西貢街頭越南牛肉粉

營業中

休息中

整體野食還可以，d 河粉比其他野食好d，不過d 侍應個個唔想做多，好似驚死人叫咁，有個靚女侍應得個款靚，郁都唔想郁咁。唔想做就去選香港小姐，認真服務唔得。唔會想再幫襯。

今日中午諗住搵餐廳食飯嘅時候 行過克街 見到呢間餐廳門口有好多人 都拎咗飛係度等 見到有咁多人等 令到我都有啲想試下呢間餐廳 等咗一段時間 入到餐廳之後 首先係店員 店員服務態度親切有禮 之後呢個順化亦好好食 唔會太辣 啱曬我呢啲鍾意食辣嘅人 而肉質亦幾彈口 口感唔錯 總括而言 係一間好唔錯嘅餐廳

公司附近有間越南餐廳，經過望落好似幾光猛，見好耐冇食越南野就入咗去食晚餐啦～店員服務態度好，親切有禮👍🏻燒醋肉伴越南檬粉（奥巴馬粉〕$82湯底酸酸甜甜好開胃，檬粉滑脫脫又幼身而且好掛湯～燒醋肉半肥瘦，好邪惡🙈 份量適中～特色綜合牛肉粉 $82分別有生牛肉、牛腩片、牛肉丸，浸咗湯嘅半生熟牛肉，滑嫩而且牛味濃郁～ 牛腩片亦都好入味，口感軟嫩～ 牛肉丸就冇乜特別～湯底唔算太濃郁，清清甜甜～加埋辣椒同青檸汁更加清新👍🏻

門口收銀的壹個比較年輕的女性對說普通話的顧客態度及其不好，表示希望其用普通話或者英語溝通後完全不理會，而且顯示出極度的不耐煩，壹直各種無語的肢體語言我和我的朋友是不會再來了，當然這位女士估計也不在意希望店家可以管理壹下

一個人的晚餐昨日放工自己起灣仔到行下，唔知食咩好，見到間越南湯河專門店，就入去試下☺️入面裝修都幾有特別，晚算多人，性價比都高。我叫左一個河內蕃茄蟹檬 $78我覺得有驚喜，因為喺個餐牌度睇唔出原來個蟹係咁大，仲有好多唔同嘅配料，例如魚蛋、蕃茄、扎肉、碎肉蛋，真心唔錯。蕃茄湯濃，係用真蕃茄熬製👍🏻另外叫咗一杯話梅飲品酸酸地咁樣，幾開胃，唔錯😀總結：餐廳侍應態度幾好，環境唔錯。如果有機會都想試埋佢其他嘅嘢食，見到好多嘢食都好有特色，好吸引

今天在灣仔附近，路過灣仔克街6號廣生行大廈C及D座地下4-6號舖一西貢街頭越南牛肉粉，被店麵粉藍色富有越式的裝修特色吸引住了。餐廳從越南西貢引入傳統的街頭味道，當中不僅有香脆燙口的家鄉小食、清爽開胃沙律、味道豐富的米紙卷、海鮮等，還有國際代表性的PHO，越南美食應有盡有。招牌綜合牛肉粉是必食的，湯底清甜少油，有牛丸，生牛肉、豬肉、芽菜、洋蔥、蔥、青檸、辣椒和薄荷葉等，真材實料，薄切半生熟生牛肉片，肉色鮮紅，肉質軟腍，3粒牛肉丸，牛肉味濃郁彈牙，夠水準。椰青，清熱解暑，有益身體健康！

近排冇咩胃口，想食啲開胃啲嘅食物，今日剛好路過灣仔西貢街頭越南牛肉粉，決定一試越南菜開開胃，店內裝修十分企理，柔和燈光坐落舒適。打開餐牌，選擇夠多，湯粉，撈檬粉，飯類，法包、串燒等一應具全，就連小食都有多款選擇。綜合牛肉粉，湯底濃郁少油，有生熟牛肉、牛丸，芽菜、洋蔥、青檸、辣椒和薄荷葉等，生、熟牛肉各半，肉質嫩滑，份量較大，牙菜爽口，河粉彈牙，倒入酸甜汁，攪拌一齊食，非常開胃✌🏻。越式炒金邊粉，配有雞絲、扎肉、牙菜、蛋絲、紅蘿蔔青瓜絲等，足料夠鑊氣。餐廳位於灣仔克街，交通非常方便。

本身想食嘅餐廳無開，就求其附近搵一間食，見佢門面幾新淨所以入去。我哋入去嘅時候接近下午兩點。因為天氣好熱坐低之後抹汗整理下自己先。Menu都未開就有個著制服嘅女人過嚟問我哋食乜嘢，我哋話未睇。過多1分鐘個女人又過嚟催我哋落單，見佢係咁催我哋就求其揀，然後猶豫緊飲咩嘅時候佢就話落咗食物先飲品再決定。。我哋好疑惑點解要係咁催，又唔係落場時間又唔係多客？食物未到聽到隔離枱同佢拎下午茶Menu，我一望終於明點解。下午茶Menu同午餐一模一樣但價錢差好遠。。其實生意唔係咁做㗎囉！唔緊要，嗰$40我哋豪俾你，諗住午餐應該大份啲。。點知個$8x嘅咖喱牛腩飯好細，男人一定唔夠食。我碗粉麵嘅size ok但味道好普通，幾隻小蟹鉗完全唔得囉！本身都當自己黑仔，至多冇下次。點知俾錢嗰陣同一個女人啲態度又係差到不得了，真正嘅貼錢買難受！

