詠藜園四川擔擔麵

營業中

休息中

今晚我們喺黃埔睇完戲之後去咗蔡瀾美食坊嘅「詠藜園」食晚飯！我們叫咗至尊大拼盤、紅燒牛筋腩煲、招牌擔擔麵、改良擔擔麵同鷄絲冷麵！至尊大拼盤係由五款唔同嘅食物堆砌而成，令到賣相非常精緻吸引，花雕醉鷄嘅酒味相當芳香，肉質好嫩滑！鎮江肴肉嘅口感非常爽口彈牙，肉味亦相當濃郁！拌海蜇嘅口感好爽脆彈牙，麻油嘅味道亦好香濃！紅燒牛筋腩煲嘅牛腩肉質非常鬆軟嫩滑，牛筋嘅質感相當煙韌彈牙，醬汁嘅味道亦好香甜惹味！招牌擔擔麵同改良擔擔麵嘅麵質好爽滑彈牙，湯底嘅味道亦好濃郁！鷄絲冷麵嘅麵質超爽口彈牙，鷄絲嘅肉質都幾嫩滑，麻醬嘅味道亦好濃郁！

上星期去紅磡黄埔探望姑媽，之後我地一行四人就去晚膳，姑媽就同我地去到剛拿到米芝蓮嘅“詠藜園”，我地大家都滿心期待，希望馬上就可以品嚐到米芝蓮推介嘅菜式😊甫入店內，充滿着中國傳统色彩，我地首先點左碟醉豬手，但酒味太濃，唔係每人可以接受得到，D豬手都幾爽口，但豬皮D毛仲未清理乾淨，影響食慾;之後就上左碗招牌肉碎拉麵，肉碎有炒過，都幾香口，D麵尚算彈牙，但敗北嘅係D湯底，太濃，徧鹹，同埋唔夠熱，失望;最後黎多過生炒骨，酸甜味十足，波籮，三色椒鮮艷無比，但排骨炸粉太多，無曬口感，所以有時候越簡單嘅菜式就越難做得好整體裝潢，宣傳確實不錯，但有時傳媒誇張報導，所以有時候都要親身試過先係真

跟朋友在理工大學拍完畢業照，Hubby問我想去尖沙咀韓國街吃午餐還是去黃埔詠藜園。因為平時甚少機會去黃埔，今次近近地，就選去詠藜園。而且我記得之前在黃大仙的總店吃過雷沙湯圓很好吃，也想試試這裡的。誰知來到翻閱餐牌，只有4款甜點，但沒有我要的雷沙湯圓。當刻是有點失望的。坐下後，侍應拿來兩碟前菜，一碟是花生，另一碟是酸菜。花生香脆，酸菜爽口入味，不太酸，很醒胃。醉豬手這裡醉雞較有名，但Hubby不喜歡吃雞，我便選了醉豬手。酒香味濃，去掉大部份骨，入口爽口彈牙，份量也較預期的大份。酸辣肉碎湯麵麵端上來，看來有一層油浮在湯面，心裡一沉。不過吃下去，沒甚麼油膩感，而且麵在湯裡浸了差不多十分鐘，直到我吃盡這碗麵，麵質依然彈牙，完全沒有被湯的熱力讓麵質變軟。湯底微酸帶點點辣，既醒胃又飽肚之選。生炒骨忘記了餐牌上的名字，反正生炒骨是這裡其中一道推介菜式。份量同樣比想像大，肉很軟身易嚼，吃下去沒有梳打味，應該不是用梳打腌肉讓它變軟，但真想不到是甚麼原因可以如此腍身。茨汁略嫌甜了一點。配菜的菠蘿、青椒與洋葱，一般吧！這裡比較多日本食客，店內沒黃大仙店那邊迫人，坐得舒適點，但缺了些詠藜園的傳統感覺。

傳統川菜一向都好中意食，呢間咁出名一定要試試！去到邊見到有土豆絲都要試，呢間仲要有最愛既酸辣點可以唔試！辣椒味重，酸味反而唔算重，同大陸既一樣好味！份量少，但麻醬份量岩岩好，撈埋超好味，上枱五分鐘清晒！紅油青瓜超紅，食落去都好辣，份量都係偏少，不過好好味要再叫多碟！炸到咁金黃好難唔好味！外脆內鬆軟，略嫌煉奶唔夠多！

