西貢街頭越南牛肉粉

營業中

休息中

今天去灣仔越南領事館做文件，路過Pho Saigon，因為很久沒有去越南出差，滿期待著吃一碗西貢牛河，就第一次進店光顧。店員的服務欣勤，態度很好，但所謂的招牌牛河的水平很低，湯是一碗用濃味精泡制的湯底，喝了之後一整晚也很口渴、牛肉質素一般，是類似吉野家牛肉飯的薄牛肉片，味道可以、餐飲order了普通熱檸茶，有兩片薄西檸，但熱茶好似係茶餐廳免費供應的茶咁，我喝了一啖就算了，放低咗冇再飲。這家店可以不光顧了！

誤打誤撞撞咗入嚟貌似連鎖快餐店,所以冇任何expectation (啱啱check番,原來得一間)米紙卷夠煙韌,芒果好fresh,軟殼蟹又夠大隻,開咗個靚頭冇諗過個炒金邊粉係咁嘅色同咁嘅樣食第一啖已經大WOW咗出嚟,極度煙韌又惹味,冇得輸,最重要係食極都仲有😂蝕底在冇乜餸jack呢個濱海東東幾有趣,有啲嘢拆下疊下點下咁,玩完玩罷,食落去又好夾喎鹹鹹哋加埋啲酸嘅汁又係開胃嘅菜但係牛肉呢就乾得有啲可憐 味道：7/10 Phò Sài Gòn 軟殼蟹米紙卷 $56炒金邊粉 $106香茅牛肉伴濱海 $108 📍灣仔

已經係第二次同大少食呢一間越南河粉。上次都冇寫到食評，今次補返。天氣咁凍，我梗係食暖笠笠嘅生牛肉河，反而大少就叫左香茅豬扒飯。我竟然餓都連碗河粉都唔記得影相，就已經食咗啦。生牛肉仲係粉紅色，有牛肉味，河粉反而偏林，爛咗少少，湯底夠味，唔太多味精。加埋辣椒絲，又熱又辣，暖胃嘅感覺，正👍。大少嘅香茅豬扒飯，上面有蛋餅。我都係第一次見，豬扒飯上面有蛋餅個配菜。大少話味道ok.午餐跟餐飲，我哋一齊叫咗熱咸金桔。味道好潤喉。天氣咁凍，熱咸金桔🍊真係值得推介。

29/12/2020 晚餐叫外賣，被店員老點！首先，用電話落order只有10% discount off, 女店員提議用Food Panda落order, 如超過$150 有20%off, 送埋上門，仲好啦！立刻轉用Food Panda, 到最後confirm order, $1 discount都無，還需要pay $5 delivery charges. 即時用網上客服問Food Panda, 為何無20%discount? Food Panda回覆，從來無收過此店有這優惠！Call back餐廳，原來用Food Panda 是無20%discount off and 落咗order亦不可 cancel, 問店員怎辦？店員反問： 咁現在想點吖？本人回覆： 算吧啦！ 請繼續我地既order, 無謂cancel, 已將近晚上8:30了！總共order:西貢春卷$48 (4 件) ~ 其實將兩條切開牛油雞翼$56 (4件) ~ 可接受酸辣鳳爪$68 (8 隻腳指) ~ 份量小到不能接受牙車快沙律$72 ~ 份量只有1/3 盒，小得離譜越式炒金邊粉$106 ~ 過鹹 &

這餐廳坐得好舒服，招呼也什好。我們點了生牛河及豬排河，兩個小食春卷及鷄絲椰菜沙律。全部材料都好新鮮，味道及賣相都一流！埋單$160兩個人，好底食！這家是我們食過最好的越南菜。

呢間越南🇻🇳河粉專門店，每天都人山人海，想食嘅話真係要等等，裝修設計尚算新派，午餐🥣選擇多，又夠經濟，簡簡單單吃一餐，唔夠喉仲可以加配小食🥢———————————————————————————🥢綜合牛肉河🍜🐮➕☕️💬 既然係招牌當然要試一試佢個湯底，香濃而不鹹，亦唔算油膩，有生牛肉、牛腩、牛丸，加埋青檸同辣椒🌶️，整體來說賣相同味道都算是水準之上😌.🥢香茅豬排湯河🐽🍜➕🍹💬豬排另上，唔會浸淋，兩大塊夠Juicy💦，大大碗幾抵食😅