外賣自取落單之後，本來寫6:33分就到，點知等到6:45，咁樣大熱天時，我問可唔可以喺入邊等，一邊非常之空曠，亦都唔係好多人喺入邊坐，大把位，佢就堅持喺出邊等，好啦算我叫咗三個越南檬粉，牛肉越南檬粉、香茅豬扒越南檬粉、串燒越南檬粉，加一個牙車快沙律，一杯凍㗎檸檬紅茶走甜全部越南檬粉，俾咗個米粉我。女朋友其實唔食得米粉，食完就一定會反胃胃痛。都唔知係咪因為越南檬粉比較貴，所以要喚做米粉？😀嗰個檸檬紅茶，係超級甜。我已經喺外賣程式嗰度寫到明，係走甜少冰。非常難飲，成杯倒咗

接近兩點去食個lunch，一坐底就問食乜，都覺得奇怪，大佬，我岩岩拎個餐牌都未開，睇都未睇，點知食乜？再睇多兩睇，又行過黎問，其實我哋未決定好但佢係咁催就嗱嗱臨落order，佢逼我哋落咗嘢食先，話餐飲慢慢諗。嗰個時間唔多人而佢哋又冇落場，我哋好奇怪點解要係咁催。到有人問佢哋攞下午茶餐牌我哋終於知道原因，原來我哋遲多1分鐘就會到下午茶時間(下午茶同午餐餐牌係一模一樣，只係價錢唔同…我哋遲多1分鐘落單餐飯就會平$40。）好耐無見過咁老土既銷售手法，其實本身都算，幾十蚊當豪俾佢，最多買個教訓無下次姐，最差係基本禮貌都無，係咁催落單不特止，連埋單個態度都衰，我用apple pay埋單，有時㩒左出黎都好，感應唔好都要㩒多次，咁佢叫我㩒多次既態度都衰過人，加埋最尾一樣咁衰既態度講句”唔要單啦可”，都諗唔明點解咁簡單既野都語氣都衰到咁，P.S後面無人排隊唔係爆場，我都無阻佢時間。喂！我無踩親你條尾，仲要俾你剁左幾十蚊，愈諗愈唔對路，真係要打個食評上黎報告，間野不過不失，一定唔係算好食，如果想去受下氣可以試下，睇到之前既食評話呢間野澳牛態度，我想講本人食過幾次澳牛，態度都一定好過佢！

今次係我第一次食呢間，因為本身唔係好肚餓所以淨係叫咗個牛油果軟殼蟹米紙卷諗住試吓，一打開個賣相已經好吸引，所以點都要影張相打卡，軟殼蟹都炸得好有水準，個皮仲要好薄，下次一定會再食其他唔同嘅嘢😍

今次唔係第一次食，之前一次嚟食都已經有大半年前，印象之前幾好，所以再一次同同事嚟食lunch,同事叫左牛肉牛腩河，我叫咗生牛肉金邊粉，味道好一般，得個咸字，啲湯唔熱，食完碗粉啲牛肉仲紅紅哋，侍應態度仲差過澳牛，由一入嚟已經西口西面，叫拎杯熱水叫第4個侍應先肯拎俾我哋，重要大力放落檯面，其實唔想服務嘅就唔好收加一服務費啦，最好笑係同侍應講返啲湯唔夠熱，牛肉唔熟，佢回應話咁你下次叫全熟啦！吓，仲敢有下次？

第二次嗌，影相嗰時已經食左一半🤣雞絲扎肉河餸同河都係多到食唔曬，小食拼盤樣樣都有三至四舊，豬肉棒同春卷都好香！牛尾一樣大大舊非常入味，法包點汁更加正😻千層糕好煙靭仲好有彈性，三十幾蚊真係抵到不得了，必嗌🫶🏻外賣都不失水準👍🏽

今日黎美食展先醫下肚先搵到呢間越南野見COMMENT好好就黎試下呀點左(估唔到假日都仲有TEA SET)~牛肉河朋友點既個粉既份量都幾多呀黎到牛肉呈粉紅色要浸下湯整熟DD朋友話整體幾好呀~豬扒河豬扒係另上既仲要切好晒加晒蔥油賣相真係好不錯TEA黎講算好好了河粉同樣係好大碗~追加炒菜雖然只係追加但唔HEA呀菜都夠靚仔呀

無論咩季節食返碗酸酸甜甜嘅越式撈檬都係最佳選擇，呢間餐廳出名大件夾抵食， CP值超高。我呢個係香茅豬扒撈檬，醬汁、青檸檬呢啲正常發揮已經好好食，加上佢嘅配菜特別多，食完都覺得健康咗！😂最緊要係豬扒好多舊，又有炭烤過嘅香味，幾肚餓都夠飽。