詠藜園四川擔擔麵

營業中

休息中

無汁好難食。。。京醬肉絲好油好漏。。。。。。素菜肉絲炒年糕賣相味道一般。。。。。。唔錯係個豆沙窩貼，熱上，豆沙多！可能18.00嚟到，好冷清，係入面行咗一圈先俾人見到

在競爭的環境下，這裡人氣已大不如前，不過仍要等位。點左幾樣野，已逐一上載照片並附加說明。整體上，味道都對辦，而且份量唔算細，但同以往比，唔再食得出誠意。唯一想特別講下，係個雲吞雞，都叫做有人拆雞上碟同分湯，可惜雞肉多但雞味不夠，而且有D「鞋」口。十分希望呢度D師傅快D重震聲威，否則，這裡的沒落是可預見的。(寫得狠一點，希望此店加油!)

因買左團購所以要再來,多次去幫襯都唔錯,做團購就將貨就價.叫左:擔擔麵,金獎雲白肉,酸辣湯,蒜茸有機棠菜,生煎包,南瓜黃金餅.擔擔麵:可選辣度,好重蝦乾味鹹香野味,有小小肉碎.必食之選.金獎雲白肉:得平時食嘅1/3,又乾又嚡,用急凍肉做唔新鮮,完全唔得.酸辣湯:酸辣味濃,好重味又野味.蒜茸有機棠菜:粗嚡淡味,唔新鮮.生煎包:又油又唔熱皮又厚,唔係即叫即做.南瓜黃金餅:普通.整體:將貨就價,真係貨真價實.

同朋友晏晝試下呢間老字號詠麗園, 門面紅色大門好有大陸古式古香既感覺, 入面就好有酒樓隔局, 坐位比較寛敞舒服, 同FRD 叫左個二人餐西芹雞柳, 雞柳算滑, 正常, 冇特別炸曼頭: OK, 炸得算脆, 裏面既麵粉密度偏高筍絲: 爽口, 醬汁OK, 偏咸擔擔面可以選湯底, 我地叫左一個原味, 同醬汁味醬汁擔擔麵就好似日本拉麵既甜豉油湯底甘係著重個豉油既咸味, 但我個人更喜歡傳統嗰隻, 充滿住花生香同少少辣味. 麵質方面比較鞋身但配落擔擔麵度又幾MATCH, 應該係最後先放個麵餅入去煮, 因為麵質密度高所以不易吸到太多湯底,所以湯底只係負責調味, 麵先係主角整體不錯, 可以試下個擔擔麵

詠藜園以往好有名.多次去幫襯都唔錯.做團購就將貨就價.叫左:酸辣湯,蒜茸有機棠菜,擔擔麵,金牌咕嚕肉,楊家小湯包,南瓜黃金餅.酸辣湯:酸辣味濃,好野味.蒜茸有機棠菜:粗嚡味太淡.擔擔麵:微辣,有小小肉碎,好重蝦乾味鹹香野味.金牌咕嚕肉:粉太厚太硬,冇肉味,個汁還可以.金楊家小湯包:隻隻爆底,乾曬汁,肉質粗嚡有雪味.南瓜黃金餅:普通.整體:質素一落千丈.

是日與家人一同來到這家四川菜館吃飯，四川菜通常一般都既辣又油膩，所以我很少碰，不過難得一次就沒所謂吧。店內裝飾紅白為主，充滿中國風格，大部份都是大台，絕對適合多人眾餐。二話不說爽快點菜，先來的是飲品凍豆漿，豆漿清甜無渣，解渴一流。主食還沒到就先吃吃桌上的小吃，這碟醃菜既爽又酸，開胃可口，好吃。雞絲拉皮 $58Cold vermicelli with shredded chicken到中菜館吃雞絲粉皮是我的指定動作！雞胸肉、青瓜、花生醬。混合拌勻後就成一道簡單又好吃的菜式。擔擔麵 $25Sichuan flavor noodle麵有辣有不辣，價錢相同，我要了個不辣的，由於好久沒吃實在充滿期待，然而這碗麵也沒令我失望，好吃得我整碗都吃光光！湯底香醇質感厚身，而也一如圖所示的湯底油脂少得不見，湯料都不少，除了花生碎和肉碎，也混有炸菜與蔥花，麵條煙韌帶嚼勁，掛滿湯汁的麵條配上配料同吃實在滋味得令人難以忘懷。必吃之選！金獎雲白肉（辣）$68白肉每片珠度相約薄如白紙，白肉盡吸面上贊上的豉油與蔥花，入味好吃又不油膩，辣度不高，怕辣人士都可盡情大吃一頓。而這客雲白肉的敗筆之處就是肉質較乾口感較嚡，不過