傳統川菜司令好中意食中國各地嘅名菜，四川嘅辣野就最中意，因為個種辣唔係死辣，而係過癮嘅辣😝。今次簡左傳統四川菜館詠藜園，創辦人嘅祖先係清朝嘅御廚，所以好多款菜式都係御膳或者家傳秘方，仲主理傳統宮廷菜，川菜和淮揚菜等，獲獎無數。嘩聽到咁即刻好期待要試試佢嘅菜式！詠藜園裝修走中國風，司令都幾like！但食物先係重點！😍 首先有左上嘅螞蟻上樹，同司令之前食開嘅好唔同，佢係先將粉絲炸過，同肉醬另上，將肉醬淋上炸過嘅粉絲上就會有兩種口感，加上微辣，好好味！跟著有醉雞，雞好滑，亦都係每件都有雞皮，酒味偏重，司令覺得浸嘅時間可能稍微多左啲呢🤔。 左下嘅係小籠包，司令每次都會點嘅，皮算薄，包入面肉汁多，食既時候要小心啊，熱辣辣既湯噴出尼唔講得笑架。仲有叫左改良版擔擔麵，麵食尼講基本上係全店最平嘅野食，只係二十幾蚊一碗。改良版其實係加左肉碎係上面，相對普通嘅擔擔麵濃味，不過司令覺得個麵質唔算太好食，如果係手拉出嚟嘅麵就會更好啦。詠藜園食物嘅價錢唔算貴，同時份量亦唔算好多😂。不過咁都好，可以試多啲美食👍🏻！傳統菜式黎講，詠藜園不錯！

聽講呢間是小店演變而成? 朋友話好味所以行開果邊就試下肴肉: 好似食緊咸豬手, 每粒都幾大舊, 我縑佢太「彈」, 應該落左魚膠粉? 不過味道幾好, 好過鼎泰X 似午餐肉....擔擔麵: OK, 唔會好油/辣雞絲粉皮: 麻醬好多, 但比較淡同乾左D, 所以覺得佢D 麻醬麻麻鱔糊: 用芽菜炒, 唔咸, 好味, 鱔都多豆苗: 有酒香, 幾好小籠包: 入面竟然無湯汁, 比較乾, 味道OK

昨晚同朋友係尖沙咀區食飯，我們就到久違了的詠藜園一試。因為晚上時間，都等左一陣才有位。食左擔擔麵，炒個白菜仔，功夫燻魚，雲白肉，再加個甜品 - 杏仁豆腐, 正。擔擔麵的湯底味道稍為同上次來有些不同，問店長朱經理，原來湯底用了野生蝦米來淆，沒有激素，夠健康。燻魚皮脆肉嫩，實在好吃。冇來一排，店內的人手與招呼仍像以前一樣，不太足夠，有待改善，希望下次再來時會好些。

試了非常特式既甜品，養顏又美味“得心應手”-鷄蛋壳裏有椰汁蛋白，蛋黃是忙果，精緻非常。另小食醉鷄和豬手都有水準！少少酒味又爽囗，每㳄来都一定會點的菜有咭嚕肉和粟米班塊，整体來說非常滿意！

每次吃都有困難，不知吃麵好還是包點小菜好。吃麵又不想同人分，吃得兩口怎過癮，吃了一碗麵再吃湯包又有些飽(因為每次吃我都要一口氣吃四隻)別怪我貪心。就算吃麵，在麻辣和酸辣間我都有選擇困難，(今次吃了麻辣)麻辣的又麻又香但吃到嘴裏卻温和平衡得剛剛好，本人是吃辣之人，但每次吃都不忍再加辣油，怕破壞了這碗麵，麵條還是彈牙爽滑保持水準。雖然明知飲湯很肥但還是…… 湯包皮薄，味鮮多汁，吃了三隻，因還要吃一口煎餃，煎餃煎得香脆可口，一碟有五隻，一口一隻回味無窮。两個人吃了$159晚餐来說也很合理。

個日出開TST，之後特登座車去黃埔試下，但係有D失望，叫咗幾樣嚟試，只得擔擔面算係唔錯，其他嘢就...酸辣水餃，味道一般，又唔酸又唔辣; 小籠包，皮薄，肉鮮，但冇乜湯; 椒鹽豬手，係廚師推介，味道幾好，好香同野味，但係因為近腳指位置，冇乜肉食唉埋單食咗$273

