉燒粒、蛋及菜甫炒，跟住佢話正價冇菜甫，下午茶先有😓，我懷疑佢根本唔知係咪呢度嘅員工。第三次最離譜，我買外賣，女收銀自己掛住傾計又問我要咩，我講咗雲吞麵三次，驚佢掛住同人講野落錯單，俾完錢我睇單發現佢出咗豬手麵😓，我即時同佢講打錯單，佢話我自己叫豬手麵，佢冇落錯，我話我講咗三次，完全冇講過豬手兩字，而且我唔食豬手，要求佢改，佢叫咗個比佢高級嘅男經理幫手簽名改單並告訴男經理係我轉要改因為我講錯，我即時告訴經理係女收銀掛住傾計落錯單。邊有咁離譜自己做錯仲講大話屈落顧客度，佢仲好不滿同其他女職員講佢嘅大話，仲累佢要改單，語氣超級差同冇禮貌😡，所以我唔會再幫襯，咁樣嘅服務態度先會越嚟越少人去。…查看更多