係報紙見到詠藜園今年推出健康月餅,適合糖尿病人食用,且將售賣月餅的收益捐俾慈善機構,成件事好有意義。今日於黃埔開會,開會後到附近睇下有冇好野食,竟然俾我見到呢間餐廳—詠藜園,即刻入去試下,因平時食得太多集團式餐廳,食到厭晒,今次可以下新野,店面裝修幾靚,有宮廷的感覺。馳名擔擔麵, 小籠包, 蒜泥白肉,咕嚕肉同雲腿津白,我地掛住食,連一張相都冇影,HAHA擔擔麵: 價錢平,$28/碗,面底軟硬適中,充滿麻香和花生味,面湯好濃郁蒜泥白肉:唔會好油,辣辣地送飯最好小籠包:即叫即蒸,皮薄,咬落啖啖湯啖啖肉,肉又唔會好鞋,好好食,下次來一定要再叫咕嚕肉:酸酸甜甜好開胃,咬落皮脆脆地,且有肉汁,就算食到最後放涼左, 咕嚕肉都依然脆脆地,唔會厚粉雲腿津白:濃濃的上湯味,而津白心也吸晒上湯的鮮味,食落好鮮甜。

嘩勁呀， 去吃野巧遇朱經理，他推介我地試小籠包， 一聽諗住冇什麼特別，不過個friend 話試下， 埋即管試下。 朱經理過到來試下什麼是功夫， 幾將一隻挾起係一尺咁高跌落個碟度， 個包一都冇爛到。 我地嘩嘩聲， 呢d真係功夫， 平時係酒樓的小籠包一挾便漏汁， 呢個包皮可以做到柔度咁高，而且是很鬼透明， 殊不簡單。 我地又學下挾下再跌下來， 果真4隻都冇爛到， 包入面的汁液仲要多過平時果好多。 真係唔知有什麼秘方， 不過當中一定是磨皮同埋包的時候要很有功夫先得。 果真係有d功夫！

去了英國前，多年前在大磡村吃過擔擔面, 今次回香港一定要帶老婆去品嚐。香港什麼都變了，但我記憶中的味道仍在, 擔擔面用料、口感都是“古早味!” 最愛是面湯，有蔥的清, 花生的香。個人意見，吃擔擔面一定要有辣的!否則會失去原味! 說真的, 香港很多老菜館已經逐漸失去原有的味道和口感，詠藜園保持到,實在難得。一口擔擔面一解鄉愁，對我來這個英國燦是一種慰藉，而且價錢不貴，人均一百落樓都幾抵，下次返香港必定再來。

擔擔麵主要成分為麵、醬、湯，傳統的麵為上海白幼麵，麻醬要杰要香，至於要多辣哪種辣則隨個人喜好。按理翡翠享有麵和湯的優勢，但麻醬略稀。吃過最好的是新開時的夏麵館，要求湯醬分上，麵彈牙湯甘香不在話下，那四川豆辦粒粒可辨，麻醬有麻香，惜該店急速墮退，已於本人名單上無記錄。要數性價比最高者當屬詠藜園，價錢向為前二者之半，麵達翡翠水平，醬湯則有七成，然而幫襯黃大仙店居多。上星期因事深入紅磡，擔擔癮又起，踏出美食坊扶手電梯即受到詠藜園女侍高聲招徠，甫坐下侍應熱情地推介是日精選，又不斷給予意見，被陌生人打擾與家人聚會感覺不佳，故先點擔擔麵打發他們，再從長計議。麵不用三分鐘便到，看顏色沒不妥，夾起即感出事，怎麼換了像福麵的扁麵，彈牙不再，麵香不復，醬稀湯平凡，連招牌也保不住，再怎麼殷勤的招待都沒有用了。

晚上9點去到黃埔，見到太興、茶木、Kitchen J都大排長龍，唸住轉場去第二度食飯，點知經開詠藜園嘅時候多口去問下阿姐，剛好有一張二人檯，即時二話不説入去幫襯。一坐低先自動上兩碟餐前小食，本來唸住都係 hea 下嘅小食，都唔慌好食，點知一食之下有驚喜，花生外皮香脆，酸菜甜酸度剛好，所以最後全部俾我哋食晒。點咗份醉豬手 $68 做冷盤，肉質爽脆份量足，廚師細心的切成一口size，使人食得舒服，個人認為酒味可以再濃d。主食原湯水餃(8粒) $43，水餃好味，難得水餃湯內有香菜及肉碎，提升鮮味，抵讚。改良擔擔麵(不辣) $35，點之前問侍應姐姐改良擔擔麵及擔擔麵的分別，原來改良版就多咗肉碎，所以我叫咗改良版。擔擔麵果然係招牌菜，麵條彈牙，湯有香濃花生及肉碎味，一齊食口感極佳，不可不試。楊家小湯包(4個) $32，皮薄而夾起時不會穿，可惜小弟食咗兩個湯包之中，第一個並沒有湯，而第二個只有極少湯，因而有點失望。