仲有一個鐘頭去睇戲依家唔比較少人我哋入咗去揀位叫咗個黃金中蝦，比較濕，平時食開嘅係乾身所以的食完有點制，小籠包還可以吧，春卷有啲油內容比較少、擔擔面冇乜花生味湯底

今日再去詠藜園吃飯, 每次由英國返來都會去吃, 今次不例外!!帶外國朋友來, 原來外國人特別喜吃咕嚕肉及樟茶鴨, 我叫了兩碟給他們吃, 他們開心!! 我覺得特別的地方是, 咕嚕肉的肉質嫩, 皮薄及脆! 同一般的整件油炸的硬硬的, 很不同。樟茶鴨好吃在於瘦肉無肥膏, 很爽口!! 我想是餐廳用料講研才有此效果!! 大家如下次帶鬼佬朋友來, 一定要叫此兩款, 鬼佬一定LIKE!!!不講唔知, 我個姪仔原來識得餐廳的老闆, 我剛看到報紙見到詠藜園推出盲人餐牌, 有我姪仔個樣，我問他, 他話原來老闆娘楊太個人好好, 一直幫他們的盲人會很長時間,成日捐米及月餅給的盲人老人家， 而且很低調唔話要個會要特別鳴謝她! 今次個餐可以發聲的, 用一支筆一點說講個菜名, 有廣東話及英文都有! 我的老外朋友覺得這間餐廳好味同埋好有心! 值得推介!!

是大約幾個月前的事了.當時想在紅磡吃晚餐,來的時候差不多6點左右.由於來得早,所以都不用等位置.我之所以來這家,都是聽別人對她的評價不錯.店內的裝潢很有中式高貴餐廳的感覺.菜式都挺多,適合一家人,一班朋友來吃, 因為她的小菜的份量都不少.這次就選了一個宮保雞丁,雞絲粉皮,還有改良版版擔擔面(辣).宮保雞丁做得不錯.雞肉煮得適中.而雞絲粉皮,喜歡的人就會覺得很好吃.而對我來說,我是第一次吃的.感覺很特別,但不過算不算好吃.(和其他地方比較的話).個人感覺就覺得還可以的.最後一個是改良版版擔擔面(辣).這個辣只是帶一點辣.不能吃辣的人也可以試試.我覺得有一些辣總比沒有辣的好吃.哈哈.除了一點辣,就有強烈的花生味.味道都算可以.總括來說.這幾道菜都尚可,不算很好吃,但都不難吃.下次有機會.會再試其他菜.

擔擔麵唔駛$30一碗，咁有名氣賣得平過出面街邊啲雲吞麵，真係抵食 -- 麵質彈牙，唔會渌得太林，湯底亦都好正，花生醬料味道適中，不過如果肉碎就perfect。另外，醉雞亦同樣好食。酒香閒起上黎好吸引，但食落口又唔係好重酒味，唔怕奪起雞嘅肉味; 雞肉亦同樣出色，雞皮同雞肉都好嫩滑，值得再試

大夥兒到達餐廳門外見難得這天等待的人不多而且立即有位，喜出望外。八寶鴨表面炸得很香脆，肉質鬆軟，減輕了鴨酥味，可惜因為比較油膩味道沒太大的特別只因為是拿獎的菜式一試無妨。糖醋骨則太甜太濃沒有骨香，粉團有點炸得太過味道一般。水煮牛肉十分惹味香辣的牛肉很有彈性嫩口不難咀嚼。乾扁四季豆味道偏咸肉鬆的份量頗多。很想食的擔擔麵很不錯新鮮的麵條沒有丁點酸味，麵質彈牙湯底味濃。 蟹肉炒蛋白很嫩骨。清淡的雞絲粉皮和香濃的花生醬混和後十分突出。鎮江骨限期推出，十分出色剛炸起的排骨和鎮江醬料配合得很好酸甜蜜美放在透明的玻璃碟上十分精緻。小龍包的麵粉有點厚實，不太香的豬肉涵和湯一般。紅油抄手醬料惹味，可以一試。改良擔擔麵加了免治豬肉很濃郁比原來的更香但亦比較油膩。前菜十分讚酸菜和香脆花生和一般食市不一樣，有心思驚喜!