越南牛肉河，好耐無食過了。由於咩都想試吓，所以叫綜合牛肉粉加椰汁冰。同預期差唔多，正常水準，牛肉粉都係偏油膩，椰汁冰可以解一解膩。牛丸偏細粒，牛肉都ok嘅，以男士角度，就河粉少咗啲啦，如果份量上多返少少就好啦。

西貢街頭越南湯河粉 今日太忙未有時間食 LUNCH ， 聽說這間 TEA SET 份量性價比高，來試一試生牛肉湯河粉$42tea set 份量真係一d 都唔少，當我見到碗生牛肉河粉放在面前時，的確眼前一亮！我食過好多間越南餐廳，都是七、八成熟上菜，而這一間有好多生牛肉，可將生牛肉浸至個人喜愛嘅生熟程度。我喜歡吃生d，所以放係面頭。湯底有好濃牛肉味，配上洋蔥、羅勒、蔥花、蒜片，令湯底又鮮甜又FRESH ! 咖喱牛腩配白飯$52朋友叫了一個咖喱牛腩飯，咖喱重香料味，唔太辣，好香，惹味；牛腩唔肥啖啖肉，肉質嫩滑唔係鞋口！ 特飲咸柑桔水不用另外加錢就可以飲到 ! 見到隔離枱小食賣相唔錯，可惜已經好飽，下次來一定要試下 

This is my go to restaurant when I am craving really tasty, authentic, very well priced Vietnamese, especially for Hong Kong. Their Pho as well as Spring Rolls are well above par. My favourites are the Lemongrass pork and the best Egg Coffee that I have had outside of Vietnam.Great service as well. Always friendly!

相都冇心機影☝🏾似係用個鑊剷求其將啲飯倒上去咁，豪無美感，飯都冇乜味，蝦肉有點霉，菠蘿肉唔係粒狀，係一大個菠蘿橫切面連芯上碟，叫我如何是好？以為用殼裝住就叫菠蘿炒飯？華麗嘅背後其實隱藏住個真相，欲知事後如何，請看到最後分解牛油雞翼冇牛油味，姐係冇乜落牛油，姐係少油，食得健康好滋味🙃你叫我情何以堪？炸粉皮好「un」，雞肉都滑但有少少🤏唔熟。唯一得呢碟餸叫正常軟殼蟹一啲都唔軟，炸粉厚過乜，仲要放左好耐好「un」，完全食唔到軟殼蟹嘅味，似係食緊塊炸皮多啲。建議改名「un皮芒果米紙卷」然後食到最底....☝🏾😶☝🏾矇騙左眾人嘅眼光，建議改名「欺詐之菠蘿飯」.咁就食左288...服務唔係好，價錢唔算平，份量又唔多，真係諗唔到點解要食第二次，連落單侍應都係有啲語無倫次⋯⋯見食評又話咩正宗越南菜，用心之作等等..完全食唔到有咩越南風味。我煮印尼撈麵都煮到出神入化，咁我可以開印尼餐廳啦，係咪先🤗.認同請分享👍🏿

吃過三次了，第一次吃生牛肉河粉，湯頭味道不錯，牛肉好吃，不夠味的可以自己加辣椒，另外還吃了裝在罐子裡的蛤蜊湯，滿特別的味道也ok，雖然有點小貴但第一次整體感覺很不賴👍🏻第二次，吃了另外一個負評也有說的咖啡豬軟骨，真的肉超硬超不好吃👎🏻第三次，想說點個之前賣完的烤魚，菜單上寫製作時間20分鐘，no problem~其他東西上來，我們先吃，一直吃到所有東西都來了，魚都還沒來，而且魚是我的主食⋯餓到我只好先跟老公合吃一碗他的河粉。這時離我們下單時間已經過了半小時，之後請店員幫我催一下廚房，店員回來說「再10分鐘」，ok好我等～10分鐘過後，還是沒東西上來，我強烈認為剛剛根本是忘記做！再問一次店員「魚好了沒？」店員又進去了，出來兩手空（我一點都不意外）只說「快好了，要有了」不好意思但我們已經等了double的時間，所以直接說不要了，結帳的時候，看似是經理的人，也沒先道歉，只忙著跟廚房說「客人的魚不要了不要出餐」🤷🏻‍♀️建議店家可以更改一下等待時間，20分鐘出不了菜就請改40分鐘，thxs!很可惜，看來是疫情降溫，生意一好，服務水準就無法維持了，🤷🏻‍♀️突然想到，前兩次吃都還是疫情比較嚴重，所以