Friday night , 去黃埔睇戲，貪佢少D人，得半個鐘要快食入左呢間清湯炸醬麵--真係好清，湯底冇乜味，麵量足，夠熱招牌擔擔麵10分鐘到，賣相G00D，少辣，碎瘦肉不多，湯夠熱，味濃，麵靱靱地有咬囗不錯蝦醬通菜$58-貴左D，不過夠大碟，菜嫩，炒得剛好，但蝦醬味淡

詠藜園以往好有名.多次去幫襯都唔錯.但今次去到真係有小小今非惜比.叫左:擔擔麵,油豆腐,金獎雲白肉,五香牛肉粒炒飯,咸肉豆腐湯,高力豆沙前菜:酸菜野味又好味,炸花生香口.擔擔麵:微辣,有小小肉碎,好重蝦乾味鹹香野味.油豆腐:送嘅,雖然普通,但味道都唔錯.金獎雲白肉:失手之作,味有小小辣,肉太嚡又乾.五香牛肉粒炒飯:好清淡唔夠味,一般.咸肉豆腐湯:湯味香濃,鹹肉鮮香,豆腐香滑,可惜湯有沙,份量又減少.高力豆沙:又一招牌菜,豆沙香甜,粉唔太厚,味道可以保持.價錢唔平,質素下降.普普通通啦!

今日午餐來到黃埔，就想起去試下擔擔面和小籠包。中午時間都冇人排隊等位，有點奇怪，不過都入去一試。我點了豬骨粥丶春卷丶蔥油餅丶炒年糕丶小籠包丶擔擔面丶糖醋骨。豬骨粥好綿，一啖食落去⋯嘩好香果皮味，好正，不太咸，真係好好食！春卷係即炸，所以好熱，好脆。蔥油餅比春卷好食，夠多蔥，又熱又鬆化。炒年糕以為好普通，點知一食就知，好食！個醬油好野味，年糕彈牙，配合蔬菜同炒令成碟年糕變得不會太油膩。小籠包係侍應推介，一籠4個，每個的size其實唔細，唔係一啖一口，皮薄，內有肉湯，肉餡都不會硬實實，味道也可但不可以話好好食。擔擔面好老實講係普通至極，出面好多上海舖做得好食過佢，面質可以，擔擔醬毫不野味因花生醬和辣味也欠奉！糖醋骨好明顯是豬扒切條之後煮，糖醋汁還可以但唔出色，唔洗encore。

以前好喜歡到詠藜園，特別喜歡他們的擔擔麵和金獎雲白肉。始終因為交通不便，很久沒有去過，近排突然諗番起好想再回味一下，終於在復活節假期的起心肝長途拔踄的去黃埔詠藜園吃午餐。大約1pm來到詠藜園，店內只是大約半滿，不用等位就可以直接入座。點好菜，食物逐一上桌：擔擔麵 – 以前明明記得個擔擔麵好惹味，為什麼現在變得淡而無味？是因為我沒有選改良擔擔麵？但這碗作為普通擔擔麵，實在難以放在一家以擔擔麵馳名的餐廳的餐牌上吧！金獎雲白肉 – 強差人意，肉質好鞋，個汁無辣味，跟以前吃過的口味簡直是天淵之別。小湯包 – 一籠四隻小湯包，入面有兩隻是小乾包，一滴湯都無。清炒土豆絲 – 我還是第一次在香港吃炒土豆絲，首先刀工已不行，粗幼相差得都很厲害，最弊的是薯仔絲沒有很清爽，仍是平日一般薯仔的澱粉口感，未能做到炒土豆絲的精綷。這店真的令我非常失望，食物質素極不穩定，看到一籠小籠包入面已有兩個小湯包及兩個小乾包就知，另外我們又發現隔離枱的金獎雲白肉辣椒份量是我們的三倍，好明顯兩碟的味道也會相差很遠。所以，我想應該再也沒有什麼原因令我想再來了。