譽居

營業中

休息中

該店已在商場開業多年。是日同個老友幫襯下午茶。嚟到門口已經見倒有個大牌介紹下午茶內容。入面嘅裝修都幾切合佢個名，屬於新派懷舊茶居風格，有卡位同散枱提供，我地揾左個卡位坐，都幾舒服嘅。睇吓個餐牌，都有多類出品可選擇。粥嘅賣相一般，用匙羹撥開d粥，見倒d料。咸瘦肉配皮蛋，食落都OK，粥都算棉嘅。油條唔係即炸，欠左少少應有風味。雲吞麵麵質都爽嘅，配雲吞三粒，製作都算堅實有口感。所謂陳皮牛肉腸就唔多得喇，主要因為唔係即製而係番蒸，冇晒腸粉嘅柔軟度，腸皮變厚且熱度不足，亦唔覺有陳皮味。該店下午茶以28蚊嘅雲吞麵做主角，看似廉宜，但如果祗係幫襯食雲吞麵，因為要俾茶錢同加一，埋單要成37蚊，以下午茶嚟計，一d都唔平囉。至於是日食嗰d其他嘢，質量祇係一般，腸粉就唔多合格添。

本menu 成本書咁厚！好堅！好多款野食！價錢又唔貴，料又足！芥蘭炒牛肉好有鑊氣！食得出唔係hea 炒咸蛋蠔豉叉燒粥雖然有咸蛋但粥底偏淡，叉燒同蠔豉料好有口感下火一流燒鵝粒梅菜炒飯出面比較少咁配搭，又幾野味，飯粒粒分明又唔會太乾，好味呀！南乳豬手呢個南乳好入味，豬手夠曬淋份量亦不少！芝士焗珍寶蝦球啲蝦好新鮮又彈牙，唯獨芝士味不夠重整體來說，CP值高，埋單都係$5xx, 4個人食，仲要食得出味精少！下次一定會再食

呢度嘅粥雖然比唔上靠得住係我心中嘅地位 但呢到價錢合理（除左花膠、鮑魚粥外）粥嘅黏度、綿密度都夠 食材都好食 特別係豬肝 好滑好香 對於腸胃唔太舒服嘅小編🐰 呢到係個唔錯嘅選擇 簡簡單單又一餐❤️btw佢個咕嚕肉（$78）好特別 用桃🍑代替菠蘿🍍但唔到又出奇地夾wor～-Even though this congee restaurant is not comparable to the, the congee here is delicious. It is smooth and sticky enough! The prices of food are acceptable except that of the congee with abalone and fish tripe. For my favourite dish sweet and sour pork, I think it is creative and wise to replace pineapple with peaches. I think the flavour of pork is coherent wit

多款優惠套餐，粥配一種食物，如腸粉/炸両/炒麵/糭等！今天食艇仔粥（$34），走魚片，真係有走！材料有豬皮，咸瘦肉，生菜，魷魚及花生，粥底相當厚，幾綿口，唔係好味精，食晒都相當飽肚！另外透露選配炒麵，唔太咸，麵條有一定硬度，有甜醬送食，但味道有點古怪，不點罷了！另收茶錢，不過都算抵食！

今日晨咁早出去青衣見有啲時間就去揾間餐廳食早餐之前聽朋友講過『譽居』今日經過見到餐牌好似唔錯於是入去試一試😏其實個早餐孖寶都幾抵食，選擇夠多而且價錢合理仲免茶芥添～叫左「荔灣艇仔粥」配「蔥花蝦米炸兩腸」首先講碗艇仔粥，粥底好綿都好足料👍🏼👍🏼碗粥本身巳經有少少味我覺得清淡啲唔落胡椒粉都夠好味了！另外份炸兩腸味道都唔錯外層腸粉唔係太厚內層油炸鬼keep到脆口蔥花同蝦米令到份炸兩腸多左份咸香👍🏼三十幾蚊食一份咁豐富嘅早餐都算好抵，而且環境舒適，有時間可以慢慢坐～

燒味飯我相信每一位香港人都有食過,但高質素既燒味飯就唔係到到都有今日居然比我遇到呢個係燒味雙拼飯嚟，我揀左燒腩仔同燒鵝佢啲燒腩仔真係好脆塊皮好好食,啲肉肥瘦適中啱啱好 至於燒鵝都唔錯，塊皮燒到好入味一咬落去啲鵝油香bit晒出嚟，不過啲肉就差啲啦， 稍為鞋咗小小，略為美中不足至於條豆係白灼嘅，冇乜味道不過食落幾爽口總括嚟講係同地鐵連接商場40幾50蚊嘅價錢食到呢個質素嘅燒味飯我覺得都叫reasonable嘅

譽居最好吃的是什麼？印象中及第粥，牛肉蠔豉粥，雲吞麵，都係非常出色。今朝來到青衣分店，點咗牛肉蠔豉粥配炸两，雲吞麵配青菜我本身鍾意吃新鮮蠔，對蠔豉就麻麻哋，但自從試咗譽居的粥後，就愛上咗蠔豉，因為佢煲得粥來又keep到佢獨特的味道，不會淡而無味，所以係來到必叫粥品

燒味飯平時就食得多，但好少可可以食到出色嘅燒腩仔，我認為依間譽居唔試試就真係戇居！晚餐叫個鹹蛋燒仔飯都係$48 在青衣城黎講 ，咁既價錢既好味又食得飽，實屬難得！而且燒腩仔保持到脆皮芝麻皮，一層肉一層脂肪，分布得好平均，同埋啲脂肪可以做到入口即溶，點埋個介辣醬辟埋陣豬肉味，喜歡食燒肉嘅朋友應該都會鐘意！肉丸魚片粥食粥最緊要夠熱！依度完全做到！不過魚片就略較多骨紅豆桂花糕$18有四件 呢個桂花糕係楊大菜整既，本人就鍾意食用魚膠粉整嘅多啲，因為個口感好d