我1:58pm 入座，問侍應下午茶幾點開始，佢回覆2pm 開始，好，咁我等多陣la。到2:04pm 我再確認可以下單未，佢竟然回覆下午茶要到外面排隊，態度都唔算好🌝。當地問個個都唔知去左邊。算，個少少$ 當豪俾你，照叫lunch set, 試下有幾好食，反正肚餓。食左生牛肉河，味道只係普通，牛肉多筋，隋河既青檸唔新鮮，唔知放左幾耐，完全揸唔出汁😂湯頭正常，但應該都有放味精之類，因為食完會口渴。份量ok, 都夠飽。香港既越南河都好多選擇，其實都唔一定要食佢，連鎖既錦麗都比佢好。$58 仲要加一，唔知俾左d 咩服務，絕對無下次。

又係超額完成點貨嘅一日，每次點貨長時間行行企企，體力勞動都唔少，當然要食好啲、食多啲啦，補充體力啦！灣仔克街係美食小巷，見到呢間”西貢街頭”食越南菜，款式都幾特別，而且網上評語都唔差，決定一試。每間餐廳嘅人龍都唔算少，不過，一個人的午餐嘅好處，就係易揾位。上openrice睇到呢間越南餐廳，熱門推介係雞蛋咖啡，點知set lunch冇得飲，就點左滴漏咖啡☕️，另外，主食就叫左西貢豬扒撈檬，都幾係岀名之一。西頁豬扒撈檬 $62豬扒賣相已感覺好香脆，食入口脆脆地又好junicy，淡淡嘅香茅，令豬扒嘅味道大大提升，而且大大塊、厚厚地、啖啖肉。我落咗越南酸甜汁，加埋青檸汁撈勻，酸醒甜甜幾開胃。滴漏咖啡 跟餐加$12上面係沖好嘅咖啡，再經過中間層濾網，而滴漏咗咖啡嘅精華，一開始以為係齋啡，原來杯嘅底有些少奶，唔係飲開咖啡嘅我，都入到口。小總結: 價錢唔算好便宜，不過，食物質素一啲都唔欺場，豬扒大大舊，又junicy多汁，撈檬一流！滴漏咖啡加$12有點貴，不過，我覺得都值得，滴漏咖啡過濾咗純潔，味道偏苦，咖啡味又夠岀，咖啡迷必試！

除咗日本菜同韓國菜，越南菜都係一個我哋好鍾意嘅外國菜系，食到一碗熱辣辣又好香濃嘅牛肉pho真係好幸福架！不過，想喺香港食到地道嘅越南菜都唔容易，而呢間位於灣仔嘅西貢街頭越南牛肉粉，夠地道而味道都唔錯喎！香脆炸蝦餅同平時食開嘅蝦餅唔同，呢個香脆炸蝦餅嘅表皮好有層次，炸到脆卜卜，外脆內有好香嘅蝦味，彈牙香口！生牛肉湯河粉食越南嘢，當然唔少得越南粉啦，熱辣辣嘅越南粉，湯底清香，生牛肉嘅份量好多，用滾湯焯熟，生熟度啱啱好，肉味香濃，又夠軟腍。而河粉幼滑，好好味。香茅豬扒撈檬A姐話今日無咩胃口，所以就叫咗個撈檬！檬粉配上自家製酸辣醬汁，又惹味又開胃，而A姐話要加埋是拉差香甜辣椒醬，就更加滋味。配菜有蘿蔔絲、青瓜絲、花生碎等等，食落好有口感。而香茅豬扒大大塊，加上蔥油就更好味喇！（記住Like同Share畀朋友）By A姐M佬 玩樂日記

同男朋友行完山，搭叮叮，去到灣仔搵嘢食～～想食啲湯麵類嘅嘢，所以揀咗呢間越南餐廳。雖然位置喺巷仔裡面，但鋪頭幾大，座位都闊落。叫嘢食啦，今日行咗山消耗咗好大能量，就叫咗一隻燒雞、一份小食，同一碗粉share食。唔係講笑，個牛肉湯粉超大碗，好彩淨係叫咗一碗，個碗有我2-3隻手掌咁大！如果一人一碗肯定食唔晒！軟殼蟹米紙卷，係畀menu幅相吸引咗，軟殼蟹脆卜卜，加埋芒果酸酸甜甜，幾開胃的。最後燒雞上場，勁香啊！可惜切開裡面未熟晒。叫店員幫手整返熟啲，都好肯幫手嘅！雖然之後又整得熟得滯，有少少鞋，但味道係好味嘅！