屋企人好鍾意嚟呢度開飯， 如果食燒味飯，佢比快餐店好少少， 價錢貴快餐店少少， 要收茶錢又要加一， 有啲唔抵。落單的時候，當我嗌鹹蛋叉燒飯，叉燒飯要半肥瘦的時候，個侍應塊面一沉，轉哂色， 我同家姐都不約而同留意到，唔通唔可以要求半肥瘦叉燒?鹹蛋叉燒飯叉燒的確係半肥瘦，不過係雪藏叉燒， 啲肉比較削，只係蜜味夠。脆皮燒腩仔飯個皮係脆，不過肉都係粉紅色的， 都有個燒腩位俾你的。鮮滾豬潤粥豬膶夠厚身，味道都ok，但係點解啲粥有咁多油? 仲有好結撻撻。

次次黎到青衣城都係食西餐，因為得我同友人兩個人，所以從來都無特別去諗食中餐但係青衣城都已經食勻咁濟，真係好悶了！同行友人就提議不如食中餐啦下 得兩個人食中餐？唔知道大家會唔會有我呢個想法，兩個人食中菜又唔叫得多，而且d 份量又大，一定會食得好飽但係同行友人話去譽居唔會bor，而且又有久違既叉鴨飯所以一落車就去目標好明確咁去拎位！由於星期五既晚市啦所以都人唔少，好彩等左三個字就入到去，d turnover rate 都算快睇下menu 叫乜啦！仲以為出街食飯一定係高消費，但係呢度既menu 都算平，堂食個燒味飯都仲係五十蚊之內，就算叫小菜都係八十零蚊島食燒味黎講，我唔係一個食家，基本上d 叉燒唔好太肥同埋柴皮我都收貨。呢度既叉燒絕對收貨啦，無論係份量定係味道，我都好滿意。d 叉燒鬆軟架，容易𡁻得開，唔un至於燒鴨呢都係個d 味啦，就咁睇雖然唔係好靚仔，但係其實味道係ok的可惜既係，師傅斬曬d 骨位俾我，我同友人唔係好夠分（哭）呢度有幾樣野都係大特價，而我就叫左兩樣。呢個蟹粥就係其中之一個粥入面真係有一隻蟹架！只係d 粥com住左張相睇唔到可惜既係d 粥係白粥底，唔甜無蟹既鮮味我同友人都對

今日係青衣城搵食，見門口介紹下午茶“細蓉”26元都幾抵，而且真係幾想食麵就入去試試。2:30沒太多人，室內中式設計，乾淨整潔，環境不錯，還有上層座位選擇。叫了一碗雲吞麵，加8元炒麵。一坐下便有壺茶serve. 茶真的不懂品評。先上的炒麵都幾大碟，都夠乾身，味道唔算濃，但個人覺得足夠，附送一碟甜醬，味道不錯，應是自家製。但麵上的配菜不是一齊炒，是後加的，而且有點水，不夠香。但以8元來說，我覺得好好了。到“細蓉”上場。原以為26元價錢會好細碗，但錯了! （早知不用叫多個炒麵，最終都要打包） 我覺得是正常size, 3粒雲吞，麵很多，滿滿的。雲吞皮薄，蝦很鮮，跟肉的份量比例很好，食落口感味道不錯，個人只覺吃不到蝦時有少少淡。麵質彈牙，湯底清，只有好少好少鹼水味。食辣的朋友要注意，小瑕疵是辣油真的比平時辣，但就沒半點味道，呢個真係差少少。埋單= 4茶錢+26雲吞麵+8炒麵+10%服務費下午菜來說，2個人是足夠吃的份量，還可閒坐一陣，本人覺得實在不錯。有機會還會再去。

未去過所以特登同朋友去試下，初頭坐低都無咩問題，到有人黎比餐具斟茶既時候，個茶壺6到我朋友，仲無講對唔住，態度欠佳，另外，我地要點菜無人理，舉極手都無人理，舉左好耐先有人到而食物就一般，無咩特別

好耐冇試過食粥，今早經過青衣城唸唔到食咩好，就試試食依間既粥啦！皮蛋瘦肉粥，皮蛋得兩粒，瘦肉就幾入味，粥都食落ok.炸兩好脆幾好味！下次經過再試其他。不過一個早餐要收返茶介 tea係任飲的！

假期訓到自然醒真係好正😆唔知點解大大下對粥唔太抗拒🤔加上大食仔好喜愛食粥🤦🏼‍♀️譽居既粥我覺得唔錯 但腸粉就麻麻地⋯🤫三色腸粉（$45⋯燒鵝.叉燒同蝦）皮蛋牛肉粥 （$41）

這間店已開了多年，早兩年我是經常光顧的，但後來服務水準退步不少已很少幫襯了。食物 - 這裡的食物雖然較附近的快餐店貴，但性價比卻高很多。唯一差的是麵的鹼水味太重，曽給意見卻未見改善。服務 - 我較喜歡吃撈麵，但撈麵份量較大所以我一向都是要求湯分開上，已往是可以的，但有次卻遇上一個年紀較大的女部長以無禮貌的語氣拒絕。當我說已往是可以的，下單後她還大大聲的行開討論話不可接受分湯要求。(同一集團的其它店如譽小館也可以分湯)收費 - 這裡有會員咭制度，試過入少了分要更正。但最差的是常壞機但卻沒有後補或即時回贈或貼通告說壞機，變相食貴一成。慼覺受騙了！